عنوان الموضوع : ' معشوقي كلي معاك ’ معاك حتى للـ هلاك ' .. رواية جميلة
مقدم من طرف منتديات نساء الجزائر

' معشوقي كلي معاك ’ معاك حتى للـ هلاك ' ..






هـــــــــــــــــــــــــــاااااااااااااااااااااا اااااي

كيفكم ...؟؟
أن شاء الله تمام

اليوم جبت لكم روايه من نوع خاص روايه حلوه وجديده
صدقوني ماراح تندمون لو قريتوها.........
أتركم معها........قراءه ممتعه


** الروايــــه **



رجاء خاص .. { ماتشغلكم عن الصلاة إذا كنتوا تقرون فيها وقت أذان .. لإنو 'ما راح ينفعكم إلا صلاتكم ..' وكل واحد عقله معاهـ ويعرف .. }


' معشوقي كلي معاك ’ معاك حتى للـ هلاك ' ..

كلمه للكاتبه....

أهديها حق كل شخص كان معاي أول بـ أول بـ الكتابه .. " أمي ’ أخواني ' حبايب قلبي '.. أهديها حق " كل شخص بـ عائلتي ' بنات ’ شباب ’ كلهم كلهم ’ كبير ’ صغير ' "..
أهديها حق ' أبرار عيوني ' ^_^ ..

أهديها حق بنت عمتي أغلى شخص ع قلبـي ..

أهديها حق كل شخص له نبضه غاليه بـ قلبي ..



1_ إللي تحت الـ 18 مايفتحها كلش ومن غير نقاش ..

2 _ إللي مو متحمل الجرأهـ إللي فيها يقفلها من ذا الحين وبكل هدوء .. ^_^ { أدري في ناس وجههم آلوآن من ذا الحين .. لكن تحملي قلبي .. وأدري من شافوا أسمهم قالوا ياغناتي .. وأـنا اقول لهم .. ياحياتي .. ^_^ }

" كل شيء يعني لـ شخصي وأشخاص قريبين مني نزلته فيها " أول روايه لي .. ما راح أقول لكم تتكلم عن شنو ..!! إنتم إبتدوا بـ القرأهـ وراح تعرفون بـ نفسكم مع كل حدث .. مع كل شخصيه .. ' أحداث صايرهـ ’ شخصيات موجودهـ ’ جرأهـ وبقووووهـ ^_^ ' .. { ادعوا لهم بـ التوفيق .. 'وربي يحفظهم' }

أعذروني على الأخطاء الإملائيه إللي فيها .. لإنو وقت إللي أكتب .. أكتب بسرعه وكلش ورا بعض على طوول ولا أرجع أدقق من جديد .. { بتحصلون كلمات مشقلبه .. كلمه مزحلقه من هنا وكلمه من هناك .. لكن يلا طوفوا مشاني ^_^ }
مابعد نزلتها بـ النت ولا افكر .. لإني عطيتها لـ عائلتي وناس قريبه مني .. وأـنا مالي مزاج أنزل بـ النت .. { الله يعينكم على سالفة المزاج عندي ^_^ } إللي بينزلها ينزلها .. لكن ! إلا يكون إسمي موجود فيها .. وينزلها مفكرهـ كامله من غير أجزاء ..


أعاني الساعه وأعاني مسافات
وأعاني رياح الزمان العتيه
واصور مُعاناتي حروف وأـبيات
يلقى بها راعي الولع جاذبيه
<< == هـ الكلمات تعني لي الشيء الكثيـــــــــــــــر ..
ولاني بـ ندمان على كل مافات
أخذت من حلو الزمان ورديه
هذي حياتي عشتها كيف ماجات
أخذ من أـيامي وارد العطيه


][ ' رووح توأميـن ' ][



][ ' رووح توأميـن ' ][


**


الشخصيات :

1) عائلة (سعد) أبـو راكـان "ساكن بـ الرياض"
أم راكان (مريم)
راكـان 29 / زياد 25 / نايف 22
هوازن 23 / سارهـ 15

2) عائلة (سُلطان) أبـو خـالـد
أم خالد (جوهرهـ) { مديرة مدرسة ثانوي }
خالد 27 / حاتـم 25 / وسـام 18 / وليـد 5 سنوات
وسـن 18 توأم وسام

3) عائلة (عبدالله) أبـو فـارس { له زوجتين }
أم فارس (موضي بنت عمه) { مديرة رياض أطفال }
فارس 30 متملك على أمل بنت خاله وبنت عمته بـ نفس الوقت / فيصل 25
زوجته الثانيه (لولوهـ) أم عبدالرحمـن { معيدهـ بـ أحد الجامعات }
عبدالرحمـن 14 / شهد وعهد توأم 10 سنوات

4) عائلة (ناصر) أبـو سعود { يصير ولد عمهم ومتزوج أختهم }
أم سعود (العنـود) { مديرة مدرسة إبتدائيه }
سعود 30 / حمـد 27 / ياسـر 23
أمـل 25 / وتيـن 18

5) عائلة (صالح) أبـو تركي { أخو أبو سعود وبرضو زوجته تصير اخت أبو راكان وأبو خالد وأبو فارس }
أم تركي (غيوض) { مديرة مدرسة متوسط }
تركي 29 / بـدر 26
هديل 23 / هنادي 19

6) عائلة (فهد) أبو راشد {ساكن بـ جدهـ ووقت الإجازات يجيب أهله للخبر عند أخوانها .. طبعاً أبو راشد يصير من عائله ثانيه غير عائلتهم وزجته أم راشد (الماسه) { مدرسة إحيـاء , ماتبي الإدارهـ كلش .. } أخت أم سعود وام تركي وابو خالد وابو راكان وابو فارس
ريم 24 / خلود 23 / رينـاد 22 / ديما 20 / روزان 16
راشد 14 سنه

7) فـواز 35 سنه { يصير أخو سعد , سُلطـان , عبدالله }


كيف نخفي حُبنا والشوق فاضح
وفي ملامحنا من اللهفه ملامح << == إهـداء حق كل شخص بـ الروايه يـ عشق ^_^
عاشقين ونبضنا طفلٍ حنون
لو تزاعلنا يسامح
الجـزء >> 1 <<


أول أسبوع من إجازة الصيف ,, يوم الأربعاء ,, فـ قاعه من قاعات الخبـر كان زواج صاحب أباء أبطال روايتنا وكلهم حاضرين .. طبعاً البنات على طاوله وبجنبهم طاولة آمهاتهم ..

وتيـن : زواجهم بااااااااااااااااااارد مافي حركه
أمل : شتبين بـ الناس ..!! أكيد عندهم حلو
وتين : شلون شعلي منهم ؟ هذيـل إحنا مدعوين لـ زواجهم ,, يعني إلا احرك زواجهم { وتين يدور فـ بالها شيء }
وتيـن وإهي تتبسم : وسن حبيبتي .. آتحـداك تقومين تحركين الزواج
وسن : وتيـن تعرفيني إذا حد تحداني على طول أقبل التحدي لإنو مافي شيء يمنعني والحمدلله ..
وتين : أجل يلا ,, تعالي معاي تحركين المسرح شوي ..
هديل : والله إنك رآيقه
ديمـا : بـ الله عليكم ماتحمستوا للرقص ؟؟ الطق فضيع
هنادي : صح الطق فضيع ،، لكـن الرقص بارد والزواج كله مافي حركه
وتيـن : شفتوا ,, يلا وسن قومي معاي
وسـن : يـلا ,, لـكن أول بنسولف ويا أمي وعماتي بعدين نروح نرقص ..
وتيـن : آمشي لهم ,, مع إنو باين من أشكالهم مستحيل يعطونا وجه لإنهم غرقانين
بـ السوالف

بـ نفس القاعه لكن بـ طاوله ثانيه وبعيدهـ عنهم شوي .. منيـرهـ أخت مريم أم راكان { متزوجه وعندها 3 بنات وولدين ' بنذكرهم بعدين ' }..

منيـرهـ : شوفي شكل بنت سلطان بتروح تهز طولها بـ المنصه
مريم : وينها ؟؟
منيرهـ : شوفيها قامت هي وبنت عمتها راحوا لـ أمهاتهم
مريم وهي تناظر وسن ووتين : إيه شفتهم .. ما شاء الله عليهم تقولين خوات { قصدها الآمهات وجلستهم وضحكهم سوآ " فعلاً إللي يشوفهم يقول هذيل خوات مو حموات ' جمع حماهـ ' " }
منيرهـ : آي خوات !! هذي مظاهر قدام الناس وإلا إذا صار ماعندهم أحد تقولين طباين ..
ميعاد { اخت أم راكان ,, تزوجت وعمرها 20 سنه وكانت تموت فـ زوجها وكان عقيم وبعد 8 سنوات من زواجهم صار له حادث آليم وتوفى ومن حبها له مافكرت تتزوج بعدهـ وبقت عايشه على ذكراهـ عمرها 34 سنه .. نائبة مديرة مدرسة ثانوي" وإهي غير عن باقي خواتها وراح تعرفون هذا الشيء من الآحداث إللي بتصيـر" } : آستغفر الله يارب ,, انتن شتبون فيهم ؟؟
منيرهـ : مانبي شيء .. بس مايتكبرون على خلق الله
ميعاد : الحين هذيل متكبرين ؟؟
وضحى { اخت أم راكان الثالثه متزوجه وعندها 3 أولاد أكبرهم بـ خامس إبتدائي } : صادقه منيرهـ شايفات أنفسهن ما أدري على ويـش !!
ميعاد : ماشافن أنفسهن وإذا كانوا شايفين أنفسهن يحق لهن .. وحدهـ أبوها مسؤول كبيــر بـ الدوله ولـه مكانته واسمه عند الكل { قصدها جوهرهـ أم خالد } وزوجها وعائلته لـهم شركاتهم واسمهم حتى يضرب بـ الخارج والثانيات { قصدها خوات سُلطان } يكفي إسم أبوهم واخوانهم وازواجهم .. يعني بـ العربي يحق لهم ..
منيرهـ : هذا حنا عندنا خيـر
ميعاد : خلاص أجل أحمدي ربك ولا تتكلمين على غيرك بـ الشينه
منيرهـ تكلم أم راكان : إلـى الحين ولدك يبيها ؟؟
أم راكـان : إيه مايبي غيرها ,, وإذا جينا للحق بنت عمه وهو أولـى فيها أخـلاق وجمـال ودلال وتربيه
منيرهـ بحقد ماهو عاجبها الوضع : إيه زين

نرجع لـ وسـن ووتيـن عند أمهاتهم ..

وسـن تكلم أمها وعماتها : حلواتـي ترا بروح أرقص ..
أم خالد : ماما روحي عادي ..
عمتها العنود أم سعود وإهي تغمزلها : بتهزين الخصر على إيش ؟؟
وسن وإهي تضحك : محتارهـ ياقلبي ..
أم سعود وإهي تستهبل .. وسن حبيبتي أطلبي أغنيه بـ إسمي وأرقصي عليها
وسن تحط إيدها على خصرها : أخـاف مضيعه عمي ناصر !!
أم سعود تضحك : يقطع بليسك أـنا عمتك طلعي أسمي ..
وسن : ما يحتاج كل إللي بـ القاعه يعرفونك
أم سعود : مو أكيد
وسن بغرور تقهر في عمتها : شلون مايعرفونك وإنتي بنت فارس وأخت سُلطان وعمة وسن
أم سعود يقال إنها معصبه : أقلبي وجهك للرقص بس
وسن وإهي تبوس راس عمتها : فديتك لو تبيني أطلب بـ إسم عمي ناصر طلبت ورقصت .. الموهيم إنتي ماتزعلين
أم سعود : ـــــــــــ
وسن : الحلو زعل !!
عمتها غيوض أم تركي : ماعليك منها تتدلع ..
وسن : فديت الدلع ياناس ,, وربي لايق عليهم .. ما آلوم عمي ناصر .. ماجابه على راسه إلا عنودتي ..
أم سعود وإهي تضحك : ياخذ بليسك ما أحد يسلم من لسانك
وسن : ياحياتي لو أعرف كان ذكرت إسم عمي ناصر من زمـان
وتين : أقول أخلصي علي إنتي وأمي إذا تقابلتوا خلاص تنسون الدنيا
وسن : أحد يشوف هـ الوجه ويسولف وياهـ ويذكر شيء ؟
أم سعود : ياعمري ,, علني ما آبكيك
أم خالد : خلاص وسن والعنود تقابلوا ,, تلف تكلم وتين : ما راح تروح وياك إلا إذا شديتيها بـ الغصب ..
وتيـن : وهذا إللي بيصير يا خاله ..
أم سعود : هاه أمي ,, لا آوصيك .. الله الله بـ الآغنيه الزينه القاعه كلها أنظارها عليك وغمزت لها ..
فهمت وسن قصد عمتها ولفت ناظرت حصلت عائلة زوجة عمها أم راكان يخزون فيها : أـفـأ عليك لا توصين حريص ..
أم خالد : ماعليك منهم ,, روحي أرقصي وتعالي لنا على طاولتنا
وتين : ما عليك اـنا أدبرها .. إذا ماخليت كل إللي بـ القاعه أنظارهم عليها ليما تطلع من القاعه ما آكون وتين ..
أم فارس : مايحتاج يُمه هم ذا الحين الآنظار كلها عليها
أم سعود : شوفي أختاري لها أغنيه تناسب رقصها ووضعها وإنتي اعرف وتغمز
لـ وتين ..
وتين : ماعليك اـنا لها
لولوهـ أم عبدالرحمن زوجة عمها عبدالله الثانيه : حبيبتي اقري على نفسك
وسن : لا تخافين ياعمه قارين كلنا على أنفسنا قبل لا ندش القاعه
عمتها الماسه أم راشد : وتين بترقصين معاها ؟؟
وتين : لا ياخاله بس وسن
وسن : أـنا أقول لها وإهي رافضه
وتين :: إحنا نبيك بروحك تهزين القاعه
وسن : يلا

راحوا يمشون ومروا على البنات

وسن وإهي تغمز لهم : بنات قلبي عندكم ..
خلود : ههههههههه ,, صدقنا ,,
وتين : لا لا لا لا ,, خلاص ,, وربي خيانه
وسن : أـفأ ,, ليش ؟؟
وتين : المفروض تقولين قلبي عندك ياوتين
وسن : ياحياتي إنتي الحُب كله إنتي مالكه القلب ..
وتين : إيه سكتيني بكلامك
وسن : ياقلبي وربي لو إحنا مو بـ جمعه كبيرهـ وناس مانعرفهم كان أثبت لك مكانتك عندي ..
وتين تفكيرها بعيد : خلاص إذا رجعنا وتغمزلها
وسن مسويه حالها مصدومه : إنتي ماتنعطين وجه
أمل : ياوسخه إنتي وياها أقلبوا للمنصه قبل لا اتوطى فـ بطونكم من جد
وتين : يؤي ,, نسينا إنو يوجد لدينا بنات على وجه زواج ,, لا تسوين فيها .. بكرهـ راح تعرفين كل شيء ,, البركه فـ فارس وتغمز لها ..
وسـن : هههههههههههههههـآآي ,, حلوهـ ,, ولا تنسينا إذا تزوجتي وتغمز لها
وتين : ههههههههههههههههههههـآآآي ,, الله الله بـ العلوم الطيبه
البنات : ههههههههههههههههههههههههههآآي
أمل وجهها الوآن ومعصبه : أنقلعي إنتي وإهي ,, ماتنعطون وجه من جد
وسـن : يـلا تشـــــــــــــآوو

اتجهوا وسن ووتين للمنصه

ريـم : هـ البنتين عليهم هبال مابعُمري شفته
هديل : مصرقعات واجتمعوا
أمل : ههههههههههههههههههههههههههه ,, لو يعرفون شقلتي ويلك
هديل : الله يعيني أجل

نتكلم شوي عن وسن ووتين
وسن بنت جمالها جمال رباني ,, عيونها وآسعه لونها عسلي ,, شعرها إلـى تحت خصرها بنعومه بكثافه لونه بني خلقه ,, إللي يشوفها يقول مو خليجيه كلش من بياض بشرتها وملامحها .. وتين فيها الشيء الكثير من وسن الشعر نفس الشيء والطول والجسم والبياض وبعض الملامح متقاربه وطبايعهم نفس بعض إلا إنو وتين حركيه بزيادهـ و هـ البنتين علاقتهم فـ بعض قويه حيل ..

عند وتين ووسن بـ المنصه قبال المطربه يتفاهمون وياها ..

وتين : لو سمحتي آبي أغنيه تصلح حق الحلوهـ هذي وتناظر فـ وسن

وسن لا بسه قصيرإلـى حد الركبه لون تركواز مدخل عليه لون بيـج وشعرها مسيحته بكثافته إلـى تحت خصرها والميك آب روعه على جمالها ومنظرها مُلفت للأنظار ..

المطربه تناظر وسن : تبين بـ إسمها ..
وتين : أغنيه حلوهـ ولو تدخلين إسمها بـ الآغنيه يكون أفضل ..
وسن المسكينه ماتدري شـ السالفه
المطربه : شسمها ؟؟
وتين : وسن
المطربه : أي أغنيه !!
وتين : أي أغنيه تناسبها كلها ..
المطربه : خلاص الحين ببدأ
وتين تروح لـ وسن : يلا ذا الحين بتبدأ
وسن : أوكي ,, لكن شـ أخترتي
وتين : قلت لها وإهي قالت راح أختار شيء يناسبها
وسن : اخاف أغنيتها ماتناسب لي !!
وتين : يلا هذي إهي تأشر روحي
راحت وسن ووقفت بـ نص المسرح
طبعاً البدايه عزف آورق خفيف

إللـي بتأصر تنورهـ تلحئها عيون الشباب
هيه بحالها مغرورهـ وسن بحالها مغرورهـ


شقول عن وسن وحالتها لما سمعت الأغنيه مصدومه تناظر فـ وتين ووتين تناظر لها وتقول عادي .. وتناظر فـ أمها وعماتها وبنات عمها وعماتها وتشوفهم مبسوطين على الأغنيه وعمتها أم سعود تأشر لها من مكانها يعني يلا عادي ..

تلحئها عيون الشباب وسن بتأصر تنورهـ
إللي بتأصر تنورهـ تلحئها عيون الشباب

بدت وسن تحرك خصرها يمين وشمال على مابدأ الطق ويا الآورق والحماس كلها ونست الأغنيه ورقصت رقص من جد لما قالوا وسن راح تحرك الرقص والمطربه عاجبها الوضع أخيراً جا أحد يحرك الرقص ,, لفت جهة عماتها وأمها وترقص لهم ,, وأمها وعماتها وبناتهم يرقصون لها عند الطاولات .. { وسن المعروف إنو حريمهم من كبيرهم لـ صغيرهم يعشقون الرقص وأي فرصه فيها رقص مايفوتونها }

لابئ لها الكعب العالي هوأ غربي وشمالي
تنورتها شبر ونص وبلوزتها بتلالي
لالي لالي لالي لالي
طيب .. حلوووووين .. الله عليك ..

كل ماتخف بمشيتها عم تعلئ تنورتها
غارت منها أمواج البحر وجنت لما شافتها
حالي حالي حالي حالي

شوفه ترد الشايب شب
والختيارهـ فرفورهـ

إللـي بتأصر تنورهـ تلحئها عيون الشباب
هيه بحالها مغرورهـ وسن بحالها مغرورهـ وسن بحالها مغرورهـ

ياحلوين ,, عاشوا

لالي لا لي لالي حالي حالي حالي

بتأصر مابيهمها لا بيا ولا آما
بتحرقص قلب الشباب ولو دابوا أخر هما

لالي لا لي لالي لالي لا لي لالي

كل ماوطى بتعلي كلُ بيصرخ يادله
طله بتوئف الئلوب ريتا تسلم هـ الطله

حالي حالي حالي حالي

تمشي ع الموطه هيك هي حلوهـ ومعذورهـ

وسـن بتأصر تنورهـ وسن حلوهـ ومعذورهـ

الدنيا نار وشعلانه وهيه مانا سألانه
تنورتها ع الميلين ميله بتحاكي التاني

لالي لا لي لالي لالي لا لي لالي

تمشي وبتهز بخصرهـ كأنه ملكة عصرهـ
وبلوزتها ماله لزوم تلات أرباعا مختصرهـ

الكل مشغول يناظر فـ وسن ورقصها

منيرهـ خالة راكان تناظرهـا بكل كرهـ وحقد
أم راكان تناظرها ومبسوطه على الرقص والشكل ككل لـ وسن

والمفروض تنتهي الأغنيه لكن المطربه طولت بـ الأغنيه ووسن ترقص والكل يناظر فيها

حالي حالي حالي حالي

إللـي بتأصر تنورهـ تلحئها عيون الشباب
هيه بحالها مغرورهـ وسن بحالها مغرورهـ

وسن بتأصر تنورهـ تلحئها عيون الشباب
وسن بحالها مغرورهـ
وسن حلوهـ ومعذورهـ

وبكذا إنتهت المطربه من الأغنيه قالت وإهي تتبسم لـ وسن : يعطيك العافيه ياحلوهـ
وسن وإهي تمر من جنبها وتتبسم لها : ثانكيو

وتين : إذا شفتي أحد راقي للمنصه من بعدك لك إللي تبين
وسن : أـفـأ ,, وليش ؟
وتين : أبد .. بس بعد رقصك أـنا متأكدهـ كل وحدهـ من الحضور كرهت رقصها
وسن : أقول .. تعالي نروح لـ أمي وعماتي والبنات
ونزلوا من المنصه والهدوء عام المكان والأنظار على وسن وإهي تمشي
وتين : شووفي الحريم كيف يناظرونك
وسن : حُبي ماجبتي شيء جديد من قبل لا أرقص واهم أنظارهم على طاولتنا يعني علينا كلنا
وتين : لكن ذا الحين غير
وسن : شـ إللي غير ؟؟
وتين : خلاص شافوك ترقصين .. يعني بيقولون جمال ورقص وفوق هذا بنت سُلطان
وسن : قولي قسم بس !!
وتين مصدقه : قسم بـ الله
وسن : وربي أحياناً خاطري أفقع وجهك من التناحه إللي إنتي فيها
وتين : طالعه عليك الله يسلمك
وسن : ياحياتي ويسلمك

وصلوا عند أمهاتهم ..
أم خالد : يحفظك ربي ياقلبي ..
وسن وإهي تبوس أمها على خدها : ويحفظك لي ياحياتي ..
عمتها أم سعود : كفو والله هذي بنت الـ (ـــ) من جد ..
وسـن وإهي تضحك : أـفـأ عليك ,, مايجيبها إلا حريمها ..
أم عبدالرحمـن : من جد حركتـي المنصه تحرك مو طبيعي ..
أم راشد : وإللي على الطاولات هادين هدوء فضيع وأنظارهم عليك ..
أم تركي : والله إني خفت عليك أخر شيء ..
وسـن : لا تحاتين ياقلبي ماخذين أحتياطاتنا ~_^

باقي البنات فالينها رقص عند طاولاتهم .. بعدهـ بنص ساعه نادوا للعشاء الحريم دخلوا يتعشون والبنات جلسوا لإنهم مالهم نفس للعشاء .. ولما طلعوا أمهاتهم من العشاء .. جلسوا يدقدقون على السواقين عشان ياخذونهم ..

أم خالـد : منو بيروح معانا ؟؟ السايق برأ ..
وتين كـ العادهـ : أـنا برووح ..
أم سعود : خير إن شاء الله .. وين بتروحين ؟؟
وتين : يُمه الله يعافيك بروح معاهم ينزلوني فـ بيتنا
أم سعود : أـخاف إحنا ما راح ننزل فـ بيتنا ,, عشان كذا بتروحين مع سواق خالتك ..
أم خالد : لا حوول ,, اتركيها تروح معانا ,, البيوت بجنب بعض
وسن : الله يعافيك عمتي
أم سعود : خلاص روحي ..
وتين : تسلم أحلى أم ,, يـلا تشــــآآو ..
أم سعود : تشآآوو .. وإحنا من بياخذنا ؟؟
أم تركي : تعالي معانا ,, المفروض السواق يجيي وجا بداله تركي
أم سعود وإهي تتصل فـ سواقهم عشان مايجي : خلاص هذاني أتصل فـ سواقنا عشان مايجي .. وأتصلت فيه وقالت له
أم سعود : يُمه أمل يلا بنروح مع تركي ترا ينتظر برا
أمل : إن شاء الله يُمه
أم سعود تكلم أم فارس وأم عبدالرحمن وأم راشد : وانتم ياحلوين مع من بتروحون ؟؟
أم راشد : أـنا سواقي برا وانتظر البنات يجون عشان نطلع
أم فارس : وإحنا سواقنا برا ..
أم سعود : اجل نتقابل بكرهـ إن شاء الله ,, { وبدلع قالت } تشـآآوو ..
أم فارس وإهي تضحك : إيوا تدلعي .. شكلك غيرانه من دلع بنات الإبتدائي وقلتي إلا تقلدينهم ..
أم سعود وإهي تبي تقهر أم فارس : أتدلع ع نصوري ..
أم فارس : أقول خفي على أخوي شوي .. تراه مو مثل أول يتحمل ..
أم سعود وإهي تضحك : فديته يتحمل مني أي شيء وتغمز لها
أم راشد : عزة الله سرأ ليله ناصر
أم عبدالرحمن وإهي تضحك : حرام عليكم زوجه وزوجها تتدلع بكيفها شعليكم
أم سعود : ماعليك منهم الغيرهـ ذابحتهم
أم فارس : على إيش ياحظي ..؟؟ زواج والحمدلله كل وحده مننا عندها زوجها
أم سعود : عشان الدلع ياحلوهـ ,, تشــآآوو وراحت تمشي وإهي تضحك
أم عبدالرحمن : الله يحفظها جلستها ماتنمل
أم فارس : صدقتي ,, يلا نطلع ؟
أم عبدالرحمن : مشينا .. مع السلامه الماسه
أم فارس : مع السلامه
أم راشد : هذاني بطلع معكم ,, مع السلامه ..

>>>>> ردود الأعضـــــــــــــــــــاء على الموضوع <<<<<
==================================


طبعاً لما طلعت أم خالد ووسن ووتين لسيارتهم كان في عيون تناظر فيهم عارفه سيارتهم وعارفه الأشخاص إللي ركبوا فيها ليما أختفوا عن نظرهـ

فـ سيارة راكـان ..
كـ العادهـ بعد كل زواج { هذي مو حلوهـ وهذي ما أدري كيف فستانها 'يعني إلا السب والحش' حركات الحريم المعروفه }

منيرهـ : عرسهم بارد { ياخذ بليسك ع الأقل أنطري ليما تنزلين ببـ البيت ثم حشي بكيفك مو عند ولد أختك }
وضحى : صادقه بارد ,, وماعندهم أحد يرقص .. صراحه تحسفت إني طاقه مشوار من الرياض وضيعت وقتي بـ زواجهم { عائلة أبو أم راكـان عايشين بـ الرياض ,, وابو راكـان كان عايش عند اهله بـ الشرقيه ,, لكن قبل 10 سنوات نقل ورا أهل زوجته عشان زوجته وصار ما يزور أهله إلا من فترهـ لـ فترهـ ومن 4 سنوات ما زارهم .. يعني ما يزورهم إلا إذا حبت زوجته الروحه وإلا اهو ماعندهـ كلمه ,, وحتى إتصالاته عليهم وقت المناسبات بس .. وذا الحين زوجته مشتهيه تشوف الزواج هذا وتشوف حريم عائلة أبو سعد كيف صاروا بعد هـ السنين وأهلها جايين معاها عشان يشوفون ويتشمتون "الله يـ الدنيا !! رجال عندهـ أولاد شكبرهم ولا يذكر أهله إلا من فترهـ
لـ فترهـ" }
ميعاد : مافي حركه بـ الرقص بس لما رقصت وسن سكتت القاعه والحريم ورجت المنصه رج
أم راكـان : ما شاء الله عليها كامله والكامل الله ..
هوازن : يلعن بليسها رقصها مابعمري شفت نفسه وأمها وعماتي وبناتهم معطينها غرور تاركين المنصه فاضيه لها ويشجعونها من الطاولات ,, تقولون ملكه إللي ترقص
بـ المنصه ..
ميعاد : صادقه ,, ما شاء الله عليها حركتهم هزتهم ونزلت .. حتى لما أنتهت مافي أحد دخل المنصه بعدها مالهم وجه ههههههههههههههه ..
منيرهـ : بس أغنيتها ما أدري من وين جايبتها تضحك { بلاها من الغيرهـ }
هوازن : بـ العكس أغنيتها مساعدتها أكثر من ناحية اللبس والجمال والغرور ..
وضحى : واثقه من نفسها .. وسن بحالها مغرورهـ وحلوهـ ومعذورهـ .. وفوق هذا تلحقها عيون الشباب ..
هوازن : أحلـى شيء لما قالت وسن بحالها مغرورهـ .. والله لو أـنا راقصه على
هـ الأغنيه وبهـ الجمال واللبس والله ما أعطي أحد وجه
وضحى : لبسها جريء مرهـ ..
أم راكـان : هذا حال البنات الحين مب هي بس
منى : عليها تحريك خصر مب صاحي المشكله مب هز تحريك تحريك .. الله يخلف علينا بس
{ منى هذي بنت منيرهـ عمرها 24 سنه وحدهـ ماعندها طموح أبد أهم شيء عندها تحصل فلوس عشان تجيب إللي تبي نفس هوازن بنت خالتها .. وكلمتها عند أمها .. أمها إللي تتصرف فيها مثل ماتبي }
منيرهـ بعصبيه : ليه شفينا ؟؟
منى : مافينا شيء .. بس ما نجي بجنبها شيء
وضحى : الحمدلله ما ناقصنا شيء .. هي إللي مايندرى عنها بس نشوفها شكل وكشخه ودلع وماندري كيف أخلاقها
ميعاد : يكفي إنها سكتت القاعه وهزت المنصه ولما نزلت من المنصه كل الحريم يناظرونها كأنهم يقولون أرجعي أرقصيي والطقاقه كانت نفسها زفت لإنها ماحصلت الجوإللي تبيه ولما رقصت وسن زادت بـ الأغنيه والمفروض تنهيها ولما أنتهت قالت يعطيك العافيه ياحلوهـ ,, والمعروف عن هـ الطقاقه ماتقول كذا .. وفوق هذا بنت سلطان وجوهرهـ .. شتبين أكثر من كذا ..!!
أم راكـان : الله يستر عليها ويوفقها ..

كل هـ الكلام يدور وماحسبوا حساب راكـان إللي جالس يسوق ,, وحرام عليهم يوصفون وحدهـ عند واحد مو محرم لها .. واهو يسمع كلامهم متوتر ع الآخر { كيف مايتوتر واهم واصفاتها وصف كامل حتى رقصها } كانت جمال وذوق واخلاق وهي صغيرهـ قبل 4 سنوات عاد كيف صرتي ياوسن الحين ما آلوم الحريم لما يهوجسون فيك .. ' الله يحفظك ياقلبي ' يتكلم بينه وببين نفسه .. خير ياقلبي !! فهمنا تموت عليها لكن مالك حق تقول ياقلبي .. مااصارت ملكك عشان تقول كذا ,, تنهد تنهيدهـ وقال بـ نفسه الله يعيني ويصبرني بس ..

منيرهـ من اسمعت تنهيدته قالت بخبث : مخطوبه البنت لإني سمعت وحدهـ من الحريم تسأل أمها بـ صالة الطعام قالت وسن مخطوبه ..
من غير شعور ضغط راكـان ع الفرامل وكلهم من قو الضغطه تحركوا من أماكنهم وقف شوي
أم راكـان : إسم الله عليك .. شفيك ؟؟
منيرهـ بحقد يزيد لـ وسن : شفيه يعني عرف إن بنت عمه مخطوبه .. الحمدلله أفتكينا منها ..
راكـان يحاول يضبط أعصابه مايبي يتكلم بـهـ الموضوع خصوصاً مع خالته منيرهـ : مافيني شيء يُمه ..
أم راكـان : إذا حاس بـ شيء ريح شوي
راكـان : مافيني إلا العافيه . . بنحرك الحين للبيت .. وحركوا للبيت
أم راكـان تحاول تشغل راكـان عن التفكير بـ إللي قالته أختها : كيف زواج الرياجيل ؟؟
راكـان بتوتر واضح عليه : كل شيء حلو
ورجعوا سكتوا .. راكـان يفكر بـ إللي سمعه { دنيته كلها بتروح منه ' كيف مايتأثر واهم يعشقون بعض من كانوا صغار' } أنعصر قلبه من فكر بهـ الشيء واهو مجرد تفكير .. وكيف بيكون وضعه إذا صار حقيقه .. آهـ ’’ ياحالي .. جلس يدعي بينه وبين نفسه "الله يصبرني ولا يذوق قلبي حر فرقاها" ..

بـ سيارة تركي لما ركبوا فيها البنات وأمه وخالته أم سعود وسلم عليها
تركي : منو إللي راح مع خالتي أم خالد ؟
هـديل : هذي وتين راحت مع وسن وخالتي
هنادي : ياحظها .. ليتي رحت معاهم
تركي : شرآيك يعني أنزلك تروحين معاهم
هنادي فرحانه : الله يخليك بنزل أروح معاهم
تركي : متحمسه بعد !!
هنادي : تُكفـى
تركي متنرفز من تصرفات وتين بنت عمه كأنو ماعندها أحد يمسكها تروح وتجي بكيفها ومطيحه فـ بيت خاله أبو خالد على طوول وهذا يرفع ضغطه : أقول أهجدي
هنادي : إذا مو قد الكلام ليش تقول بنزلك ؟
تركي عصب : ورب البيت إذا ما أنكتمتي لـ أدوس فـ بطنك
أم تركي : يُمه هنادي أتركي أخوك لا تحاشرينه
هنادي : هو إللي يحاشرني
تركي : يبي لك تربيه من جديد
هنادي طولتها : شوف حالك إنت إللي يبي لك تربيه
تركي خلاص وصل حدهـ عطاها نظرهـ تركتها تنزل نظرها : بنات أخر زمـن
هديل : ماعليك منها بزر
تركي : البزر يتربى
أم سعود : لا حوول ,, لو عارفه كان ماتركت وتين تروح مع جوهرهـ ووسن ,, عشان ماتصير هـ السالفه
تركي : وتين بعد ماخذهـ الدنيا على كيفها
أم تركي : صغار وبيعيشون حياتهم .. المهم ماتتضايق ياقلبي
تركي يناظر أمه ويبتسم : ما يروقني غيرك يـ الغاليه
أم سعود تستهبل : ياقلبي ياوليدي سعود والله إني مشتاقهه له ,, مو جالسه مع ناس كأني مو موجودهـ يمدح بـ أمه وأـنا خالته مالي كرت ..
تركي : ههههههههههههههههههــآآي ,, ولو ياخاله إنتي الخير والبركه .. غلاتك من غلاة الغاليه ويناظر أمه ..
أم سعود : الله يحفظكم لنا ..
أم تركي وتركي والبنات : آميــن


فـ سيارة أم خالد ووسن بعد مانزلوا وتين وصلوا لـ بيتهم ونزلوا

ام خالد تدخل البيت إهي ووسن ويفصخون عباياتهم ودخلوا على طوول لـ الصاله إللي قبالهم لما يدخلون من الباب إللي يطلع على الحوش.. بيتهم الدور الأول عبارهـ عن 4 صالات 3 مفتوحه على بعض { صاله ع اليمين وصاله ع الشمال والصاله الثالثه المصغرهـ مكانها قريب من الصاله إللي على الشمال بحيث إنها تصير جلسة كراسي فخمه مختصرهـ ع 6 كراسي وطاوله بجنب الدرج والدرج بـ النص وجهة اليمين يصير غرفة طعام وبجنبها جناح كبير فيه غرفة جلوس كبيرهـ وغرفتين نوم ودروة مياه كامله ,, والدرج من جهة الشمال تصير في الصاله الثالثه ومن ورا الصاله الثالثه المصغرهـ جناح لـ أمه وابوهـ 'عايشين ولهم ادوار بـ الروايه'غرفة جلوس كبيرهـ وغرفة نوم وغرفة تبديل ودورة مياهـ ,, وبعدهـ بمسافه بعيدهـ شوي يصير المطبخ وبين المطبخ وقسم الرجال ممر طويل شوي بعدين غرفة طعام لـ رجاجيل العائله ,, وبعدين مقلط كبير وبعدين ممر وبعدهـ مجلس الرجال الكبيــر حيــل وطوويل مرهـ فووق .. الصاله الرابعه تصير صاله عائليه يعني يجتمعون فيها العائله ومكانها بـ أخر البيت يصير لها باب على المقلط وباب على الحوش }

أم خالد وإهي فرحانه : إنت جيييييييييييييييييت ..؟؟ أهليــــــــن وتروح تسلم عليه
أبو خالد واهو يتبسم : إيه جيت هلا فيك ويبوسها على جبينها .. شخبارك ؟؟
جوهرهـ : بخير بشوفتك .. إنت شخبارك ؟؟
أبو خالد واهو باقي ماسك إيد جوهرهـ : بشوفتكم بـ أفضل حال ..
حاتم يكلم وسام : سكر عيونك .. مالك حق تناظرهم
وسام يستهبل : شدخلك ..! أمي وأبوي واشوفهم مثل ما آبي .. بدرس منهم عشان بعدين أطبق ويغمز لـ حاتم
حاتم : إذا الدعوى فيها دروس خذ ليما تشبع عاد إنت ربي ماحطك إلا بين سُلطان وجوهرهـ أبو الرومانسيه كلهم ..
وسام : هذا إللي عاجبني .. أحمد ربي ليل نهار
حاتم : ههههههههههههــآآي .. ياخذ بليسك تفكيرك ما أدري شيبي !!
وسن : شوفوا .. كرتي محترق بـ النسبه لهم إذا شاففوا بعض
حاتم واهو يغمزلها : لا تلومينهم شهر ماشافوا بعض .. وأكيد بيحترق كرتك
وسن وإيدها على خصرها : لا ياشيخ !!
وسام بـ جراءهـ : صادق ما أدري كيف صبروا ؟!!
وسن : ياسامج من جد تفكيرك ما ادري شيبي !! { تكلم وسام }
حاتم : ما أقول إلا الله يعين زوجتك عليك ويغمز له
وسام فاهم قصدهـ : هههههههههههههههههـآآي .. إلا بتموت وناسه ويغمز لـ حاتم
حاتم : هههههههههههههههههههههههههههههههههههــآي
وسن : سامجين .. تفكيركم غلط
وسام : لا غلط ولا شيء وبكرهـ تجربين ~_^
وسن وجهها صار أحمر من نغزت وسام
حاتم : ههههههههههههههههـآآي .. أتركها لا تخربها بـ تفكيرك .. ويلف يناظر وسن ماعليك منه هذا إذا بقى صاحي إلى بعد 2 يفصل ولا يدري شيقول
وسن تناظر فيه وتصرف السالفه : وين خلودي ؟؟
حاتم : جا له تليفون وطلع يكلم
وسن : أـها
وسن تلف تكلم أبوها وإهي حاطه إيدها ع خصرها : ياسلام ما أحد بيسلم علي !!
أبو خالد : أـفأ والله منهو إللي مايبي يسلم على وسن .. تعالي ياروح أبوك
وسن وإهي تبوس راس أبوها وتحظنه : أشتقت لك
أبو خالد واهو حاظن وسن : وأـنا مشتاق لكم أكثر
وسام : لا حظي ششقال .. !!
وسن : شـ قال ؟؟
وسام : قال .. مشتاق لكم أكثر .. يعني المغزى من كلامه جوهرهـ مو إحنا
حاتم خلاص مو قادر يمسك نفسه : هههههههههههههههههههههههههههههههههههههههـآآي .. أتركهم .. شعليك
وسن : عادي زوجته أكيد بـ يشتاق لها
وسام يناظر حاتم : وتقولي من شوي لا تخربها وإهي فاهمه الدنيا وخربانه
حاتم : هههههههههههههههههههههههههههههههههــآآي .. يرحم والدينك بلا إحراجات زيادهـ .. شوف وجهها كيف صار
أبو خالد : ماعليكم منها تفهم مثل ماتبي .. هذي روح أبوها
أم خالد : متى وصلت ؟
أبو خالد يناظرها ويتبسم : من ساعتين
أم خالد مصدومه وفاتحه عيونها ع الآخر : من ساعتين ولا عطيتني خبر وأـنا جالسه بـ الزواج وإنت هنا !! { فديت السنع ياناس .. ^_^ }
أبو خالد : ما آبي أزعجك .. أهم شيء توسعين صدرك
أم خالد : سعة صدري معاك
خالد لسا داخل عليهم : إحمم إحمم ,, ترا كل إللي حولكم مو متزوجين
أبو خالد يضحك : أحد ماسكم لا تتزوجون وتعيشون حياتكم
خالد : لا ما أحد مسكنا
حاتم : أجل راعوا شعورنا شوي وأتركوا كلامكم بـ غرفتكم ..
وسام يستهبل : لا غرفتهم خربانه .. ومالهم إلا يجلسون هنا
أبو خالد : هههههههههههههههههههههههههههههه .. ودك فـ هـ الشيء
وسام يضحك : ما نقول لا
خالد : خير يـ الأخو أستح على وجهك
وسام : أـنا مو بنت عشان أستحي
أم خالد : بـ الله عليك شوف وجه أختك كيف صار من كلامك
وسام : ههههههههههههههههههههههههههههههههههههــآآي .. وربي إنك نُكته
وسن وجهها الوان : إنت سخيف
وسام : سخيف عشاني أتكلم كذا .. يرفع إيدينه يدعي { يارب ترزق وسن بزوج مافي وجهه حيا أبد وتعرف معنى الزواج معاهـ من جد 'يارب عاجلاً غير أجل' }
وسن خجلت من كلام أخوها وخافت من دعوته : إسم الله علي .. وتمشي ترقى الدرج طالعه لـ غرفتها .. خلاص مالها وجه
أبو خالد وام خالد والأولاد جلسوا يضحكون من إللي صار
أم خالد : تعشيت ؟؟
أبو خالد : الحمدلله كليت بـ الطيارهـ
أم خالد : هذا مايكفيني روح للغرفه بجيب لك شيء خفيف وراحت للمطبخ وابو خالد يناظرها ليما دخلت المطبخ .. لف للأولاد : يلا ياشباب ناموا تأخر الوقت ..
خالد وحاتم واهم يوقفون مع أبوهم : إن شاء الله .. تصبح على خير .. وكل واحد راح لـ غرفته ..

نتكلم عن أبو خالد { سُلطان رجل بمعنى الكلمه الكل يعمل له ألف حساب الكبير والصغير إذا قال كلمه ما يكررها شخصيته قويه قويه .. ماسك تربية أولاد العائله كلهم ومشيهم على طريق الرجوله وعلى الطريق الصح ماعندهـ تلاعب ولف ودوران 'كل هـ الشخصيه تتلاشئ إذا شاف جوهرهـ' بـ تستغربون فـ واحد بهـ العمر يتكلم كذا ويعامل زوجته كذا .. بقولكم إيوا في وأـنا شايفه هـ الشيء ومعايشته " أم خالد جوهرهـ مديرة مدرسة ثانوي شخصيتها مرا طيبه وكلامها على طووول معسول إللي يشوف علاقتها بـ أولادها وبنتها يقول أصدقاء مو أولاد وأمهم .. صحيح أبوها مسؤول كبير بـ الدوله وإسم زوجها كبير لكن مع هذا ماشافت حالها ولا فكرت فـ هـ الشيء نهائياً " }

فـ بيت أبو راكـان إللي بـ الدمـام ..

جالس راكان مع زياد أخوهـ والفكر مو معاهـ .. يفكر بـ المصيبه إللي سمعها { إذا كان صحيح الكلام خلاص بينهدم كل شيء عشقه وسن .. اهو كان فعلاً ناوي يخطبها لكن ينتظر ليما تنتهي من الدراسه ,, كيف عمه يوافق تنخطب قبل ماتنتهي من الدراسه لسا باقي لها سنه منهو هذا إللي صارت من نصيبه .. وكيف تنخطب ويوافقون من غير مايوصل لهم الخبر .. يعرف عمه مستحيل يرضى إنها ترتبط في أحد وإهي باقي تدرس .. فيه شيء مو مفهوم ! }
زياد حاس أخوهـ في شيء : راكـان ..!!
راكـان مو معاهـ
زيـاد يكلم نفسه { أـفأ شكل السالفه كبيرهـ } : راكـــان !!
راكـان أنتبه له : هلا
زياد يتبسم : شـ إللي مشغل تفكيرك ؟؟
راكـان : ـــــــــ
زياد : أـفـا وأـنا أخوك .. قولي شفيك ؟
راكـان : حتى وإذا قلت لك مانقدر نسوي شيء
زياد : قولي ونشوف ساعتها
راكـان يرفع راسه فوق وياخذ نفس : وسن بنت عمي مخطوبه
زياد انصدم حبيبة أخوهـ إللي على طوول يهوجس فيها ومتحدي أهله فيها أنخطبت قال واهو باقي مصدوم : بـ الله عليك ..{ كمل بهدوء } متى صار هـ الكلام ؟؟
راكـان بكل آلم : أـنا شقول أجل .. ما أدري متى صار !!
زياد : طيب وافقت ..؟؟ إللي أعرفه إنها دائماً تنخطب وترفض ما أدري عمي هو إللي يرفض !!
ركـان : خالتي سمعت أمها تقول لـ وحدهـ من الحريم إللي سألت عنها إنها مخطوبه
زياد كأنه حس بـ أمل : لحظه لحظه ..!!
لف راكـان له على طوول : شفيه ؟؟
زياد : خالتي من ؟؟
راكـان : خالتي منيرهـ !!
زياد : وصلنا خير .. يمكن مسويتها على كيفها عشان تصرف نظر عنها وإلا إحنا ماسمعنا إنها إنخطبت
راكـان مايبي يتأمل بعدين ينصدم : وإذا كانت مخطوبه ؟
زياد : أـفـا عليك .. مالك إلا إللي يجيب لك الخبر الأكيد ..
راكان متحمس : تُكفى .. كيف ؟؟!!
زياد : بتصل فـ حاتم وبسولف معاهـ بعدين بسأله من غير مايحس بـ شيء
راكـان واهو متحمس : والله لو جبت لي الخبر إللي آبيه .. لك إللي تطلبه
زياد : أـفـا عليك .. إحنا أخوان إللي أطلبه راحت بالك
راكـان مايدري شيقول ..لكن الآكيد مايرتاح لـ أحد كثر أخوهـ زياد ويحاول قد مايقدر تكون علاقته فيه عكس علاقة أبوهـ بـ عمانه 'إللي مو عاجبتهم كلش' : الله يخليك لي ..
زياد واهو يتبسم : ويخليك .. وإن شاء الله كلام خالتي يصيرمامنه صدق
راكان : إن شاء الله . . متى بتكلمه ؟؟
زياد : ياخي أهجد شوي ,, الناس نايمين بكرهـ إن شاء الله أتصل فيه
راكـان : وشو أهجد ...! لو إنك مجرب إللي أـنا مجربه كان ماقلت هـ الكلام
زياد يتبسم : إن شاء الله أجربه وبعد عرسك إن شاء الله ووقتها ياويلك لو ماساعدتني
راكان : ههههههههههههههههههــآآي .. محدد الرجال بعد متى بيجرب .. يـ الأخو إذا طحت ماتكون محدد وقتها كل شيء يجي فجأهـ .. سبحان الله ..
زياد : ياليل .. اـنا ما أخترت الوقت إلا واـنا عارف من آبي .. وكل شيء بوقته حلوو ~_^
راكان : منهي ..؟؟ أكيد من بنات خالتي ..
زياد : أعوذ بـ الله مالقيت إلا خالتي أتزوج من بناتها عشان أنهبل ..
راكـان : طيب .. قل منهي ؟
زياد : وحدهـ من بنات عماتي
راكـان هنا أنفجر ضحك : هههههههههههههههههههههههههههههههههههههههههههههههههه هــآآي
زياد رافع حاجب : قلت شيء يضحك ؟؟
راكان : سلامتك . . أتخيل شكل خالتي إذا عرفت .. أـنا بنت عمي وإنت بنت عمتي وكل التخطيط إللي خططته بيروح بـ الهوأ .. والله أحسها بطين عيشتنا ..
زياد : ههههههههههههههههههههههههههههههههههــآآي .. ياخي شنسوي الزواج بـ الغصب .. كل واحد حُر بـ إختيارهـ .. تطين مثل ماتبي إذا قدرت ..
راكـان : الله يعين بس ..
زياد : آمين ..
صباح يوم الخميس الساعه 9 فـ بيت أبو سعود
كانوا كلهم مجتمعين على طاولة الطعام إلا وتين باقي مانزلت ..
ياسر : الداجه وين ؟؟
أمل وإهي تضحك : كـ العادهـ إلا تصبح على وسن بعدين تنزل
حمد : والله يـ الروقان ,, من صباح ربي وأول ما أصحى أكلم بـ الجوال
أم سعود : إسم الله عليهم كأنهم خوات ,, وشفيها إذا كلمتها أول ماتصحى ؟
سعود : عاد أول ماتصحى .. وربي ما أسويها لـو شنو يصير
ياسر : ليتها بعد ماتاخذ شاور تكلم لا وإهي ع السرير ولسا مفتحه عيونها تفتح وحدهـ وتقفل الثانيه وتاخذ الجوال وتضغط ع رقمها وتصبح عليها وتقفل وبعدها عاد تصحصح تاخذ شاور بعدين ترجع تتصل فيها وتكمل السوالف وبروقان بعد ومتى ماشبعت تذكرت إن عند أهل ونزلت لهم ..
حمد : ههههههههههههههههههههههههههه .. من جد واصفها وصف دقيق ..
أمل تستهبل : دقيق وإلا طحين
سعود : أكشخ .. يقال إنها تعرف الدقيق ومشتقاته !!
حمد واهو يغمز : يقال إنها بتعرس .. فاهمه إسم الله عليها
أمل وجهها أحمر من كلامهم
ياسر : ههههههههههههههههههههههههههههههآآي ,, ناقصنا الهبلا تجي تكمل الناقص
وتنزل وتين من الدرج بـ أسرع ماعندها ..
حمد : أقص إيدي إذا ماجتك تتهبد كذا إلا وعندها خبر
سعود : بـ الله عليكم أتركوها لي .. بـ أحطمها
ياسر : هاهاها . . ضحكتني .. قال يحطمها قال .. زين إذا أهتمت ..
وتين وإهي جايه لهم : صباح الخير ع الحلوين وتبوس أبوها وأمها وأخوانها وأمل
كلهم صباح النوووووووووووووور
وتين بحماس : دريتوا ؟!!!
سعود يقاطعها : وينك من صباح ربي وإحنا نفطر .. ليش مانزلتي ؟؟
وتين : خذيت شاور واتصلت فـ وسونتي ودردشنا شوي ولما أنتهيت جيت
سعود : ما شاء الله .. أخاف وسونتك مخلفتك وناسيتك ولسا تتذكر إنو لها بنت
وتين تخزهـ : أبد .. بس إنها بنت خالي ومثل أختي .. وأتوقع مافيها شيء لا عيب ولا حرام
سعود : لا أحسن قومي أكفخيني بـ الكرسي
وتين تقوم تشيل الكرسي معاها وكلهم مصدومين من إللي يشوفونه وتمشي وتجي قبال سعود وترفع الكرسي واهو يناظرها بكل برود وباست راسه : محشوم يـ أخوي العزيز
وقف وناظرها وقال : ثاني مرهـ تذكري إني أكبر منك بـ 12 سنه وطلع من عندهم
حمد معصب : شسويتي ؟؟
وتين : وربي ماطقيته ..
حمد : ياربي هذي إللي بترفع ضغطي .. صح ماطقيتيه لكن يكفي رفعتي الكرسي عليه
ياسر : هذا سعود ياوتين سعود أخوك الكبير مو وحدهـ من صاحباتك
وتين : لا تشيلون هم .. أـنا أعرف كيف أراضيه
حمد تنرفز : لا ,, بـ الله عليك . .!! لا يكون شايفته بزر يرضى بحلاوه
وتين : ياربي خلاص بتأسف منه
ياسر : مو أسف بس .. لازم تعرفين إن تصرفك غلط وتعرفين تفرقين بين صاحباتك وأخوانك ..
حمد قام من ع الفطور ..
أم سعود وأبو سعود وأمل ساكتين اتركوا اخوانها يتفاهمون معاها ببطريقتهم ..
وتين : يُمه خالي سُلطان وصل أمس بـ الليل
أم سعود متضايقه : الحمدلله إنه وصل بـ السلامه
قام أبو سعود وقامت وراهـ أم سعود وقام ياسر ..
وتين : شفيهم هذيل ؟؟
أمل : أبد سلامتك .. بس يستهبلون معاك
وتين : لا من جد !!
أمل : ياخذ بليسك .. ماحسيتي حتى مجرد إحساس إنك غلطتي على سعود !!
وتين : طيب .. أـنا قلت بتأسف له
أمل : إذا رضى تعالي بشريني
وتين : أوكي أنتظريني وجلست تفطر ولا أهتمت بـ إللي صار صح إهي عارفه إنها غلطت لكن مايكبرون الموضوع كذا ..

عند سعود وحمد وياسر ..
حمد : لا تاخذ ع خاطرك منها بعدها صغيرهـ
سعود : مستحيل أزعل عليها .. أـنا آبيها تفرق بين علاقاتها إللي برا وعلاقتها مع أخوانها هذا إللي آبيه تفهمه
ياسر : ماعليك بعد إللي جا لها أكيد إنها بتفرق
سعود : لايكون زعلتوها بـ شيء !!
حمد : من صدقك إنت .. مازعلناها بس عطيناها كم كلمه وطلعنا
ياسر : حتى أمي وأبوي وأمل ما أعجبهم تصرفها وطنشوها .. حتى جايبه لهم خبر وصول خالي سُلطان أمس ولا ناقشوها بـ جيته
حمد : الحكومه وصلت !!
ياسر : إلا قصدك هئية الأمر بـ المعروف والنهي عن المنكر
سعود : هههههههههههههههههههههه .. حرام عليكم .. مو للدرجه هذي عاد
حمد : الله يحفظه لنا إذا دخل أي مكان يعم المكان الهدوء من قو شخصيته بس
ياسر : ترا مع هذا قلبه طيب
حمد : هو صحيح قلبه طيب .. لكن عليه شخصيه تخوف الكبار حتى
سعود : الجمعه اليوم عندهم صح ؟؟
حمد : إيه
سعود : طيب تروحون معاي نسلم عليه .. هذا فضله علينا كلنا .. منو إللي وصلنا للي إحنا في كل واحد يعمل لنا ألف حساب والحمدلله وفوق هذا هو إللي ربانا واحسن تربيتنا
ياسر : الله يخليه لنا .. أـنا بروح
حمد : آمين .. واـنا بعد
سعود : أجل ع الساعه 11 نروح نسلم عليه عشان أمداهم صحوا وفطروا
ياسر : الناس مفطرين من صباح الله ومصحصحين
سعود : حتى وإذا روحتنا بتكون الساعه 11 وبشوف الوالد إذا بيروح معانا وإلا لا ..

'وليد وبعدين ترا وربي أزعل'
وليد : لا خلاص لا تزعلين
وسن : حبيبي أـنا ما ازعل ع وليدي حبيبي
وليد : وين نونتك ؟
وسن : حبيبي أـنا ماعندي نونو .. النونو يصير عند ماما وعند عمه عنود وعمه غيوض وعمه موضي وعمه الماسه وعمه لولوهـ
وليد : ليش إنتي ماعندك نونو ؟؟
وسن ماتعرف كيف تفهمه : حبيبي مايصير
وليد : إنتي تقولين ماما عندها نونو ليش إنتي ماعندك نونو ؟؟
وسن أبتلشت كيف يفهم : حبيبي روح عند ماما قول آبي نونو
راح وليد يركض لـ أمه
وليد يكلم أمه وأبوهـ موجود وخالد وحاتم ووسام : ماما !!
جوهرهـ : عيون ماما
وليد ببرأهـ : آبي نونو
جوهرهـ : حبيبي وليد من فين أجيب نونو { إهي ماتقصد إللي فهمه وليد }
وليد وهو يحط إيدهـ ع بطن أمه : من هنا
هنا عاد فقع ضحك وسام : ههههههههههههههههههههههههههههههههههههههههههههههـآآي
حاتم : ياخي إنت ماتجي إلا بمواقف مرهـ خطيرهـ
وسام ببرأهـ : حظي عاد شـ أسوي !!
خالد : إلا أبو التفكير المنحرف
وسام : وليد من قال لك عن النونو
وليد : أـنا أقول لـ وسن آبي نونو قالت روح ماما عندها نونو
وسام : هههههههههههههههههههههههههههههههـآآي .. كملت من جد
تنزل وسن وتجلس عندهم : شعندهم توأمي مبسوط ؟
وسام : أبد ياقلبي بس عشان النونو إللي يبيه وليد أضحك
وسن لونت خدودها : طيب شفيها وليد ويبي نونو !!
وليد يجي عند وسن : وسن !!
وسن : هلا حبيبي
وليد : ماما ماتجيب نونو
وسن أبتلشت : طيب .. شتبي بنوته وإلا ولد ؟
وليد : آبي بنوته حلوهـ صغنونه ويأشر بـ إيدهـ
وسن : طيب .. شنسميها ؟؟
وليد : نسميها نسميها { يفكرالولد } وسن
أبو خالد : هههههههههههههههههههههههههههههههههههههه ..
طيب ليش ماتسميها جوهرهـ ع إسم ماما
وليد يأشر بـ أصابعه : نجيب 2 وحدهـ جوهرهـ ويأشر ع أصبعه الثاني والثانيه وسن
خالد : ياحلوك .. من محبتك لهم بتجيب نونتين وتسميهم جوهرهـ ووسن !!
وليد : وسن بتجيب لي النونتين ويحط إيدهـ ع بطن وسن ويقول : هنا النونو أسمعها تبكي أكيد جوعانه { ياحياتي ع برأة الأطفال }
وسن خلاص وجهها الوان
وسـام : ههههههههههههههههههههههههههههـآآي ,, روحي وكلي نونتك جوعانه تصارخ
حاتم : حبيبي وليد وسن صغيرهـ ماتجيب نونو .. إللي يجيب نونو نفس ماما ذا الحين
وليد : ماما تجيبين نونو ؟
جوهرهـ : شـ الباب إللي فتحته له ذا الحين ..!! شلون أرد عليه
أبو خالد : ههههههههههههههههههههـآآي .. ولدك وفهميه
جوهرهـ : حبيبي وليد إنت نونتي خلاص أـنا ما آبي بعدك أحد
وليد : أـنا آبي
حاتم يبي ينهي الموضوع : ولودي حبيبي تروح معاي ؟
جوهرهـ :: وين ؟
حاتم : بـ أتمشى في وبرجع ما راح نطول .. بس عشان ينسى السالفه
خالد : يجيب الله مطر إذا نسى السالفه
حاتم : إن شاء الله ينسى السالفه ولا تخطر فـ باله ,, يلا ولودي
وليد : وين نروح ؟؟
حاتم : نروح ع السيارهـ ونتمشى ونرجع
وليد : يلا نروح ,, ومسك إيد حاتم وطلعوا من البيت بيتمشون


__________________________________________________ __________

هذا اول بارت اذا لقيت تفاعل راح اكمل

تقبلو ودي.....


__________________________________________________ __________

بنااااااااات الروايه لها يومين ولا وحده ردت
يعني اوب حلوه؟؟؟


__________________________________________________ __________

تيب على الأقل رد واحد مابي اكثر
قولولي وش انطباعكم عنها

صراحه زعلتوني<<لاتكفين خخخخخ


__________________________________________________ __________

اوكي اللي تو فهمته انو محد يرد بالروايات<<جديده لاتشرهون علي خخخخ
فريت على الروايات مالقيت ردود بس صاحبة الموضوع ترد
مع انو احلى انو في احد يرد عشان اعرف اذا الروايه عاجبتكم والا لا
المهم اني بكملها لأني واثقه انها حلوه قريتها بمنتدى واعجبتني
راح انزل البارتات اللحين بس بليز على الأقل ارسلولي على بروفايلي عشان ادري انو في متابعين للروايه

لكم ودي...