عنوان الموضوع : (( يابنت قلبي وين مثله تلاقين ... قلبن عطاك الحب ماقال هاتيه)) -روايات رائعة
مقدم من طرف منتديات نساء الجزائر

(( يابنت قلبي وين مثله تلاقين ... قلبن عطاك الحب ماقال هاتيه))






الســــــــــــــــــلام عليـــــــــــــــكم ورحمة الله وبركاته




(( يابنت قلبي وين مثله تلاقين&&& قلبن عطاك الحب ماقال هاتيه))
تعريف الشخصيات
في الكويت
ابو شيخه(خالد)ريال بالاربعينات من عمره ارمل وعنده القلب وعيبه الوحيد انه نصاب وحيدته (شيخه)عمرها20سنه توفت امها وهي عمرها سنه بسبب حادث لما كانت مسافره مع اخوها (جاسم)التؤم وامها لمكه ومانجى من هالحادث الا شيخه بفضل الله عوضها ابوها عن فقدان امها وهي الحين ثاني جامعه بنت حلوه بكل معنى الكلمه تحب شي اسمه سبورت اتخاف تمتن وطبعها هاديه ومسالمه وتكره المشاكل الي يسببونها لها بنات الجامعه بسبب غيرتهم من جمالها وتفوقها عكس ابوها الي كان معروف بالسوق بنصبه واحتياله على التجار وكان شعاره<<التجاره شطاره>>ماحسب لليوم الي ممكن يتدهور فيه.

سالم ولد اخو خالد عمره29له هيبه من عضلاته ورزته وطبعه عصبي يشتغل ضابط ودم ضروسه عمه خالد من كثر مايسمع عنه عند ربعه وزاد هالكره كلام امه فاطمه الي تسب عمه قدامه من واهو صغير وتقول انه حتى اخوه (ابوسالم)(الله يرحمه)مارحمه من نصبه دينه فلوس ولا ردهم جنه ماصدق انه يموت عشان يفتك وحتى مافكر يردهم عشان ولده اليتيم الي ماكمل عشرسنين ومحتاج للفلوس حسب قولة امه
الجزاء الاول
ابو شيخه:ياساندي(الخدامه)روحي نادي شيخه تفطر بتأخر على الجامعه
ساندي:بابا هي قول خلاص اسبورت ايجي
ابو شيخه(بضيق):ياهالرياضه الي ماتخلص كل يوم
شيخه(وهي نازله مع الدرج سمعت ابوها)قالت بضحكه:صبــــــــــــاح الخيـــــــــر شفيه الحلو يتحلطم على هالصبــــــح
ابوها(بضيق):يعني ماتدرين وكمل:يله يا بنتي افطري ترى تأخرنا
شيخه(بضحكه وتأشر على خشمها):ان شـــــــــــــاالله على هالخشــــــــم
بعد ماخلصت فطورها قال ابوها:لاوالله يعني هذا فطورج!!!
شيخه(بضحكه):تعرفني يبه اكلي خفيف وانا ماشتهي بس كليت عشانك
ابوها:بنتي صدقيني منتي متنانه لو كليتي مره مثل الناس
شيخه:يبه حفظت هالاسطوانه كل يوم اسمعها
ابوها:اشكوى لله عنيده صدقت ساره يوم قالت طالعه على امي ((يقصد جدتها ام امها))بس جان زين تجذبينها بجيبة التوم بعد
شيخه:ههههه
خلصو فطور وطلعو عشان جامعة شيخه

في بيت سالم((وماادراك ماسالم))
سالم قاعد يفطرهو وامه
سالم:صباح الخيـــــــــــر يمه
ام سالم:هلا صباح النور
جلس يفطروامه تصب له جاي وتمده عليه
قالت:ابيك تقطني على طريقك عند خالتك شريفه
سالم بتنهد:ان شاالله
امه (لازم اكلمه بموضوع زواجه من بنت اختي):ترى بكلم خالتك بموضوع خطبتك لبنتها غاده زين
سالم:الي تشوفينه يمه سويه
طلع سالم ونزل امه عند بيت خالته
وهو في طريقه لدوام دق تيلفونه>>>>>>> حمد يتصل بك
حمد((رفيق سالم الروح بالروح وفي نفس عمره ومعاه بالشغل))
سالم وهو يرد على حمد بستعباط:الوووووو ياخي شتبي كاني مداوم
حمد(بجديه):سالم بلا غشمره مو وقته ولحق صارت مصيبه

>>>>> ردود الأعضـــــــــــــــــــاء على الموضوع <<<<<
==================================


سالم(بخوف):حمد شفيك شصاير خوفتني؟؟؟؟؟؟؟ظ
حمد:تعال وتعرف بسرعه

في الدوام
وصل سالم عندهم بسرعة البرق
اول مادخل انصدم من الي شافه عمه خالد ماسكينه بالمخفر
دخل على مكتب حمد وقال بنرفزه:شصاير؟؟؟
حمد(بضيق):مسكو عمك بسبب قضية نصب واحتيال
سالم(وهو حاس بالفشيله من ربعه بسبب عمه)قال بنرفزه:موشي جديد شنو المطلوب مني اتوسط له مثلا!
حمد(بحزن):مراح تنفع واسطتك لان المحكمه بتحكم بالقضيه باجربس هو طلب يشوفك ضروري
سالم(بتعجب):انا ليش يبي يشوفني!
حمد:مادري بدخله لك واسمع شنو يبي؟
بعد فترة دخل خالد وهو منزل راسه وحاس بالعجز وقلة الحيلة
لاكن بعد شنو بعد ماطاح الفاس بالراس
سالم(وهو يلتفت لعمه)(اكرهك ياعمي وزاد كرهي لك اليوم بعد مافشلتني جدام ربعي)قال بعصبيه:خيـــــــــــــــــر يقولون طالبني شتبي؟
خالد(بحزن)(ادري ياسالم بتقول توك تذكرني بس غصب عني بسبب امك)قال:ادري انك بتقول توك تذكرت ان عندك ولد اخو بس شسوي احس اني عاجز ومحتاج مساعدتك ضروري
سالم(بتأفف):ترى وراي شغل قول شعندك
خالد(بحزن):بنتي ياسالم
سالم كان يدري ان عمه متزوج بس مايدري اذا عنده عيال او لا لان علاقته انقطعت من19سنه بعد موتة ابوه
سالم(بتعجب):بنتك!شفيها؟؟؟
خالد(شفيها بعد بتضيع من بعدي):بنتي وحيده ومالها احد غيري وانا مثل ماانت شايف بتحاكم باجر وانسجن
سالم(بنرفزه)(وانا شكو فيك وفي بنتك):المطلوب مني؟؟؟
خالد(بحزن):ازوجكياها عشان اتطمن انها بخير
سالم وعيونه تدور بين عمه وحمد الي جالس معاهم قال (بعصبيه):شنــــــــــــــــــــــو عيد ما سمعت
خالد(بترجي):تكفى ياسالم لاتردني
حمد(كسر خاطره منظر خالد وخوفه على بنته)قال لسالم:سالم لاتنسى تراها عرضك وابوها يقول مالها حد غيرك
سالم(وهو متفشل من كلام حمد سكت مايدري شنو يقول)
خالد (بحزن):سالم ماتدري ان امها متوفيه بحادث مع اهلها يعني لو عندها من خوالها احد جان مالجيت لك ياولدي
طال صمت سالم واضطر حمد انه يطلع ويخليهم
بعد فترة قال سالم من غير نفس:خلاص موافق
خالد(والفرحه بعيونه لانه تطمن على بنته)قال(بفرح):مشكور والله يجزاك خير روح عيل جيب المملج بســـرعه
سالم(بتعجب)(مالت ماصدق يفتك منها)قال:الحــــــــــيــــــــــــــــن!!!
خالد(بهتمام):ايه الحين لان كل املاكي احجرو عليها حتى البيت فلازم ماتقعد فيه من اليوم
سالم(في خاطره)(انا تفشلني هالاشكال بس هين ان ماأخذت حقي من بنتك الي بتزوجنياها)سكت شوي بعدين قال(صج قهـر سالم الي الكل يتمناه يتزوج بنت مجرم وبالمخفريملج والله لارد اعتباري من بنتك ياعمي انا انت مااحبك فشلون بنتك اكيد بتكون مثلك نصابه)

طلع سالم وشاف حمد
حمد وهو يسأل:سالم شنو صار؟؟؟
سالم(بتنهد):شنو توقع بسوي
حمد:اكيــــــــــــد بتوافق عشان ضميرك يبي يأنبك اا خليت بنت عمك بروحها
سالم(بعصبيه):أي وافقت بس مو عشان ضميري عشان احرق قلبه في ضناه ان ماخليتها خدامه وذليتها مثل ماابوها ذالني ومفشلني قدام ربعي بنصبه مااكون انا سالم
حمد(بتعجب):سالم شقاعد تقول اكيد تضحك
سالم (بصراخ):لاوالله مااضحك وبتشوف شنو اسوي فيها
حمد(بعصبيه):شنو ذنبها اهي


__________________________________________________ __________

سالم(بعصبيه):ذنبها انه ابوها وبلاني فيها غصب انا هو مااطيقه شلون بنته عباله بفرح لي قال بزوجك بنتي
حمد(بحزن):لاتشمت ياسالم الشماته مو زينه ولاتظلم بنت بذنب ابوها
سالم(بنرفزه):انت ماتعرف عمي شنو سوا فيني جان ماقلت هالكلام
حمد(بهتمام):شنو سوى فيك ياسالم انت بس تكرهه عشان نصبه على الناس
طلع سالم وهو واصل حده من كلام حمد وراح يجيب المملج عشان يخلص موضوع عمه
بعد مرور ساعه
وصل سالم ومعاه المملج دخل على عمه وتمت الملجه وبدون مهر
وصارت الحين شيخه حمامة السلام بين يدين النسر سالم ماتدري شنو راح يواجها من مصير مع سالم

في بيت ابو شيخه
شيخه بعد ماردت من الجامعه مع السايق سألت عن ابوها وانطرته على الغداء وماجا
سألت الخدامه عنه اذا اتصل او شي فقالت لها انه من طلع مااتصل ولا رد للبيت
حست شيخه بالخوف وقعدت تتصل فيه وحصلت جهازه مغلق راح ونامت ووصت الخدامه اذا وصل تقعدها لانها مارضت تغدى بدونه

بعد الملجه اخذ سالم عنوان بيت عمه وراح للعنوان
في الطريق دق على امه وقالها عن السالفه كلها وانها تجهز غرفه لهالعله بنت عمه
ثارت جنون فاطمه(ام سالم)وقامت تسب وتلعن في خالد وبنته وتتوعد بتعذيب بنته
عشان تبرد جبدها من خالد وكرهها له الي راح نعرف سببه بعدين

بعد ماوصل سالم للعنوان وهو يسفط سيارته
سالم(وهو واقف عند باب بيت عمه)(يفكر شنو بتكون ردت فعل بنت عمه اذا اعرفت شنو صار لابوها وشنو ينتظرها من عذاب معاه)
وهو يطق جرس الباب فتح له السايق دخل بسرعه ولاعبره حاول السايق يمنعه بس يوم شاف لبسه الرسمي وقف وسكت<مافي اليد حيله>
دخل البيت وهو في نص الصالة طالع في فخامة البيت وقعد يضحك وقال:ههه والله وطحت ياخالد ومحد سمى عليك صج لي قالو مال الحرام مايدوم
صرخ سالم بأعلى صوته للخدم جت ساندي وهي ترجف من الخوف قالت:يس
سالم(بصــــــراخ):وين الانسه شيخه(يتطنز)
ساندي(بخوف):في دار نوم بابا خالد في شي
سالم(بعصبيه):وانتي شــكـــــــو روحي نادي هالعله شيخه
في غرفة شيخه صحت على صوت الصراخ ونادت الخدامه بس ماسمعتها وبعد فترة جتها ساندي وهي ترجف من الخوف
ساندي:ماما في تحت بوليس يبي انتي ضروري
شيخه(وقلبها يرجف من الخوف):ياويلي اكيد صار لأبوي شي ياحسرتج ياشيخه ضعتي
لبست بسرعه وراحت ركض تبي تعرف شسالفه نزلت ودخلت الصالة ولاتشوف ذاك الريال الي واقف والشرار يتطاير من عيونه من العصبيه
(وقفت قدامه وهي ترجف وعيونها تدمع):خير اخوي شسالفه ابوي فيه شي
طمني الله يخليك عليه
سالم(وهو رافع خشمه ولف يطالع بشيخه بكبرياء بس يوم شاف وجها الملائكي حس بكهربه بس مسرع ماصد هالاحساس)وقال(بنرفزه وهو يأشر بصبعه عليها):الحين انتي شيخه بنت عمي خالد؟؟
شيخه(صج فاضي وهي مصدومه من كلامه):ممكن اعرف ابوي وين وانت شتبي جاي هنيه؟؟؟؟
سالم(جاي اخذ حقي يابنت خالد):ابوج ممسوك عندنا بقضية نصب واحتيال وبكره محاكمته يامدام
شيخه(بخوف):انت اكيد تجذب علي
سالم (بعصبيه):بصفتج شنو يامدام اضحك عليج لا صج
شيخه(شفيه ماسك علي يامدام وهي ساكته)
سالم وهو يكمل:وقبل لايشحتونه بالسجن تذكر ولد اخوه قال خل اضمن مستقبل بنتي
وازوجها له بس موعلى كيفه يتحكم بمستقبلي انا هو مااحبه شلون اخذ بنته
شيخه(بصراخ في وجه سالم):جــــــــــــــذااااااااااااب ابوي مو نصاب انت النصاب والحقير
سالم(راح لها بسرعه وجرهاااا من ملفعها)وقال:انا النصاب يابنت النصاب
ودزها على الارض بدون رحمه وقال(بعصبيه):شوفي جدامج ساعه على ماتلمين قشج وانا ناطرج برى

شيخه(وهي تصارخ وتبجي)وساندي ماسكتها وتقعدهاقالت:مراح اطلع منيه فاهم
راح لها سالم ووقف قبالها وجرها من زنودها وقال :لابتمشين غصب لان العز الي انتي عايشه فيه ماعاد لكم وبعدين بتجين عندي في بيتي خدامه فاهمه خدامه(ويصر على حلجه)عشان ارد ولو شي بسيط من كرامتي الي هدرها ابوووج

وهو يردها ورى:يله اشوف قومي ولا اجرج من شعرج واخذي كل اغراضج لان مالج رجعه لهالبيت

صعدت شيخه الدرج وهي تصيح ومعاها ساندي الي شهدت كل الاحداث راحت لغرفتها وجهزت لها ساندي كل اغراضها ونزلتهم لسايق ياخذهم لسيارة سالم

بعد فترة جهزت شيخه ونزلت تحت وهي خايفه من مصيرها المجهول مع هالسالم
ركب سالم سيارته(الرنج2008)ينطر شيخه تطلع وعصب لانها طولت بعد فترة طلعت شيخه من بيت ابوها وهي تودعه بنظراتها الاخيره له ماتدري هل بيجي يوم وترد لهالبيت وتعيش مع ابوها مثل اول او لا
سالم(فتح دريشة سيارته وهو يصرخ):يله بســــــــرعه دريول ابوج انا
شيخه(بخوف)وهي تفتح الباب الخلفي وتركب
سالم(تنرفز وماعلق على ركوبها ورى)(وقال بنفسه فـــكـــــــــه)قال لها(بعصبيه):ساعه على ماتجهزين مصدقه عمرج عروس
ومشوا رايحيين لبيته.


شلون راح يكون نوع استقبال ام سالم لشيخه؟؟؟

وشنو توقعون مصير شيخه مع سالم؟؟؟

ومنو العنـــاصر اليديده الي راح نتعرف عليهم؟؟؟


__________________________________________________ __________

الجزاء الثاني
بعد فتره وصلوا البيت نزل سالم ولف على شيخه وقال بعصبيه:يله نزلي وشتنطرين جالسه
نزلت شيخه وهي تشاهق لاحساسها بالضياع عقب ابوها وشعورها بالخوف من هالشخص الي يناظرها بنظرة كراهيه ماتدري شنوسببها
ادخلو البيت وناظرت شيخه بالمره الي كانت في استقبالهم شافت بعيونها نظرة حقد وكره هي ماكانت تدري او تعرف عنهم شي وقفت بنص الصاله وسمعت المره تقول بعصبيه :سواها النذل ابوج وقطج على ولدي بس هين ان ماسودت عيشتك يابنت خالد وسوير ماكون ام سالم

شيخه انقهر من كلامها الجارح عن ابوها وسبها له اصرخت في وجهها :بــــــــــــــــــــــــــــــــــــــــــــــــ ــــــــــــــــــــــــــــــــــــــس سكتوا ارحموني حرام عليكم
ام سالم بعصبيه:احرمت عليك عيشتك لاولها لسان بعد
سالم عصب من كلامها لامه جرها من شعرها بقوه قال :ولايهمج يمه راح اقصه لها قص واخليها تعرف اشلون تكلم اسيادها
اصرخت شيخه وحاولت تفك يده منها قالت :هدني عورتني حرام عليك

سالم بعصبيه :مابعد جاك شي ياشيخه اصبري بتشوفين وش بسوي فيك لا تستعجلين
ام سالم عجبها فعل سالم وتقول بقلبها (احسن تستاهل بنت ابليس )قالت بنرفزه :تستاهل طقها وخذ حق ابوك منها الي اكله ابوها النصاب
سالم وهو يلوي يد شيخه قال بعصبيه :هوانا باخذ حق ابوي وبس لايايمه انا باخذ حقي بالاول وبعدين حق ابوي
شهقت شيخه من شدة العواروناظرت بعيون سالم بخوف تترجاه يتركها دزها سالم على الارض بعد ماشاف نظراتها الي اربكته وحسسته بمشاعرغريبه
شيخه تلملمت على نفسها وجلست تبكي ذل وظلم وقهر من معاملتهم لها الي ماتدري شسببها
سالم ناظر فيها وصرخ على ماري يناديها:ماري ماري
جت ماري ركض
قال بعصبيه :تعالي وديها لغرفتها بسرعه
مسكت ماري شيخه تساعدها وحزنها شكل شيخه وصياحها قومتها بشويش واخذتها لغرفتها تبعدها عن جو التوتر الي كان فيه سالم وامه


وصلت ماري شيخه غرفتها ودخلتها وساعدتها بتنزيل عباتها وسدحتها على السرير
شيخه جلست تصيح حظها وضياعها عقب ابوها لين غلبها النوم




كان سالم يحاول ياكل أي شي بس حس نفسه مسدودة عقب الي صار
ام سالم بلقافتها افتحت معاه موضوع خطبته من بنت خالته غاده (غاده بنت خالته عمرها 27سنه حاجزتها ام سالم لولدها من يومها)
سالم بضيق :يمه مو وقته هالكلام ( توقعين بيرضون عقب سوات عمي وفضيحته بين الناس)قالها بقلبه
امه بعصبيه :ليش مو وقته
سالم بنرفزه:خليني اخلص من هالمصيبه وبعدين يصير خير

امه بعصبيه :حسبي الله على ابليسه من رجال دوم يخرب علي فرحتي يوم جيت افرح فيك راح قط بنته بوجهك عشان اتزوجها بس ماعوزه اناالي ولدي الكل يتمناه ياخذ بنت سوير شبح قلة البنات في الديره



سالم يبي يراضي امه باي شي قال بتنهد:يمه ولايهمج ماراح اخذ الا برضاج وشيخه اعتبريها خدامه لين يطلع ابوها وافتك منها ذيك الساعه

امه بفرح :ايه هذا الكلام الي يطمن القلب الله يخليك لي ان شاالله وافرح فيك واشوف اعيالك قول امين

سالم شاف امه اشلون افرحت بكلامه قال:امين ياام سالم



عند شيخه
صحت شيخه بعد نوبة بكاء طويله طالعت بالغرفه تمنت انها تكون بحلم وتصحى منه بس تاكدت انه واقع وذكرت كل الاحداث وحست بالخوف والضعف قامت بتوهن وراحت صوب الباب قفلته على نفسها عشان تحس ولو بشي من الامان
ردت لسرير ورمت نفسها عليه تصيح وتقول بصوت مخنوق: يبه وينك ليش خليتني بروحي


(اليوم الثاني)
طلع سالم لدوامه مبجر عشان يلحق على محاكمة عمه
بسرعه
عند شيخه
طقت ماري عليها اكثر من مره بس مافتحت حست بالخوف وراحت تقول الام سالم
ام سالم بعدم اهتمام :شتبيني اسوي الايكون بنت خالد تبيني اجي اراضيها ترى بتبطي
ماري شافت عدم اهتمام ام سالم وراحت وتركتها

(الساعه 2الظهر)

جاسالم من دوامه معصب واصل حده بعد ماسمع عن محاكمة عمه انها سنتين عشان كثرة الشركات الي نصب عليها
جلس على الكنب يفكر اشلون بيتحمل بنت عمه سنتين جت له امه

بالصاله سلم عليها
ام سالم خافت من شكله (اشفيه معصب )
وعليكم السلام اسكتت اشوي وقالت احط لك الغدا يمه
سالم اشلون بتغدا عقب الي سمعته قال بنرفزه :ماشتهي شي تغدي انتي ومشى بيروح وقف لما سمع امه تقول
امه بعصبيه :حسبي الله عليها بنت ابليس سدت نفسك الله يسد نفسها وهي خامده من امس يعله نوم اهل الكهف



سالم قام من الكنبه بس سمع ان شيخه على نومتها من امس قال بخوف:يمه انتي تاكدتي انها نايمه اخاف صاير لها شي
امه بنرفزه :شدراني عنها طقت عليها الخدامه اكثر من مره مافتحت
سالم بتعجب :شنو مافتحت وراح من عند امه ركض لغرفة شيخه وقف عند باب الغرفه وطقه وهو يصرخ:شيخه فتحي احسلج لكسر الباب ماردت عليه وحرك الباب قوه حاول يكسره ماقدر صرخ بوجه ماري :ماري جيبي الاحتياطي بسرعه
راحت ماري ركض تجيب الاحتياطي

ام سالم ماعجبها خوف ولدها على شيخه قالت بطنازه:هد نفسك اشفيك مراح يصير لها شي قطو بسبع ارواح مثل ابوها

سالم عصب من كلام امه قال بعصبيه :يمه تبينها تموت عندي وابتلش فيها الله يهداج

بعد فتره جت ماري ركض ومعاها المفتاح

وفتح سالم الباب بسرعه والول مادخل انصدم من شكل شيخه وهي ملتمه على نفسها مثل الجهال وحاظنه المخده وعيونها ذايبه من كثر الصياح
ماقدر سالم يمنع نفسه وراح لها ركض وحاول يقومها بس ماقامت حركها لقاها مغمى عليها صرخ بوجه ماري :جيبي عبايتها خل اوديها المستسفى بسرعه
ساعدت ماري سالم ولبست شيخه عبايتها
وشالها سالم بخفه لضعفها وراح فيها ركض للمستشفى

في المستشفى
كان واقف ينطر الدكتور يطلع يطمنه على شيخه وبد فتره طلع الدكتور وراح له سالم ركض
سالم بخوف :طمني دكتور اشلون حالتها
الدكتور :ممكن اعرف شتصير للمريضه
سالم (ياربي لايكون صار لها شي )قال بتردد: زوجها تقدر تقول لي شفيها
الدكتور باهتمام: جاها انهيار عصبي ممكن اعرف سببه
سالم (اشوى عبالي ماتت من الصدمه ببوها)قال بتنهد :وفاة شخص عزيز عليها

الدكتور :لاحول ولاقوة إلابالله الله يكون بعونها عموما هي بتم عندنا لين تحسن حالتها وراح وترك سالم

دخل سالم بعد تردد على شيخه وشافها نايمه بسبب المهدي جلس يتامل في ملامحها ولاول مره عن قرب شاف وجهها الملائكي حس بذنب لما فكر يعذب هالملاك حس بشي يجذبه لها لما شاف جمالها وعيونها لاكن مسرع ماطرد هالاحساس بتذكره انها بنت عمه الي فشله قدام ربعه بزواجه من بنته بعد فترة طلع عنها

سالم وهوبسيارته كان طيف شيخه وجهها مافارقه لحظه قعد يقول والله وعليك انتاج ياعمي الحين هاغزال بنتك بس انا ليش افكر بجمالها انا الزم مافكر فيها وانساها وبخلي امي تستعجل بزواجي عشان لاانجذب لها لين يطلع ابوها وافتك منها

بعد ماراح مفعول المهدي صحت وقامت تبجي جت لها الممرضه وعطتها مهدي عشان ترتاح وما تدهور حالتها
رجع سالم للبيت اول مادخل استقبلته ماري تسا عن حالة ماري
رد عليها سالم بعصبيه: مافيها شي وين امي
ماري بخوف:نوم تبي عشى بابا

سالم تذكر انه ماكلا شي من الصبح قال:ايه
بعد ما تعشى راح لغرفته اخذ له شاور ونسدح على سريره يفكر شبيكون مصيره مع شيخه وش هالشعور الي تملكني يوم شفتها نام وهو يهوجس في شكلها



صحى سالم قبل الكل وطلع قبل لايفطر عشان بيمر المستشفى يسال عن شيخه
اول ماوصل للمستشفى دخل على الدكتور
سالم بخوف :هادكتور طمني اشلون شيخه
الدكتور :الحمدالله احسن الحين بس امس صحت وجتها نوبة بكاء وكانت تنادي ابوها هوالميت ابوها
سالم باسى :لا
الدكتور بجديه:طيب ليش مايجي عشانها

سالم شقول له هذا قال بتردد :هومسافر وبيطول شوف شتقدر تسوي سولها
الدكتور:حنا خذينا منها تحاليل عشان نتاكد اذكانت حامل او لا لان بعض الادويه تضر
سالم التزم الصمت وماعرف شيقول وبعدها استاذن وراح لشغل


__________________________________________________ __________

(بعد مروراسبوع من الاحداث)


شيخه رضت او انجبرت انها ترضى بمصيرها وكانت ماتفارق غرفتها عشان تبعد عن سالم وامه قدر الامكان كانت ماري تشوف طلباتها وتجيب لها الاكل في غرفتها
عند ام سالم
كانت تنادي ماري:ماري ماري ياربي وين تختفي هالخدامه
جت لها ماري ركض عقب ودت الاكل لشيخه
ماري بخوف :يس مدام

ام سالم بعصبيه :وين كنتي ساعه انادي ماتجين

ماري زاد خوفهاقالت بارتباك:ودي اكل مدام شيخه

ام سالم ثارت اجنونها :لاوالله ليش اعيوني خدامة ابوها انتي شوفي ياماري ياويلج ان صعدتي لها الاكل مره ثانيه ترا ماتلومين الا نفسج فاهمه
دخل سالم على صراخ امه
ام سالم بعد مادخل ولدها قالت لماري :يله اشوف روحي حطي الغدا راحت ماري من عندها
سالم :سلام عليكم
امه تنهد:وعليكم السلام هلايمه
سالم باهتمام:اشفيها ام سالم معصبه من الي زعلها
امه بنرفزه:عمايل شينت الحلايا بنت عمك اتحسب نفسها اميره وقاعده والاكل يصعد لها


سالم هين اوريج فيها انا سكت عنها عشان الانهيار لايردلها بس الحين مابسكت:شتبيني اسوي لها اروح واغسل اشراعها مثلا


امه :ابيك اتفهمها انها ماعادت الاميره الي عندها من يخدمها خل تصحى وتعرف ان حالها وحال ماري واحد

سالم بجديه :ان شالله على هالخشم روح لها الحين

امه :لا تغد بالاول بعدين روح لها اخاف تسد نفسك عن الاكل

تغدى سالم مع امه وصعد لشيخه يوصل لها رسالة امه وهو في خاطره كان مشتاق لها لان لها اسبوع ماتفارق غرفتها
طق الباب
شيخه كانت منسدحه عبالها ماري قالت:دخلي ماري
دخل سالم واول ماشافته انتفضت وعدلت جلستها قالت بخوف:انت

سالم بستهزاء :حدقالج ان مالي اسم
ناظرت فيه بحتقارقالت :لا بس مايشرفني انطق اسمك
سالم بعصبيه :شنو شقلتي
شيخه ماهتمت وقالت :ماقلت شي ليش جاي هنيه
سالم بعصبيه :بطوفها هالمره لاكن ان عدتيها ماتلومين الانفسج وسمعي الي بقوله لج ونفذيه باحرف الواحد فاهمه
شيخه لفت عنه للجهه الثانيه بمعنى مابي اسمع منك شي

جاها ركض وجرها من يدها ولفها صوبه قال:لما اكلمج لاتصدين
عقدت شيخه حواجبها من الم وشد سالم على مسكته ونزلت اعيونها بالارض دليل على الاستسلام ونزلت منها دمعه شتت تفكير سالم حس بشعور غريب تخلله هدها بسرعه وقال بصراخ:سمعي ياشيخه لاتحسبين نفسج بيت ابوج وعندج من يخدمج لا اصحي انتي عند هنيه خدامه سمعتي ولا اعيد

شيخه بصراخ :لاسمعت لاتعيد بس شنو المطلوب مني عشان اسويه

















هل بترضى شيخه تكون خدامه لسالم وامه ؟
هل بيتزوج سالم غاده ؟
غاده بتوافق عليه؟


__________________________________________________ __________

الجــــــزء الثــالث


سالم طالعها وقال :اولا عادة الأكل بالغرفه خليها ومن العشاء بتاكلين معانا تحت
قاطعته شيخه:مو تقول خدامه بس الخدم ماياكلون مع اسيادهم ولوت فمها
مسكها من كتوفها وشد عليهن وقرب من وجهها:اعتبـــــــــــري نفسج خدامه بس لها معزه خاصه عند اسيادها عشان جذي تاكل معاهم
حست شيخه انه يتطنز بكلمة معزه هي وين والمعزه وين مع هالمعامله ماقدرت ترد
سالم(وهو يكمل):ثانيا من تقومين الصبح تساعدين ماري البيت كبير وماتقدر عليه كنت بجيب وحده ثانيه فالحمدالله جتنا خدامه وبلاش بعد
ناظرت فيه وعيونها فيها الف سؤال كل هالكره والقسوة عشان فلوس لاراحت ولاجت اخذها ابوها قالت بقلبها صح ضعيف نفس بس لا انا لازم اقوله اني بشتغل عندكم عشان اوفي الدين الي على ابوي لكم رديت عليه:لاياسالم مو بلاش
فتح اعيونه على كبرها وقال بتعجب:شقصدج
شيخه(طالعت فيه)وقالت:انك تعتبر الدين الي اخذه ابوي منكم هو حقي وصلني وتأكد ياسالم اني مراح اقصر بشغلي بشي
(استغرب سالم من كلامها هو وده انها تخدمه هوبس)قال:يعني بتوفين دين ابوج
شيخه(بحزن):ياليت اقدراوفيه لو اشتغلت لك ولامك خدامه بس عشان لما يطلع ابوي ايكون ماتطلبونه شي
كره سالم نفسه بعد كلامها وقال:وكرامتي اشلون بتوفين حقي فيها لمافشلني قدام ربعي وقال بزوجك بنتي
نزلت شيخه راسها بأسى وقالت بصوت واطي:سالم شوف الي يريحك وتعتبره رد لكرامتك سوه فيني مهما كان لانه ابوي بضحي عشانه حتى لواذنب بحقي بظل احبه لان مالي غيره في هالدنيا بعدالله

حس سالم برجفه من كلامها ماتوقعها انها ترضى بالذل والمهانه عشان ابو مايستاهل انها تكون بنته ماقدر يرد عليها وطلع متاثر بالي قالته بعد ماطلع عنها
كانت جالسه على سريرها كان ودها تصيح بس اوقفت وقالت لالا تبجين كفايه ياشيخه بجي لازم اتضحين عشان ابوج ومن اليوم بعد وتحملي ياشيخه دعت ربها يصبرها وانه يساعدها خذت لها شاور والبست برمودا ورديه ارفعت شعرها نزلت تبدا شغلها كخدامه من اليوم عند سالم وامه


(في الشغل عند سالم )



كان جالس مع حمد


حمد بتعجب : من صجك ياسالم
سالم بجديه :ايه من صجي خل اختك تفصلها لان مراح اخليها تروح الجامعه بعد اليوم ماصارت وهي تحط لها اعذار لان البنت ماعاد هي دارسه فاهم

حمد بترجي :سالم البنت متفوقه والكل يسال عنها واختي لما درت انك تصير لها قالت لي اقولك الانها تعزها وتبي مصلحتها سالم لاتخلي قلبك قاسي وتكون انت والزمن عليها


سالم بعصبيه :قول لاختك مشكورة لاتعب نفسها تفصلها احسن لها

سكت حمد بعد كلام سالم الي ماعجبه قام وطلع عنه


(في بيت سالم )

بعد مانزلت ماحصلتهم في البيت قالت في قلبها فكه
نزلت ووقفت على الدرج نادت ماري
اسمعت ماري صوتها وراحت لها ماري بابتسامه:يس مدام
شيخه ردت لها الابتسامه قالت:وينج فيه
ماري :في متبخ سوي عشا ابتسمت وكملت مدام انتي اليوم واجد زين حمدالله
شيخه في خاطرها أي زين وانا حالي حالج خدامه عالاقل انتي جايه برضاج موغصب واذ اذوج في مكتب ياخذ حقج منهم لكن انا من لي بعد الله غير ابوي وبالسجن اسرحت وماحست الاماري تقول لها
ماري :مدام يبي اكل عشا الحين عشان انا مايقدر يودي فوق ماما جنجان

شيخه تذكرت كلام سالم لها تنهدت وقالت :لاماري انا باكل تحت معاهم بس ابيج تعلميني ياماري الطبخ وشغل البيت اوكي ارسمت بوجهها بتسامة باهته
ماري بضحكه: ليش يبي يشتغل تباخه مدام كلا بنات هني مايدخل متبخ
شيخه شقول ياماري هذاك اول لما كنت بيت ابوي الله يرجعه لي بس الحين وانا عند سالم مو بس طباخه إلاخدامه بعد قلت:ماري انا احب اتعلم الطبخ والشغل بس ابوي مايرضى والحين بشتغل وطبخ براحتي
اضحكت ماري على جذبتي وفرحت لما شفت ضحكتها لانها اول من ضحك بوجهي بهالبيت
ساعدت ماري بالشغل وعلى الساعه ثمان خلصنا
جلست بالصاله وقعدت اتامل في بيتهم صج فخم وحلو بس كئيب مثل اهله كان ودي اشغل التلفزيون بس خفت يجون يهاوشوني لان مومن حق الخدم تطالع التلفزيون اسمعت الباب يفتح اوقفت

سالم دخل وشافها اقباله وقف فتره يتاملها قال بخاطره(ياويلي من الوردي) قال:سلام
شيخه بخوف:وعليكم السلام
سالم ببرود:وين امي
شيخه وانا شدراني عن امك:مادري
سالم :اشلون ماتدرين من متى طالعه
شيخه برود:مادري من نزلت ماشفتها وبعدين ترى انا خدامه هنيه مو مسجله لطلعات امك
ماحست الاوالطراق بوجهها طاحت من قوة على الكنبه جرها من شعرها وقال:احترمي نفسج ولسانج هاذا قصيه لقصه لج فاهمه
شيخه اكرهت نفسها على كلمتها قالت وهي ترجف خوف:اسفه ماكان قصدي
هد شعرها الي تمنى لويتحسسه بدون عنف جلس يطالعها وهي تقاوم ادموعها الي بتنزل حطت يدها على خدها وقامت وقبل تروح قالت:احط عشاك ولابتنطرامك
سالم خانقته العبره ليش ياربي اضرب هالخدود زين جذي شوهت وجهها قلت:ايه حطيه وامي اعتقد بتعشا برا دامها ماجت للحين
راحت للمطبخ تقاوم صياحها شافتها ماري وماسالتها عن شي
حطت العشا وخدها شاب ضو من قو الضربه نادت سالم له وجت بتروح لاكن وقفها صوته لما قال :وين رايحه ماتبين عشا موقلت ماكوعشا فوق
شيخه وين اقدر اكل عقب هالطراق الله ينتقم منك قلت:لافوق ولاتحت لاني ماشتهي اكل
سالم عصب لانها بتنام بدون عشا:والي يقول بتاكلين غصب ياشيخه
شيخه ابوي ماقدر يوكلني غصب بتجي انت تغصبني ياسالم:مافيه اكل بالغصب
سالم ادري اشلون بتاكلين وخدج مولع بس شسوي مابيها اتروح انا ماصدقت تنزل قلت:الا فيه تحبي تجربي
شيخه لاشكلي باخذ اطراق ثاني عشان اكل خل اقصر الشر واقعد احسن لي اجلست وهي منزله عيونها بالطاوله ماتبيه يشوف ضعفها وخوفها

سالم فرحت لما جلست حسيت اني شبعان وانا ماكليت شي قلت:ياحلوج لما تصيرين مطيعه جلس ياكل وعيونه مافارقتها لحظه
شيخه خافت انه يشوفها ماكلت قامت تغصب نفسها بس تسكته
بعد ماخلصت قامت وراحت للمطبخ انطرته لين يخلص عشان تساعد ماري
بعدماخلصت اصعدت فوق خذت لهاشاور اطلعت شافت شنطة الكتب الي قالت لماري لاتفتحها راحت لها افتحتها اجلست اطالع بكتبها اشتاقت للجامعه قالت اكيد افصلوني صارلي عشر
ايام غايبه شافت لها مذكره كانت مزخرفتها عشان تكتب فيها الاشعار والخواطر الي تعجبها ابتسمت وقالت شكل هالمذكره بتكون فيها احداثي عقب الي صار الابوي مولاشعار
تنهدت بحزن صارلها عشر ايام ماتدري عن ابوها شي شافت تليفونها واخذته افتحته لانها اغلقته من جت هنيه لقت فيه عشرين مكالمه من رقم ماتعرفه شافت الساعه 11 قالت بكره ادق وشوف منو