ماأحلى من جنونها الا عيونها -رواية
عنوان الموضوع : ماأحلى من جنونها الا عيونها -رواية
مقدم من طرف منتديات نساء الجزائر
ماأحلى من جنونها الا عيونها
السلام عليكم ورحمة االله وبركاته ,,,شو اخباركم بنـــــــات ؟؟؟؟
انا جديده بالمنتدى وحابه انزل روايتي وحابة ياصبايا ياعسل انكم تعطوني ارائكم سواء مدح او نقد بس باسلووووووب وانا اتقبله بكل سعة صدر وهذي اول تجربة لي وان شاء الله باذن الله تكون حلوه وتعجببكم
ملاحظــــــــــــــــه :مااحلل ولا اسامح الي تنقل الرواية بدون اسمي "ألمآآآآسة"
وهـــــــذا اول بـــــــــــارت ...
بسم الله الرحمــــــــــــــــن الرحيـــــــــــــــــــــــــــــــــــــــــــــ ــــم "
في أحد أحياء الشرقية وفي ذلك البيت الذي لا يظهر عليه منظر الغنى او الفقر تبتدأ به روايتنا ....
سالي :بابا الله يخليك مشآآآن الله وافئ .
عبد العزيز,ابو سالي :انا مالي دخل شوفي امك اذا وافقت او لا مع اني متاكد انها بترفض.
رنا,ام سالي :اي انا حكيت من الاول وئلت لا مافي داعي ارجع اعيد الحكي شغل مافي روحي عملي شغله تنفعك احسن .
سالي: لك ماما ليش والله مافيها شي انا بائيلي سنة وبخلص ادارة اعمال وهلأ (الحين) اجازة خليني استفيد منها و وعد قريب تخلص الاجازة اترك الشغل واهتم بدراستي..بس مابدي ضل هيك اعده بالبيت .
عبد العزيز:يابوي وين تشتغلين ؟؟؟!!!
سالي :بابا هلأ في كتير بنات عم يتوظفوا بهاد شو اسمو اي بالاستقبال الي بالمستشفى وكلن معن شهادات ثانوي يمكن بس ومابدها خبره يعني .
رنا:ياسلاااام هاد الي كان نائص.
سالي:انتوا ليش هيك معئدين (معقدين) الموضوع ,,,وتنقز عند ابوها :يبا تكفى خلي رنوش توافق ماحد يقدر عليها الا انت .
عبد العزيز وهو مبتسم: عيب ايش هذي رنوش قولي امي بعدين خلاص بشوف الموضوع مع امك لاتحنين.
رنا:انت ليش هيك بثواني بتغير رأيك ؟ كل مابتدلع عليك شوي بتئلا اي على طول .
عبد العزيز وهو يطالعها بخبث :شسوي اذا دلعها مثل دلع امها وانا ما أتحمل هالدلع ,,وهو يغمز لها .
رنا استحت :تؤبر ألبي شو لسانك بنئط عسل .
عبد العزيز : والله ان العسل منك وفيك .
سالي: احم احـــم نحنا هنا ,,بابا كأنك سحبت علي يلا خلصوني اي ولا لا ؟؟؟,,وقفت وضمت كفوف يدينها مثل الصينين:مامااااا بابااااا ارجوكم ارجوكم لاتنسفوا الجبهه .
رنا وعبد العزيز:ههههههههههههههههههه
عبد العزيز:ايش دخل الجبهه بالموافقة الحين ؟؟
سالي:الا دخلها ونص انا متحدية صديقتي بشرى انكم راح توافقوا وماتردوا طلبي,,,والحين استأذن رايحه انام وانتظر الجواب السعييييييييد "وهي تشد على كلمة سعيييد" وحبت راس امها وابوها وراحت غرفتها توضت وصلت ركعتين قبل تنام ودعت ان ربي يبعد عنها كل شر وييسر لها كل خير ونامت ...
عبدالعزيز وهو يتنهد :واالله ماأدري اوافق ولا لاا كسرت خاطري .
رنا:لا مافي شغل لاتئلي كسرت خاطري مابدي بنتي تشتغل بالمستشفى .
عبد العزيز:خليها على راحتها دام مافي شي غلط تروح وتجي باحترامها.
رنا :بس عبد العزيز.....
قاطعها عبد العزيز:رنا الله يرضا عليك اتركي خوفك شوي البنت تبي تجرب الشغل وكلها شهرين بس والاستقبال كله بنات بتجلس معهم اولا وثانيا سالي ماينخاف عليها ونحنا نعرف ايش ربينا .
رنا :خلص متل مابدك انا مسؤوله عنا هون بس برا البيت انا محملتك المسؤولية .
عبدالعزيز:خلاص توكلي على الله انا وبنتي نتفاهم دام خليتيها علي ,,اهم شي انتي رضيتي؟؟
رنا: ليش انا بئدر ارفضلك طلب حتى لو تجادلت معك بس بالاخير بوافئ متل مابدك.
عبدالعزيز بمحبه : وربيييييي احبببك لو يصير عمري 100 سنة ماراح يقل حبك بالعكس بزداد ولاخر عمري ببقى اقولك اني احبك.
رنا بمحبة اكبر:الله يطولي بعمرك يارب وانا كمان حبيبي راح ضل طول عمري بحبك ,,يلا ئوم(قوم) صار الوئت متاخر وانت عندك دوام ؟.
عبدالعزيز وهو يحرك يده على ذقنه بخببث: اه اي ننام ليش لا ؟,,ويطالعها من فوق لتحت .
رنا مسكت المخده ورمته فيها:دايما تفكيرك بعيد ئوم نام احسن .
عبدالعزيز:ههههههههههههههه طيب بقوم لاتعصبين علينا بس .
.................................................. ..............
>>>>> ردود الأعضـــــــــــــــــــاء على الموضوع <<<<<
==================================
تكملة البارت الاول...
وفي بيت اخر بيت اخو عبدالعزيز/
حصة (مرت عم سالي)تكلم نفسها :من زمان مارحت بيت رنا وقهرتها باقي مابردت قلبي ,,بتشوفين يارنا وربي لاخرب عليك عيشتك مهما طال الزمن اجل انتي عبدالعزيز ولد عمي الي عشقته ومليت من كثر ما المح له عن حبي واخر شي يتزوجك يالسورية وانا اخذ اخوه الي مااطيقه بسبب ابوي الي غصبني عليه ...
قطعت تفكيرها بنتها فرح الي بثاني متوسط : يمة في شي مو فاهمته بالدرس هذا الله يخليك اشرحيه لي .
حصة :اقول روحي عن وجهي انا ايش فهمني بكتبكم هذي , روحي عند اختك مها او انتظري ابوك .
راحت فرح عند اختها مها: مها الله يخليييك حبيبتي انتي اشرحيلي هذي الفقرة مو فاهمتها ولاراضية تخش مخي .
مها وهي تلعب بجوالها :مالي خلقك انقلعي برا مشغوله .
فرح :اي ماشاء الله واضح انك مشغولة بالجواااال وشي مهم مره ,المفروض تنشغلين بدراستك انتي اول ثانوي يبيله دراسة ..
مها وهي دايما اخلاقها موصلة حدها اساسا :اقول انقلعي بلاا نصايحك الي تغث والي مو محتاجتها ...
طلعت فرح والدمعه بعينها :ياربي لا امي ولا مها راضيين يعطوني خمس دقايق من وقتهم ,,حتى ابوي هههههه ليش ابوي درا عنا اصلا اللهم شغله يروح ويجي على البيت كانه فندق ,,ودخلت غرفتها تحاول تشرح لنفسها وتفهمه ...>الله يعينها ادعولها
.................................................. ..........
ثاني يوم الصباح في بيت عبدالعزيز :
دخلت سالي على الصالة :السلام عليكم ,,صباح النور وحبت راس امها وابوها وجلست ..
عبد العزيز ورنا :وعليكم السلام ...صباح الانوار .
جلست سالي وهي ساكته بس عارفة ان ابوها راح يوافق لانه مايرد لها طلب بس تنتظره يفتح الموضوع .
عبدالعزيز : سالي جهزي نفسك بعد صلاة الظهر .
سالي :ليش بابا خير شو في ؟؟
عبدالعزيز يتكلم ببرود : ولاشي بس باخذك نروح نشوف وين راح تشتغلين بأي مستشفى ؟
قامت سالي بفرح :عنجد بابا,,, وركضت حضنته وباست راسه :الله يخليلي اياك ولايحرمني منك يا احلى اب في الدنيا .
رنا: وانا مالي بوسة كمان؟؟
راحت سالي عندها وباست راسها وخدها :لك انتي بتستاهلي كمان اكتر من بوسة ,,الله يطولي بعمركم يااااااااااارب ,, يلاااا ســــــــــــــــــلام بدي روح اخبر بشرى عشان تعرف اني قد التحدي."وركضت لغرفتها "
رنا وعبدالعزيز:ههههههههههههههههههههه
عبد العزيز : الله يهديها هالبنت بس .
..................................................
بعد ماخلص عبدالعزيز صلاة بالمسجد وراح للبيت عشان ياخذ سالي .
سالي صلت بعدين قرات شوية قران متعودة بعد كل صلاة تقرا شوي لو صفحه وحده .
بهالوقت جات حصة بيت عبدالعزيز كانت دايما تجي باوقات مايكون فيها عبدالعزيز عشان ترمي الكلام على ام سالي وعبد العزيز وسلطان يحسبون ان العلاقه بينهم تمام مع ان عبد العزيز كان شاك لان هو يعرف ان حصة كانت تميل له بعدين قال انها مشاعر مراهقة واكيد راحت بس كان دايما يلاحظ ان رنا تكون مضايقة لمن تشوف حصة واذا سالها تقول لا عادي وطلع له اعذار..
كان عبد العزيز واقف برا ينتظر سالي شاف سيارة توقف عند البيت وتنزل منها حصة لمن شافت عبد العزيز صارت تمشي بغنج ,,,
عبد العزيز ماناظرها وهي انقررت ودخلت ..
فتحت لها الخدامة ودخلت لقت ام سالي جالسة بالصالة ووطالعتها بحقد : اهلا ست رنا اهلا بخطافة الرجال يو لالالا خليني ادور غيرها اكيد حفظتيها هذي اممم اي أ..
قاطعتها رنا بكره : خلصيني احكي الي عندك وتفضلي لبرا.
حصة بكل كره العالم : انتي وحده حقيرة كيف ترضين لنفسك تستمرين بالعيشة مع رجال انتي عارفة انه يحبني وانا احبه ..
فهالوقت طلعت سالي من غرفتها وسمعتها وهي دايما تسكت عشان امها محذرتها تقول شي لها : براااا انتي من سمحلك انك تدخلي هنا مو لانه امي ساكته لك يعني هذا من خوفها لا يامماما امي ماتبي تسوي مشاكل ولا كان علمت ابوي وانتي اكلتي تبن وفوق هذا امي تستقبلك وتعاملك عادي لمن يجي عمي يسهر عندنا وبالمقابل انتي حضرتك تسوين فيها قدام ابوي وعمي انك الزوجه المثالية ومن وراهم تجين ترمين على امي الكلام ونحنا ....
قاطعتها ام سالي : خلص سالي انتي طلعي ابوكي عم يستناكي برا
سالي :قبل اطلع هذي بتطلع قبلي ,,وقربت من حصة وهي تهمس لها :قسما بالله اذا ماطلعتي الحين قبلي او شفتك هنا مره ثانية بدون عمي ورب الكعبة والي خلق السماء والارض لاقول عن الي تسوينه باخر الليل تطلعين بدون مايعرف عمي .
حصة بكل قهر ومصدومه :نعم !!؟؟انتي ايش تخربطي انا ...
سالي ماخلتها تكمل :انا حلفت والحين طالعه حابة اسوي الي قلتلك عليه لا تطلعين قبل مااطلع ,ان وصلت الباب وانتي مو خارجه قبلي تحملي الي يصير .
حصه بكره وغيظ رمت الشيلة بسرعه اي كلام وطلعت .
رجعت سالي باست راس امها وقالت وهي تشوف نظرات امها نظرات استغراب من الموقف الي صار قدامها : هلأ بس ارجع بخبرك شو صار يلا سلااااااااام دعيلي .
.................................................. ......................
__________________________________________________ __________
البـــــــــــــــــــــــــــــــــــــــــــــــ ــــــــــــــــارات الثاني "
نزلت سالي وركبت السيارة : السلام عليكم
عبدالعزيز:وعليكم السلام ورحمة الله وبركاته ,,غريبة شفيها مرت عمك قبل شوي شايفها دخلت والحين طلعت مامدها تجلس ؟؟!!
سالي استغفرالله سيرتها تغث: لا بس كانت بالماركت تجيب اغراضها وقالت انها مرت تسلم علينا وانها مستعجلة بتروح تجهز الغدا لعمي .
عبدالعزيز:اها الله يسلمها ,,الا حبيبتي انتي جبتي كل اوراقك الي ممكن يطلبوها ؟؟
سالي بكل حماآآآآس : افا عليك ماخليت شي كل ورقة لها داعي او مالها داعي شلتها معي حتى ورقة التقويم الي مادري ايش ابي فيها شلتها لانها طلعت قدامي هههههههههه لا وبعد التاريخ قديم .
عبدالعزيز:ههههههههههههههههههه الله يهديك بس وتخفي من هبالك الي كل ماكبرتي يزيد عكس الناس الناس تكبر ويكبر عقلها وتخف هبال الا بنتي .
سالي ضربت كتف ابوها خفيف وبمزح :شو استاز عبدالعزيز هلأ ماعاد نعجب حضرتك ,,لك انت الله عطاك بنت مافي متلا بالدنيا كلها احممممم ..
عبدالعزيز:ههههههههههه خفي علينا بس ورجعي لتواضعك احسن وانزلي وصلنا .
نزلت سالي وعبدالعزيز للمستشفى وكان باين عليه انه راقي دخلو للمدير ودار الحوار بينهم بس اعتذر عن عدم مقدرته على قبولها وان كثير من البنات مقدمين وظايف قبلها وكلهم رفضهم ,,
طلعوا وراحو على مستشفى ثاني وكان معروف وكبير في الخبر ,دخلوا عند المدير وكان رجال باين عليه انه كبير في العمر .
عبدالعزيز:السلام عليكم
المدير:وعليكم السلام ..هلا حيــــــــاك
عبدالعزيز:الله يحيييك ويبقيك ,,شخبارك طال عمرك ان شاء الله طيب ؟؟
المدير:بخير الله يسلمك ,,امر اي خدمه ؟؟؟؟؟
عبدالعزيز : مايامر عليك عدو والله انا عندي بنتي حابة تتوظف بالاستقبال وجينا هنا و املين خير ان شاء الله .
المدير :الله يحفظها لك ,طيب عطني لو سمحت اوراقها واي مرحلة هي وصلت متوسط ولا ثانوي ؟؟
عبدالعزيز وهو عارف انه راح يستغرب من جوابه : لا والله هي جامعه تخصص ادارة اعمال .
المدير بصدمة :نعم ,أأ...اقصد ماشاء الله ادارة اعمال وتبي تشتغل هنا وبالاستقبال !!!
عبدالعزيز ارتاح له لانه محترم وكبير في العمر فشرحله : اي والله هي حابه تشتغل بهذي الاجازه .
المدير وهو مستغرب من هالبنت :طيب ممكن اشوف اوراقها ؟؟
عبدالعزيز:تفضل .
فتحهه وقام يقلب بالاوراق وهو مصدوم وبداخله :ماشاء الله على هذي البنت دراجاتها عالية بالمرة وبالثانوي نسبتها 100% مع انه مااحتاج لموظفه بس والله تستاهل انه ماينرد لها طلب وحرام اضيع لها هالفرصه .
المدير طالع عبدالعزيز بابتسامه :ماأقول الا الله يوفقها ماشاء الله على بنتك .
عبدالعزيز تضايق شوي :يعني ماتقدر توظفها ؟؟
المدير ومازالت البسمه على فمه :والله هو الصراحة ما أقدر |....وسكت شوي ,ثم كمل :والله ماأقدر اقول الا حياها الله ومن اليوم العصر تقدر تداوم مع البنات عشان تتعلم كيف الشغل .
عبدالعزيز بفرحة : مشكور وربي ماقصرت .
سالي طايرة من الفرحة واخيرا مو مصدقة واخييييييرا بشتغل .
المدير : العفو,وموفقة يابنتي انا بشوفلك الحين مكان في الاستقبال والعصر بكون بإذن الله بكون جاهز .
عبدالعزيز:بإذن الله ,,ومشكور مره ثانية .
المدير :حيــــــــــاك ...
خرج عبدالعزيز وسالي ....
المدير بداخله : والله غريبة هالبنت اول مره تجي بنت وتدرس بالجامعه وتبي تشتغل بالاستقبال اكثر البنات الي يجون ويقدمون وظايفهم في الاستقبال مايكون معاهم الا شهادة ثانوي ,,بعدين على ايش حابين هالتخصص ادارة اعمال مثل ولد فهد الله يهديه,خلني اقوم انظم الوضع بنفسي احسن شي .
.................................................. ......
في بيت عبدالعزيز /
سالي :يآآآآآآآي مبسوطة والله مو مسدئه (مصدقة )اني راح اشتغل .
ام سالي :الله يوفقك يابنتي وانتبهي على حالك ولا تروحي تحكي مع البنات وتاخدي وتعطي معن كتير خليكي رسمية مابتعرفي خيرهم من شرهم .
عبدالعزيز:رنا الله يهديك خلاص مافي داعي سالي كبيرة وانا واثق انها حافظه هالكلام اكثر من اسمها من كثر ماينعاد ,,جهزي نفسك سالي بعد العصر مانبي نتاخر .
سالي : ان شاء الله بابا .
........................................
في بيت سلطان /
حصة بغرفتها وراسها بينفجر من كثر التفكير تبي تعرف كيف سالي عرفت عنها شي من حياتها وطلعاتها :لايكون تراقبني لالا شلون تراقبني ماعندهم بدي قارد ولا وحده من بناتي يمكن قايله لها امم لا بعد مااتوقع انا واثقه ان ماتقدر وحده منهم تتكلم لانهم عارفين ماراح ياخذون ريال واحد وغير الاشياء الثانية الي بسويها فيهم وامنعهم منها اذا وحده قالت حرف ....
والي ماتعرفه حصة ان بنتها فرح هي الي قالت لسالي لمن كانت متضايقة وطلع معها الكلام بكل عفوية
لمن كانو عند بيت عمهم عبدالعزيز قالت ام سالي لسالي : الله يرضا عليكي حبيبتي جيبيلي كاسة ماي
((وربي ان دعوه من الام او كلمة بسيطه تكفي انها تشعرنا بالسعاده والحمد لله على هذي النعمه وربي يابنات الي امها مازلت عايشه لاتفرط برضاها امك ثم امك ثم امك ))....
قامت سالي للمطبخ عشان تجيبلها المويه الا لحقتها فرح بدون لاتنتبه امها لانها كانت مشغولة بالجوال ..
بالمطبخ,فرح |:سالي ممكن سؤال |؟؟؟
سالي باستغراب:اي يا ألبي تفضلي ؟؟؟
فرح :الحين امك بس تدعيلك وتقولك كلام حلو قدامنا ولا على طول ؟؟؟!!
سالي بستعجاب من سؤالها :!!! لا الحمدلله دايما هيك ماما لسانها عسل مع الكل ,,,بس ليش عم تسالي ؟؟
فرح وعيونها مدمعه وبضيق ولقت نفسها تقول الي بداخلها من الكبت : ياحظك نفسي ماما تقولي كلمة وحده حلوه لو كلمة قبل انام تكفي واالله بس مو فاضيه اصلا دايما برا .
سالي :؟؟؟شلون برا مع عمي يعني وانتي ومها بالبيت ؟؟
فرح : لا تروح لوحدها لان بابا كثير من الايام يتاخر بشغله وهي تطلع وتهددنا اذا قلنا لاحد وصاحت ..
سالي مصدومه وبنفس الوقت تاكد الشك الي كان بداخلها : خلاص حبيبتي امسحي دموعك بسرعه وغسلي وانا بدخل قبلك وانتي تعالي بعد شوي عشان اذا سالتك امك وين كنتي قوليلها بدورة المياه ,,وانا مثل اختك واعز ان شاء الله شو مابدك انا موجوده وحضنتها ,,اصبري حبيبتي ولاتتاخري يلا .
وبداخل سالي تاكد الشك الي كان يدور براسها من ذاك اليوم الي شافت فيه مرت عمها تبي تدخل دورة المياه ومعها جوالها وتناظر حولها كانه ماتبي احد يشوفها ومانتبهت لسالي وسمعتها تكلم واحد بس كانت ماتبي تسيئ الظن فيها ..
حصة وهي تحاول تعرف كيف سالي عرفت شي عنها اخر شي لمن عجزت :مهما كان كيف عرفت الحين انتي ياسالي صرتي اهم من امك اني اخرب لك حياتك .
.................................................. ..............
__________________________________________________ __________
تـــــــــابع البـــــــــــــــــــارت الثاني /
بعد العصر في بيت سالي وهي تلبس نقابها قدام المرايه عند الباب جات ام سالي وتذكرت شي قبل تطلع سالي : لك صحيح تعي لهون انتي شو حكيتي لمرت عمك خليتيها تنئهر وتطلع ؟؟!!
سالي: احسن روحه بلا رجعه , ولاشي بس قلتلها انه انا مجنونه واي شي ممكن اسوي ويمكن اروح اقول كل شي لعمي عن سوالفها معنا وهي خافت وطلعت .
ام سالي وهي مستغربه انها خافت بس من هذا الموضوع : الله يهديها يارب ويكفينا شرها .
سالي وهي مستعجلة باست امها وركض لبرا البيت : دعيلي ماما .
ام سالي : الله يوفئك يابنتي .
............................................
في المستشفى //
دخلت سالي مع ابوها لعند المدير الي رحب فيهم وراح معاهم للاستقبال .
المدير |: السلام عليكم ,يابنات هذي صديقتكم الجديده وبإذن الله بتشتغل معكم علموها اليوم كيف طريقة عملها ومن بكره ان شاء الله بتبدأ بالشغل .
البنات :ان شـــاء الله
عبدالعزيز:خلاص سالي انا الحين رايح وانتي اذا خلصتي اتصلي فيني وانتبهي لنفسك .
سالي :حاضر بابا الله معك .
دخلت سالي الاستقبال وكان عدد البنات 5 وهي السادسه ثلاثة كانوا مشغولين مع المرضى وثنتين فاضين قربوا كراسيهم من كرسي سالي وبدو مرحلة الاستكشاف عن حياة سالي >هههههه اهم شي مرحلة الاستكشاف لابس تعرفون لازم القافة "
نوف وسارة : السلام عليكم .
سالي بابتسامه : وعليكم السلام.
ساره من النوع الي يقط الميانه على طول :هلا ياحلوه الا ماعرفتينا ايش اسمك ؟
سالي : سالي
ساره : ههههههههههه مين الي مسميكي كذا متاثر بافلام كرتون ,,بس والله جد حلو
دزتها نوف :ماعليك منها عاشت الاسامي واسمك مره حلو ماشاء الله .
سالي : عاشت ايامك ياألبي وعيونكم الحلوه .
سارة : نعم!!((البي )) شامية الاخت وانا مدري ههههههههههه.
نوف : بلى غباء يمكن فيها عرق شامي ياربي على الغبااااء بهالبنت .
سالي :هههههه لا عادي بس كلامك صح ماما سوريه وانا ارتاح لمن اتكلم سوري متعوده عليه.
خلصوا البنات البقايين شغلهم وكلهم اجتمعوا علشان يتعرفوا على سالي .
العنود بدلع : هاآآي انا العنود .
سالي : اهلين العنود وانا سالي .
العنود طالعتها بنظرات من فوق لتحت ماعجبتها سالي نظرات العنود بس مشتها .
جات امل بادب : مرحبا وانا امل وان شاء الله تتعودين علينا وتتعلمين الشغل بسرعه .
سالي : هلا فيك حبيبتي اي ان شاء الله بفضل الله ثم انتم بتعلم .
جات رشا اخر وحده مدت يدها وسلمت : هلا فيك حبيبتي نورتي .
سالي وهي تحس انها تتتعامل برسمية : هلا بك زود والنور نورك والله.
سالي :هلأ لحظه بدي اعيد اسمائكن انتي نوف وانتي ساره وانتي ااممممم اي امل وانتي .وقفت شوي طالعتها بنظره بعدين كملت العنود واخر وحده رشا صح ؟؟!!
سارة : يب صح عليك عاد لاتنسين مانعيد اسماءنا مره ثانيه ههههههههه
سالي: لا ماعليكي ماراح انسى ان شاء الله .
نوف: طيب يلا بنات خلينا نعلمها قبل مايجوا الناس الحين العصر بدري شوي ومافي احد بس بعد شوي يصير زحمه خلنا نخلص .
البنات : اي يلا .
سالي : تسلموا والله يسعدكم كلكم يارب .
العنود : انتي الحين ليش تتكلمين سوري يعني مسوية نفسك شامية .
سالي ردت عليها وهي مالها خلق ترد :لا بس انا بحب احكي سوري متعوده عليه مع ماما .
العنود موعاجبها : اها .
امل ورشا : والنعم
سالي بابتسامه: والنعم فيكم والله .
وبدا يعلمونها والعنود كل شوي تناظر سالي وتناظر المصعد الي مقابل الاستقبال انتبهت عليها سالي بس ماعطت للموضوع اهمية .
سارة : الا سالي عيونك طبيعية ؟؟!
امل: قولي ماشاء الله لاتصكين البنت عين .
سالي : هههههههه تركيها ,,لا عدسات >تمزح
العنود طالعتها بغيره :بس ممنوع العدسات اذا ماتعرفين النظام هنا المدير مشدد العدسات والمكياج ممنوع .
سالي : امزح والله مو عدسات بعدين انا مو حاطه مكياج يعني مو حاطة كحل اللهم مسكرا فقط لاغير "وهي تقصد العنود لانها مكثره كحل ".
رشا : ماشاء الله عيونك تجذب لونها عسلي فاتح وتحسين انها تلمع .
سارة : الا قولي دوووخ انا بنت وخقيت على عيونها و ودي اشوفها , بس الحين اذا دخلنا كلنا دورة المياه راح يوصل الخبر للمدير اننا تركنا الشغل ويعصب بس تدرون خليكم هنا وانا وياها بنروح بشوفها ونجي .
نوف: لا ياشيخه وانا ابي اشوفها .
امل : هييييه كلنا نبي نتعرف عليها ونشوفها .
العنود بصوت منخفض: الحمد لله والشكر .
شافت المصعد ينفتح رمت القلم بسرعه قريب من سالي :سالي ممكن تجيبي القلم لو سمحتي طاح قريب منك .؟
سالي بحسن نية : اوكي ونزلت جابته
بهالوقت طلع الدكتور بدر واشر للجميع سلام والكل رد عليه حتى البنات والكل كان يحترمه مره وكان اكثر البنات يتمالحون عنده لانه كان وسيم مره سلم وكمل طريقه سالي جابت القلم ولا انتبهت للدكتور لانه كان ماشي وهو معطيها ظهره ,عطت القلم للعنود الي اخذته حتى بدون ماتشكرها او تقول لها شي .
سالي استاذنت من البنات بتروح دورة المياه ولحقتها ساره الا تبي تجي معاها تبي تشوف شكلها والبنات ميتين ضحك عليها وعلى حماسها .
دخلت الحمام (الله يكرمكم) لحقتها ساره : بسررررعه شيلي النقاب بشوف الزين .
سالي :هههههههه طولي بالك ,وشالته
طالعت سالي بساره بالمراية الي قدامهم شافتها فاتحه فمها طالعتها :شو في ؟؟!
سارة : ياوييييييييلليي ياوييييلللي يالهويي وتلطم خدودها .
سالي : بسم الله جنيتي ولي هبله .
ساره : تف تف لا مااقدر اعلق داخل الحمام اقول طلعي بس بسرعه الحقيني .
خلصت ساره وطلعت ,راحت الاستقبال الا كلهم قالو ماشاء الله الا العنود ,سالي: على ايش؟؟ّ!!
ساره : وتسال بعد الهبلة ياماما انتي ابوك كيف رضا تشتغلين والله لو يحطك بخيشه لازم يخاف عليكي يابنت انتي عيونك بلحالها ماشاء الله عشان ماتقولين صكيتك بعين حكاية وشكلك حكاااايااااات ماشاءالله ماشاء الله الله يحفظك .
سالي استحت بقوه : تسلموا يارب وربي انتوا القمر وهاد من زوئكم .
العنود ساكته وتطالعها بحقد ومازالت سالي مستغربة سبب هالنظرات والاحتقار لها .
كملو البنات تعليم الشغل لسالي لين تعلمت كل شي وبما انها تحب الكمبيوتر تعلمت بسرعه واتصلت بابوها لمن خلصت وراحت البيت وسولفت لاهلها عن الي صار وكيف ان البنات ساعدوها وانهم طيبات وانها ارتاحت بالشغل واتعشت معهم وراحت غرفتها تبي تنام لان دوامها الصباح بدري من الساعه 8 لمن 12 وترجع مره ثانية من 4 لمن 8 بليل , دخلت غرفتها صلت الوتر وقرات قران بخشوع ونامت على امل انها تبدا حياه جديده او مغامره جديده بحياتها ....................................
__________________________________________________ __________
البـــــــــــــــــــــــــــــارت الثالث /
في المستشفى الساعة 10 كان وقت بداية دوام الدكتور بدر وقبل مايدخل المصعد تذكر شي : غريبة العنود امس مانادتني هههههه صرت متعود عليها كل يوم وهي مسويه حجة وانا داري عنها بس الله يهديها هالبنت واحاول ابين لها انها مثلها مثل الكل مجرد زملاء ولا راضيه تفهم خلني اسلم عليهم كلهم علشان تفهم اني الكل عندي زملاء وبس
جا عند الااستقبال وكانت سالي عيونها على الكمبيوتر تبي تتاكد انها عارفة كل شي كيف تبحث عن ملف احد عن طريق اسمه او رقمه وهي مندمجه معاه سمعت صوت شخص بس تحسبه من المرضى ماطالعت فيه وكملت شغل .
الدكتور بدر:السلام عليكم,,شخباركم بنات ؟؟
البنات : وعليكم السلام ,الحمد لله بخير .
العنود مقهوره ماتبيه يشوف سالي وبنفس الوقت مبسوطه لانه واقف عندهم :هلا دكتور بدر ,,كيفك؟؟!!
سالي لمن سمعت دكتور رفعت عيونها تشوف الدكتور لمن رفعتها التقت عيونها بعيونه ,بدر انهبل على عيونها وبداخله: بسم الله ماشاء الله بسم الله ماشاء الله شهالعيون ياويليييي من هذي !!!
سالي على طول نزلت عيونها يوم جات على عيونه .
العنود معصببه :دكتور بدر كيفك؟
طالعها بدر وهو مفهي : ها,,اي الحمد لله ..وطالع سالي مره ثانية لف على البنات : شكله عندكم احد جديد ؟؟!
ساره وهي بايعتها : اي الانسة سالي موظفه جديده .
بدر حتى اسمها يجنن : حياك اختي سالي ,,يلا عن اذنكم
سالي بصوت يلا يطلع : الله يحييك (حتى انه ماسمع ايش قالت من كثر ماهي تهمس همس ).
البنات طالعوا العنود وهم يدرون انها ماتطيق سالي عشانها خايفه يعجب فيها .
العنود طالعت سالي بحقد وبداخلها : والله ماخليك تاخذينه لو على موتي .
.....................
الدكتور بدر وهو يشتغل بالملفات الي قدامه وقف عن شغله وسرح لبعيد ووهو يفكر بسالي : ياربي شفيك يابدر يعني عادي اول مره تشوف بنت عيونها حلوه ماله داعي تفكر فيها بس ياربي والله بعمري ماشفت مثل جمال عيونها عليها رموش سبحان الي خلقها من كثافتهم لمن ترمش كانها صدفة مزينه وبداخلها لؤلؤه تلمع افف بصدفه وحده وانخبلت عليها وقاعد اوصفها اجل اذا تاملت فيهم اكثر شبصير فيني يا خلاص يابدر والله عيب تقعد تفكر بالبنت ركز بالشغل احسن مابقى الا الحين تطلع مراهقتي لمن صار عمري 28 استغفر الله بس .
في الاستقبال /
سالي وعيونها على الشاشه : انت عندك ملف هنا من قبل ولاتبي تفتح ملف ؟؟
الرجال وهو مفهي بصوتها : لا عندي ملف من قبل .
سالي رفعت عيونها شوي له : طيب ممكن تعطيني اسمك بالكامل ..
الرجال انهبل ويطالع عيونها بوله : اسمي .........
سالي دورت اسمه : هاد رقمك .......05؟؟؟
الرجال : اي هذا
سالي : الحساب 250 ريال .
عطاها 300ريال رجعت له 50 ريال اخذهم : مشكوره ماقصرتي .
سالي ماردت وهو باقي واقف رفعت عيونها لقته يناظرها عطته بمعنى (نعم في شي ) ؟؟؟
هو تفشل وراح ..
البنات :ههههههههههههه >>قاطين حواسهم مع الموقف .
ساره: الله يعينك حبيبتي مع صوتك وعيونك بتشوفين من هالاشكال كثييير .
سالي : اففف العمى خلص ينئلع شو شايفني مرايه والله ئرف .
نوف : هههههههههههههههههههه طولي بالك والله ماشفتي شي .
سالي : الله يعيني بس على هالنفسيات .
العنود ساكته بقهر وهي بداخلها تبي تسوي لها مشكله تكون سببب بطردها من المستشفى .
خلصت سالي شغل وراحت البيت بدلت وجلست تتغدى مع اهلها .
ام سالي : تؤبري البي تعبانه ؟؟
سالي : بعيد الشر عن البك ,لا ياعمري مو تعبانه بس مليت من الكرسي 4 ساعات اعده بس والله الشغل حمآآآآس .
عبدالعزيز: اكيد يعني مرتاحهه فيه ؟؟
سالي وهي تتذكر الي صار معها اليوم :اي بابا مرتاحه الحمد لله .
عبدالعزيز: الحمد لله الله يوفقك يابنتي .
رنا : امييين يارب .
سالي بمحبه : الله يخليلي اياكن يارب يلا عن اذنكم بدي ارتاح شوي .
عبدالعزيز ورنا : اذنك معك حبيبتي .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ .
العصر بالدوام /
امل : هههههههه الله يسعدك وربي ضحكتيني .
سالي وهي مدمعه عيونها : ههههههه لحظه هههههه اي بطنييي.
البنات ميتين ضحك والي زاد عليهم شكل سالي وهي تضحك على الصامت عشان الرجال ودموعها تنزل .
ساره : وجع سالي انتي اضحكي علي وربي وقتها تفشلت فشيله الله لايوريكم .
رشا :هههههههه تستاهلين ياهبلة ليش لابسه بنطلون كبير عليك .
ساره : شسوي مادري شلون لبسته وربي بس كان عندي بلوزة حلوه ومناسبه فوقه فلبسته بس ماتوقعت اتفشل فشلتني بنت خالتي الحماره قال ايش (ليش لابسه بنطلون ابوك ) .
سالي : ههههههههههههههههههه لك خلص مشان الله كل مابذكر لمن قالت بنطلون ابوك برجع بضحك .
العنود :ههههه وربي انك خبله .
نوف : ههههههه اششش جا ناس سكتوا .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ.
الساعه 6 في المستشفى /
كان باقي لسالي ساعتين وتطلع بهالوقت انتهى دوام الدكتور بدر وهو خارج من المصعد شافته سالي على طول ناظرت الكمبيوتر وماطالعته انتبه لحركتها وكبرت بعينه وكالعاده سلم ع الجميع وطلع .
العنود كانت بدورة المياه (الله يكرمكم ) وانقهرت انها ماشافت ايش صار لمن طلع لانها حافظه وقت دوامه .
ــــــــــــــــــــــــــــــــــــــــــــــــــ ــــــــــــــــ
مر اسبوعين على شغل سالي وسالي حبت شغلها وحبت البنات وتعودت عليهم والبنات بعد مره حبوها من قلبهم وتعودوا عليها والعنود مازل حقدها على سالي يكبر بس كانت ساكته ماتقول شي ومازالت تفكر بطريقه تتخلص من شي اسمه سالي وسالي ايضا مازالت ساكته عن نظراتها الي كلها نظرات استحقار لها وهي دايما مطنشتها وتشتغل بكل بسعة صدر ومطنش كل الرجال سواء مرضى او دكاتره .
في الدوام العصر الساعه 5 :
سالي : بناااات اففف مصدعه ابي قهوه .
نوف : قومي جيبي من الكفيتريا .
سالي : تعبانه مالي خلق اقوم .
ساره : اجل خليك بصداعك شنسوي لك ؟؟
سالي : حرام عليكم وحده تقوم وطالعت امل : اموله حبيبة البي شو رايك تجيبلي وتجيبي الك كمان حاستك مصدعه .؟؟
امل : لا ياشيخه مين قالك اني مصدعه طيري قومي جيبي لنفسك .
سالي : افا وانا اقول امل اطيب وحده فينها وقلبها ابيض .
امل : احم احم تسلمين والله بس مو قايمه .
سالي كشرت : وجع اصلا مين قال قلبك ابيض الا اسود وكلكم بعد الله يسامحكم بس بقوم وامري لله .
ساره : هههههههههههههههههه
امل : الحمد لله والشكر ايش الي يضحك يعني ؟؟!!
ساره : كل ماحد قال قلبك ابيض اتذكر فضة قلبها ابيض ههههههههههه.
امل ضرت كتفها : وجع ان شاء الله خير شايفتني مجنونه .
ساره : هههههههههه مالي دخل سالي الي قالت .
امل : ها ها ها ماتضحك .
ساره : هههههههههههههههه الا يموت من الضحك بس انتي نفسيه الله يشفيك .
امل : والله ماحد نفسيه الا انتي .
رشا : خلاصصص انتي وهي صجيتوا راسنا .
ساره : طيب طيب خلاص لاتعصبين رش رش علينا .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ
__________________________________________________ __________
تابــــــــــــــــــــــــع البارات الثالث /
عند الدكتور بدر : ياربي مليت مافي شغل من ساعتين احسن شي اقوم اشتري شي من الكافيتيريا واشوف احد من الاطباء اذا فاضي اسولف معه .
انفتح المصعد وخرج منه بدر بهالوقت كانت العنود مشغوله بجوالها مانتبهت له .
سالي وهي بالكافيتيريا ياربي شو اطلب اممم احسن شي كابتشينو: لو سمحت ممكن كابتشينو
الهندي : اوكي .
وهي تنتظر دخل الدكتور بدر وقرب من سالي ...
سالي : لو سمحت عطيني سكر
الهندي بابتسامه : اوكي ,بس مافي واجد عشان صحة انتي .
سالي :هههههههه وربي انك خبل مو ناقص غير انت تستهبل .
خذت الكوب وجات بتروح لقت بوجهها بدر بعدت عنه بتطلع شافت الكوب ينقط على الارض حطته على الطاولة وطلعت منديل مسحت مكان مانقط بالارض وجلست تمسح الكوب ,,خلص طلب بدر اخذه وهو طالع شافها راح لعندها : السلام عليكم
سالي وهي مو منتبهه له طالعت فيه ونزلت نظرها للكوب : وعليكم السلام
بدر ياربي رحمتك : كيف حالك سالي ؟؟
سالي : الحمد لله معليش عن اذنك عندي شغل .
بدر وهو مفهي بجمال العيون :أذنك معاك .
مشت سالي وهي مرتبكة تبي توصل للكرسي عشان تجلس عليه من التوتر ,بدر اخذ الكوب وطلع من الكافيتيريا وهو يفكر :ياويلي اذا عيونها كذا اجل هي شلون كلها ماشاء الله كان فيها عرق مو سعودي الله يحفظها يارب .وصل عند المصعد شافته العنود وبيده الكوفي وسالي قبل شوي كانت شاليه بعد كوب يعني كانو مع بعض بالكافيتيريا هين ياسالي هييين .
العنود بكره تكلم سالي : من جد ماتوقعتك وقحه لهدرجه هذي .
سالي مو عارفة السالفه : نعم خير.؟؟
العنود بستهزاء: نعم خير؟ الله لاينعم عليك قولي امين , وجع ماتستحين تتلصقين بالرجال وين ماراح وتتميلحين عنده وتقولي نعم كانك بريئه ولاتدري عن شي .>>صدق من قال كلا يرا الناس بعين طبعه .
سالي بستغراب وقهر : هيي انتي اي رجال؟ بعدين وط صوتك ماحنا لحالنا .
العنود : اي سوي نفسك بريئة بعد قال اي رجال يعني مين غيره الدكتور بدر .
البنات كلهم ساكتين مايبون يتدخلون بينهم بس لمن صار صوت العنود عالي سكتوها .
امل : العنود عيب عليك ياجلسي وتكلمي بهدوء او سكتي احسن .
رشا : اي بنات خلاص عيب بعدين سكتوا جا مرضى .
العنود سكتت بقهر وهي تبي تطلع كل حرتها .
سالي مصدومه من الي صار : الحمد لله والشكر شو صرلها والله نفسيه .
ساره بهمس : ماعليك منها بس هي تحبه وهو ولا درا عنها .
سالي : لاتخافي علي مااهتم بالنفسيات اكثر من الجدران مافي تدق راسها بواحد منهم .
ساره : ههههه وربي تعجبيني مطنشششه ام الدنيا .
سالي : هههههههه افا عليك ماعندي شي انقهر عليه غير امي وابوي .
ساره : وربي انك صادقه اصلا محد عايش غير الي كذا .
طبعا الي صار سمعته فلبينيه كبيره بالعمر هذي من زمان تشتغل واي حرف تسمعه ركض عند المدير تخبره .
راحت عند المدير اول ماشافها عرف انها جايه تقول نشرة اخبار المستشفى .
ابو فهد (المدير): لاحول ولا قوه الا بالله بدت النشرة .
الممرضه :بابا بابا في بنات استقبال في مشكل وفي صارخ .
ابو فهد بستغراب: مين صارخ ؟؟
الممرضة : هذا الأنود (العنود)صارخ على سالي عشان موضوع دكتور بدر .
ابوفهد : دكتور بدر !! ايش دخله ؟؟
الممرضه : الا بابا في دخل انود في كلام لـ سالي انت في ألحق دكتور بدر عشان انتي في حبي بس بابا انا شوف كل شي انا مافي عمي (مو عميه ) انا في شوف انود هي دايم كلام مع دكتور بدر بس سالي بابا مسكين مافي كلم دكتور ومحترم واجد .
ابوفهد فهم القصه وهو كان عارف ان البنات معجبين ببدر ووسامته لمن كانت تجيبله الممرضه اخبار عن البنات >>ههههههه مو مقصره مراقبه الكل .
بس ماتوقع يوصل الموضوع لهدرجه هذي : طيب خلاص انا اعرف كيف اتصرف وانتي سكري الموضوع ولاتقولين لاحد عن شي واذا صار اي شي تعالي علميني .
الممرضه وهي تهز راسها : هاضر بابا هاضر (حاضر بابا حاضر )وطلعت .
ابوفهد وهو يفكر : الله يهدي هالبنات انا قلت في نفسي قبل لاتشرح الموقف ان سالي اكيد ماغلطت لانها باين عليها جايه لشغل ومحترمه مره ومؤدبه بس العنود مافي ذاك الاحترام الي شفته عند سالي بس بترك لها فرصه واشوف ايش يصير .
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ
بعد مرور ثلاث اسابيع /
كل يوم كانت العنود تسمع سالي كلام وهي مطنشه امها على الاخيييييييييير ولا تحتك لا بالدكتور بدر ولا اي احد واللممرضه كانت تسمع العنود وتقول كل شي لابوفهد .
في الصباح بمكتب المدير ابوفهد ..
الدكتور اسامه : اي والله يابوفهد مايصير انا الحين ااكد لك انك لازم تاخذ اجازه وتهتم بنفسك سكرك مو راضي ينتظم لازم ترتاح على الاقل اسبوع .
ابوفهد : والله صدقت لازم ارتاح تعبني هالسكر وهو شوي نازل وشوي مرتفع بس شنسوي عاد الله يعين بس .
الدكتور اسامه : امين , ماتشوف شر يارب عن اذنك بشوف الحالات الي عندي .
ابوفهد : الشر مايجيك واذنك معاك موفق .
اخذ ابوفهد اوراق مهمه من المكتب وهو يفكر :مين اعطيهم المشكله يمكن تجي لجنة التفتيش عن العاملين العصر او باي وقت ولازم يشوفون هالاوراق وانا باخذ اجازه اسبوع مادري مين اثق فيه ,فكر بالموظفين عنده ومين الي يكون قادر الحفاظ على هذي المسؤوليه وجات في باله سالي : والله هالبنت انا مرتاح لها بتوكل على ربي واثق فيها .
اخذ الاوراق وسكر المكتب وراح الاستقبال .
ابوفهد : السلام عليكم .
االبنات : وعليكم السلام .
المدير :سالي لو سمحتي بترك هذي الاوراق معاك واذا جات لجنة التفتيش عطيهم اياهم عشان يتاكدون ان كل الي يشتغلون اوراقهم نظاميه ومافي شي مخالف واذا جا العصر عطيهم ولدي ماعليك امر سواء جات اللجنه او لا لاني باخذ اجازه مدة اسبوع تعبان شوي .
سالي :ان شاء الله ,ماتشوف شر
البنات :ماتشوف شر .
ابوفهد باحترام : الشر مايجيكم مع السلامه .
البنات : الله معاك .
لمن راح العنود تطالع سالي بغيره وحقد : والله مادرى لمين سلم الاوراق مادري شلون وثق فيك .
سالي : والله شي مايهمك ومالك دخل شلون وثق فيني .
العنود سكتتت بقهر دايما تفشلها.
البنات ماسكين ضحكتهم على العنود.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ
رد مع اقتباس
