عنوان الموضوع : تبغي تزيدي بياض عيونك؟تعالي معي" - جميلة
مقدم من طرف منتديات نساء الجزائر

تبغي تزيدي بياض عيونك؟تعالي معي"



بنااات انا من زمااان نفسي القى القطرات اللي تصفي العين وتخليها بيضا وفيها لمعه حلوه مثل الفنانات

واخيراً لقيتهاا وهذي تجربة وحده من البنات في منتدى ثاني

______________________________ _________________


انا هنا جايبتلكم قطرتين على مسؤوليتي وضمانتي وانا بنفسي مجربتهم ولا زلت استعمل ريفريش بالذات

اول وحدة اسمها ( refresh plus ) ماركة طبية ومعروفة وتباع بكل الصيدليات سعرها على ما اعتقد حول 24 ريال بس وتنباع بمعظم الصيدليات

هذي صورتها




المهم ....هالقطرة يجي منها انواع كثيرة وتختلف لون الكرتونة ( مرات فيروزي – اخضر – كحلي ) لكل عين اللي يناسبها وانتم اسالو الصيدلاني أي نوع يناسب عينك وطبيعتها سواء احمرار او حساسية او بس حابة تصفينها وتزيدين لمعتها ..... يجي منها كمان نوع خاص بالعدسات ...يعني لو حاطة عدسة تفيدك كثير فماتحتاجين تشيلين العدسة عشان تستعملي القطرة ....لا .... بكل سهولة تستعمل والعدسة بالعين عشان ترطب بسرعة وتخفف الاحمرار والحكة وخاصة الجفاف اللي يجي مع لبس العدسات .

انا وصف لي الدكتور هالنوع لون علبته فيروزي (صورتها لكم فوق ) وهو مناسب لعيني .... وقبل كنت استعمل الكرتونه الكحلي... عموما كلها مرطبة ومافيها مواد ضارة او خادشة للعين ..... اطباء العيون طايحين بهالقطرة بقوووة وكل مرة اراجع فيها مستشفى او اعمل فحص لعيوني كل دكتور يوصف لي قطرة ريفريش مع باقي الادوية .... هي طبعا مو علاجية بالدرجة الاولى ...لكن مثل ماهو مكتوب على العلبة انها مرطبة ومعقمة للعين وكمان تهدي أي انزعاج او حكة .

لاحظت عليها تلمع العين .... تصفي .... بعد التعرض للغبار او عند حصول أي لطشة او اصابة عارضة لاقدر الله بالعين ......حلوة تستعمل قبل المكياج ...... وكمان بعد تنظيف الوجه من المكياج والكحل.... استعملها مرات لزوم تنظيف لداخل العين على السريع قبل النوم .

يمكن استعمالها 1-2 مرات باليوم . ... ومثل ما انتم شايفين ماتجي علبة وحدة ولكن كرتونة وفيها عبوات صغار كل عبوة استعمال واحد وتترمي او ممكن تفتحي كل يوم وحدة وتستعملي نقطتين بكل عين ( والله مرات ازيد عن نقطتين والحمد لله ما اثرت على عيني بس انتم احتياطا تقيدوا بالتعليمات ) وترجعي تقفليها بنفس الغطا .....بس تحفظ ليوم واحد فقط ولاتزيدين حتى لو بقي فيها كثير ارميها .... العلبة بعد فتحها ما تسوى نرجع نستعملها بعد مرور اكثرمن 12 ساعة على الفتح . ويفضل كل يوم تفتحين علبة جديدة .

الكرتونة فيها 30 عبوة صغيرة تكفي لشهر . .. وزيادة ومو شرط تستعمل كل يوم ( واسالو الصيدلاني عن اقصى مدة يمكن استعمالها خلالها ...لان الطبيب عطاني لمدة شهر ..... وقال بعدين وقت اللزوم فقط ....وانا ما استعملها كل يوم ....مرات بس )


القطرة الثانية اسمها ( eye lite ) لشركة تجميل معروفة اسمها Mavala

هذي صورتها



طبعا هي بس فايدتها انها تبيض العين ...... يعني عينك حمرا ومتعبة بعد سهر او لبس عدسة او بكاء (الله لايجيب الاحزان ) .... استعمال هالقطرة يبيض العين بياض ناصع في اقل من 3 دقايق ... والاحمرار ...بححححححح خلاااااااص مختفي والعين مرتاحة وبياضها صافي وبدون شعيرات دموية واسعة او عروق باينة .

طبعا مالها ضرر باذن الله واستعمالها مقتصر بس على وقت الحاجة ..... ومو كل يوم .. لا ....فقط وقت الحاجة ....وساعات قبل المكياج والسهرة بس لتعزيز بياض العيون ....مانزيد عن نقطة بكل عين وبالكثير نقطتين والا انقلبت العين بدل البياض بيطلع لون ازرق ....لان القطرة زرقاء اللون .... ( لها اسم متعارف عليه واللي هو القطرة الزرقاء )

سعرها على ما اذكر بالعشرينات وان غليت كثير فماراح تتعدى 30 ريال
القطرة تجميلية ولا تباع بالصيدليات .... المحل الوحيد عندنا بالسعودية واللي لقيته بايعها هو محلات ومعارض قزاز للعطور ومواد التجميل ... بالقسم الخاص بمستحضرات مافالا التجميلية .

الخبر اللي مو حلو ....هو انها غير متواجده حاليا للاسف ....اخر مرة من كم شهر سالت عنها وقالو خلاص بطلت ماعاد تجي عندهم ...السبب ؟؟؟؟ .....الله اعلم >>> بس ما يأست لسه كل مرة اروح لهم اسال عنها .



اما بالنسبة لقطرة بريزولين (اعتقد كذا كتابتها ) ما تنفع .....مااااااااااااااااا تنفع .... وخطيرة جدا على العين
وصفتها لي الدكتورة مرة وبغت تطلع عيني ( للامانة ماكانت متخصصة عيون ) ...
استعملتها بس لعين وحدة ومن اول استعمال سببت مثل الجحوظ الغريب للعين واللي يشوف عيني وقتها يحس كانها بتطلع ( اصلا انا خفت من شكل عيني بالمراية ) تخلي العين مبحلقة بقووووة شوي وتنط من راسك ...والله كنت كاني اهدد احد او اتوعده ببحلقة عيني >>>>> لو حطوني ساعتها بفيلم رعب ما اشره عليهم خخخخخخخخخخ

.... ذا غير انها متعبة للجفون وتعطي شعور بحرقة وحكة جوا العين .... المهم الصيدلي وباقي الدكاترة اختصاصيين عين بالمغربي نصحوني اتوقف عنها وغير كذا واحد منهم عصب لما عرف ... وقالي خطييييييييييرة على العين . ( صح لسة تنباع بالصيدليات ...بس كلام الدكاترة انها خطيرة على العين ...مو كلامي ) ومن تجربتي معها اقول هذيك سم مو علاج . ....


واخيرا حبوباتي ...... دعواتكم .....وهذا كل اللي عندي عن قطرات العين واتمنى انكم استفدتو منه...

منقول لعيونكم الحلوة.
للامانة الموضوع منقول

>>>>> ردود الأعضـــــــــــــــــــاء على الموضوع <<<<<
==================================


الله يعطيك العاااااااااااااافيه ماقصرتي على النصيحه الحلوه وانا طايحه في هالبروزلين بقوه


__________________________________________________ __________


__________________________________________________ __________


__________________________________________________ __________


__________________________________________________ __________