عنوان الموضوع : رواية آجا وسلمى -رواية
مقدم من طرف منتديات نساء الجزائر

رواية آجا وسلمى






رواية آجا وسلمى

تحكي هذه الرواية عن فتى سعودي الجنسيه عمره لا يتجاوز الرابعة والعشرون هاوي للتصوير الفوتغرافي ولكن لا يجد دعم لا مادي ولا معنوي يواجه مصاعب في الحياة فـ هل سيتخطاها ؟
وفتاة التاسعة عشر تسمى بـ لاجانسي سعودية الجنسية من ام بريطانيه مترعرعه ببلد غريب وتحمل الديانه المسيحيه فـ كيف يا ترى ستكون حياتها ؟

ستحكي روايتنا عن العديد من الاشخاص ولمعرفة الباقي ؟
سأكملها في وقت لاحق ..
لا استحل أخذ الفكرة أو نقلها دون حقوقي

الكاتبه / أَبَان

>>>>> ردود الأعضـــــــــــــــــــاء على الموضوع <<<<<
==================================


الجزء الأوّل :
أنا آجا عمري 24 سنة أعيش الحين بالسكن ولكن بداية القصّة كان عمري 18
كنت زي الشباب طايش واحب الضحك لدرجة اني ما اكشر الا بالسنة لسنة حتى لو وبّخوني اضحك ، الزبده انا من ام واب منفصلين وكنت عايش مع ابوي ببيت طين بسيط جدا مكون من غرفتين كل وحده اصغر من الثانيه والموزع الي يقال له صاله
على الفقر الي عايشينه الا اني وجه بن فهره وما اصادق الا ناس جخ واسوي عمري قدامهم اني ولد عز ومطنوخ لين ما انكشفت مع وجهي بس اهم شي بر الوالدين وحب الوطن ! بس برظوا قانع نفسي بإن الفقر ابدا مو عيب
تبدا قصّتي وهوسي بالكاميرات هنا :
كنت اتجول وطفشان ولقيت ناس محاوطين واحد بسلاح كبير !
رحت اركض واركض وخذ لك طيحات لين ما وصلت !
انا : وقفووووا !
كلهم طالعوني بأستغراب انا قلت بنفسي الوكاد اني جبت العيد وخربت مخططهم وجا دوري !
رد علي رجل بحزم : يا ولد وش تبي خربت علينا !!
انا جلست ابولع بريقي وانفسياه طلع كلامي بمحله رديت عليه وثقل لساني : شـ شـ شـ شسم شسم
الرجل صرخ : ابسرعه تكلم !!
انا متصروع : شسمه حرام تضربون الرجال بسلاح !!
الرجل استغرب اكثر !! : سلاح :/ !!
انا اطالعه ورجعت لي قوتي : ايه السلاح ذا الي يطلع نور !!
الرجال وهو كاتم ضحكته : هههه ذي قصدك ؟ هههه ذي كاميرا جزاك الله خير !
والباقي انهدوا ضحك -_-
انا ومدولخ : هاه مكيرا ؟ وش يعني مكيرا ؟
الرجل : كاميرا كاميرا شوف يولدي انت استريح بذا واذا خلصنا جيت اخذك واعلمك وش هي زين ؟
انا بفضول : من ججججدك !! كفو ابسنتر بذيي لين ما تجي طال عمرك {شاق الضحكه}
راحوا كملوا بالسلاح قصدي الكاميرا وانا بفارغ الصبر ابيه يجي !
جلست ابني بالصخر بيت وجلست اكشط الرصيف واشمخه وحاولت ارسم شكل الكاميرا .
ولين ما الله افرجها وجا الي رزعني فوق الساعتين -_-
الرجل : هاه طولت عليك
انا : هاه لا لا بس يلا علمني وش السالفه ؟
الرجل : اول شي وش اسمك ؟
انا بفهاوه : انا ؟
الرجل : لا الكرسي :/
انا : اها حسبته انا معليش
الرجل : تستعبط ترا امشي واخليك !
انا : ايه عشان امردغك قصدي لا وش دعوه منتظر ساعتين انا الزبده اسمي آجا {وعطيته ابتسامتي الفولاذيه المستر جماليه}
الرجل : آجا؟
انا : لا من قال !
الرجل مستغرب : انت دوبك قلت!!
انا : دامك واعي اني قلت وشوله تعيد ؟
الرجل : قفطه المهم يلا امش امش اوديك الاستيديو
انا : ديو !! لا ابوي مانعني اشربه يغدي بي عقيم !
الرجل وهو بينفجر علي : مو ديو ووجعيو استيديو
انا الولب قذلتي : حليله استيديو وش يطلع ذيي ؟
الرجل : هذا المكان حق الي نحط فيه الكاميرا ونصور وكذا وشف كلمه ثانيه بسحب عليك !
انا : لا لا لا افا عليك يلا دز
راح وداني شقق وبدا قلبي يتراقع تذكرت كل القصص الي انحكتلي بالمدرسه وتخيلت وش بيصير لي
يويلاه لايكون الحين يدخلني شقه ويروح يربطني ويضربني ويدق على ابوي ويطلب منه فلوس امحق ابوي بيدفع فيني ان ما تبرا بس هف ربي استر علي ربي احميني ربي ان كان به شر فلتبعده يالله !
الا شوي يفزعني
الرجل : يا ولد !!
انا : هاه رقم ابوي ؟؟
الرجل : وش :/
انا صقعت جبهتي بغيت اجيب العيـد ! : هاه؟ لا لا امزح
الرجل : يلا ادخل اوريك
انا : ترا ماراح يعطيك والله {اتنافظ}
الرجال استغرب اكثر : فيك شي ؟؟
انا : هاه لا لا كمل كمل
دخلني الشقه عباره عن سيب واربع غرف غرفه فيها معدات واشياء ووحده فيها زي اللوح الابيض وكرسي وذيلاك الاسلحه الي على قولته "كاميرات"
قال لي : انت قد مره تصورت ؟
انا : كيف يعني ؟
قال : يعني خذيت ورقه فيها صورتك
انا فطست من الضحك : هههههههههه من جدك ؟ وين عايشيين يبويي ! كيف اشوف صورتي غير بالمرايه ؟
الرجل كأنه عطف علي او حبني او مدري وش السالفه الزبده انه خذاني وقال لي : كل شي صار يبوي تعال اجلس هنا {وجلسني على الكرسي}
خذ لي صور ودخلني غرفه كلها ازرار ولوحات قزاز يطلع فيها نور وتتحرك سألته انا : وش هذا ؟
رد علي : هذا كومبيوتر
انا : يعني وش يسوي ؟
قال : هذا نقدر ندخل عليه النت ونقدر نكلم الناس فيه بس انا استخدمه في تعديل الصور
انا فتحت فمي : كذاااب !
رد وهو يضحك بخفيف : وربي
وشوي شوي طلعت ورقه من شي اسود
ولا اناظره وقال لي : رح شف وش هذي الورقه
رحت اركض ومسكت الورقه وشفت شكلي !!
كان اول مره اشوف شكلي بغير المرايا !!
جلست اناقز ذاك اليوم واضحك واتشقلب وهو بعد كان معي فرحان ويضحك
جا وقت صلاة العشا وسمعت الآذان
قلت له : اوه عن اذنك يا يا ....
قال : اسمي عادل
قلت : عن اذنك عمي عادل وشكرا كثير واجد والله وناسه احلا يوم بحياتي !
قال لي : اي وقت تعال لي هنا عشان اعلمك اشياء كثيره بعد
هنا انا بطير من الفرحه : من جد !! فيه اشياء بعد !!
ابتسم لي وقال : ايه في اشياء قد النجوم انت افضا وتعال
حكيت شعري بفهاوه وقلت : اممم عمي يصير اخذ وجهي معي ؟
ضحك علي وقال : هذي اسمها صوره يا بعدي واكيد خذها ..
رحت صليت العشا بالمسجد ورجعت البيت اصرخ واوريهم صورتي
انا : شوفوا شوفوا وجهي صورتي بالورقه شوفوا {ارقص}
ابوي : وش ذا !
قلت له : ذا انا انا !!
ابوي : طيب ؟
قلت : بالله عليك عمرك شفت نفسك بورقه ؟
ابوي : نعنبو دارك عندي البومات كامله عند ربعي !
قلت : كيف البومات يعني ؟
قال : هذا ملف فيه صور كثيره
قلت : طيب يبا تكفى تكفى ابي سلاح
ابوي قمط : هاه !! وش ناوي عليه زعطوط 18 يبي سلاح !! اسكت لا اثور فيك الحين
قلت : لا لا يبا مو سلاح هو سلاح يصور نسيت اسمه رمكا ولا تيكما افف
ابوي : يالاثول اسمها كاميرا !
قلت : ايه ايه عليك نور
جت النسره غدي مرت ابوي ورفستني من عند اسفل ظهري
انا : وجع !
غدي : يوجعك ياللي ما تربيت يلا عقابا لك طس نام بالسطح !!
انا : ههههههههههههههه يليل بيقرظني النامس يلا يلا مافيه مشكله استأذنك يبا
ابوي : فارق فارق



بعيد عن الفقر والكاميرات ..
بفله كبيره من اربع طوابق فوق الالفين متر
بنات العم متجمعين بالحديقه يسولفون ..
روق : بنات تهقون حلوه وشقرا ؟
سحر : لاا ما ظنيت يقولون شكلها عربي قح
روق : وش دراك ؟
سحر : امي تقول !
دانه : طيب تدرون انها مسيحيه ؟
البنات : اممما !!
دانه : ايه والله وتدرون وش اسمها هههههه ؟
البنات : وش ؟
دانه : اسمها لاجانسي هههههههههه
غيداء : يمه بنات لايكون تاخذ مطلق ولد عمتي
روق : لااا تخسي يهد الزين والدين ويروح ياخذ مسيحيه !
غيداء : مدري يجوز

تمام عن القرقره الزايده راح ابديلكم قصتي انا لاجانسي ..
تربيت بالسعوديه من اول ما انولدت الى من توفى ابوي سامي الله يرحمه
امي اسلمت عشان كانت تحب ابوي يعني مو اسلام من قلب
اسلمت وتزوجته امي بريطانيه ميردا
توفى ابوي وانا بعمر ال 7 سنوات وخذتني امي لبريطانيه وخلتني طبعا مسيحيه وهي رجعت لدينها ..
ست سنوات بغربه وشكلي عربي حيل واصلا ما يصدقون امي اذا قالت لهم هذي بنتي الا لمن تقول انها كانت متزوجه سعودي ..
توفت امي وانا عمري 13 سنه ف بعد وفاتها بشهر جاني عمي منذر وجابني للسعوديه لبنات عماني وعماتي ..
والباقي ؟ في وقت لاحق ..

الكاتبة / أَبَان


__________________________________________________ __________


__________________________________________________ __________


__________________________________________________ __________


__________________________________________________ __________