ومازال قلبي يتالم رواية جميلة
عنوان الموضوع : ومازال قلبي يتالم رواية جميلة
مقدم من طرف منتديات نساء الجزائر
ومازال قلبي يتالم
روايتي الاولى / بقلمي
و مازال قلبي يتالم (ابنه الخامسه عشر)
لم اتوقع في يوما ما ان اكون هكذا لا اعلم مالذى حدث لي
.. قلبي يألمني جدا لا لا لست انا .. انا واحده اخرى لست هكذا ابدا ..
ايعقل انني اصبحت هكذا .. لا اعلم حقا لا اعلم .. فقط اعلم ان قلبي لا يزال يتالم
.
.
.
.
.
سـ ابدا روايتي وانا بيدي منديلي وبجانبي قهوتي .. انظر الى السماء وافكر ثم ابتسم ولربما ابكي
ثم امسحها بسرعه امسك قلمي بقوه لـ احاكي مـ بقلبي وشيء بخاطري
سـ اكتب ع حياتي عن معاناتي عن ذالك القلب الذي لا يزال ومازال يتالم ...
البارت الاول
نزلت من الدرج كـ العاده بـ هبال وسرعه وبيدي شنطه المدرسه دخلت المطبخ فتحت الثلاجه اخذت لي توست وحطيت لي جبنه
الام: ست بتول متى اشاء الله بتطلعي من البيت للمدرسه
بتول : طيب يا ماما شوي بس
الام : وش تسوي عندك لا يكون ع الجوال
بتول : لا لا اسوي لي توست وجبنه
الام : الحين فكرتي يعجبك تاخري اخواتك موب عاجبك تطلعي بدري ..... قاطعتها افف يـ ماما حرام الاكل يعني لحول خلاص مابي شيء
الام: والله لتاكلي وانتي حمار والحين اطلع الدلع
: في نفسي أي دلع يـ ماما قولي أي دلع ,,, اكلت التوست بسرعه وطلعت من المطبخ
الام : انتهيتي اتصل ع السواق
: ايه انتهيت اتصلي
بالمــــــــدرســـــــــــة :
الابله : انتي يا حلوه اوقفي
بتول: مين انا
لما : ايه انتي وحل المعادله كذا .....
بتول : افف متى تنتهي الحصه جاني صداع
لما : والله صوتها يجيب المرض
بتول : ايه والله مدري كيف زوجها مستحملها
لما : ههههههههههههه اصهه بس عييب
لارا : اهجدوا انتوا تافههيييين نبي نفهم
بتول : افهمي محد ماسكك مسويه فيها دافوره
لما ولارا صديقات بتول من سنه اولى متوسط كانت علاقتهم عاديه لكن الحين صاروا اكثر من خوات طبعا لارا ولما من وهم صغار صديقات تعرفوا على بعض صدفه ويا محلا الصدف صارت ام لارا وام لما كمان صديقات والحين صار لهم تقريبا 11سنه
لارا : والله انتوا تتكلمو شلون ابفهم منكم
لما : خلاص حتى انا ابي افهم
بتول : خفوا علينا
.................................................. .............................................
واتهت الحصه واخيرا
: بننننات
لارا : هلا
لما : هاه
: خلاص ولا شئ
لما : تافههههههههه
لارا : مرررررررره
: هههههههههههههه حبيت تحشو فيني واخذ حسنات بدون تعب
لارا : هبلللللله
لما : لا اله الا الله يالظالمه تبين تاخذين حسناتنا
: ايه عندك مانع
لما : لا
: حلو
لارا : الا صدق بتول فراس لسى مـ كلمك
بتول : لا
لارا : امممما طنشيه احسن قلت لك انه كذاب مايحبك بس انتي ماصدقتي
: لا م يكذب اكيد فيه شيء
لارا : وش يعني بيكون فيه مثلا يده مكسوره مايقدر يسال عنك
: انقلعي فال الله ولا فالك يمكن معه ظروف
لارا : وظروفه تمنعه من السؤال عنك ولا كيف بتول استوعبي مايحبك يلعب عليك
: انقلعي اصلا انتي مالك شغل
انتهى نقاشنا برمي المويه ع بعض واللي تقول يكذب واللي تقول لا
في البــــيـــت
: افف اخيرا وصلنا البيت تكسر ظهري من هذه الكتب
بعد مابدلت ملابسي توضيت وصليت الظهر بعد مانتهيت اخذت جوالي انتظر الاتصال او الرساله اللي شفتهها تبسمت
انتظر وانتظر ع الفاضي احلام ع الفاضي ارمي الجوال ع السرير افكر شوي ممكن انساه يمكن يعني راح اقدر لا لا وش هذا الكلام ايام ويكلمني مستحيل انسى اصلا انا واثقه انه مارح يتركني ومارح اسمع لصديقاتي انا متاكده انه بمشكله قلبي حاسس كذا
باليــــــــــــل
الام : بتول كلمتي ابوك
بتول : على ايش
الام : اني مـ ابيه يروح يتزوج ويطلقني ويتركني بحالي
بتول : لا مـ قلت له
الام : ليش ماتقولي له امي ماتبيك
بتول : كيف تبيني اقول له
الام: اذا سالك او قال لك امك ماتبي ترجع
بتول: ماما انا مارح اقول كذا ابدا
الام : انتي تخربين علي الحين هو يحسبني ابي ارجع له
بتول : يـ ماما انا وش اسوي بنفسي ابوي يقول كلميها ابكي عليها لين ترجع وانتي تقولي قولي له ماتبي ترجع وشلون ابقدر اقول كذا وش اسوي بنفسي انتحر احسن
الام : وكيف
بتول : مدري
الام : طيب يصير خير انتي بس امشي ع كيفك وخليه يبني احلام
بعد مـ كلمتني امي طلعت ع طول غرفتي حضنت مخدتي بقوه وبكيت وطلعت كل مافيني انا وش اسوي بنفسي كرهت نفسي كرهتها ابي اموت مافي شيء يدفعني اني اعيش ابي امووووووووووووت
هناكً حزنُ أنَانيْ لِوحَده لآ أحدُ يًشَاركهْ ...
ولكنْ ليسَ هناك ًسَعادةً تَخلوْ منْ الحَزنْ ...
مهمـآ كانتِ دَرجَتًهـآ ..لا بدّ منْ أتْ تتَخللها قَطرآت ِالحَزنْ ...
>>>>> ردود الأعضـــــــــــــــــــاء على الموضوع <<<<<
==================================
البارت الثاني
اليوم الثاني بالليل :
ادردش مع صديقتي وكذا
لما : توتا ي حبيبتي اللي طاقتها سوالف مع الخلق في الانستقرام (instagram) ماتستحين ع وجهك
لارا : أي والله هذه البنت فاصخه الحياء
: اقول خير انتوا وش لكم شغل مقهورين ولا وش السالفه وكيفي ترا وعن الحيا حسستوني اني اكلمهم فيديو كلو تبن ولا يكثر
لارا: الشرهه مو عليك على اللي ينصحك
لما : بكيفك حبيبتي بس خلي اشوفك تسالين عن الامتحانات وتقولي وش الامتحان و وش احفظ الحين طاقتها سوالف خلي اشوفك تجلسي وراي بالمدرسه
: لا شفتيني اغش منك بعدين تعالي قولي كذا
لما: طيب نشوف
: كلي تبن بس
بعدها رميت الجوال وجلست افكر شوي فتحت الكتاب انسدت نفسي جلست اقلب في اوراقه كاني اتصفح مجله اكتب بالقلم اسم لا ارادياا ... امسحهه بالقلم بقووه واقطع الورقه من شده المسح وارمي الكتاب وانسدحت وبكيت مسحت الدموع واتعوذت من الشيطان "
الساعه 10:30
موعد النوم وانا لا حفظت ولا درست ولا رتبت كتبي تغيرت انا تغيرت كثير ابي ارجع مثل اول اجهز كل شيء محد يقول لي بشيء ... اخذت كتبي وحطيتها بالشنطه قرأت شوي من الكتاب ابي ارميه بس لمن اتذكر احلامي احاول اضغط على نفسي حفظت شوي قمت بعدها احط كتابي بالشنطه ورحت انام ... م نمت ايه مانمت اذكر زمان بتول الاولانيه وابكي بكاء احس دموعي تحرقني قبل تنزل ... وفجاه غفيت
** ابكي لانني لم اعد كما كنت **
بالمدرسه اخر يوم بالاسبوع :
تالين : كيفك بتول وكيف الامتحان حلو ؟
: خليها ع ربك كل شيء صار زفت
تالين : ليش وش صار
: ولاشيء
تالين :من جدك انتي اقول الحين تقولين لي وش اللي صار
_ طبعا تالين صديقتي من اولى ابتدائي وهي تفهمني من نظرتي اذا فيني شيء
: يـ عمري مافيني شيء بس الامتحان زفت صعب مره
تالين: سيبي الكذب بتقولي لي ولا كيف ! بديت اعصب ترا
: طيب اقول لك برا
تالين : طيب امشي قدامي
: تالين
تالين: هلا وش قولي
: ابي انسى
تالين : كيــــــــــــــــــف !!
: ابي انسى كل شيء ابي ارجع مثل مـ كنت
تالين : طيب خلاص حبيبتي اهدي انتي اسمعيني طنشي كل شيء وبتعيشي مرتاحه
: شلون ابنسى تعبت ومليت من كل شيء ابي امووووت وارتاح
تالين: فال الله ولا فالك ايش هذا الكلام تموتين عشان وحده مـ تسوى شيء طنشيها واحذفي كل شيء لها ولا تراقبها ومع الايام تنسيها بس اسمعيلي
: مـ قدرت انسى مـ قدرت
تالين : لا بتنسي وانا اوعدك مع الايام بتنسين ويمكن يصير لك شيء جديد واحلى يحلي ايامك
: طيب لاانشاء الله احاول
تالين : اوك اوعديني مـ اشوفك ذابله بهالشكل يا ايتها العجوز الشمطاء هههههههه
: ههههههههههه شمطوا وجهكك
تالين : هههه الحمد لله يلا انا بشوف الابله باي
: اوك الله معاك
يــــــوم الخـــمــيـــس
جت بنت عمتي عندنا
ريمان: بتول كلمي ابوك ويلا
بتول : وين ! > ضاق صدري من قالت كلمي ابوك<
ريمان: ابوك يبيك عند جدتي وتعالي نسولف هناك وكذا
بتول : طيب بالبس واطلع
ريمان : اسرعي طيب
طبعا امي وابوي منفصلين بدون طلاق صار لهم تقريبا شيء سنتين وحنا عند امي في بيت جدتها من فتره لفتره نروح ننام عند ابوي
بعد مـ لبست طلعنا انا واخواتي سهام وامل مع ريمان نكلم ابوي
في البيـــــــــــــــــت
الاب: كيفكم واخباركم وش مسوين
بتول : تمام الحمد لله
امل : تمام
سهام : تمام
الاب : الحـــــــمــــد لله وكيف المرسه
بتول وسهام وامل : تمام
بعد ماسلمنا على المتواجدين من عماتي وجدتي قمنا وطلعنا من البيت لـ بيتنا القديم مدري ليه اكرهه بس كا م اطيق هذاك البيت احسني اذا دخلت جوا تجيني حاله اكتئاب الحمد لله وحنا طلعنا منه
ريمان : بتول ماتبين تلعبين
بتول : لا
ريمان : تافهههه وش تبين
ريمان هذه مجنووووووونه مرررره لدرجه ماتنوصف عادي عندها كل شيء فكانت تلعب مع الصغار بالمراجيح في بيتنا وانا واقفه اطالع لها وش اسوي من دخلت البيت وانا احسني مكتومه لو احد بس يصرخ علي بكيت
بتول : وش رايك نطلع المطعم اللي قربنا
ريمان : أيه والله ودي بس اخفضي صوتك
بتول : اوك عندك فلوس
ريمان : ايه عندي وانتي ؟
بتول : ايه عندي خمس ريال بس ابي بطاطس مقليه
ريمان : اوك عندي عشره تبين شيء ثاني عطيتك
بتول : تسلمين حبيبتي مابي شيء
ريمان : او كيلا نطلع قبل احد يحس فينا
بتول : يلا
ريمان : هيهه بنت امشي بسرعه قبل احد يشوفنا
بتول : كيف تبينا نمشي يعني
ريمان : امشي بسرعه كانك عروسه
بتول : انقلعي تبيني اجري مثلا
ريمان : امشي بس
وصلــــــنــــــــــــــــا المطعــــــــــــــم
: محمد عطيني .................
الوظف : تمام
بعد ماطلبنا عطانا وحنا خايفين احد يشوفنا طبعا ريمان حق مغامرات عادي نسوي أي شيء مع بعض
ريمان : شوفي شوفي كيف هذا شعره
بتول : ههههههههههه استغفر الله كانه هندي
ريمان زادت ضحكتها واقول لها اسكتي فضحتينا قدام الناس بس طبعا ولا استجابه تمشي وتضحك وانا اسغفر شوي واضحك
بنـــــــــص الطريـــــــق
: ياحلو
ريمان : مين هذا
بتول : وانا وش عرفني هذا كله بسببك
ريمان : وش بسببي انا قلت له تعال
بتول : لا انتي جالسه تضحكي
ريمان : الضحك عيب مثلا
بتول : امشششششي بسرررعه بس
: يا حلووووووووو عطنا وجهه
بتول : ريمان لا تطالعي له وامشي بسرعه
ريمان : يعني انا اللي اطالع له
بتول : طيب انا اقول لك بس
: يااااااحلوووو
ريمان : شوفي عاد من زينه يرقم
بتول : خيررر وش قلتي كنت حاسه انك بتطالعي له
ريمان : ماطلعت له بس صوته يدل وكذا
بتول : المهم لاتشيلي الرقم
ريمان وش شايفتني اشيل الرقم
بتول : شايفتك خبله
ريمان : خبله بعينك
بتول : طيب طيب
ريمان : بتول خلي نشوف وش مكتوب فيها
بتول : نعم نعم وش قلتي
ريمان : بس نشوف ونرميها
بتول : اقول امشي وانتي ساكته
وصلنا البيت وقلبنا يدق بقوه خوف من اللي صار
ريمان : شفتي هذا كله بسببك
بتول : انقلعي انا مـ جبرتك
ريمان : بالله انتي قلتي لي وش تبين اقول لك لا
بتول : ايه قولي لا
ريمان : طيب انا استاهل اخر مره
بتول : احسن
وكمل اليوم وحنا نفكر بالشيء اللي صار وكل وحده تحطها في الثانيه واللي تقول والله ماجي معك والللي تقول ماجبرتك وبعدها جلسوا يسولفون لاخر اللليل
بعد اسبوعين اخر يوم بالمدرسه :
لارا : بتول تعالي عندي انتي ولما
لما : ايه والله نبي نضحك تعاليي قولي لامك واذا رفضت انا بقول لها
بتول : خير سلامات شايفيني نكته تبون تضحكون هذا اللي ناقص اخر زمن اصير نكته
لارا : مو قصدنا كذا بس انتي تونسينا وكذا
لما : ايه ايه
بتول : لا تبررون مارح اجي اخر زمن هذا اللي ناقص اصير نكته
لارا: تافهه
لما : بلا تفاهه تعالي
بتول : مـ اقدر امي ماتخليني
لارا : عادي قول لها باجي عند صديقاتي
لما : ايه ولا خليني انا اكلمها
بتول : لا مابي اصلا مارح القى احد يروح بي
لما : اوك براحتك
لارا : طيب
لَيتَهاْ تَملِكُ اجنِحَةْ لِتَطيرَ مَعْ أسرابِ الطُيُوُر وَ الفَرَاشَاتِ لِتُحَلِقُ وَ أيَاهاْ عَاليَّاً لِ أَعَالِيْ السَماءْ ,, كَيْ تَتَنَاسَىْ حيَاتُهَاْ البَاهِتَةْ تَارِكَةً خلفَهاْ احزَانَهاْ وَ قُلوُبً خَادِعَةْ بِ أقنِعَةِ الزِيفِ اضنَكَتْهَاْ!!
رَاحِلَةً عَنْ كُلِ شَيٍءٍ كَانَ سبَبً لِإيلَامُهَاْ!!!
__________________________________________________ __________
بالمناسبة هذه روايتي بقلمي كتبتها للي سألوا ❤
وقريب انزل البارت الثالث
__________________________________________________ __________
البارت الثالث
باليــــــــــــــــل :
جاء ابوي عند جدتي يسأل ويسلم علينا
ابوي : بتول كيفك كيف المدرسه معكم اخباركم
: تمام الحمد لله
ابوي : وكيف اخواتك وامك
سهام : الحمد لله
امل : تمام
ابوي : ماكلمتوا امكم
: عن يش !
ابوي : عن حالنا هذا ما قلتوا لها ما بكيتوا عليها حتى ترجع ولا انتوا ماتبون نرجع مع بعض البيت عاجبكم الوضع هذا صح
انا واخواتي : لا
اابوي : طيب ليشم ماتبكون على امكم ليه ماتقولون لها مانقدر نعيش بدون ابونا ولا انتوا عادي عندكم
: لا بس احنا نقول لها
ابوي : ايش تقولون لها المفروض كل يوم تكلموها وتبكوها حتى يلين قلبها ونرجع مع بعض
:::::::::::في نفس:::::::::<< وش اقول وش اسوي انا ناقصه هم بعد وش تبيها ترجع بعد الذل والمهانه
ابوي : بتول !
: هااه
ابوي : انتوا ماتبون نرجع البيت مع بعض صح !!
: الا ابي
هذه المحاضره كل اسبوع تتجدد حتى صار كل ما يجي ابوي يجيني الم في بطني هو انا ناقصه م كافي اللي فيني وش اسوي وش ...... وكالعاده بعد ماتنتهي المحاضرهادخل البيت احط راسي على المخده واجلس ابكي ليه كذا يصير لي ليييييه مع اني مؤيده امي بالخروج من البيت بعد ماشفت معاناتها
ابوي : يلا مع السلامه انتوا ماتبون تتكلمون لكن اذا ماشفتوا وجههي بتعرفون بعدين تتكلمون
: مع السلامه << في نفسي :: يعني انا ميته على شوفتك
ندخل البيت تسال امي ليش تاخرتوا
: تعرفين ليش كالعاده
امي: طيب ليش ماتقولون له ما تبيك ليه ماتقطعون امله اني ارجع
: في نفسي << انا ناقصه والله احصلها من هنا ولا هنا
: يا ماما وش تبيني اقول له امي ماتبيك عشان يشيلنا
امي : لا مين قال انه بيشيلكم بس يقطع امله
: ماما خلاص انا مالي شغل ماني قايله له ولا شيء باسمع له واسكت .... مسكت المخده وجلست ابكي
امي : بالله تبكين كلها ايام وتعدي وانتي بتجلسين طول الوقت تبكين ترا ما يستاهل تبكي على هالشيء مو انتي قلتي يا امي اطلعي ما عليك يعني تبيني الحين ارجع بعد ماطلعت بالغصب ........... ردي علي
: لا لاااا ترجعين وانا قلت لك اطعلي وانا قد كلامي
امي : طيب ليه البكي تخليني اندم ع اللي سويته
: لا انا مابكي عشان هالشيء
امي : عشان ايش
: ولا شيء
امي : قولي وش ؟؟
: قلتلك ولا شيء
امي : لا ازعل منك قولي ايش
: ولا شيء والله خلااااااص
امي : طيب هذه جزاتي تنافخين علي
: طيب يا ماما مافيني ولا شيء
قمت غسلت وجهيوكملت يومي مره تلفزيون ومره جوال
:
:
** كلمه ولا شيء تخفي ورائها كل شيء
فتحت الرسائل رقم غريب ؟
الغريب : هلا
: مين
الغريب : كيفك
: انا قلت مين
الغريب طيب اعصابك ياحلو لا تأكليني ممكن نتعرف !
: ما تعرف ع شباب
الغريب : عليننننننننننننناا
: عليك ولا على ابوك كل تبن بس واحلى بلوك
الغريب : بتول لحظه
: مييييييييييييين انت كيف تعرفني !!!
الغريب : مثل ما وعدتيني ماتكلمي احد غيري
: من انت )>:
الغريب : انا اللي تحبيه
: اقول بتتكلم من انت ولا كيف
الغريب : طيب ياحبي انا فراس
: هاااااااااااااااااااااااااه فررررراس
فراس: ايه فر اس تبين تتاكدين اصور لك الحين
: لا بس وش جابك الحين بعد كل هالمده تذكرني روح عند اللي مريحك ونساني احسن
__________________________________________________ __________
فراس : اسمعي انا بحكيلك عن كل شيء وليه هذا الكلام انا مو مع احد غيرك وبعدين انا ابي اشرح لك بكل شيء قبل تحكمي علي اسمعيني انا كنت بالسجن
: هاااااااااااااااه بالسجن
فراس : ايه بس ماني مجرم ماسويت شيء بس شفتي ولد جيرانكم هذاك مادريتي انه في المستشفى
: ليه وش سويت فيه
فراس : ولا شيء بس علمته الادب وادبته شوي
: مشاء الله وكيف ادبته
فراس :يعني شويه لكمات ورفسات وبس
: لاااا كل هذا وبس انت وش فيك لومات الرجال وش يصير فيك انت متى تسيب الهبال
فراس : عشانك أي شيء يهون حتى لو حكموا علي اعدام
: بسم الهل عليك وش هذا الكلام وانا اقول ليه ولد جيراننا ماشوفه المهم سلامتك
فراس : خليه يتادب وهذا قليل في حقه ...... المهم الحين كيفك وكيف الحال عندك و وش صار بين امك وابوك ؟
: الحمد لله تمام الحال نفسه م تغير شيء
فراس : حبيبتي ما عليك من هالشيء انتبهي لمستقبلك انشاء الله قريب نسافر
: وين ؟ وكيف
فراس: بعد مانتزوج نسافر لندن وتدرسي هناك الطب وتصيري افضل دكتوره
: متى >> بحزن قلتها
فراس: قريب حبيبتي بس اصبري شوي
وكمللللت الليله ع هالحال احلام وامانيات وماندري بتتحقق ولا لاء
*الله كريييييييييييم *^_^
صحيت الصباح متاخر بعد السوالف لاخر الليل
: امـــل
امل : نعم وش تبين
: مو عشان سواد عينك
امل : تبن خلصيني شتبين
: وين المناكير
امل : مـاشاء الله مررره رايقه ماخرتنا وبعد تبين مناكيراقول لا يكثر ويلا تجهزي بسرعه
: امل بلا تفاهه يلا وين المناكير انتي اخر وحده استعملتيها
امل : شوفيها عند ........
اتجهزت بسرعه ونزلت
: ماما اتصلي بالسواق
الام : الحين ي ست الحسن
: اتصلي بس
في المدرسه *
: صباح النوور
لارا : صباح الفل
لما : ماشاء الله .. الله يديم الفرحه وش معك اليوم
لارا : لازم يكون معها شيء يالنفسيه
لما : تبن بس
: بنات اتخيلوا وش صار
لارا : ايييييييييييش
لما: وش
: فراس كلمني
لارا : وله عين يكلمك
: لارا حنا ظلمناه طلع في السجن
لارا : نعم نعم في السجن ليه وش مسوي من مصيبه
: ولا شيء بس ضرب ولد جيراننا من الغيره علي تدرين انه عينه طويله وبعد لسانه
لارا : جد ضربه وليه يدخل السجن
: لانه نزف مرره كان ضرب فراس قوي وبعدها دخل المستشفى بس عادي ماصار شيء خطير
لارا : الله الله نزف دم الرجال عشانك والله ماني مصدقه هذا الخراط
: انقلعي جعلك لا صدقتي
لارا : امزح امزح بس طلع مشاء الله عليه
: احم احم
لما : وش احم احم مصدقه الحين انه يحبك وبيتزوجك اللهم نسالك العفو والعافيه
لارا: انتي اخر وحده تتكلمين بكيفها طيب نفسيييييييييييه
: تافهه كل تبن ... لارا ترا بـ نسافر لندن
لارا : اااااااااءءء جد ي حظك
: وش بك انقلبتي نعجه ولا كيف
لما: وين الجبهه لارا هههههههه
لارا : انا امزح يالنفسيات حرام الواحد يمزح
لما : ايه حرام
لارا : كلي تبن
:بنات اتخيلوا عيالي بعد مانجي من لندن يقولوا لكم خاله بالانجليزي اتخيلوا بس
لارا : هههههههههههههههه انتي بنفسك مو عارفه الخاله بالانجليزي كيف عيالك
: تبن بعدين عيالي يتعلمون
لارا : ههههه طيب
لما : الله يشفيك
لارا وبتول : اجمعيييييييييييييييين
تسال وش اللي في غيابك حرقني ..!!
والله ,, لولا العشق ماصرت محروق ...
ايه اعشقك واللي خلقك وخلقني ..
رب(ن) خلق بالناس عاشق ومعشوق .!
__________________________________________________ __________
" البارت الرابع "
في البيييييييييييييييت *
امل : وش صار امس سمعتك تكلمين واحد لا يكون فراس ؟
: مالك شغل
امل : بلا تفاهه قولي انا سمعت نص الكلام وغفيت وتراني دريت انه فراس لانه الوحيد اللي تكلميه
: ايه فراس شتبين
امل :ايه وش قال لك على هالفرح كله وليه الحين رجع
: امل اتخييييييييييييلي كان بالسجن
امل : كذااااااااااااابه
: والله بس هو مـ سوا شيء
امل : وليه دخل السجن مثلا
: شفتي ولد جيراننا ..........
امل : صدقتك ههههههههههه
: تبن
امل : كذابه تهاوش معه عشانك
: يب عندك مانع
امل : كلي تبن بس انتي واهو مجانين لو مات الولد وش يصير فيه هااه دام وصل الموضوع للسجن اكيد الضربات قويه
: انقلعي بعدين هو تمام الحمد لله
امل : وهذا الشيء اللي مفرحك
: لا
امل : طيب وش
: بنسافر لندن
امل : هههههههههههههه طيب خذوني معكم << قالتها بدلعه عشان تقهر بتول
: انقلعي لا سافرت بعدين وجبت عيالي تعرفين ان الله حق
امل : اوك خفي علينا انتي وعيالك بس
: انقلعععععععععععي
امل : ابني احلام ع الفاضي ي حبي
: كلي تبن انا استاهل اكلمك
امل : حلفتك بالله تاكلين معي
: شكرا ماني جوعانه كوليه انتي واشبعي منه
امل : يلا بس لا يكثر
: يلاااااا يلااااا بس
امل لا يكثر بس لاتبكين
: على زق
طلعت من الغرفه نزلت تحت
سهام : دفشه اووف ماتتطالعين قدامك
: خفي علينا ي تيب
سهام : تافههه مررره
: يلااااا بس
في الليل *
: امي قولي لـ امل تساعدني شوي
الام : ليه انتي وش تسوين مندي ع غفله تبين مساعده كملي بنفسك
: ايه علمي بناتك ع الرفاله
الام : يعني انتي متعبه نفسك بالشغل
: ع الاقل احسن منهم
الام : طيب طيب
الفرحه اللي دنا فيها كلها بترجع ليك ~ نغمه مخصصه لفراس بجوال بتول
: نعم
فراس : هلا هلا بـ قلبي شفيك علي
: هلا فيك مافيني شيء
فراس :طيب براحتك
: ايه اكيد براحتي انت اصلا مايهمك شيء وماتحس بشيء
فراس : طيب اهدي اشفيك انا سالتك وقلتي ولاشيء وش تبيني اقول
: لاتقول شيء
فراس : طيب
:طيب ايييه قول طيب اصلا انت مو هامك شيء ومو فاضي لي ولا حتى تقول اشفيك
فراس :ياليل طيب حنا قلنا شفيك قلتي ولا شيء
: طيب
فراس : طيب ليه الحلو زعلان
: ولاشيء
فراس : بتقولين ولا كيف بتجلطيني انتي
: اذا مو عاجبك لا تكلمني عادي مابموت
فراس : تدورين مشاكل انا سالتك ي حبيبتي ي عمري شفيك
: ولاشيء
فراس ك ياليل قولي عشاني طيب
تبكيييى : انا كل شيء اسوي في البييت واخواتي مايسون شيءواذا قلت لماما تقول اني ماسوي شيء......... >> بكت
فراس : بس
: وش بس انت روح سوي مثلي بعدين قول بسس
فراس : ههههههههههههه طيب وش صار خلاص اهدي طيب اذا تزوجتي مو انتي بتسوين كل شيء لحالك
: مييين
فراس : انا مين يعني انتي ببتزوجين
: مين بتزوج
فراس : انا طبعا
: غلطان بـ النمره
فراس : ههههه مو غلطان لاتزوجتك بتسوين كل شيء لحالك
: طيب انت بتتزوجني مارح تاخذ خدامه
فراس : الرجال قوامون على النساء
:ايه هذاا اللي تعرفونه ونسيت يوم قال الرسول : توصوا بالنساء خيرا ولا ماتذكره
فراس : لا اعرفه بس اذا مانظفتي نتزوج وحده وثنتين وثلاث بعد
: ما شاء الله
فراس : الشرع حلل اربع
: طيب يلا مع السلامه
فراس : هههههه بموت من الضحك لحظه لاتسكري
:خير وش تبي
فراس : احبببك ي مجنونتي
: طيب وش اسوي
فراس : خلاص كنت امزح وش فيك بعدين مستحيل انا اشوف غيرك او حتى اتزوج غيرك
: طيب
فراس : ش طيب وانا اوعدك اذا تزوجنا ماتسوي شيء ماتبيه يعني كل شيء بكيفك حتى التنظيف تبين خدامه جبت لك وبعد طباخه هاه وش تبين بعد
: لا لا مابي احد يطبخ لي
فراس : ليه
: ماحب اكل من طبخ احد
فراس : خفي علينا يعني الحين اللي من المطاعم ماتاكلين منهم
: الا بس الخدامات يعني مدري كيف احب اكل من يدي او امي
فراس : ههههههه طيب ي مجنونه اللي تبيه يصير اهم شيء راحتك
: احببببببك
فراس وانا بعد احبك واعشقك وامووت فيك
: اسفه بالغلط موب لك
فراس : هاااااااااااهه طيب لمين
: مدري
فراس : لا تخلطيني من عنك
: ولا احد
فراس : مع السلامه
: هههههههههههههه جزاه الظالم كنت امزح معك بس حبيتا حرقك مثل قهرتني اول
فراس : مشاء الله يعني وحده بوحده
: يب يب
فراس: لا تقولي يب
: ليه
فراس : حرام
: خف علينا يـ العريفي
فراس : لا مـ احب اخف
: جعلك ههههههههههه
فراس : ههههههههه ويلوموني في حبك
: ههههههههه ومن يلومك
فراس :مالك شغل
:أي مالي شغل روح قول لبنت جيرانكم احسن
فراس : وش من بنت جيراننا
: بنت ابوي
فراس: ههههههه يمكن
: يلا باي انا بروح انام
فراس : زعلانه
: لا مـ ازعل من حبيبي
فراس :اوك ي عمري نوم العوافي
: يعافيك ربي
فراس وبتول : مع السلامه
اليوم الثاني بالمدرسه
لارا : لما بلا تفاهه تعالي معناوش بيجيك من بيدري
لما :ك لا والله ابوي لو درى قتلني
: محد داري
لما: لا انا مارح اجي معكم
لارا : الله لتجين معنا
لما : طيب انا مابي اشتري
لارا وبتول : مالنا دخل بتجين معنا يعني بتجين
لما : بكيفكم مار حاجي
لارا : امشي بس
: ايه والله ولايكثر بس
لما : على كيفكم
لارا ايه على كيفنا ونص
مدام اني لقيتك في طريق اسمه غرام احباب !..
دخيل الله وبعد الله دخيلك لا تخليني ..
مدام كل من يحيا على وجه التراب تراب !..
عسى تنساني الدنيا مدام انك ذكرتيني ....
رد مع اقتباس
