روايه بنات في شقه شباب روايات
عنوان الموضوع : روايه بنات في شقه شباب روايات
مقدم من طرف منتديات نساء الجزائر
روايه بنات في شقه شباب
اليوم راح اكتب روايه مادري اذا بتنال اعجابكم
بسم الله .................. اسمها (� ﬗ▁▂▃▅▆▇★☀仒 بنات في شقه شباب 仒☀★▇▆▅▃▂▁ﬗ )
اول شي اعرفكم على الشخصيات
البنات عددهم 5وكل وحده بنحكي قصتها وكيف التقوا
اول شي
افنان بنت عمرها23سنه جميله حبوبه تحب تساعد غيرها وخصوصا صديقاتها الي هم البنات الشباب ميتين عليها بس هي ماتعطيهم وجه
رزان بنت عمرها 22 سنه جميله حبوبه لما احد يمدحها تصير مغروره ~ ههههههههههههه مصدقه نفسها ~
دانيه بنت عمرها 23 سنه بنت هاديه وجميله تحب تكون لحلها لما تزعل وغنيه بس ماتحب تتستغل غنها تلبي طلبات صديقاتها
هديل بنت عمرها 21سنه البنات يتمسخرون عليها لانها اصغرهم بنت جميله مره تحب الرومنسيه ودانيه تحذرها لانها مطيحه نص شباب الرياض وخوافه ودلوعه بس مو دلع البنات الماصخ هذا الي انتم تعرفونه
هيله بطلتنا عمرها 23 سنه اكبرهم عقلا وتراعيهم وكنها امهم هي الي لمتهم وجمعت شملهم وكل وحده حبت الثانيه عن طريق هيله جميله مره جمالها رباني شعرها طويل وماتحب سوالف المراهقات تحب الاطفال
عايله ابو فارس
ابوفارس *احمد* عمره 45سنه رجل طيب وغني وجميل عنده عقارات كثير في ارجاء المملكه واهمها الي في الرياض ومكه جده والدمام
ام فارس *خلود*عمرها 40سنه امرأه طبيه وحنونه تحب عيالها ومهتمه فيهم تشتغل مديره مدرسه
عيالهم
فارس عمره 24 شاب وسيم جدا بنات الرياض طايحين عليه الي داخله على طمع والي تحبه حب خرابيط..........................الخ يشتغل مع ابوه وماسك الفرع الرئيسي الموجود في الرياض
دانه عمرها 20 سنه بنت جميله طالعه على امها طيبه وحنونه تدرس في جامعه الاميره نوره تخصص انجليزي سنه تحضيريه
ملاك عمرها 18 سنه ثاني ثانوي علمي جميله وعنيده تبغا تدرس اداره اعمال عشان تفتح مشغل وترى هي فنانه في االميك اب والشعر وتسريحات
يوسف عمره 15 سنه في ثالث متوسط بثر وسخيف بس وقت الجد جد يحب اخت صديقه طلال
>>>>> ردود الأعضـــــــــــــــــــاء على الموضوع <<<<<
==================================
� ﬗ▁▂▃▅▆▇★☀二 البارت الاول 二☀★▇▆▅▃▂▁ﬗ
في البيت الي ساكنينه ~يأجار ~
رزان : هديل يله قومي وراك جامعه نسيتي ؟
هديل وهي ترفع اللحاف : يالله صباح خير
رزان : صباح الخير ............... الجامعه
هديل توها تصحصح : صباح النور ليش ماقومتيني بدري اليوم بتكشخ
رزان :اقومك من الصبح بس انتي موراضيه تصحين
هديل :اففففففففففففففففففف
في الصاله كانت افنان ودانيه وهيله يسولفون ويشربون قهوه
قالت افنان لهديل وهي توها داخله الصاله : ياطفال ياحلوين اشربو الحليب لصحه والقوه اسالوا الطبيب
دانيه وهليه :ههههههههههههههههههههههههههههههههههههههههههههههههه ه
هديل وهي مبوزه :اولا ماني طفله ثانيا اصلا انتي تغارين لاني بروح الجامعه اليوم وانتم كلكم عندكم off
دانيه : هديل هذا يسما اسبوع تسجيل ثانيا انتي رايحه تعدلين جدولك
هديل : ياليت اقدر اغير اليوم ويكون عندي فر
دانيه قطعت كلمها: اسبوع تسجيلل
هيله : خلاص عاد هديل يالله مع السلامه وانتم بنات اسكتو بتاخرونها
هديل :باي
الكل : مع السلامه
نسيت اقولكم هديل تدرس انجليزي بس مو سنه تحضيريه توها تبدا اول سنه
في بيت ابو فارس
ام فارس وهي تطق باب غرفه دانه :دانه يله اصحي وراك جامعه ياله يمه
دانه : يمه انا جاهزه الحين انزل
ام فارس : زين
نزلت ام فارس والبيت من حولها يضيء بالنور الي عاكسته المرإه نزلت لين ماوصلت سيب الدرج ونزلت ام فارس وعيلها سبقوها لتحت يوسف وملاك : صباح الخير ماما
ام فارس : صباح النور يله شدوا حيلكم يوسف انت السنه الجايه اولى ثنوي ابي درجات ترفع الراس
يوسف : ان شاء الله يمه السنه االي فاتت اخذت 96% ان شاء الله هالسنه 99%
ام فارس : ان شاء الله وانتي ياملاك انتي ثاني ثنوي يعني اربع اختبارات قدرات
ملاك : ان شاء الله يمه وهذا الي مخوفني
ام فارس: لايمه لاتخافين ان شاء الله تكون اختبارات سهله
ملاك:ان شاء الله
يدخل عليهم ابو فارس : السلام عليكم
الكل : وعليكم السلام
ملاك : يبه قول ليوسف شف احنا على بدايه الترم خله يبه يجني بدري واذا ماجاني يبه بدري اعذرني يبه ابغا سواق بلحالي
يوسف : ان شاء الله مارح اتاخر
ابو فارس : خلاص عاد يمكن اجيب سواق بس لنتضروا شهر واحد
ملاك :شهر
ابو فارس : ايه شهر
ملاك ان شاء الله
دانه توها نازله : صباح الخير
الكل :صباح النور
دانه : الله الفطور يشوق
ام فارس : سمي
دانه : لا يمه هذي اول سنه لي بالجامعه مو معقوله اتاخر
ام فارس : طيب ......... من بيوديك
دانه : السواق
ام فارس : لا خلي فارس يوديك
فارس توه نازل : والله كنت حاس ........ صباح الخير
الكل صباح النور
ام فارس : ليه مشغول
فارس : لايمه عادي خلاص انا اوديها
دانه : مشكور
فارس : ولو كم دانه عندنا
دانه : والله انك احسن اخو بالعالم نيالها يالي بتاخذك
ام فارس : اكيد
فارس : يالله دانه
دانه : طيب
ملاك : فارس طيب ليش ماتودينا
يوسف: بدا دلع البنات
فارس: انا عندي شغل الساعه 7 يالله يمديني اودي دانه
ملاك : طيب عادي بكره توديني
فارس : نشووووف ~ عاده الشباب ~
ملاك : فارس مو تنسى
فارس: خلاص طيب
ملاك تكلم يوسف : لاتتاخر
يوسف : صجيتينا مارح اتاخر
ملاك: زين
في بيت البنات طبعا هديل راحت الجامعه نشوف وش صار في البيت
هيله تكلم بالتلفون
هيله : الله يخليك زيد المده شوي
........: مااقدر بعد شهر اذا ماجاني اجار الشقه لمده ست شهور ببلغ الشرطه
هيله بياس : خلاص بشوف حل
.......: مع السلامه
هليه : مع السلامه
البنات دانيه وافنان ورزان كانوا يسولفون وهم رايحين الصاله شافوا هيله حزينه قالت افنان : هلوله وش فيك
هيله تحاول تخفي حزنها : لا مافي شي
دانيه: هيله قولي بليز لاتخلينا نقلق عليك
هيله : بنات صدقوني مافيني شي
رزان : الا فيك قولي لازم توقولين
طبعا هذا يحدث الساعه 1:00
في الجامعه :
هديل : اخيرا عدلت جدولي
دانه وهي تكلم نفسها : يالله جدولي زفت
هديل :لوسمحتي ممكن اساعدك
دانه : شكرا بس جدولي مو عاجبني في تعارض بالمواد
هديل : نفس المشكله بس حليتها اقدر اساعدك
دانه : مشكوره بس اخاف اتعبك
هديل : لا شدعوه انتي أي سنه
دانه : تحضيريه
هديل : نفس حالتي السنه الماضيه
دانه : انتي سنه اولى
هديل : ايه ايش اسمك ؟
دانه : دانه وانتي
هديل : هديل
هديل : خلاص بكره نلتقي هنا عشان اغير جدولك
دانه : مشكوره انتي ماتدرين ساعتيني قد ايش
هديل : العفو بس لازم اخذ رقمك عشان اعرف المواد الي تبغين تغيرينها
دانه :اوكي سجلي عندك
هديل وهي تطلع جوالها الايفون : قولي
دانه :050
وعند فارس في الدوام
فارس يتكلم بالواتس اب مع قروبه تبع الجامعه كانوا اربع شباب وفارس خامسهم طبعا كلهم بعمر فارس ونفس التخصص والجامعه ونفس يوم التخرج وهم
وليد وسيم وهادي جدا يحب يتامل السما ء كثير ودافور طالع الاول على الدفعه وفارس هو الثاني
تركي وسيم جدا البنات طايحين عليه بس هو مايعطيهم وجه وهو الثالث على دفعته
خالد وسيم وحبوب ويحب يساعد غيره الرابع على دفعته
سليمان الخامس على دفعته حبوب وسيم وخلوق وهادي
فارس : شباب وش رايكم نغير شوي
سليمان : كيف
فارس : وش رايكم اقول لابوي ناخذ اجازه و نروح نسكن في الشقه الي انا شريتها ~ لما تخرج فارس واصحابه صارو يشتغلون مع بعض بفضل فارس الي اقنع ابوه يشغلهم وبكذا صاروا مع بعض مايفترقون بس هو الحين يكلمهم بالواتس اب لان اليوم خميس ومايداوم الا فارس وبعض الموظفين
تركي : انت عندك شقه
فارس : ايه
وليد : من متى
فارس : من زمان ابوي عطاني ايها لما تخرجت من الجامعه
خالد : انا موافق
سليمان : وانا بعد
وليد: موافق
تركي : تم
فارس : خلاص انا ادبر الموضوع اعطيكم اجازات واستاذن من ابوي وناخذ اجازه
تركي : لما تقول لابوك ويوافق خبرنا ونتفق برا
فارس : تم
الساعه 3:00
رجعت هديل من الجامعه وهي مبسوطه لانها تعرفت على بنت جديده ~ههههههههه مثل الاطفال~
رجعت وابسامتها في وجهها مافرقتها الالما شافت البنات في الصاله مكتئبين
هديل :بنات وش فيكم وش صار
لحظه صمت سادت الجميع والحزن في يتملك اوجههم
هديل : بنات انا اتكلم وش صار
رزان : هديل ادخلي غرفتك ولمي اغراضك
هديل :ليش
افنان : سوي الي قالته رزان
هديل : لا انا من حقي اعرف وش يصير بهذا البيت مدام ني احد سكانه
دانيه : هديل حبيبتي اسمعيني صاحب البيت يبي.................... يبي
هديل : يبي ايش دنو تكلمي
دانيه: صاحب البيت يبي بيته يقول ان ما سدتوا الي عليكم ببلغ الشرطه او اطلعوا منه بكرامتكم
هديل بصدمه : كيف يعني بنفترق
هيله بصوت عالي وغضب من الكلمه الي قالتها هديل لانها تحبهم وماتبغا تتركهم : لا لا ان شاء الله مارح نفترق
� ﬗ▁▂▃▅▆▇★☀二انتهى البارت 二☀★▇▆▅▃▂▁ﬗ
__________________________________________________ __________
اتمنى يكون عجبكم البارت ابي ردود عشان اتحمس لتنزيل
__________________________________________________ __________
رزان : لازم نشوف حل
دانيه : رزان معها حق
هيله : بنات انا لقيت شقه بس
هديل :بس ايش
هيله صمت وخوف من صديقاتها
افنان : هيله تكلمي
هيله : لقيت شقه بس ................هي ...........شقه عزَاب
الكل صدمه وخوف من المستقبل
دانيه : عزاب
هديل : مستحيل اروح
افنان :هيله انتي تمزحين صح
هيله : بنات انتم لازم تسمعون كلامي بكل دقه
هديل : اسمعوا الي يتكلم انتي فاهمه وش تقولين شقق عزاب يعني مو متزوجين ~يقالها مارح تفهم ~
هيله : احنا لازم نقص شعورنا ونتصرف كاننا شباب
هديل بصراخ ودموع اوشكت على الهبوط: هيله انا مارح اروح
هيله بمنطق وعقلانيه : اجل ارجعي لاهلك الي طردوك ظلم وعيشي في العذاب ~بعدين نعرف القصه ~
هديل ببكا يقطع القلب : انتي ماترحمين ومانه على غيرك عشانك سكنتيه عندك
هيله ولاحرف من كلام هديل هزها لانها كانت عارفه انها بتسمع كلامها
رزان وافنان اخذوا هديل الغرفه يهدونها والي باقي في الصاله دانيه وهيله
دانيه : طيب وش بنسوي ؟
هيله: اول شي بنقص كلنا شعورنا بوي ثاني شي بنتصرف في هذا البيت لمده التعزيل وكاننا اولاد
دانيه : بس هذي مجازفه
هيله : والله داريه بس وش اسوي مالقيت شقه ندفع اجرها كل شي غالي
دانيه :اكيد مافي شي رخيص الحين
هيله : اكيد
عند فارس :
التقواا الشباب في ستار بكس
فارس : سلام
الكل : وعليكم السلام
فارس : شباب خلاص تم الموضوع الاجازه وكل واحد صار عنده اجازه لمده شهرين
سليمان : حلو
تركي : يعني كل واحد صار عنده اجازه وراح نروح الشقه
خالد : طيب وينها فيه
فارس : في الفيحاء
خالد : ايه
وليد : متى بنروح ؟
فارس : انتم حددوا الشقه جاهزه
وليد : هاه شباب متى نروح
تركي : وش رايكم الاربعاء
خالد : بعد يومين
تركي : ايه
فارس : انا موافق
خالد: موافق
وليد : انا بعد
سليمان : تم
تركي : موافق
نروح لجهه اخرى شخصيات اخرى عالم اخر بيت ابو ابراهيم عم فارس واخو ابو فارس
ابو ابراهيم ( صالح ) عمره 44 يشتغل مدير مدرسه طيب وحنون وجميل
ام ابراهيم (منيره ) 40 كانت تشتغل مدرسه عربي بس تقاعدت طيبه وحنونه وجميله
عيالهم
ابراهيم عمره 24 يدرس طب في امريكا مع صديقه نواف
عبير عمرها 22 سنه تدرسه في جامعه الملك سعود تربيه فنيه وهي فنانه في الرسم مغروره وانانيه غير عن كل خواتها وتحب فارس بجنون ودايما تقول بكره بيجي ويخطبني ~ايه هو واقف عند الباب ~
حسناء عمرها عمرها 14 سنه ثاني متوسط تحب يوسف بس مو مثل اختها الي شايفه نفسها حبوبه وجميله وتحب تكون لحالها
علي عمره 11 سنه سادس ابتدائي الكل يحبه وخاصه فارس وعبير تستغل حبه عشان تشوفه
عبير في في غرفه حسناء : حسناء تعالي شوفي رسمتي
حسناء من غير ماتشيل عينها عن الكتاب الي تقراه : حلوه
عبير بنرفزه :انتي ماشفتيها كيف تقولين انها حلوه
حسناء : عبير انتي رسوماتك كلها حلوه
عبير هدت : ايه صح ~واثقه ~
عبير : حسناء ليشم انروح بيت عمي احمد ابي دانه وملاك في موضوع
حسناء : انتي قلتيها تبينهم انتي انا ليش اروح ؟؟
عبير امم .. اقعدي مع خالتي ام فارس
حسناء : احلفي ليش انا الي بتزوج فارس والا انتي ؟؟
عبير عصبت من كلمه بتزوج الي قالتها حسناء : ولا كلمه انا قلت لحد يتكلم عن موضوع الزواج هذا انا بس الي اتكلم فيه ~ مثل الاطفال~
حسناء : خلاص طيب
هدت عبير شوي : المهم بتروحين
حسناء : لا
عبير :لا بتروحين وغصبن عليك ~ اجل ليش تسالين ~
عند البنات
هيله : يله بنات بنتاخر
هديل : طيب وش ورانا
هيله : قص شعورنا
هديل حزنت وتذكرت الي بيسونه
رزان: هيله انتي متأكده من الي تسوينه
هيله : ايه خلاص عاد لاتوتروني
دخلت عليهم افنان ودانيه
هديل جاء في بالها شي
هديل : دندون ممكن اسالك سؤال
دانيه : اكيد
هديل : كيف انتي جيتي هنا مع انك غنيه وعايشه بجده
دانيه لحظه حزن وتتذكر الماضي : انا بالاصل من
قطعت هيله عليهم الكلام : يله التاكسي ينتظرنا
نزلو البنات وشافوا سيارتين تكسي
هديل : ليش ثنتين ؟؟
هيله انا قلت لباشا انو يجيب تكسي ثاني عشان ما نتزاحم في السياره
افنان : خلاص انا ودانيه في سياره والباقي معاك ياهيله
هيله : خلاص
وركبوا زي مااتفقوا عند هيله
هيله وهي تهاوش هديل : ليش قلتي لها الكلام ؟؟
هديل: ليش وش فيها ؟؟ بعدين انا ماسويت شيء غلط !!!
هيله بصراخ : انتي لو انك مكانها كان ماقلتي كذا
هديل حست بتأنيب الضمير وقالت: ليش وش صار معها
هيله : دانيه متعوده على العز و الدلال وكانت كل ماتتمناه يجيها ابوها رئيس شركه ضخمه في جده وامها تشتغل في جامعه المللك عبد العزيز لما كبرت صارت طايشه وماتعرف تتصرف في أي موقف
هديل : طيب امها وابوها قريبين من بعض
هيله : اكثر مما تصورين
هديل: طيب وين المشكله
هيله : اسمعي مارح اعيد عليك الكلام بس توعديني انك ماتتكلمين عند دانيه
هديل بتسليك : ايه ايه طيب
هيله :ابوها عقب ما لاحظ انها صارت طايشه وماتتهتم بشيءفكر بشيء ~ راح نعرف بعديين ~
ناداها على مكتبها الي في البيت وقالها
ابو دانيه : اسمعي يادنو لمي اغراضك بعد بكره بتروحين الرياض بتقعدين هناك ومارح ترجعين الا لماتحسين نفسك صرت تتصرفين صح
دانيه بدموع واستنكار الموضوع : بابا وش المناسبه
ابو دانيه :حطيت لك حساب بالبنك بنك الرياض
دانيه : بابا
ابو دانيه : انتهى النقاش خلاص استعدي رحلت بعد بكره
دانيه طلعت والدموع ماليه عينها
دخلت ام دانيه على ابو دانيه
وقالت : والله صعبانه علي اكلمها مره في الشهر
ابو دانيه :لازم تكبر وتعتمد على نفسها
ام دانيه : يعيني عليك يابنتي
هديل : ياحرام
هيله : تراها كانت طايشه مثل ما قالت لي
هديل وليش الحين اهي هاديه
هيله : تقدرين تقولين يغير ولا يتغير
هديل : سبحان الله
اما عند افنان ودانيه
انواع الضحك والهرجه والرجه
نروح لعبير وحسناء
عبير دخلت عليها وهي مبسوطه
عبير تفأجت :ههههههههي انتي للحين مالبستي
حسناء : قلت لك مارح اروح
عبير بهدوء وبرود : مو على كيفك يله قومي البسي
حسناء ماتقدر تسوي شيء : اووووكي
عبير : اخلصي يله السواق عند الباب
� ﬗ▁▂▃▅▆▇★☀二 انتهى البارت二☀★▇▆▅▃▂▁ﬗ
__________________________________________________ __________
__________________________________________________ __________
� ﬗ▁▂▃▅▆▇★☀二البارت الثالث 二☀★▇▆▅▃▂▁ﬗ
في بيت ابو فارس :
وصلت عبير وحسناء
عبير : اهلين خالتي
ام فارس : هلا والله بنتي عبير
حسناء : اهلين خالتي
ام فارس : هلا وغلا اسفرت وانورت وستهلت وامطرت
عبير : خالتي وين ملاك ودانه ؟
ام فارس : ملاك في غرفتها نايمه ودانه للحين مارجعت من الجامعه
عبير : اجل بصعد للملاك
حسناء : نايمه
عبير: بصحيها بطريقه حلوه ومرا اوفر
صعدت عبير للملاك ودخلت غرفتها بشويش وصرخت واهي نايمه : ملالالالالالالالالالالالالالالالالالالالالالالالال الالالالالالالالالالالالالالاك اصحي
ملاك صحت من النوم خايفه ونجووووم الظهر في راسها : بسم الله الرحمن الرحيم
عبير :ههههههههههههههههههههههههههههه
ملاك : عبور !!!!! وش تسوين هنا
عبير: اطلع من البيت
ملاك : حرام عليك توني راجعه من المدرسه
عبير : نصابه الساعه 3 الحين وانتي رجعتي الساعه 12 بلا نصب
ملاك : اسفه
عبير: عادي
اما بنسبه لحسناء تتمنى تنشق الارض وتبلعها وهي قاعده تسب وتشتم في اختها عبير في سرها
ام فارس : حسناء امك شخبارها ؟؟
حسناء : بخير ياخالتي وتسلم عليك
ام فارس : الله يسلمها ليش ماجت معاكم؟؟
حسناء : والله مشغوله بامور البيت وتدرس علي
ام فارس : المفروض امك كبرت على سوالف التدريس علي ماشاء الله عليه في سادس كبير الحين
حسناء : الله يهداك ياخالتي بتعذرين امي ليش تدرس علي لين الحين الشاق القاع فيها وموريها الويل
ام فارس : الله يهداه بس
حسناء : ايه والله
اما عند البنات رجعوا من المشغل :
هديل : اخيرا رجعنا مابغينا
هيله : بنات احنا من الحين لازم نحط لانا اسماء شباب عشان نتصرف انا اخذ اسم ياسر
هديل : وانا سلطان
افنان : وانا عبد الله
رزان : وانا راكان
دانيه : نواف انا نواف
هيله : خلاص يعني صرنا ياسر , سلطان , عبد الله , راكان , ونواف
شيء ثاني من الحين بنبدا نتصرف مثل الاولاد
هديل : تستهبلين
هيله : الموضوع هذا فيه مزح
رزان : طب هيله متى بنروح الشقه
هيله : الثلاثاء
رزان : ااااا اوكي
عند فارس والشباب :
وليد : فارس انت متاكد من الي تسويه
فارس : وليد وش سويت ترى احنا بنروح شقه نقعد فيها كم يوم ونرجع لاتخاف
وليد : مادري ماني مطمن
خالد : تطمن يا بابا مارح يصير شي
بعدين ترى احنا بنروح الاربعاء يعني لسا بدري على قلقك
في بيت ابو فارس رجعت دانه من الدوام ماتفاجئت بوجود حسناء و عبير لانهم متعودين انهم يكونون موجودين
دانه : عبير وين حسناء
عبير : ليش ماشفتيها مع امك تحت بالصاله
دانه : لا لاني دخلت من الباب الي وراء
ملاك : وليش وش عندك داخله من وراء
دانه : ماعدني شيء
ملاك : ايه هين
عبير : خليها مع امك انا اصلن ابيكم بموضوع
ملاك نطت لها : وش عندك اخلصي تكلمي
دانه : وش عندك
عبير : ابي اشوف فارس
ملاك : ليش
عبير : وشو ليش حرام يعني
ملاك : لا بس ..
عبير تصرف : لابس ولاشيء بعدين ابي اسلم عليه وبس
دانه : عبير وش بينك وبين فارس ؟؟!!
عبير ارتبكت : هاه لاولا شيء
دانه : اهو بيرجع بعد المغرب
عبير : مطول خلاص انا برجع بعد ساعتين
دانه : مع السلامه
واول ماطلعت عبير من الغرفه
دانه :اقص يدي ان ماكانت تحبه
ملاك : احلفي قولي قسم يعني مادري ماشفتيها كيف كانت متردده لما سالتنأ عن فارس
دانه : الا
ملاك : اجل اوص
دانه رمتها بالمخده وطلعت ..تحت في السياره
حسناء : توبه اجي معاك مره ثانيه
عبير: اقول انطمي واسكتي وعلى فكره ترا احنا بنرجع لهم ببعد ساعتين
حسناء سكتت ويوم وصلوا البيت
حسناء : مو على كيفك تجريني معاك زي الخروف كل مكان
عبير : حبيبتي انا قلت بتروحين يعني بتروحين
حسناء : انا اروح غرفتي احسن لي من مقابل وجهك وخليني اكبر راسي احسن من الناس الي يبربرون واجد
عبير : بتروحين .. رضيتي والا مارضيتي بتروحين يعني بتروحين
عند البنات :
هديل : هيله وين اكسواراتي
هيله : انا قلت اسمي ياسر
هديل : يعني اقول ياسر وين اكسسواراتي على فكره ترا احنا نلعب على بعضنا بهذا الكلام
هيله : هدول خلاص عاد اكسسواراتك بالدرج حق افنان روحي خوذيها
هديل : ان شاء الله
وراحت هديل فتحت درج افنان الا وتلقى فيها صور للافنان وهي صغيره
دخلت افنان الغرفه وشافت هديل وهي ماسكه شيء بيدها قربت عندها وقالت
انتي وش معاك
لفت هديل من الروعه وشافت افنان معها الصور
وقالت : انتي مين الي اعطاك الاذن عشان تفتحين الدرج وتجسسين على خصوصياتي
هديل ساكته ماتدري وش تقول بعد فتره قصيره : انا جيت اخذ اكسسواترتي هيله قالت هي بدرج افنان
افنان : خوذيها ويله انقلعي برى
هديل اخذت الي تبيه وعند الباب
قالت : معصبه
قالت افنان : لا مستانسه وش رايك يعني يعني شكلي يوحي اني انا في مدينه العاب ومستانسه
هديل :يمكن
افنان : انقلعي برى انقلعي ومابي اشوف وجهك
طلعت هديل وهي تفكر بالصور وتقول والله ان سالفت كبيره يا افنان و مو زي دانيه
بعد ساعتين من خروج عبير وحسناء من بيت ابو ففارس
عبير : حسناء يله قومي البسي بنروح
حسناء: قلت لك مارح اروح لو تحبين رجلي مارح اروح
عبير: حسنوه اطلعي من الغرفه والبسي احسن لك لاوريك صدق كيف مره ثانيه تقولين لا
حسناء : وريني واعلى مابخيلك اركبيه
عبير : طيب يا حسنوه انا اوريك لما ارجع
حسناء : ان رجعتي يصير خير اصلا ما اتوقع تبعدين عينك عن فارس وترجعين البيت فاهمه قصدي صح والا لا
عبير وهي ماسكه اعصابها
حسناء انا قلت لك الالف المرات فارس مايجي على طرف لسانك فاهمه
حسناء ماتبي ترد
راحت عبير لبيت عمهاااا وهناك
دانه : اهلين
عبير : ليش تأهلين وتسهلين فيني ترا قبل ساعتين شايفتني
دانه : ميخالف عادي
عبير: يانيال الي بياخذك
دانه : ليش وش قلت عشان تقولين هذا الكلام تر اتوني صغيره
عبير : صغيره ما اختلفنا ........
ملاك جت قاطعتهم
: ايه خلاص عاد يانيال الي بياخذكم ثنتينكم
عبير : ان شاء الله الي في بالي
دانه : ليش في احد واخطبك
عبير : لا
ملاك : اجل
عبير تورطت هل مره وماتدري وش تسوي
صرفت السالفه بسولفها عن الجامعه والبنات مشوها
نروح للبنات
هديل : مالي شغل بتقولين يعني بتقولين
هيله : انا بافهم انتي كيف تطيحين على مصايبهم القديمه وتبغين بعد تعرفين السالفه وش هاللقافه
هديل : ايه انا ملقوفه عشانها صديقتي اقصد اختي
هيله : ما اختلفنا اختك صديقتك بس مو باهلحشريه
هديل : انتي قولي السالفه وما عليك
هيله : الله يعيني عليك
هديل : ومع كذا مارح تخلصين مني ....... قولي السالفه الحين ولا تسلكين
ياترى وش قصت افنان ؟؟
ووش بيصير في بيت ابو فارس
ووش حكايه وليد قلقان من الي بيصير ؟
كل هذا بنعرفه في البارت الجاي
� ﬗ▁▂▃▅▆▇★☀二 انتهى البارت二☀★▇▆▅▃▂▁ﬗ
رد مع اقتباس
