احلى لحظة (شهد &على ) رواية جميلة
عنوان الموضوع : احلى لحظة (شهد &على ) رواية جميلة
مقدم من طرف منتديات نساء الجزائر
احلى لحظة (شهد &على )
(البارت الاول)
الساعه 7 الصبح
الام (حنان): شهد..شهد يالله قومي راح تتأخرين على المدرسه يالله قوومي.
شهد: اوووف انزيين كااني قمت.
قعدت شهد من النوم و راحت الحمام (اكرمكم الله) غسلت ويها و فرشت و لبست مريول المدرسه و كان مخصر على جسمها و ربطت شعرها ذيل حصان و حطت بس ماسكرا.
stooooop
شهد: عمرها 17سنه بيضه بس بياضها حلو لون عيونها بني فاتح و شعرها كستنائي يوصل لي نص ظهرها و جسمها متناسق و عندها غمازه على خدها اليمين
عبدالله(اخو شهد العود): مهندس عمره 23سنه اهوا الي شايل البيت و يحب اخته واايد و متزوج و عنده بنت عمرها 5 سنوات اسمها (فرح)
الاب: متوفي بحادث سياره لمن كان عمر شهد 7 سنوات .
الام(حنان): عمرها 40سنه طيبه و حنونه و تحب بنتها شهد واايد و تخاف عليها و محافظه على نفسها الي يشوفها يعطيها اصغر من عمرها .
رتاج(زوجة عبدالله): مهندسه عمرها 20 واايد طيبه و حلوه شعرها صابغته اشقر و عيونها بني وجسمها حلو متزوجه عبدالله عن قصة حب واهي و شهد وااايد مع بعض و كل اسراهم عند بعض.
ملاحظه: عبدالله و رتاج عايشين مع شهد وامها لان عبدالله ما يبي يخلي الحريم بروحهم بالبيت << فديته يخاف عليهم P:
نزلت شهد تحت وكان الكل قاعد على طاولة الطعام عشان يتريقون .
شهد: صباح الخير .
الكل: صباح النور.
الام (حنان): يالله يمه قعدي اكلي
شهد: لا يمه بالعافيه مو مشتهيه
عبدالله: انزين اخذيلج شي وانتي رايحه
شهد: اوكي.. التفت على رتاج وقالت: وين فروحه؟؟
رتاج: بالحضانه.
شهد: اهاا
شهد: بالله يمه انا رايحه اوكي
الام(حنان): اوكي ديري بالج و قولي حق السايق شوي شوي لا يدوس
شهد: انشااءالله يالله باي
الكل: باي
راحت بالطريج شرتلها من ماك و وصلت المدرسه
شهد: امبييي وااايد تأخرت بسرعه خدش قبل لا المشرفه تشوفني
دشت المدرسه ولا المشرفه جدامها....
المشرفه: شهد و بعدين معاج انا لازم اكلم ولي امرج لانج كل يوم تتأخرين
شهدافففف خل اجذب عليها عشان افتك) اااا..اسفه ابله بس كان زحمه بالطرييج
المشرفه: اوكي اخر مره يالله دخلي داخل الصف
شهد: انشاااالله
نهااية البارت الاول.. يالله بناات ابي تشجييع اكمل ولا لا؟؟
>>>>> ردود الأعضـــــــــــــــــــاء على الموضوع <<<<<
==================================
الحصه لاولى شهد و رزان مسوين ازعاج بالصف
شهد: هههههههههههه امبيييييي رزووون مو صج هههههه!!
رزان: ههههههههههه لووووووووووووول
stoooooooooop
رزان: عمرها 17 سنه شعرها اسود قصتها نفس قصة rihanna بيضه عيونها سوده واهي رفيجة شهد الروح بالروح
الابله: شهد..رزان...
شهد: هلااااااااااااا
رزان: ههه هلاااا واااالله
الابله: قوموا اقفوا!!
شهد: ........
رزان:.......
الابله: انتوا مسوين ازعاج بالصف وهذي مو اول مره روحوا عند الناظره
رزان و شهد قاعديين يضحكوون: هههه انشااالله ابله
( غرفة الناظره )
الناظره: شنو مسوين بعد
شهد ماسكه ضحكتها: الابله ما تبينا بالصف.
الناظره معصبه: اكيييد كالعاده مسوين ازعااج بالصف صح؟؟
رزان: ههههههههههههه يس ^_^.
الناظره: بعد تضحكين...انتوا ما ينفع معاكم الحجي راح اسوي لكم استدعاء واذا كررتوها راح اسوي لكم فصل لمدة 3 ايام.
شهد بقلبها (شدعوه): انشااءالله ابله
نهااااااااااااية الدوااااام
شهد: يالله رزوون يااه الساايق باي
رزان: اوكي اول ما توصلين كوول مي
شهد: اوكي باي
رزان: باي
في السياااره....
شهد: راجوو روح اخذ فرح من السكوول
راجوو: اوكي مدام
وصلوا المدرسه...
فرح: السلام
شهد: و عليكم السلام
فرح: شهوود عفيه قولي حق راجوو يودينا الجمعيه.
شهد: لا لا فرووحه تاخرنا.
فرح: بليييييييييز..عفيه عفيه الله يخليج
شهد: اوووف نزيين
فرح باستهاا حيييل على خدهاا: فديييييييتج.
شهد: ههههه...راجوو روح الجمعيه الي يم بيتنا.
راجوو: اوكي مدام.
في الجمعيه.......
اول ما وصلوا راحت فرح صوب الحلاو والكاكاو و قعدت تخمط
شهد: انشاااالله ما تخميين الجمعيه كلهاا.
فرح: كيفي مالج شغل
شهد طقتها على راسها ع الخفيف: شنو مالج شغل احترمي نفسج انا عمتج.
فرح: هههههههههههه.
و كملت قاعده تخمط...
وراحت فرح قاعده تدور كاكاوها المفضل (time out)
بعدت شهد عنها شوي تدور لها شي تشربه..ولا تسمع صوت صرااخ يمها
راحت قاعده تدور فرح ولا تشوفها قاعده تتهاوش مع ولد صغير وواحد قاعد يفرق بينهم
فرح: وخر وخر انا خذيته قبل.
الولد: لا انا خذييته قبل وخرييي
فرح قعدت تصاارخ وتسحب الكاكاو منه عطنيييييي!!!
نهاااايه البااارت الثاني
ياالله بنات ابي ردوودكم و توقعاتكم!!
__________________________________________________ __________
(البارت الثالث)
فرح قعدت تصارخ و تسحب الكاكاو منه: عطنيييييي!!
علي بعصبيه: حمود وخر عن البنت.
حمود: ماابي انا خذيته قبل.
stoooop
علي: عمره 18 اول سنه جامعه..حنطاوي عيونه بنيه وشعره لونه كستنائي ستايله ((سبايكي)) و جسمه رياضي و عنده غمازتين ولمن يعصب ينسى نفسه و ما يعرف امه من ابوه.
محمد(اخو علي): عمره 6 سنين يشابه علي بس ابيض و نفس شعره ((سبايكي)) شكله حده كيوت.
حنين(اخت علي): عمرها 12 سنه هاديه حييل و جمالها عادي<< مراح تطلع وايد بالبارتات
الاب(بوعلي): عمره 39سنه محافظ على نفسه و عنده شركته الخاصه ويحب عياله وايد.
الام(ناديه): عمرها 37 سنه حلوه وطيبه واهم شي عندها عيالها (ربة بيت)
شهد: فرووح خلاص تعالي اشتريلج واحد ثاني.
فرح: لا..ابي هذااا.
وطوول الوقت علي عينه على شهد و شهد تطالعه و تنزل عينها.
علي: خلاااص حمود خلها تولي هذي ياهل.
فرح عصبت: انا مو ياااهل انت اليااهل يا غبي.
شهد ماسكه ضحكتها:.....
علي عصب وقام يصارخ: هييييييييييي انتيي اصغر عيالج تصرخيين علي!!
فرح خافت وقعدت تبجي...
شهد منصدمه: هيييييييي انت مالك حق تصرخ عليهاا ترا ياهل وسحبت فرح وراحت معصبه.
علي تفاجا من ردة فعلها وخذا حمود وطلع يبي يتأسف لها بس راحت
وصلوا شهد وفرح البيت..
شهد: السلام عليكم
الام(حنان): وعليكم السلام ها يمه ليش تأخرتوا؟؟
شهد: فروحه كانت تبي تروح الجمعيه.
فرح سيييده راحت غرفتها وقعدت تبجي
رتاج: شفيها فرح؟؟
شهد: مممم ولاشي بس تهاوشت مع ولد صغير بالجمعيه.
رتاج: ممم خلاص انا الحين اروح اشوفها.
شهد: اوكي.
الام(حنان): يالله شهد تعالي تغدي
شهد: لا يمه تعبانه بروح انام لمن اقعد اكل؟
الام(حنان): انزين براحتج..لمن تقعدين ابيج بموضوع.
شهد: اوكي.
وصعدت غرفتها..بدلت ملابسها وراحت بتنام ولا تتذكر سالفة الجمعيه وسييده راحت دقت على رزان.
رزان: الوو
شهد: الووو رزوون طاافج توه امبيييي مو صج
رزان: شنو؟؟
نهااااية البااارت الثاالث
وبليييز بناات ردوودكم و توقعاتكم ^_^
__________________________________________________ __________
(البارت الرابع)
رزان: الوو
شهد: الوو رزوون امبيييي طافج توه موو صج
رزان: شنو؟؟
شهد: لمن طلعت من المدرسه وديت فرووح الجمعيه و.....قالتلها كل السالفه.
رزان: ههههههههههههههههه حلو؟؟؟
شهد: والله انج فاضيه بش هذا الي هامج الحين انا معصبه(بس بقلبها واي اينن)
رزان: هههههههه اي اكيد هذا المهم
شهد: هههههه اوكي رزون انا بروح انام لمن اقعد اكلمج.
رزان: اوكي نوم العوافي.
شهد: الله يعافيج
رزان: باي
شهد: بايات..وسدته
الساعه 7 بليل
قعدت شهد من النوم على رنة تلفونها (only girl)
lalalala x4
i want you to love me
like im a hot pie
keep thinking of me
doing what you like
ooh want you to make
me feel like im the
only girl on the world
like im the only one
who in commend
how to make you feel
....like a maan
__________________________________________________ __________
(البارت الخامس)
فرح بخوف: أأأ...شهد!!
شهد: هااا؟؟
فرح: شوفي وراج
شهد(لفت ويها بس كان علي منزل راسه فما عرفته): شنو شفيج؟؟
فرح: ........
شهد: اووه ما عندج سالفه انا بروح الحمام.
قامت من مكانها بتروح الحمام ولا تشوف علي جدامها...
شهد(منصدمه): أأ..أنت!!
صدفه واللقاء صدفه
عيني تلتقي بعينك
قلبي يسألك وينك
ويينك
واه ياخوفي وحنينك
واه ما اجمل سنينك
واه يا خوفي وحنيينك
واه ما اجمل سنيينك
ضاعت كأنها طرفه
صدفه يا حلوها صدفه
صدفه وكأني مع ذالك الوصل
موعد كان الشتا من زود الوله
ما يشتهي يبرد والمطر ويا البديع صارت غيوم مع برد
وانا وسط العااصفه والصدفه صاارت عااطفه
واه يا خوفي وحنينك
واه ما اجمل سنيينك
واه يا خوفي وحنينك
واه ما اجمل سنيينك
ضاعت كأنها طرفه
صدفه يا حلوها صدفه
علي يضحك: هههههه عرفتيني؟؟
شهد: أأ..أي!!
علي: اسف علي الي صار بالجمعيه ما كان قصدي اصارخ على اختج
شهد: ههههه لا عادي واهي مو اختي بنت اخوي..و أأ..انا الي اسفه لانها غلطت عليك.
علي: لا عادي..أأ...ممكن تنادينها بكلمها شوي
شهد (مستغربه): أأ اووكي..وراحت تناديها
شهد: فرح..فرررح بسررعه تعالي
رزان: شهوود منو هذا الي قاعده تكلمينه؟؟
شهد: اوووف بعدين اقوولج...
صمود (تستعبط): لا يكون مواعده واحنا ما ندري
شهد: هههههههه جب جب.......فروووح بسرعه تعالي ويرتها من ايدها.
فرح: اااااايي انزييين كاني يايه.
فرح وقفت ورا شهد...
علي(مسك فرح من ايدها ع الخفيف): ههههههه ليش خايفه تعالي
فرح: ....وراحت له
شهد ماسكه ضحكتها: ......
علي(طلع من مخباته علج <<لوول واهوا يبتسم): اسف وباسها على خدها
فرح استحت: مشكور وبسرعه ركضت عند شهد.
علي قاعد يطالع شهد بنظرات ويبتسم...وشهد تطالعه وتنزل راسها مستحيه من نظرااته.
شهد بقلبها(واااي اينن شلون يطالع امبيي لا يكون حبييته لا لا مو معقوله انا مو جذي): أأ...يالله احنا لازم نروح.
علي(ما وده انها تروح): اوكي..
وراحو طاولتهم..
رزان: شهوود منو هذا (وتغمز لها)
شهد: ممم هذا الي قتلج عنه.
رزان: صجج والله حلوو
شهد: اقوول جب جب
رزان: هااا عليناا تغاارين
شهد استوعبت: هاا لا شكوو
صمود: شنو قاعدين تقولون انتوا منو هذا؟؟
رزان: انا اقولج... (وقالتلها كل السالفه).
صموود: ههههههههههه كل هذا يطلع منج يا شهود والله ما توقعتج جذي ههههه.
شهد: هههههه بس تصدقوون احس ان...
رزان: تحسين ان شنو؟؟
شهد: مممم مادري احس ان فيه شي غير عن باجي الشباب
رزان: يعني شلوون؟؟
شهد: يعني احسه ما عنده سواالف قز وجذي.
صموود: هيييييي انتي لا يكون تحبينه؟؟
شهد: ..........
صمووود: شهوووود؟؟
شهد: هلااا!!
صمود: قاعده اقولج لا يكوون تحبيينه؟؟
شهد: اوووف مادري مادري خلاص خنرجع البيت.
رزان وصمود: اوكي يالله.
بغرفة علي.....
كان قاعد يفكر بشهدلاازم اطلع رقمها لازم اصاارحها بمشااعري احبهاا والله احبهاا بس شلوون اشوفها مره ثانيه شلوون)
قعد يفكر لمن دااخ ونام....
نهااااية البارت الخاامس..
سوري بنات ادري ان قصيير انشاالله راح اعوضكم
__________________________________________________ __________
سوري بنات عالتأخير بس كان عندي ظروف والحين اخليكم مع البارت السادس+السابع
(البارت السادس+السابع)
مرت الايام وعلي كل يوم تكون شهد راده من المدرسه يروح الجمعيه عشان يشوفها بس من بعيد....
في يوم اليمعه (الجمعه) <<يعني عطله
شهد قامت من النوم ودقت على رزان
شهد: الووو
رزان: هلا شهود
شهد: مممم رزون ملل شرايج نطلع؟؟
رزان: لا مالي خلق تعالي بيتنا
شهد: ok ويت خقول حق امي وابدل واييلج.
رزان: ok سي يوو.
شهد: سي يو 2
راحت بدلت ولبست تي شيرت وردي وجينز برموده و حطت بس ماسكرا وقلوس وردي ولبست فلات وردي وشعرها سوته ذيل حصان كان شكلها حييل ناعم.
نزلت الصاله وشافت امها و عبدالله ورتاج وفرح قاعدين...
شهد: يماا بروح بيت رزون مليت وانا قاعده بالبيت.
الام(حنان): اوكي بس استأذني من اخوج اول.
شهد: اوكي....وراحت قعدت يم عبدالله
شهد(باسته على خده): عبوود
عبدالله ضحك: هههههه خلصي شتبين؟؟
شهد: مممم عادي اروح بيت رزان؟؟
عبدالله: اوكي بس لا تتأخرين.
شهد: انشاالله...وقامت
شهد: اوكي يالله انا بروح الحين السايق ناطرني.
فرح: شهوووده بروح ويااج؟؟
رتاج: لا حبيبتي الحين ابوج بيودينا السينما.
فرح: يسسسسسسسس وتروح تبوس راس ابوها.
شهد: يالله مع السلامه.
الكل: مع السلامه
عند علي توه راد البيت وكانت ملابسه متشققه وحده معصب((متهاوش مع رفيجه))
حنين(اخت علي): علي علي..
علي معصب: هاااا شتبين؟؟؟
حنين خايفه: أأ..شفيك؟؟
علي صرخ: اووف خلصيي شتبين
حنين واهي شوي وتبجي: أأ.....عادي توديني بيت رفيجتي؟؟
علي واهوا يصارخ: اوووووه حنين وخري عني مااالي خلقج (ودزها وراح).
حنين ما استحملت لان علي اول مره يصرخ عليها جذي و طلعت من البيت واهي تبجي وكانت تبي تروح بيت ييرانهم(جيرانهم) ....واهي قام تخطر الشارع وكانت قاعده تركض وفجأه.................
.................................................. ...
................................................
..........................................
.................................................. ..
اااااااااااااااااااااااااااااااااااااااااااااااااا ااه!!!!!!!!
عند علي..لمن استوعب ان صرخ على حنين وتحسف (لانها ياهل واخته الوحيده) وراح غرفتها يبي يتأسف لها بس ما لقاها
علي يصارخ: يماااااااااا
الام: هاا يمه شفيك؟؟
علي: وين حنين؟؟
الام: مادري شوفها بغرفتها.
علي(بتوتر): لا مو بغرفتها اهي مو موجوده بالصاله؟؟
الام: لا مو موجوده بس حمود اخوك وابوك موجودين.
علي: اوكي خلاص انا الحين ادق عليها.
........(واهي تصاارخ): عمييي ما تشووف
السايق: انا ما يشوف هذا بنيه يجي بسرعه.
.......(واهي تبجي): بسررعه رووح شيلها ودها المستشفى.
السايق: اوكي مدام وراح شالها.
ونزلت(.....)من السياره وشافت فون البنت على لارض قاعد يرن وخذته و ردت عليه.
........: .........
علي(واهوا قاعد يصارخ): الووو حنييين وينج؟؟
.......... أأأناا مو حنين
علي(خايف): منوو انتيي وين حنيين اختيي؟؟
........... (واهي قاعده تبجي) أأ اختك دعمتها سياره.
علي منصدم: شنوووووو...متى.....شلوون...أأ خلاص انا كاني الحين ياااي اي مستشفى؟؟؟
........: االحين احنا وصلنا مستشفى ال......
علي: اوووكي وسدااه بويهاا وبقلبه(هالصوت مو غرييب علي) وراااح طيرااان حق المستشفى.
عند رزان....
رزان: افففف مادري شقيها شعوود تأخرت قالت بتيي.
صمود: دقي عليها؟؟
رزان: دقيت ألف مره ما ترد.
صمود: ممممم خلاص خليها يمكن زحمه
رزان: مممم اي يمكن بس انا متأكده ان صاير شي مو من عوايدها انها ما ترد.
صمود: ويييعه رزوون لا تفاولين ع البنت.
رزان: ههههههه.
عند عبدالله ورتاج وفرح(وصلوا السينما)
عبدالله: انا بروح اشتري لكم شي تاكلونه شنو تبون؟؟
فرح: مممممم بابا انا ابي بوب كورن(نفيش) وسفن اب وكاكاو (time out)
عبدالله: انشاالله بابا...وانتي حبيبتي شنو تبين؟؟
رتاج تبتسم: لا حبيبي مابي شي بس ييبلي ماي
عبدالله: من عيوووني يا ام فرووحه.
رتاج استحت: ههههه يالله روح قبل لا يبدي الفيلم.
عبدالله ضحك: ههههه اوكي
وراح يشتري بعد (دقاايق) يت له فرح
فرح: بابا تعاال بسررعه ماما قام تصارخ على واحد.
عبدالله عصب: شنوووو!! اوكي كااني الحين يااي.....وراح لها (رتاج)شاف واحد قاعد يتحرش فيها وراح مسكه من ملابسه...
عبدالله معصب: هيييي انت شتبي منها!!
الصبي: انت اليي شتبيي؟؟
عبدالله: هذي الي هناك (ويأشر على رتاج) زووجتي فااهم!!
الصبي خاف: أأ ايي اوكي أسف
عبدالله ضحك بسخريه: هههههه عيل يالله رووح تت تت
الصبي ماحب يطوول بالموضوع وخاصه ان شاف عبدالله مجسم شوي (وراح بدون لا يرد عليه)
في مستشفى ال........
علي كان قام يركض بالمستشفى وراح حق الاستقبال و سأل عنها...
دش الغرفه وشاف وحده معطته ظهرها.
علي مستغرب: السلام
شهد لفت عليه: وعليكم الس...... انت!!!
علي(منصدم) انتي!!!
شهد قعدت تبجي: والله انا مالي ذنب بس اهي مانت قاعده تركض بالشارع والسايق ما شافها.
علي(بحنيه) خلاص لا تبجين مثل ما قلتي انتي مالج ذنب (وبدون لا يحس مسك ايدها لانها كسرت خاطره)
شهد اخترعت وبسرعه وخرت ايدها:......
علي: أأ اسف ما كان قصدي.
شهد ابتسمت: لا عادي
علي بقلبه: يا حلات ابتسامتها
علي: ممم شلونها الحين؟؟
شهد: يقول الدكتور الحمدالله ما فيها شي بس ريلها مكسوره وشوي كدمات وراح تظل فتره تقريبا يومين عشان ترتاح والحين اهي نايمه.
علي: الحمدالله
شهد: مممم ممكن اسألك سؤال؟؟
علي: تفضلي
شهد: دام فضلك....ممم اهي ليش كانت طالعه من البيت بروحها وكان شكلها جنها كانت قاعده تبجي
علي واهوا متحسف: كله منيييي انااا اناا الي صرخت عليهاا وخليتها تبجيي وتطلع من البييت كله منيي
شهد: لا تقول جذي يمكن الله كان كاتب جذي.
عليابتسم)....
شهد ردتله الابتسامه: ممم يلاا انا تأخرت لازم اروح
علي (ما يبيها تروح): لا قعدي بعد شوي ما شربتي شي ماي او عصير
شهد: لا مشكور انا لازم اروح.
علي: اوكي ممكن طلب بس ما تفهميني غلط
شهد: تفضل؟؟
علي: أأ بس ممكن تعطيني رقمج عشان الوالده تتشكرج؟؟.<<بس اهوا يبيه عشان شي ثاني
شهد متردده: أأوكي سجل 909.....
عند رزاان......
رزان: اناا خاايفه على شهد تأخرت وااايد.
صمود: انزين حاولي اتصلي عليها الحين يمكن ترد
رزان: اوكي خل اجرب
اتصلت رزان على شهد وقعد يرن ويرن ويرن توها بتسده ولا ترد
شهد: الووو
رزان: الووو واخيرااا ما بغيتي ترديين
شهد: شسوي صارتلي سالفه طوييييييييييله.
رزان: شنو قولي؟؟
شهد: ما اقدر ع الفون لازم (فيس تو فيس)
رزان: اوووكي تعاالي الحيين
شهد: نو نو سوري رزوون ما اقدر واايد تأخرت الحين عبوود يزفني.
رزان: اووكي خلاص بااجر تعااالي
شهد: اوووكي سي يوو
رزان: سي يو 2
عند عبدالله ورتاج توهم رادين البيت
عبدالله ورتاج: السلام عليكم
الام: وعليكم السلام
عبدالله معصب: وييين شهد انا شنووو قايل لهااا
شهد دخلت البيت خايفه: أأ السلام..
عبدالله واهوا يصاارخ: شهووود ليش تأخرتي مو قلتلج لا تتأخرين
شهد(بهدوء) بقولكم شي بس لا تعصبون
عبدالله حس ان في شي : شنو قولي؟؟؟
نهاااااااية البارت السادس+السابع وبليييز بناات توقعاتكم وردوودكم
رد مع اقتباس
