عنوان الموضوع : تجهيزي لعرسي كافي؟؟ حسب خبرتكم طريقة جديدة
مقدم من طرف منتديات نساء الجزائر

تجهيزي لعرسي كافي؟؟ حسب خبرتكم



السلام عليكم

بليز بنات انا ماعندي احد يجهزني والله ترد علي الله ينولها اللي ببالها ويرزق الجميع بالزوج الصالح والذرية الصالحه
عرسي بدايت شهر 6 وانا كويتـــــــــيه

ومهري 6000 يعني يدوب يكفي (الله يبارك لي فيه)

والحين مسوية لي نوت كاتبه فيها احتياجاتي


بدلة العرس من ....... عواطف الحاي
الميك اب والتسريحه ....... انتركونتيننتال
المصوره غالين علي حيل بحدود 700دينار


كم طقم ذهب اشتري؟
كم قميص نوم؟
كم دراعه؟
كم بدلة للبيت؟
كم بدله لزوم الشياكه؟



جاوبوني (:

>>>>> ردود الأعضـــــــــــــــــــاء على الموضوع <<<<<
==================================


هلا حبيبتي

بالنسبة للذهب حسب اذا عندج وايد من الاول اشتري طقم كبير وثقيل يكون فخم وانصحج تروحين المبرقعة اللي بمجمع
النقرة عنده موديلات عجيبة وغريبة وماتتكرر عند احد ثاني .

واشتري 2 او 3 اطقم ناعمة مابين ذهب اصفر وابيض ....وخواتم بروحهم وقلبين تغيرين فيهم وطقمين اساور مع خواتمهم

وبالنسبة للدراريع الفخمة روحي السفيرة اللي بمجمع سلمان الدبوس بالفروانية عندهم شغلات راقية والمحلات اللي يمهم
بعد .

اخذيلج 4 دراريع كشخه نوعي بالوانهم وموديلاتهم .

والاكسسوارات انصحج بمحل اسمه كوين بالسالمية اللي بالسوق اللي عند المطافي القديم ....بنفس الشارع اللي

فيه مجمع العنجري طبعا قبله فيه محلات مال ملابس وساعات اتحصلين لافته مكتوب عليها كوين للاكسسوارات تطلعيله

فوق بدرج وعنده شغلات روعه حق شعر واكسسوارت وجنط كل شي وباسعار وايد رخيصة والحين عندهم خصومات بعد

بالنسبة لقمصان النوم اخذي 8 او10 ونوعي بين القصير والطويل والضيج والشفاف والساتان الخولملابس الداخلية اخذي من لاسنزا وانور والطاهر ولاتكثرين وايد لانه انتي راح تتسوقين بعدين

اخذي الاساسيات عشان المهر يكفيج .

روحي محل نارما سنتر والجوهرة عنده ملابس داخليه حلوة واسعرها جدا معقولة .

وبالنسبة للبيت اخذي بجامات حلوة سكسية ودراريع ناعمة شغل دانتيلات وملابس فنكية يعني شورتات وبديات كت

روحي خان الخليلي السالمية وبتحصلين عنده هالسوالف وايد .

واخذي 5 او 6 بدلات للطلعة .

والله يباركلج بمهرج ويتمم امورج على خير (:


__________________________________________________ __________

ماقصرت اخت العنوود كفت وفت بس حبيت اباارك لك ياقمرر الف مبروك واتكلي على الله وانشا الله تتيسر


__________________________________________________ __________

تســـــــــــلمون


__________________________________________________ __________

الف الف مبروك

ربنا يتمم لكى بخير ان شاء الله

كان نفسى افيدك لكن كل بلد ولها عاداتها وتقاليدها


__________________________________________________ __________