عنوان الموضوع : رواية محمود ونور -رواية
مقدم من طرف منتديات نساء الجزائر

رواية محمود ونور






قصتي من وحي الخيال
والشخصيات غير واقعيه
بسم الله الرحمن الرحيم


((آسف انا في جيتي لك تسرعت.......ظنيت الاقي فيك شيٍ فقدتة
كنت احسبك مجروح مثلي تولعت......جربت فرقى شخص قلبك وهبتة
كنت احسبك من مر جرحك تجرعت....حبيت فيك احساس طفلٍ لمحتة
لوقلت آآآه بوسط روحي توجعت.......ولو شفت دمعاتك شعوري سكبتة
ولو تطلب اعيوني ابد ما تمنعت.......واعطيك قلبي لو بعد ما طلبتة
وصلت بك اعلى مكان وتربعت.......وفي قلب غيري ياالغضي ماوصلتة))

كان منظر لبنان مايوصف كانت مثل ماكنت صغيره ماتغيرت ..تركت اهلي كانو جالسين على رصيف مقابل البحر..ودخلت بين اشجار وكانت من داخل تشبه الغابه عجبني المنظر وماكان احد موجود فسخت نعولي ورحت عند نهر شبه كبير ينصب منه الماي ..حطيت رجولي كان الماي بارد ..والا بذاك الرجال اللي ينط بوجهي..قلت له بخوف:اسفه ماكنت ادري ان في احد موجود؟؟ وقامت بسرعه ومشيتها كانت سريعه.. وثواني قليله قللت من خطواتها واخذت ورده وجلست تقطعها ليمن وصلت عند اهلها ..!!

نور جلست جنب اختها انوار وهي مبتسمه!! انوار ضربت نور ضربه خفيفه نور يامجنونه وش فيك؟؟ نور تعدل جلستها:انوار اذا رجعنا اقولك السالفه؟.
شويات مر من جنبهم ذاك الرجال اللي شافته من شوي ..همست نور لأنوار ..انوار..انوار وهي تفصفص حب هاه وش تبغين؟؟نور وهي تطالع بذاك:اشرت عليه وش رايك فيه ياانوار؟؟ انوار وع خطيبك محمود احلى منه!! نور بعصبيه:وش دخل محمود اللحين بالسالفه ابغى رايك؟ انوار وهي تتأفف: عرفتي ردي فارجي؟؟


انوار بنت حبوبه رومنسيه وجميله شعرها طويل وعينها مرسومه وهي اكبر من نور بسنه بس يتشابهون كأنهم توؤم نور زيها بس اللهم شعرها قصير وطويلة لسان..

***************************************
((الجـــزء الاول))
نور جلست تناظر بذاك الرجال وتناظره بحيا وهو كان يبادلها النظره ..ابو ناصر يالله بنات مشينا ..وكان السكن قريب من البحر ..جا وقت النوم دخلت نور غرفتها وهي تفكر ويمر بخيالها ذاك اللي شافته وشوي تفكر بمحمود وتتنهد وتقول بنفسها ياليتك يامحمود تحس فيني وتاخذ عقلي علشان مافكر بحد غيرك الله يسامحك ونامت..

قامت نور من الصباح وراحت لأمها ..يمه ابطلع ممكن؟؟ ام ناصر عاد قولي صباح الخير ع الاقل سلمي بسرعه قلتي تبغين تطلعين؟؟ نور ضربت راسها بيدها:اوووه نسيت سوري ..صباح الخير يااحلى ام في الدنيا ممكن اطلع؟ ان ناصر :طيب امتى بترجعين؟؟نور يمه اللحين انا طلعت علشان اعرف متى برجع؟؟ ان ناصر:والله انك ماتستحين ياام لسان؟ نور تتمسكن خلاص يمه انا اسفه والله الله يخليك خليني اطلع..ام ناصر ..طيب روحي بس لاتتأخرين علشان نتغدى جميع..نور مستانسه: ان شاء الله يمه باي؟؟
راحت نور ولبست وتكشخت ولبست عباتها مهما يكون تحافظ على عادات بلدها ..طلعت من البيت ونزلت تتمشى ومرت جنب محل ملابس دخلت تناظر بالملابس وتحرك بيدها الملابس..حطت عينها على بدي وشالته من محله وقايسته وهي تحوس فيه وتمشي والا صدمت بشي وكان رجال طويل القامه رفعت عينها نور وطلع ذاك الولد وقالت:اسفه وابتعدت عنه؟؟ رد على نور وبصوت عذب :مابينا اسف ناظرت فيه نور ومشت عنه ..وقفها وجا قدامها وقال (وأفي) نزلت راسها نور وقالت :انا استأذن ممكن شوي؟؟حط ايده جنب وجها وقال انتظري شوبكِ!! نور من الخوف..ممكن وبنبره عصبيه! ومشت عنه نور تتبتعد والا بصوت عالي لو سمحتي اذا بتريدي اشوفك بمطعم او بكوفي شوب؟؟نور ماردت وكملت طريقها ..نور بداخلها مصدومه معقوله اللي سويته بس انا مرتبطه واذا مرتبطه وش فيها مو من حقي واللي مرتبطه فيه بعيد عني ولا ادري يمكن مو حاس فيني وبعدها ابعدت الافكار عن راسها وتهز راسها يمين ويسار بديت اوسوس اووووف ودخلت السكن..


مرت الايام وكان ذاك الرجال وين ماتروح يلاحقها ..نور حست بشي انها ارتاحت له بس بسرعه ابعدتها عن بالها ..نور انتي اكبر من انك تسوين هالشي مع الايام بيحبك محمود ..وفي يوم الاثنين وكانت الساعه 8 بالليل نور جالسه بالكوفي شوب تشرب حمافي وتقر جريده وكانت الطاوله حوسه مليانه اوراق ومجلات وجرايد وعلى الكرسي اللي مقابلها حاطه شنطتها ..وكانت المفاجأه انه جا وشال الشنطه وحطها فوق الطاوله وجلس ع الكرسي وقال:دخليك بدي احكي معك لاتحيريني معك!! نور تناظر فيه بإستغراب من تصرفه وكان بيدها الكافي وجلست تناظره وحطته على الطاوله وجلست تلم حوستها اللي على الطاوله..حط ايده على ايد نور وبعصبيه نور شالت يدها وقالت..انت وش تبغى مني .. : دخليك ثواني من وقتك ..بدي اسولف معك..نور بعصبيه ليه بيني وبينك شي ..اخذت شنطتها وتوها بتطلع اسمعي ترا اذا ماراح تسمعيني راح اصرخ وأأول بحبك..نور تفاجأت منه وجلست على الكرسي وقالت هذاي جلست قول اللي عندك .. : يوم بس يوم حدديه ونتأبل انا معك؟؟ نور تفكر شوي وقالت: اوكي .. ابتسم : انا اسمي سامي وانتي نور بتردد: انا .انا نور ..سامي تشرفنا ..نور طيب انا استاذن تأخرت ومشت وراحت للسـكن .دخلت وقابلت اختها انوار ..انوار :نووورووه وين كنتي لين هالوقت؟نور بعصبيه:وش لك دخل انتي وين رحت ووين جيت انتي امي تحاسبيني
انوار وهي تتخصر :لا ابوك يالله خلصينا وين كنتي ومع منو..؟؟ نور وبنبره حاده:هي هي انتي اشوفك تغلطين واجد حدك عاد..بدخله ام ناصر:وش فيكم تتهاوشون وانتوا من تجلسون مع بعض تهاوشتون..نور توقف جنب امها :يمه شوفي بنتك تتحكم فيني هذا اللي ناقص بعد..ان ناصر وهي تتأفف:هاه بعد وش صاير ياانوار ..انوار :يمه بليز شوفي بنتك تطلع وماتاخذني نور:وليه من الكبير انا ولا انتي ..ام ناصر بعصبيه:ترا ان مارحتو عن وجهي لا بالعصى على ظهوركم ..انوار ونور..لا لا كل شي ولا العصى يالله تصبحين على خير..

نور دخلت غرفتها وبدلت وانسدحت على السرير وهي تفكر وتقول في نفسها راح اقابل شاب وبعد مانعرف بعض الا صار لنا يمكن كم يوم .مستحيل اسويها وهي تتقلب وش فيها بشوف وش عنده وبخليه..

>>>>> ردود الأعضـــــــــــــــــــاء على الموضوع <<<<<
==================================


صحت نور على صوت منبه الجوال كانت الساعه 9 الصباح قامت وغلست وجها وطلعت من الغرفه وشافت امها تحط الفطور نور وهي تتثاوب صباح الخير يمه ..ام ناصر صباح النور والسرور تعالي ساعديني في الفطور لين يقوم ابوك وتقوم اختك من النوم ..نور وهي تحك شعرها ان شاء الله يمه..طلعت انوار من غرفتها وهي تعدل شعرها صباح الخير يمه.ام ناصر:صباح النور ..نور وانا مافي صباح خير .انوار والله ماعلموني الا اقول لأمي وابوي ..ام ناصر..وهي تحط الصحن على الطاوله اقول ان ماحترمتوا حالكم صدقوني بحرمكم من الاكل اليوم .نور وهي تجلس على الكرسي:والله يمه ماقلت شي شوفي بنتك ؟؟الا بطلعة ابو ناصر وهو يتأفف هاه بعد وش قصتكم اليوم ان ناصر:ماكو شي جديد كل يوم زي القصه .انوار جلست وهي تتافف..نور وهي ماسكه كوب الحليب..يمه يوبه..ممكن اطلع بعد شوي؟ ابو ناصر..وش عندك بتطلعين؟؟ نور ابروح اشرب كوفي وبرجع ..وبعدين مو بعيد هنا قريب وراجعه.. ام ناصر..طيب روحي ولاتتأخرين زيم ..نور والضحه شاقه حلجها : ان شاء الله يمه وقامت من على الكرسي ::الحمدالله وراحت للغرفه تبدل ملابسها وفتحت الدولاب وتحوس من بين الملابس ..وجات عينها على قميص منقوش بطريقه مرتبه طويل وبنطلون ولبست شيله مزخرفه وعليها كرستال متوزع على كل الشيله ..وبعدها حطت لها روج خفيف وطلعت من الغرفه..وهي تناظر الساعه يالله يمه انا بروح ام ناصر:انتبهي على نفسك ..دخلت الكوفي شوب شافته محيوس يناظر للساعه .رفع عينه شافها قدامه ابتسم ووقف ::وش هالجمال يالله؟ نور استحت ونزلت راسها وجلست على الكرسي ..نور حطت يدها على يدها الثانيه وقالت يالله بسرعه وتبغى؟؟


((الجـــزء الثــاني))
سامي بحزن توك هالوقت جيتي مامداني اقولك شي؟؟! نور سكتت ..سامي ..تكلم عن نفسه وعن حياته وانه عايش مع امه لان ابوه مطلقها ومايعرف عنه شي غير المصروف اللي يجيه بس انقطع ولا يعرف عنه شي..
نور كانت تسمع بصمت وكانت تراقب كلامه وتهز راسها وتشرب الكافي ..سكت شوي.. وقال :يالله انتي ابدئي؟؟ نور هاه: طيب بقولك انا من السعوديه بس حياتي كلها هنا بلبنان عشتها من يوم انا صغيره لاني دايم اجي هنا مع امي وابوي واختي اللي اكبر مني بسنه ..سامي كان يناظرها بتأمل وسرحان ورايح بعيد سكتت ونزلت راسها فجأه ..سامي: نور شوبكِ؟؟ نور ولاشي يالله انا استأذن خذني الوقت وانا اتكلم معاك ..وطلعت سامي وقف اذنك معك.. نور راحت تتمشى عند البحر وقفت بعدها تقول بنفسها معقوله انا اللي اسويه طيب ومحمود يانور محمود اذا عرف وش راح يصير..جلست تتأمل بالبحر وهي تفكر ودقايق رن جوالها ..نور .ها انوار وش بغيتي؟؟انوار: وينك يالله اللحين بنحط الغدى ..نور وهي تقوم..يالله اللحين جايه حطوه..قفلت من اختها ومشت لجهة السكـن ..دخلت ..السلام عليكم ..الجميع وعليكم السلام ابوناصر:يالله روحي بدلي ملابسك وروحي ساعدي امك واختك بالمطبخ ..نور ان شاء الله يبه ..توها بتدخل الغرفه راحت لعند ابوها ..بتوتر:يبه .ابو ناصر:هلا نور ..نور بخوف :يبه عادي لوتعرفت على واحد وعلاقه شريفه يالمعني صديق بس..ابو ناصر :والله اذا صديق مو شي ثاني عادي ..نور جلست على الكنب: يبه اناتعرفت على واحد والله يبه هو اللي جا وطلب مني ..سكتت شوي..يبه شرايك اليوم اعزمه على العشا تتعرف عليه ..؟؟ ابو ناصر سكت شوي: طيب جيبيه خلينا نتعرف عليه ..نور بضحكه ؟؟ان شاء الله يبه الحمدالله انك مافهمتني غلط وعطته بوسه ودلخت للغرفه تبدل ملابسها .. وش راح يكون موقف اهلها منه ؟؟


__________________________________________________ __________

ابو ناصرعلى الكرسي: ام ناصر متى الغدى ترى بموت جوع..ام ناصر يالله جاهز بيدي..بس انتظر لما تجي نور ابو ناصر هذه بالغرفه ..انوار روحي نادي اختك انوار حطت الصحن وهزت راسها يبه بصرخه وحده راح تجي ..تجلس على الكرسي وتنادي نـــــــــــــــــــور يالله الغدى ..نور طلعت من الغرفه وهي تدخل ازارير بجامتها حشى مو صوت هذاني جيت..وتجلس ويتغدون بو ناصر يناظر في نور..اقول ياام ناصر ترى اليوم نور بتعرفنا على واحد ام ناصر غصت وجلست تكح ..واحد ومن وين عرفتيه وكيف؟؟نور وهي خايفه والله يمه هو كل يلاحقني وقلت اعرفه عليكم ..بس والله قصدي شريف..ان ناصر تبغى تحذف شي عليها اخذت الملعقه وحذفتها عليها انا اوريك تراك مخطوبه انتي لا تنسين هذا الشي ..نور قامت بعصبيه :مخطوبه ومخطوبه واللي خاطبها مو حاس فيها تراكم ازعجتوني قامت وهي تضرب بالملعقه على الصحن بالقوه ..تروح لغرفتها وهي تصيح ..ابوناصر يناديها بس هي ماعطته اهميه .ابو ناصر قام بعصبيه وجلس على كنب الصاله ..انوار قامت لأمها:يمه قومي راضي ابوي .ام ناصر ماتكلمت ..انوار وهي ماسكه كم امها ..يمه قومي الله يخليك تدرين ابوي مايرضى علينا حتى من نفسه ارجوك يمه قومي تفاهمي مع ابوي..قامت ام ناصر وراحت جنب ابو ناصر ..اما انوار راحت لغرفت نور ..ام ناصر..بو ناصر ترا مهما يكون اذا بنتك ترا هي بنتي ابو ناصر بعصبيه:خليني اول شي اكمل كلامي موبسرعه صرختي على البنت كأنها مسويه شي غلط وحتى لو مسويه شي غلط نكلمها بالطيب مو معناته انها مخطوبه ماتسوي شي نحبسها مانخليها تشوف الناس ..ام ناصر ::انا اسفه يابو ناصر؟؟ واذا بتعزمه بشرط انك تدخله المجلس لاتشوفه ولايشوفها ..ابو ناصر: وانا بخليها تشوفه دومك متسرعه ياام ناصر..قامت ام ناصر ومسكت يده وباستها وقامت للمطبخ تحط الشاي على النار ..غرفة نور ..نور وهي منبطحه وحاطه وجها على المخده انوار تحاول ترفعها بس نور مو راضيه..انوار تحط يدها على شعر نور:خلاص يانور امي قلبها طيب صدقيني بترضى ..نور ماتتكلم كان ردودها صياحها..

انضرب الباب بالخفيف واللي ورا الباب ام ناصر اشرت لأنوار انها تطلع بره ..جلست جنب نور مسكتها من كتفها :يمه نور وريني وجهك لاتزعلين انا اسفه..بس خفت عليك..نور بصياح وراتمت بأحضان امها ووتكلم بصوت متقطع :يمه انا اسفه بس محمود مو حاس فيني وش اسوي ..ام ناصر خلاص يانور سوي اللي تبينه بس بحدود ..وتمسح دموعها نور وتبوس راس امها :يمه انا اسفه وابتسمت ..تقوم ام ناصر وتطلع بره عند بو ناصر وتجلس جنبه....


نور قامت من السرير وراحت للحمام تغسل وجها وتتوضأ وتصلي لها ركعتين تحمدربها على مرور اليوم على خير ..خلصت صلاتها وهي تعدل شيلتها والسجاده رن جوالها ..راحت نور ترد على الجوال ..وكان سامي ..نور هلا سامي ..سامي هلا بك شو اخبارك؟؟ نور بدون نفس بخير ..سامي بخوف كأني اتصلت عليك بوقت غير مناسب..نور لا لا حياك اليوم ابوي ينتظرك الساعه 7 المغرب اوكي ..سامي بدون تردد اوكي..وتقفل الخط وتحط راسها وتنام ..الساعه 5 ام ناصر من ورا الباب تنادي نور تجلس من النوم ..نور قامت تفتح الباب لأمها وهي مغمضه عينها ..ام ناصر للحين نايمه يالله الضيف بيجي ماراح تسوين شي..نوربثقل: طيب يمه توها بتقفل الباب الا تنادي امها..يمه ..ام ناصر هلا يمه..نور: يمه انتي زعلانه علي للحين. ان ناصر بإبتسامه تفتح النفس:لا يانور وتقفل الباب..نور راحت عند المرايا وفتحت شعرها واخذت المشط ..وبعدها اخذت الفوطه ودخلت الحمام ..في الصاله انوار وابوها جالسين يسالفون ..وام ناصر بالمطبخ تشوي العشا علشان اللي بيجيهم ..طلعت نور وكانت لبسه بنطلون كحلي وبدي..وخلت شعرها مفلول علشان يجف عن الماي ..دخلت على امها بالمطبخ وهي تشم الريحه :الله ياحلو طبخك ياام ناصر...

***********************************
اما سامي اللي تايه بخيال نور بدا يحبها ..بس بعد هالشي عن عقله مستحيل ذي بنت خليجيه وابوها مابيرضى إلها غير ولد بلدها ...هزه صديقه من وراه..سامي شوبك؟؟ مروان:هي سامي شوبك مابتسمعني؟؟سامي:اهتز شوي :مافيني شي بس راح اشوفها .مروان : من اللي بتشوفها؟؟سامي: وحده اخذت ألبي وعقلي ..مروان:انا مافهمت شي ؟؟سامي مسك يد مروان :اديش الساعه ؟؟ مروان :6 ونص..؟؟ سامي وهو يقوم:طيب بخاطرك ..مروان وين راح تروح؟سامي:بروح إلها واذا رجعت بقولك كل شي اوكي خاطرك...وهو يمشي دخل عند محل ورود واخذ باقة ورد ..طلع سامي وهو خايف ووصل عند السـكن ..وصل عند الباب متردد ..ضرب الجرس ..عدل نفسه ..قام ابو ناصر علشان يفتح الباب ..:هلا باللي لفانا ..سامي بخوف:بشوفتك ياعمو..وبتردد عطى الورد ابو ناصر..وابتسم ابتسامه قلق ..ابو ناصر حياك ادخل وش فيك خايف..ادخل المجلس..تركه ودخل الصاله ..دخل المطبخ كانت ام ناصر ونور بالمطبخ ..بو ناصر هاه استوى العشا ترا الضيف جا..نور صج يبا..ام ناصر بنظره:هاه شقلنا..نور: يمه ماراح ادخل صدقيني واذا تبيني اجلس بالغرفه جلست..بو ناصر يناظر باام ناصر بعصبيه..هاه ام ناصر..ام ناصر خلاص سكتنا..طلع بو ناصر عند سامي اللي متروك بالمجلس..دخل عليه وجلس..سامي ساكت وكان خايف..بو ناصر..الا بسأل؟ سامي بخوف وتلعثم..امر عمو..بوناصر وين شفت نور..سامي حاط ايده على ايده الثانيه من الخوف..شفتها عند البحر ذاك اليوم كنتو موجوين ..بو ناصر امممممم..انت تدري ان نور ....................!!الا بضربة الباب..ام ناصر العشا جاهز بالغرفه الثانيه..ابو ناصر طيب طيب..وجه عينه لـسامي وشافه مرتبك..بوناصر بإبتسامه..شفيك ياسامي مرتبك ..سامي:مابني شي..بو ناصر حياك العشا..قام ابو ناصر مع سامي للعشــا.........


__________________________________________________ __________

انوار جالسه بالصاله جات نور جنبها..وقالت:تهقين ابوي وش قال له..؟؟ انور وش دراني خليني اتابع الفلم..قامت نور لغرفتها ونسدحت على السرير تفكر اللحين وش قالو..وش سوى ابوي معاه؟؟!
دخل ابو ناصر للصاله وسمعت صوته وقامت من على السرير ..شافت ابوها ماسك باقة ورد..ابتسمت له ونزلت راسها..ام ناصر:هاك نور هذا منه؟؟اخذتها نور ودخلت الغرفه..تناظر فيها وشافت بطاقه خذتها وهي مبتسمه وقرتها..امسكت الجوال وارسلت:وش رايك بأبوي:وصلت الرساله لسامي وهو بالسياره..فتح المسج..وشافه وابتسم..وارسل:عجبني ابوك كتير كتير:وصل المسج لنور ..قرتها وحطت الجوال على جنب..ضرب الباب ..ابو ناصر ..نور :هلا يبه ..بو ناصر شوفي نور عزيمه مره ثانيه خلينا نشوفه..نور بإبتسامه ان شاء الله يبه..بو ناصر يالله تصبحين على خير بروح انام الوقت متأخر ..نور وانا بعد وانت من اهله............سامي كان جالس عند البحر وجا من وراه مروان ..ضربه على كتفه ..سامي بعصبيه:شوبك ياعم؟؟مروان يجلس جنبه:ان اللي شوبك تغيرت كتير يضرب الحب وش بيزل..وبعدين وين رحت اليوم؟؟سامي حط ايده ورا راسه وانسدح على الرمل ..شفتها اليوم اقصد شفت ابوها وعبجني سلوبه ياليت اخطبها..مروان مستغرب:هي سامي انا ماعم افهم شي..؟؟سامي جلس وعدل جلسته:وقال كل شي لمروان..مروان:هي مجنون هي بنت سعوديه واكيد ماراح تقبل فيك ..انت فيك سألت نفسك ممكن انها تكون مخطوبه ؟؟اكيد لا..اصحى ياسامي..افهم ياسامي مو كب مره تسلم الجره..سامي:خلني لحالي اووه..مروان..طالعه وقام عنه ..وراح لأصدقائه اللي عند المطعم اللي جنب البحر...
نور تفكر فيه وتبعد هالشي عن بالها...على ان محمود مايهتم فيها..وهو يفكر فيها بس يفكر بكلام مروان ويقول مستحيل..نور بالغرفه مسكت الجوال بدون لاشعور اتصلت فيه سامي سمع نغمة االجوال وركز على الرقم :هاي هيه نور!! ضغط على الزر الاخضر هلا نور...نور سكتت وكأنها صحت غيرت الموضوع :وش رايك بجو عايلتنا.؟؟ سامي :والله حلو كتير كتير مدامك انتي فيه..نور بضحكه حيا..مشكور..طيب سامي ابوي يقول اعزمك مره ثانيه عادي..سامي:اذا بتريدي اللحين اجيلك.نور:: هههههههههه ..سامي يسلملي هالضحكه..نور طيب طولت وانا بكرا ابغى اصحى من وقت اخليك ..سامي:تصبحين على خير..نور: وانت من اهله..

******************************


__________________________________________________ __________

((الجـــزء الثــالث))
مر اسبوعين جا ابو ناصر وكان يوم الخميس وقال لنور تعزم سامي ع العشا..وتمت الموافقه..
كان الصباح كانت نور جالسه على السرير وجا ببالها طيف محمود وجلست تتأفف..بعدها قالت لا محمود هذا يوم من الايام زوجي..ومااخون ايامي معه..بس هو هملني..عدلت فراشها..دخلت اختها انوار:صباح الخير لأحلى اخت بالدنيا..نو من غير نفس:اكيد عندك شي..انوار:بل عليك شلون عرفتي المهم ابغى اروح السوق تجين وياي..نور طالعتها::شلون اروح وانا عازمه سامي..!! انوار بعصبيه واذا سامي هو بيجي بالليل مو الصباح..نور اقول طلعي من غرفتي..انوار تمت واقفه..هزتها نور ماتسمعيني اقولك طلعي من الغرفه..ردي وعرفتيه ببدل ملابسي..انوار بحماقه:ياملقك بس انا اوريك انا بطلع بس راح تتحسفين على قد شعر راسك؟؟!!
ام ناصرتجي على صراخهم:وش فيكم يابنات صراخ وهواش ...الثنتين (يمه) انا بقول اول ..انوار: يمه انا ابغاها تروح معي السوق وموراضيه .ام ناصر:أي براحتها تبغى تروح تبغى تجلس بكيفها..
هني انتصرت نور على اختها وطلعت لسانها..انوار :شوفي بنتك يمه تراك مدلعتها كثير ومن التدليع جايبه لنا واحد نتعرف عليه مادر وين جايـــــــــ........................,,,ام ناصر:من غير شعور اصفعتها انطمي ولا كلمه اختك وانا اعرف وابخص بتربيتها اشوفك تتكلمين عنها بهالكلام ..انوار غرقت عيونها وراحت لغرفتها ..وانسدحت على فراشها امي تضربني ماصدق ..ليه احس ان امي تبدي نور علي ياربي منو الاكبر انا ولاهي..؟؟
نور ماعجبها وراحت جلست جنب امها:يمه ممكن اكلمك ..ان ناصر:هاه يانور وش بغيتي..نور :يمه اللي سويتيه مع انوار غلط وبعدين كذا تخلينها تحس بأنك تفرقين بيني وبينها يمه انا اسفه اذا كلمتك كذا بس هي اختي واللي يضرها يضرني..قامت ام ناصر واهي حست بقساوتها على انوار..وضربت الباب..صرخت انوار مابي اشوف احد انا مااحبكم انا احب بس ابوي....ام ناصر::طيب واللي ورا الباب وانا ياانوار..؟؟انا امك
ماتحبيني؟؟سكتت انوار وقامت فتحت الباب وحضنتها امها :يمه انا .....سكتتها امها بنظره سكوت وحضنتها بقووه..استانست نور باللي سوته كأنها صارت مصلحه اجتماعيه وحطتها براسها انها تصير مصلحه وجلست تضحك على نفسها شلون تحل المشاكل ..سكتت اشوي على صوت الجرس وهي تقول لنفسها ابوي عنده المفاتيح وهو قال بيجي عالـ7 راحت نور عند الباب ..الفرحه ماشالتها كانت خالتها ام خليفه..اللي عندها ولد اسمه محمود ضمتها لصدرها وهي تصارخ بالبيت يمه انوار ..خالتي هنا خالتي هنا..
انوار تطلع من غرفتها وهي مستانسه وتنط على على خالتها وتحضنها :الله ياخالتي من زمان ماشفتك..خالتها:تضربها على ظهرها والله انتو اللي ماتنشافون كل متنقعين بهالبنان ..اوووووه نسيت نور وانوار..بصوت واحد..شنو ياخالتي..؟؟ خليفه متنقع بره مسكين اللحين ميت من البرد..والا بدخلت ابو ناصر..هلا والله زارتنا البركه..وتروح ونور ياخذون الاغراض من يد ابوهم..ابو ناصر:اللحين مخلين الرجال بره وانتو جالسين هنا يابنات أي وحده منكم تروح تدخله مسكين ..نور:يبا انا امي تبغاني اسوي شغله ومااقدر خل انوار..راحت انوار واستسلمت ألبست شيلتها ..:هلا والله بولد خالتي حياك ادخل لمجلس الرجال..خليفه:هلاوالله ببنت خالتي شخبارك يالغاليه..انوار ماتكلمت ماتحب تتكلم مع اعيلها خالتها ولا عمامها..ناظرت فيه انوار وعجبها طويل شعره ناعم بس موطويل مرسوم جسمه..دخلت ورمت الشيله وهي تناظر خالتها وتبتسم وتقول بنفسها هنيالك هالولد طلع جنـــان.....
ابو ناصر:زين انك جيتي ..ام خليفه..ليه وش صاير ..ابو ناصر.مو صاير شي بس نور اقصد نور كانت تدرس بمعهد وصديقها بالمعهد بتجيبه نتعرف عليه..ام خليفه بطلت عينها وهي اللي تحسبها انها تحب ولدها محمود جلست نتاظر نور وهي تطبخ وجالسه تغني ((الليلـه غير)) دارت فيها الدينا ام خليفه شلون بنت اختها تسوي كذا ماحطو حساب لشرف العيله ولا يوم راحو بلاد الغرب يتغير كل شي والله دنيا غريبه..ام خليفه:ابو ناصر الا بسأل انتو ليطلعتو يلبسون عباتك شيله..سمعتها نور ووقفت مكانها ياربي وش بتقول عنا بتاخذ فكره اللحين..ابو ناصر:هم يلبسون شيله مهما يكون نحافظ على عادتنا وتقاليدنا..ام خليفه ..اممممم زين يسوون كذا ..جات انوار بالمطبخ وهي تغني ..(آهن على قلباً هواه)طالعت فيها نور بإستغراب وهي تقول :شفيك انوار يمه بسم الله عليك اكيد فيك شي قولي تكلمي وش صاير؟؟ انوار بضحكه شاقه حلجها : مافيني شي اغني فيها شي..طلعت انوار من المطبخ وتذكرت ان انوار هي اللي دخلت خليفه للمجلس اكيد حلو مثل ماكان اول ..ايه يااختي اللحين حسيتي بالحب ..الابرنة الجوال حبيبي يه ياحلم ده عشت عمري بستناك..تشوف الرقم تقول بنفسها صار الجوال حلو برقمه..كلمته :هلا سامي ..سامي:هلا حبـ...هلا نور ..نور سكتت وبحيا:بخير بخير.سامي انا راح اجي اللحين.نور: وي حياك الله ..سامي..شو مافهمتك ؟؟نور بضحكه:والله ماعرف لهجتكم :يعني تفضل حياك ..وجلست تضحك...وهو جلس يضحك...نور :اوكي انا بسكر وببلغ الاهل يالله مع السلامه..راحت لعند امها اللي جالسه تحط المكياج ولاشافت اختها للحين...نور: الله الله كل ذا علشان الزوج العزيز .ام ناصر :اقول ماتسكتين والله كل لأختي وي فديتها يعل عيني ماتبيكها ..نور :ماقدر ..زين زين..يمه سامي اتصل وبيجي اللحين بروح اقول لأبوي ..راحت لأبوها ونادته وكلمته على جنب ان اللحين بيجي سامي..ابو ناصر طيب..روحي تروشي ترا بتقابلين خالتك كذا بتلوع كبدها ..نور هههههههههههه طيب يبه..


__________________________________________________ __________

راحت للغرفه فتحت دولاب ملابسها أي واحد يناسبها تبغى تلبسه دخلت انوار وهي مخلصه تسبحت ..شافت نور :مبطله عينها للحين ماخلصتي ..نور : والله مافي شي البسه وهي تكلمها طعلت جلابيه منقوشه باللون الاخضر وكانت جنان لبستها بصباحيه اخوها ناصر ...
************************
ناصر هو الابن الاكبر متزوج وهو بعمر الـ 21 كان يحب بنت عمه وبالغصب اخذها وهي كان عمرها 18 وكانت تأجل لين تخلص دراستها وقبلت تتزوج وهي بالعمر واللحين ناصر عمره 30 والجازي 27 وعندهم بنت وولد ..
*************************
انوار ها بتلبسين هالجلابيه..نور :أي والله تجنن راح البسها ان شاء الله اشوفه ..انوار بضحكه..هذا وجهي اذا شفتيه خالتك بتقعد هنااا..نور وهي تتنهد وكأن مشكله طايحه عليهم:آآآآآه سكتي الله يصبرني الا بقول ماجابت طاري محمود...تدرين اشتقت له..انوار:حددي يامحمود ولا سامي..نور اقول برره بتسبح ..ام ناصر:ها تجهزتو انوار وهي ماسكه امها :يمه انا خلصت وتجهزت اوما نور لا تسبحت ولاشي..ام ناصر وانا اقول من وين هالريحه؟؟ نور:هههههههههههههههه لاوالله والله ماتنعطون وجه اقول بدون مطرود بره يالله خلوني اخذ راحتي ..ام ناصر استحي على وجهك وعرفي من تكلمين ..نور بضحكه طفوليه:اكلم امي الغاليه يمه الله يخليك ممكن تطلعين..
سامي شاف الوقت وقال اللحين اروح إلها اكيد يتنظروني ..اتجه للسكن ودخل وضرب الباب..
ابو ناصر :هلا والله باللي لفانا ..سامي :هلا عمو كيفك اخبارك؟؟ ابو ناصر :والله بخير حياك سامي..ابتسم سامي ودخل وسلم على خليفه وجلس..بو ناصر:اخليكم بروح ابلغ الاهل ..خليفه يناظر بسامي وهو مصدوم .خليفه: انت تعرف عمي بو ناصر..سامي بتوتر:انا متعرف على بنه نور ..انصدم خليفه وليه كذا بنت خالته وشلون ابلغ محمود على اللي سوته وهو اللي انصحه قبل لايسافرون انه يسلم على نور اذا شافها ((ها خليفه اذا رحت سلم على حبيبت قلبي نور لاتنسى ..خليقه: ولايهمك راح ابلغها وارح ابوسها هههههههههه ..محمود بضحكه:تخسي تبوس زوجة المستقبل اللي راح تشاركني بالبيت ان شاء الله..خليفه ليه ماتجي معنا للبنان..محمود والله مشغوووووول ونفس الوقت ابغاها تشتاق لي .))
رجع حواس خليفه اللي تذكر حواره مع محمود وهو يقول لنفسه ياخوي ماتستاهلك ..ماتستاهلك..
جا بوناصر وجلس ..وخليفه يناظره بنظره الحقود كيف تخلي بنت من بناتك تسوي كذا ..ناظر فيه بوناصر..:ولد خليفه وش فيك كأنك متضايقك شي..خليفه صحى:ها ولا شي عمي بس سهيت اشوي ..بو ناصر :هههههه من هي اللي ماخذه عقلك ..سكت خليفه وقال في نفسه اللي ماخذ عقلي ان بنتك ماتستحق اخوي ..:ها ولا احد يعني منو اللي بتاخذ عقلي..وهو يناظر الساعه متى نطلع من هنا احس اني بختنق ..

كانت نور بالمطبخ وكانت تحوس وتعدل دخلت عليها انوار الله من متى صرتي تطبخين نور من زمان مو مثلك..دخلت ام ناصر شفيكم يابنات تأدبو عاد خلو يوم بدون هواش..نور وانوار بصوت واحد :يمه شوفيها..وبعدها جلسو يضحكووون ..ام ناصر:ها جهزتوا ..نور أي خلصت كل شي صار العشا..نور وهي تحط الصحون على الطاوله.ام خليفه تطالعها وتقول بنفسها خساره فيك ولدي محمود..نور تطالعها مستغربه:خالتي ام خلووف وش فيك تناظريني كذا..ام خليفه::ولا شي اشوفك شاطه حيلك..

خلصووو من العشا وقامت نور لعند المجلس تنتظر سامي وهو طالع يغسل يده نادته بصوت واطي :سامي خبارك اعجبك العشا..سامي ايه عجبني كتير كتير..نور:اوكي اخليك علشان لاحد يشوفنا ..قام خليفه يغسل يده شاف نور وسامي يتودعون ..مد ايده مدت يدها سلمت ومشت ..دخل خليفه للحمام وهو حاير ..دخل ايده بجيبه واخذ الجوال واتصل على محمود..يـرن ..يـرن..وهو يقول بسرعه يامحمود شيله..محمود:هلا والله بأهل لبنان ..خليفه اسمع تجي بسرعه شوف مهزلة زوجة المستقبل الحق عليها قبل لاتطير من ايدك ..محمود بخووف:خير وش صاير..حليفه:انت تعال وراح تعرف كل شي يالله فمان الله.. طلع خليفه من الحمام وهو يناظر بسامي بستحقار ودخل المجلس...

ام خليفه ..خيتي ام ناصر ابيك شوي بره ..ضرب قلب انوار وجلست تصب عرق..
تحسب ان السالفه تخصها..نور كانت تغسل الصحون ولاتدري بالسالفه..

ام خليفه :يختي ام ناصر انا بقول وان شاء الله ماتفهميني غلط انتي راضيه على تسويه بنتك نور هذا تربيتها وين احل الحشيمه وين الاخلاق؟؟ام ناصر بزعل..يختي هذا البنت عندك مو مسويه شي ولا لأن اذا راحو بلاد الغرب شالو العبايه بالعكس اذا شالوها خلو الشيله ولبسهم مستور..لاتظنين ببناتي ومارضى لأحد يغلط عليهم حتى لو كانت اختي اللي هي انتي؟؟ناظرتها ام خليفه بزعل:انا اسفه ماكنت اقصد بس انتي تعرفين ان نور لولدي محمود يعني مااغار عليها ..ام ناصر:مافي مشكله بس مااسمح لك تتكلمين عنهم كذا..

*************************************
محمود قفل وهو مشغول البال مايدري وش صار فيه وش مسويه واخوي وش يقصد بكلامه حس ان الدنيا دارت فيه مهزله وزوجة مستقبل لا لا بكرا لازم اروح...


ام خليفه بضحكه:يالله انا جايه ازورك مابيك تزعلين علي..ابتسمت ام ناصر بخاطر..جات انوار وهي شاقه الضحكه لعل وعسى تتكلم امها وتقول ان خالتها اخطبتها لخليفه بس كانت الاجواء هادئه ..واستغربت منهم ماكان عنها الموضوع تحطمت وعرفت ان مافي امل انها تكون لخليفه..