رواية جروح بدون سبب
عنوان الموضوع : رواية جروح بدون سبب
مقدم من طرف منتديات نساء الجزائر
رواية جروح بدون سبب
منــقـــولـه
رواية جروح بدون سبب
مجروح بدون سبب
اول روايه لي
روايه رومانسيه من وحي الخيال وليس لها اي علاقه بالواقع:
الكاتبه: هنوده
اهداء الى صديقاتي: شهود وميشو وندو واشواق
عائلة ام وليد:
ابو وليد: رجل اعمال مشهور عنده اكبر سلسلة شركات ومصانع
ام وليد(نوره) : ربة منزل حازمه في تعاملها بس قلبها ابيض
وليد: شاب عمره "25" سنه يدرس في تركيا من ثلاث سنوات شعره بني وعيونه عسليه مره خطيييير وجذاب بس مره عصبي
خالد: شاب عمره" 20" سنه طالب بثاني جامعه مرح وحبوب وعيونه زرقاء وشعره كستنائي خقه يهبل
مها: عمرها "18" سنه طالبه بثالث ثانوي عيونها زرقاء وشعرها ذهبي عاطفيه مره وحساسه
مجد: عمرها 15 سنه طالبه بثالث متوسط وتشبه وليد شعرها بني وعيونها عسليه حلوه بس تحب اللقافه سريعة ومتهورة
كانت جالسه تقرا رواية روميو وجولييت وتمنت تكون مكان جولييت وسرحت شوي وبعدين قطع سرحها صوت الباب اللي انفتح بقوه ودخلت أختها تصارخ مها مها
مها: ايش فيك صرعتيني
مجد:عندي لك خبر بميون ريال
مها: الله يستر من اخبارك دايم زي وجهك
مجد: خلاص بكيفك مارح أعلمك
مها: يلا قولي وشو
مجد: والله بعد ما هزئتيني
مها: يلا مجود حبيبتي علمي أختك تعرفيني امزح معك
مجد: ايه ايه العبي علي بس أنا بعلمك لكرم أخلاقي لا اقل ولا اكثر
مها: ايه عارفه يالله وشو
مجد: سمعت أمي تتكلم في التليفون وتلجفت وسمعت المكالمة وعرفت إنها تكلم اخوي وليد وعرفت بعد انه بيرجع من تركيا بعد أسبوع
مها وهي تنط فوق السرير: اخيييييييييييييرا لولو بيرجع
مجد: وتعرفي ايش عرفت بعد
مها وهي طايره من الفرحة: ايش؟
مجد: خالتي فوزيه بتجينا اليوم وبينامون عندنا الاسبوع كامل يعني علشان يساعدونا في توضيب البيت للحفلة اللي ناويين يسونها بمناسبة رجوع وليد
مها: حتى أولادها ؟
مجد:لا ياقلبي أولادها بينامون في بيتهم لا تتحمسين
مها: ايش قصدك؟
مجد: قصدي حبيب قلبك مارح ينام عندنا
مها وهي رافعه حاجبها: مين تقصدين؟
مجد: والله ماتدرين؟
مها: تصدقين انك سخيفة
مجد: انتي السخيفه وبعدين انا قصدي على فهود
مها : حيوانه عاد خلصو الشباب ما تبقى إلا فهد هو وكشته
مجد: والله حرام عليك البنات ينخقون عليه وأنتي مو عاجبك
مها وهي ترميها بالمخده: بره يا حيوانه
مجد طلعت تركض بره ومها حطت راسها تحت المخده ونامت
عائلة الخاله فوزيه:
ابو سالم: شريك ابو وليد في شركاته
ام سالم: ربة منزل حبوبه وطيبه وما تحب تزعل احد
سالم : شاب عمره "22" سنه شعره بني وعيونه سوداء يساعد ابوه في الشركه الجد عنده جد والشغل شغل
فهد: شاب عمره "20" بثاني جامعه شعره ذهبي وعيونه زرقاء وسيم وطيب وحبوب يخقق ونص بنات الرياض طايحين في حبه بس هو مايعطي وجهه لأحد
ندى: عمرها "18" سنه طالبه بثالث ثانوي في نفس مدرسة مها بيضه وعيونها زرقاء وشعرها اسود حلوه و طيبه ومرحه وقلبها ابيض
في بيت الخاله فوزيه:
فهد: يمه ما شفتي الاب حقي وين حطيته
ام سالم: لا والله ماشفته
فهد: ياربي بتاخر
ندى توها صاحيه من النوم: صباح الخير
فهد: تو الناس توك تتذكرين تصحين من النوم
ندى: اقول اسكت مو رايقه
فهد: ماشفتي الاب حقي
ندى: ايه شفته
فهد بحماس: وينه؟
ندى : ايش دراني عنك لابي ولا لابك
فهد: اجل كيف تقولين شفته
ندى: ايه شفته معك من يومين
فهد: ياسخفك
ندى وهي تخفت في اذن فهد: تصدق وين بنروح اليوم
فهد: وين؟
ندى : عند بيت خالتي ام وليد
فهد: مبروك
ندى: تعرف ليه
فهد : ليه؟
ندى: ابنها وليد بيرجع من تركيا بعد اسبوع
فهد: طيب تقولين بعد اسبوع ليه تروحون من الحين
ندى: ناويين يسون حفله كبيره بمناسبة رجوعه وبنروح نساعدهم وبنام عندهم
فهد بتعجب: والله شغالينهم ساروا اكثر من ميه ما يحتاج يتعبون حالهم
ندى: ايش دخلنا؟
فهد وهو يلبس نظارته: على رايك، وناظر في امه وقال يمه خلاص بروح
ام سالم : في رعاية الله بس تعال على بيت خالتك ام وليد بنصير هناك
فهد: خلاص ابشري وراح حب على راس امه وقال ابغاكم تدعين لي يالغاليه
ام سالم: الله يوفقك وينجحك واشوفك ان شاء الله متزوج وبيتك كله عيال
فهد: حسيتك في النهايه دعيتي علي وشو اللي كله عيال تبغين نهايتي في مصحه نفسيه
ام سالم وهي تضحك: بسم الله عليك فهود
فهد: يالله مع السلامه
سالم : صباح الخير
ام سالم: صباح النور بولدي الغالي
ندى: والله وندو مالها شئ
ام سالم: لا طبعا ندو حبيبتي
ندى راحت ضمت امها: تسلمين لي
سالم : مادري ليه تدلعينها بها الطريقه ترى هذه بنت يعني لازم حزم في تربيتها
ام سالم: ليه كذه سالم حبيبي بعدين هذه بنتي الوحيده يعني تدلع بكيفها
ندى: ياربي احس في ناس انقهرت
سالم سفهها: سمعتك الحين يمه تقولين لفهد يجي على بيت خالتي ليه في شئ
ام سالم: لا كل السالفه ابنها وليد بيرجع من تركيا بعد اسبوع وبنروح نساعدهم
سالم: الله يعينكم بس مع مين بتروحون ؟
ام سالم: مع السواق
سالم: لا ماله داعي بوصلكم انا
ام سالم: الله يرضى عنك ويوفقك
سالم: امين يالله بروح افطر والبس علشان انزل الشركه متى تحبون تروحون
ام سالم: يعني بعد العصر
سالم وهو يقوم: خلاص وقت ماتحبون تروحون دقي على اجي اخذكم
ام سالم : ابشر
سالم حب راس امه وراح
في بيت ام وليد:
خالد في غرفته لابس بنطلون جنس اسود وبلوزه سوداء مليانه كلام ابيض بالانجليزي ورافع شعره بنظارته وجالس يزين شعره علشان يطلع، دق جواله
مسك جواله وطالع في الاسم اللي كان مسجل باسم رنا
خالد: هلا.............صباح الورد ........... لا مو فاضي اليوم..........لا ما اقدر على زعل القمر............خلاص بحاول...........ايش تقولين وين اقابلك؟.............خلاص ابشري ............ لا الحين بروح الجامعه...........خلاص خليها المغرب...........يالله مع السلامه
دق باب الغرفه
خالد: مين؟
مجد: هذا انا مجد
خالد: اتفضلي
مجد تطالع في خالد: وين بتروح
>>>>> ردود الأعضـــــــــــــــــــاء على الموضوع <<<<<
==================================
خالد: بروح الجامعه
مجد: طيب متى بترجع
خالد: ما ادري لان بعد الجامعه بروح مع صديقي المطعم وبعدها عندي ميعاد
مجد بتعجب: ميعاد مع مين؟
خالد: صديقي
مجد: وصديقك هذا ولد والا بنت
خالد: ايش دخلك يا ملقوفه
مجد: ترى انا اختك يعني بفرح لك
خالد وهو يطلع من اغرف: يلا بسرعه بروح
مجد: الله يوفقك
خالد وهو يبوس خدها: امين
نزل خالد وركب سيارته ومشى في طريقه على بيت صديقه تركي ودق عليه خالد:صباح الخير
تركي : صباح النور
خالد: يالله انا تحت بيتك انزلي
تركي : ابشر يالله مع السلامه
نزل تركي من غرفته بعد ما اخذ مفاتيحه وجواله وقابل اخته عند الدرج
لجين: ايش فيك مستعجل
تركي : خالد ينتظرني في سيارته علشان نروح الجامعه
لجين وهي تبتسم يوم سمعت اسم خالد: وليه ما يدخل
تركي : مستعجل عندنا محاضره الحين يالله بعدي مستعجل
لجين بعد ما راحت من قدامه: الله يوفقكم
تركي : امين مع السلامه
عائلة تركي:
تركي :شاب عمره "20" سنه صديق خالد من صف ثالث ابتدائي وصاروا اكثر من اخوان وهو وسيم يهتم بشكله وبرستيجه قدام الناس واحلى ما فيه صوته اللي يخقق كل البنات يوم سمعونه
لجين : عمرها "19" سنه رقيقه وهاديه شعرها طويل الى نص ظهرها ولونه اسود وانعم من الحرير وعيونها لونها بني غامق وهي تحب خالد من وهي عمرها "12" سنه بس ماتدرس من يوم توفى ابوها وامها واختها نوره في حادث سياره وما نجى الا هي وتركي وعاشوا مع عمهم بس زوجة عمهم ما كانت تحبهم وبعد ما كبر تركي خلت عمهم يجيبلهم بيت تعيش فيه هي واخوها لحالهم وكل شهر يعطيهم مبلغ علشان يعيشون بس تركي ما حب نظرت عمه له وهو يعطيه المبلغ كل شهر فما صار يقبل منه فلوس الا ان خالد عرض عليه يشتغل في شركة ابوه بعد الجامعه وقال لابوه يعطيه راتب اعلى من كل الموظفين بعد ما قاله على حالتهم وهذا اللي خلى لجين تعجب فيه اكثر علشان وقفته جمبهم
نزل تركي شاف خالد جالس في سيارته
تركي : السلام عليكم
خالد: وعليكم السلام يالله بسرعه اتاخرنا
تركي : لا تخاف الجامعه مارح تطير وتخلينا
خالد وهويضحك: مو سالفت تطير بس انا ما ابغى اتاخر
تركي : لا ياربي على دفارة خالد
خالد: ايه شفت كيف صرت دافور
تركي : ايه ايه واضح يالله بس اقول امشي
في بيت ام وليد:
دق جرس الباب
راحت الشغاله تفتح الباب
الخاله فوزيه : السلام عليكم
الشغاله: وعليكم السلام
الخاله فوزيه : بسرعه نادي ام وليد
راحت الشغاله تنادي ام وليد بعد ما اخذت الاكياس من سالم
سالم: خلاص يمه انا الحين بروح
ام سالم : في رعاية الله
ام وليد : هلا والله بأختي الغالية
ام سالم وهي تسلم عليها: هلا فيك ومليون مبروك لرجوع وليد
ام وليد : الله يبارك فيك وناظرت في ندى وقالت كيفك ندى
ندى : الحمد لله بخير كيفك انتي يا خاله
ام وليد : تسلمين تبغين تطلعين فوق لمها ومجد
ندى : ايه هم فوق؟
ام وليد: ايه يالله اطلعي لهم
ندى بعد ما فسخت عبايتها وعطتها الشغاله دقت الباب
مها: مين؟
ندى وهي تفتح الباب: هذه انا
مها راحت ضمتها وسلمت عليها
ندى : وينها مجود
مها: مسكينه خليها عندها بكره اختبار رياضيات
ندى وهي تضحك: الله يعينها ويعينا على اختبارد بكره والا نسيتي
مها: ايه والله ذكرتيني تصدقين ما فتحت كتاب الكيمياء من اول السنه
ندى : الحمد لله انا مذاكره
مها: ندى بيصير شئ لو رسبت
ندى : لا ولا شئ
مها : على رايك يعن اللي يرسبن احسن مني في شئ
ندى: الله يشفيك قولي امين
مها : آمين علي و على الداعين
ندى : بدخل الحمام البس بجامتي
مها : اوك روحي
ندى اخذت بجامتها ودخلت الحمام
خالد جالس في مطعم..........) ويناظر في ساعته
دخلت رنا
رنا: خلود
خالد: هلا والله بالقمر ليه تاخرتي
رنا: معليش السواق كان مشغول مع اختي
خالد نادى الجرسون
خالد: ايش تشربين والا تحبين تتغدي اول
رنا : لا مو جوعانه بس باخذ عصير تفاح
خالد يطالع في الجرسون : عرفت ايش بتجيبلها
الجرسون : ايه خمس دقايق ويصير جاهز
خالد: اشتقت لك
رنا وهي تبتسم: وانا بعد اشتقت لك
خالد : صدق
رنا : ايه طبعا صدق
خالد : لاني اسمع ان البنات عليهم كذب
رنا بلهجة زعل: يعني انا كذابه
خالد وهو يمسك يدها : لا مو قصدي حبيبتي رنا دق جوالها : الو............... خلاص اوك.......... طيب بطلع مع السلامه
خالد : ش السالفه
رنا: السواق بره ولازم اطلع علشان بيطول مع امي واما اني اروح الحين واما الساعه 12
خالد : طيب خليه يروح وانا بوصلك
رنا :لا والله تبغى اخوي يسوي معي تحقيق مين جابك ووين كنتي
خالد : طيب اشربي العصير اول
رنا وهي تبتسم: اوك
خالد: متى راح اشوفك مره ثانيه
رنا وهي تشرب في العصير : والله مادري
خالد باس يدها: بشتاق لك
رنا سحبت يدها وهي مستحيه: وانا بعد
وتركت العصير وقالت يالله مع السلامه علشان بتاخر
خالد: مع السلامه
وطلعت ركبت مع السواق وراحت
في بيت ام وليد:
مها تزين شعرها قدام المرايه وتغني العمر لارحت ما يسوى والله ما يسوى خذ روحي خذ قلبي خذ عمري يا هنيالي
مجد: ياربي لمين اختي تتزين
مها : لخالتي ام سالم
مجد: والله لخالتي ام سالم والا ابن خالتي ام سالم
مها سفهتها : انقلعي علشان انزل
مجد وهى رافعه يدها تدعي : يارب نفرح فيك قريب يامها
مها نزلت تحت وشافت خالتها قدامها
مها : هلا والله كيفك خالتي
ام سالم : هلا مهو كيفك
مها : الحمد الله بخير
مجد وهي تسلم على خالتها : كيفك خالتي
ام سالم: هلا مجود ش اخبارك
مجد : الحمد الله تمام
ام سالم وهي تناظر مها : تصدقين مهو كل يوم تصيرين احلى من اول
مجد وهي تضحك : ليه خالتي عند عريس تعرفينه
مها وهي تقرص مجد من رجولها: هي مو قصدها كذا
مجد بصراخ : اااااااااااااه خلاص درينا
ام وليد : قومي يا فوزيه وفكك منهم
ام سالم : يالله نقوم
مها طالعت في مجد: والله مجد لا تشوفين
مجد وهي تضحك : يالله ورينا ايش بتسوين
مها سفهتها وطلعت لغرفتها
دق الباب
مها : مين
__________________________________________________ __________
مجد وهي تدخل : هذه انا مجود
مها : ايش تبغين
مجد : الحين بيجي من سيربح المليون عادي اشوفه في غرفتك علشان تلفزيوني ابوي اخذه يصلحه
مها : لا حبيبتي انا بشوف الحين توايلايت
مجد : اف ما طفشتي من ذا الفيلم
مها : مستحيل اطفش منه
مجد: يالله بس على الرومانسيه
مها :خلاص تبغين تتابعين برنامجك تعالي تابعي وانا بشوف الفيلم تحت في الصاله
مجد: تسلمين لي
مها : بنادي ندى تشوف الفيلم معي
مجد : توني الحين داخله على ندى نايمه وتشخر بعد
مها وهي تضحك : يالله وخري الفيلم بيبدا الحين
ونزلت تحت وجابت مكسرات وسكرت الانوار وجلست تتابع الفيلم وهي مره مندمجه مع الفيلم
دق جرس الباب وراحت الشغاله تفتح وكان هذا فهد
دخل فهد ومها مو حاسه ان في احد دخل وحاضنه مخدتها مندمجه مع المشهد الرومانسي اللي تشوفه فهد شافها حسبها
اخته ندى وراح قرب منها
فهد: والله ما دريت ان اختي رومانسيه
قامت
مها نطت من على الكنبه
وخافت يوم شافت فهد وتصنمت مكانها
وفهد ما قدر يتكلم من القمر اللي شافه قدامه
__________________________________________________ __________
الفصل الثاني
ونزلت تحت وجابت مكسرات وسكرت الانوار وجلست تتابع الفيلم وهي مره مندمجه مع الفيلم
دق جرس الباب وراحت الشغاله تفتح وكان هذا فهد
دخل فهد ومها مو حاسه ان في احد دخل وحاضنه مخدتها مندمجه مع المشهد الرومانسي اللي تشوفه فهد شافها حسبها اخته ندى وراح قرب منها
فهد: والله ما دريت ان اختي رومانسيه
قامت مها نطت من على الكنبه وخافت يوم شافت فهد وتصنمت مكانها
وفهد ما قدر يتكلم من القمر اللي شافه قدامه
ركضت مها بسرعه على فوق وهي تركض اصطدمت بمجد اللي كانت نازله على الدرج
مجد: ايش فيك مها
مها وهي تدف مجد: بعدي بسرعه
ناظرت مجد من فوق الدرج شافت فهد واقف في الصاله متصنم قالت في نفسها وتقول انها ما تحبه هذه الكذابه
وطلعت تركض ودخلت غرفة مها اللي كانت نايمه على السرير وحاطه المخده فوق راسها
مجد: وتجلسون جلسات رومانسيه من ورانا لا وبعد قدام توايلايت
مها : مجد ترى مانا فاضيتلك يكفي فشيلتي
مجد وهي ترفع حاجبها: فشيله لا لازم اجلس وانصت لك وجلست على الكنبه وربعت رجولها
مها بعد ما قالت لها السالفه: والحين ايش يقول عني
مجد وهي طايحه ضحك: تصدقين تصير نكته حلوه
مها : مجد ياسخفك فكري معي ايش اسوي
مجد وهي توها تضحك : سوي قهوه علشان ما تنامين اليوم وتتعذبين كل ما تتذكري اللي صار
مها : ههه سخيفه
مجد: يعني ايش اقولك في هذه الموقف
مها: قوليلي ايش بسوي
مجد : والله ما ادري
وقطع كلامهم صوت الباب اللي دق
مها : مين
ام وليد: هذه انا امكم
مجد: تفضلي يمه
ام وليد: ايش تسون
مها :لا بس نسولف شوي
ام وليد وهي متعجبه: لا والله مها ومجد يسولفون سوى غريبه ايش صار في الدنيا
مجد : ايه عادي
ام وليد وهي تناظر في الغرفه : وين ندى
مها: ندى نامت من الصبح
ام وليد: ايييه
مجد : يمه سمعت جرس الباب يدق مين كان
ام وليد : هذا فهد ولد خالتك
مجد تستهبل: ويييين بينام عندنا
ام وليد:لا طبعا بس جا ياخذ المفتاح من امه وراح وترى هو اللي بيوصلكم بكره مدارسكم مع ندى
مها بصراخ: مستحيييييييييييييييييييييييييييييييييييييييييييييي يل
ام وليد بتعجب: وشو اللي مستحيل
مها: انا بروح مع السواق
ام وليد : نسيتي السواق ماخذ عطله من امس
مها : خلاص مع ابوي او خالد
ام وليد: ابوك بيروح الشركه بدري و خالد بيصحى الظهر
مجد وهي طايحه ضحك : خلاص يمه ابشري
ام وليد : يالله ناموا علشان بتصحون الفجر
وطلعت بره الغرفه
مها: ياربي كيف بجلس معه في السياره بعد اللي صار
مجد: بعد اللي صار ايه هذه اغنية شهد برماده
مها : مجد لا تصيرين سخيفه وفكري معي ايش بسوي
مجد : تصبحين على خير
مها : والله انك نذله
مجد: ادري وبعدين نامي علشان انا بعد بنام وسكروا الانوار وناموا
فهد وهو في سيارته في طريقه لبيتهم ويفكر
فهد: ياربي مين هذه القمر اللي شفتها قدامي ياترى هذه مها والا مجد لا بس مجد توها في ثالث متوسط وهذه شكلها كبيره اما في الثانوي او في الجامعه ايه اكيد هذه مها وبعدين دايم كنت اسمعهم يقولون مجد مره تشبه وليد واللي شفتها ما تشبه وليد هذه تشبه القمر والله ظلم اني اشبهها بالقمر اكيد هذه مها
في الصباح:
لبست مها مريولها بعد ما اخذت شاور سريع وبعدين جففت شعرها بالمجفف الكهربائي وزينت نفسها ونزلت هي ومجد وشافو ندى جالسه تفطر
مها : صباح الخير ندو
ندى : الصباح النور
مجد : كيفك ندو
ندى : الحمد الله بخير
مها: تفطرين من قبلنا يا نذله
ندى وهي تمضغ: والله توني باديه اكل
مها: ايه وا ضح اصلا مو قادره تتكلمين من الاكل
جلست ندى تكح بقوه
مجد وهي تضربها عل ظهرها : صحه حرام عليك مها عطيتي البنت عين
مها وهي تضحك: سوري ندو بس ترى للمعلومه هذا مو من عيني هذا من فجعتك
ندى : والله اكل بكيفي بيت خالتي
مها : كلي ما حد قالك شئ
دق جرس الباب وتغطت مها ومجد وندى بس ندى نزلت الغطى يوم شافت انه فهد
فهد: صباح الخير
البنات : صباح الخير
فهد وهو يناظر ندى : صباح الخير ندو
ندى : صباح النور
وناظر في مجد : انتي مجد والا مها
مجد : لا انا مجد
فهد وهو ياشر على مها: اجل انتي مها
فهد: كيفك مها
__________________________________________________ __________
مها وهي منزله راسها: كويسه
فهد: دووووم يارب
مسكت مجد ضحكتها ومها كانت مره مستحيا
فهد وهو يناظر ساعته: يالله علشان لا تتاخرون
طلعوا البنات وركبوا السياره وراحوا في طريقهم للمدرسه وناظرت مها على المرايه بس نزلتها بسرعه يوم شافت عيونها في عيون فهد
فهد: ايش فيكم ما تتكلمون
ندى : ايش تبغى اغني لك
فهد: لا تكفين خلي الله يسترها معنا علشان ما يغمى علي ونسوي كلنا حادث
ندى : لا والله عاد صوتي خقاق
فهد: ايه واضح بس اسكتي انتي وخلي مها ومجد هم اللي يتكلمون
مجد وهي فاتحه قدامها كتاب الرياضيات: عاد خلوا مجد بحالها عندي اختبار رياضيات وما فهمت ولا درس
فهد: وانتي مها ما عندك اختبار
مها : ايه كمياء زي اختك
فهد : والله غريبه ما دريت ان اسألة اختبار الكيمياء يجيبونها من توايلايت
مسكت مجد ضحكتها وندى ما تدري وشو السالفه اما مها بغت تقوم تطيره من مكانها وجلست تدعي انهم يوصلون بسرعه
وابتسمت يوم شافت انهم وصلوا قدام المدرسه ونزل فهد وفتح لهم باب السياره ونزلت ندى ومجد ومها قامت تمشي بسرعه وهي تمشي تعثرت بعبايتها بغت تطيح على الارض بس طاحت فوق فهد اللي بغى يمسكها بس هي طاحت بقوه قامت مها بسرعه ودخلت المدرسه وهي تعرج
لكن مجد كانت واقفه متصنمه من شكل فهد اللي كان واضح انه مره خايف على مها
ندى راحت مسكت يد فهد تقومه : سلامات فهود صارلك شئ
فهد وهو ينظف ملابسه : لا بس اهم شئ يوم تدخلوا شوفو مها ولو حالتها خطيره اوصلها المستشفى
ندى : خلاص لو كذه بدق عليك من عند الاداره تجي تاخذها
ودخلت هي ومجد وشافو مها جالسه على الكرسي سرحانه ووجها احمر
مجد: مهو سلامتك انتي كويسه
مها بصوت مخنوق: ايه الحمد لله بس فهد صار له شئ
ندى : لا عادي ما صارلها شئ بعدين احمدي ربك انه كان موجود والا كنتي طحتي على الارض انكسرتي
مجد : بسم الله عليها
مها : يا ريته ما كان موجود وكنت انكسرت
ندى : ليه كذه مهو بعدين شكل فهود عجبه الوضع حسيته ما بغاك تقومين من فوقه
مها وهي تضربها: حيوانه اسكتي
ندى : طيب تقدرين تقومين
مها: ايه عادي اقدر
ندى : طيب بسرعه الاختبار عندنا اول حصه
مها : اوك يالله
فهد في سيارته يدق على صديقه:
فهد : الو
فيصل : هلا
فهد : صباح الخير
فيصل: صباح النور
فهد : يالله انزل دقيقتين وبصير عندك
فيصل : خلاص ابشر
وصل فهد وشاف فيصل ينتظره في الشارع
فيصل : بدري
فهد: معليش اعذرني الشارع زحمه
فيصل وهو يناظر يمين ويسار : وين هذه الزحمه
فهد : لا زحمه على سيارتي انا البنات يرمون نفسهم على السياره بس ما اعطيهم وجه ش اسوي ينهبلون علي
فيصل : تكفى بس يالله تاخرنا
فهد : خلاص يالله اركب
في الفصل:
مها جالسه في الاختبار ماسكه القلم وسرحانه تفكر في عيون فهد وكيف انها انخقت عليه وتفكر في اللي صار لها امس واليوم وتبتسم ويقطع تفكيرها صوت الاستاذه اللي تقول يالله باقي خمس دقايق واسحب الاوراق
جلست تحل بسرعه لانها كانت ما حلت ولا سؤال
في سيارة فهد:
فيصل: فهود دقيت عليك امس في بيتك ما احد رد
فهد : ايه ما كان احد موجود كلهم في بيت خالتي بعدين ياذكي في اختراع اسمه جوال
فيصل: ايه والله فاتتني
فهد : وشو اللي فاتتك ياذكي
فيصل بينه وبين نفسه خساره اشتقت اسمع صوت ندى
فهد: هي وين رحت
فيصل : لا لا ولا شئ بس سوق بسرعه
فهد: ابشر ... وزاد السرعه كانوا بيصدمون في سياره
فيصل بصراخ : نايم انت كنا بنسوي حادث خفض السرعه
فهد وهو يضحك : اثبت على راي ازيد السرعه ولا انقصها
فيصل : والله انك سخيف
فهد: قول شئ جديد
فيصل: والله زين انك تعرف نفسك ما تحتاج احد يوجه لك نقض
فهد: خلاص اسكت ايش كل ذا الكلام
فيصل : خلاص سكتنا
فهد : لا حبيبي خلاص وصلنا
فيصل :بها السرعه
فهد: ايه والله صادق خلاص تعال ندور شوي ونرجع تستهبل انت يالله انزل
في المدرسه :
اشواق : مجد تعالي ابغاك بسالفه
مجد وهي تزين شعرها : ايش تبين
اشواق : في وحده قالتلي انها معجبه فيك
مجد : مين هذه
اشواق: هذه رغد اللي بثاني متوسط
مجد وهي تسحبها : تعالي معي
اشواق: على وين
مجد: عند هذه اللي تقولين عنها رغد
اشواق : طيب اعصابك لا تستعجلي
مجد : يالله وينها
اشواق وهي تاشر : هذه اللي جالسه بالزاويه
راحت مجد عندها وقالت : هي انتي رغد
رغد بخجل : ايه انا
مجد طاحت ضحك: يعني انتي المعجبه فيني
رغد نزلت راسها
مجد: لو سمعتك تقولين كلمت معجبه هذه مره ثاني بقص لسانك
__________________________________________________ __________
رغد دمعت عيونها وبغت تصيح من كلام مجد اللي جرحها
سحبت مجد اشواق وراحوا عنها
رغد: ما توقعتها تقولي كذه
صديقتها : انا حذرتك وعلمتك ان هي مره شايفه نفسها علشان ابوها مره غني وكل اللي تبيه يجيها عاد ما شفتي قصرهم خيااال
رغد: والله لادفعها ثمن جرحها لي
اشواق : حرام عليك مجود جرحتي البنت
مجد: فكك منها بس اهم شئ ابغاك تجيني اليوم
اشواق : بشوف على حسب
مجد : كيف يعني على حسب
اشواق: يعني على حسب لو سواقنا ما انشغل مع اختي او امي او أي احد
مجد : خلاص بخلي سواقنا يجي ياخذ ك
اشواق : اخذك ملك الموت تبغيني اركب مع السواق لحالي
مجد: بجي معه اخذك يا دوبه
اشواق : ايه كذه معقوله خلاص ابشري بس مع السلامه الباص جا
مجد: ايه وانا بروح عند مها يالله باي حبيبتي
اشواق : باي
راحت مجد عند ندى اللي كانت جالسه تناظر اظافرها
مجد: ندو وينها مها
ندى: راحت تشتري وبتجي الحين
مجد : ايه صح باركيلي
ندى : مبروك على ايش
مجد: اخذت في الاختبار الدرجه النهائيه
ندى وهي تضمها : مبروك
مجد : وانتم ايش سويتوا
ندى : والله انا حليت زين لكن مها ماحلت نص الاسئله وحتى اللي هي جاوبته نصه غلط
مجد وهي تضحك: مو جديده على اختي مها
مها : كاني اسمع اسم مها
مجد وهي تحط يدها على قلبها: بسم الله
مها : وشو بسم الله شفتي عفريت
مجد: ايه والله كانك عفريت
مها : اقول بس امسكي شنطتي بدق على امي اشوف مين بيجي ياخذنا
مجد: اف شنطتك ثقيله ايش حاطه فيها قنابل
مها : هلا يمه ........... مين بيجي ياخذنا............... ايش والله حرام اللي تسونه فيني.............. خلاص خلاص ............... مع السلامه
ندى : ايش فيك
مها : دقي على اخوك هو اللي بياخذنا
ندى : اوك خلاص
ندى : هلا فهود............... نبغاك تجي تاخذنا .................. طيب لا تتاخر.............. فهد مو وقته.................. خلاص خذها
خذي مها فهد يبغى يكلمك
مها : لا قولي له لا
ندى : بلا سخالفه خذي
مها : الو
فهد : كيفك
مها : الحمد لله
فهد : طبتي ولا لا
مها: ايه الحمد لله
فهد: ورجولك
مها: لا بخير
فهد: تصدقين خفت عليك
مها : ليه
فهد: خفت يكون صارلك شئ بسم الله عليك كنت انجن
مها استحت وعطت التليفون ندى
ندى : خلاص فهد لا تاخر........... يالله مع اسلامه وطلعوا ينتظرون فهد بره
وبعد وصول فهد راحوا عنده
ندى: كل هذا تاخير فهود
فهد : معليش في حادث بالطريق يالله اركبوا
بعد ما ركبوا في السياره ناظر فهد في المرايه على مها
فهد: كيفك مها
مها وهي منزله راسها : بخير
فهد : الحمد لله
ندى : ما سألتني ايش سويتي في الاختبار
فهد: ايه صح ايش سويتي
ندى : بالله ايش هذا السؤال اكيد حليت زين
فهد : انتي اللي قلتي لي اسئلك
ندى : طيب لاتسمع كلامي
فهد: طيب مها ايش سويتي في الاختبار
مها : الحمد لله
فهد : هذه انا واثق منها
ندى : ايه واضح يامها ترى ماحلت شئ
فهد: ليه؟
ندى : كانت سرحانه وما حلت
مها طاح وجهها وبغت تصفع ندى
فهد : اقول بس يعني انتي مره الدفاره
ندى : خير تدافع عنها وما تدافع عن اختك
فهد : انا ما ادافع عن احد وبعدين خلاص اسكتي راسي عورني منك
بعد ما وصلوا ونزلت مها ومجد وندى راح فهد وهم دخلوا البيت
مها وهي تعطي عبايتها وشنطتها للشغاله: اف خذي تعبانه مره
ام وليد : ما في السلام عليكم
مها وهي تحب راس امها : احلى سلام لاحلى ام بالدنيا
ام وليد : الله يوفقك يامها انتي ومجد وندى وتنجحون ان شاء الله
مها : امين بس يالله برقى افسخ ملابسي
وهي طالعه على الدرج قابلت خالد
خالد: هلا
مها : اخيرا شفتك وينك مختفي
خالد : لا بس اصير مشغول
مها: تكفى بس على رجل الاعمال
خالد : بس غريبه انك تبغين تشوفين
مها : لا بس اشتاق لعيونك
خالد: احس فيه مصلحه
مها : لا والله ما في مصلحه بس لاتنزل الحين
خالد : ليه
مها : ندى موجوده في الصاله هي الحين بتطلع بعدين انزل انت
خالد وهو يرقى: خلاص ابشري
فهد يسير بسيارته وهو يتكلم في جواله وما انتبه انه دخل بمنطقة عمل وتفاجئ بشاحنه قدامه بغى يغير مساره تقلبت السياره حقته
في بيت ام وليد
نزلت مها بعد ما اخذت شاور وفتحت التلفزيون وتمددت على الكنبه وبعدين دق تليفون البيت
مها : الو ........... ايه مين تبغين ..................... ام سالم ؟
مها : خالتي كلمي
ام سالم : هلا .............. ايش ......فهد؟............أي مستشفى ............ خلاص مع السلامه
مها وقلبها طايح في رجولها : ايش في خالتي
ام سالم بصراخ : فهد سوى حادث وهو بالمستشفى لازم نروح له
مها بخوف : فهد بالمستشفى
ندى : ايش فيكم
ام سالم : اخوك سوى حادث بالمستشفى
رد مع اقتباس
