عنوان الموضوع : ~~.. احبكــ و انا [ بحبكــ ] ميت ..~~ -روايات رائعة
مقدم من طرف منتديات نساء الجزائر

~~.. احبكــ و انا [ بحبكــ ] ميت ..~~






~~.. احبكــ و انا [ بحبكــ ] ميت ..~~


بسم الله الرحمن الرحيم
مرحبا الساع عرب زايد
شحالكم .. ؟! بخير يربي


اليوم حبيت انزل لكم قصه



~~.. احبكــ و انا [ بحبكــ ] ميت ..~~



طبعاً القصه من قلمي و انا بنزل البارت الاول جفت شي تفاعل بنزل البارت الثاني و جذه
فهمتو عليه يالله بخليكم مع القصه





اليد بو سلطان ( زايد )
اليده ام سلطان ( عذبه )
عندهم سلطان و خليفه و شيخه



العايله الاولى عايلة سلطان ( بو زايد)
حرمته عووشة ..
زايد اكبر عياله و ماخذ بنت خالته عليا و عندهم بنت وحده اسمها روضه( وواهله غصبوه ياخذها ولين الحين مب متقبلنا لانها وايد جايفه عمرها ) ويحب خواته طبعا..
مروه اكبر بنت و متزوجه و ماخذه واحد غريب اسمه عمر بس الله ما رزقها عيال..
احمد في الجامعه اول سنه خرييش حلييوو فيه حركات هبل ممم و دلوع يدته محد يروم يقول له شي يدامها ..
خوله ثنويه عامه مررحه وكول وتحب الكل و هي دلوعه ابوها
اما اخر العنقود هند و هي صف ثامن و هي دلوعه زاايد ورقييقه امرره ع الدقه بتصيح هع..




العايله الثانيه عايلة خليفه ( بو مبارك )
ووحرمته فاطمه ..
اكبر وحده بنت و هي نوره و ماخذه ولد عمتها و عندها ولد و بنت ( ودوم و سعيد
و بعدين مبارك يشتغل في مكافحه المخدرات ريال ماعنده واحد اثنين
و بعده مايد و هو كبر احمد و ربيعه الروح بالروح ويشاركه في مغامراته ..
و بعدين شما مع خوالي متعلقين فبعض واايد وعلى نياتها و حبوبه حساسه شوي ..
و اخر العنقود حمدان الصايع الضايع مايخصه في شي و هو صف تاسع..


اما اخر عايله و هي عايله ام هزاع وريلها علي ..
و ما عندها غير ولدين و بنت
هزاع اكبر عيالها و ماخذ نوره بنت خاله
و بعدين مانع كبر مايد و احمد
و بعدين ساره و هي كبر البنات بس خشمها فوق فوق وحقوودة ..




( البارت الاول )




يوم الجمعه الساعه 10 الصبح في غرفة ( بو زايد )


بو زايد : ام زايد فديت روحج و عيتي الاعيال
ام زايد : هي الغالي زايد نش و يالس تحت مع رواضي بس احمد مب طايع ينش
بو زايد : الغاليه سيري وعيه ترى بنتأخر ع الصلاه على ما يسبح و يدخن بسرعه طرشي بنت من البنات توعيه
ام زايد: تامر امر الغالي
( و سارت ام زايد تزقر بنت من البنات عسب توعي احمد )
ام زاايد : خوله .. هند وينكم
خوله و هند : هلا امايه
ام زايد : وحده منكن تسير توعي احمد
خوله : انشالله اماايه تامرين امر
( و سارت خوله توعي احمد و عند باب الغرفه و دقت خوله البااب )
دق دق دق دق
احمد : منوو
خوله : انا خوالي فج الباب احمد
احمد : شو تبين
خوله : امايه تقول نش الانك متأخر و الحين بيأذن
احمد : انزين دخلي خذي كندورتي عسب تكويها البشكااره
خوله : يلااا بشكارتك انا نش روحك وعطها البشكاره
احمد : اييه يلا عن النحاسه بسررعه مب متفييق حقج
خوله : مااابااا
( فجت الباب و بطلت الليت و شردت )


احمد : يالسباله ماعليه
خوله : محد غيرك سبال وظهرت لسانها ( و شردت تحت )
( نش احمد و دخل سبح و لبس و خلص عطوره كلها و ادهن وريحته من بعد مييل تنشم و نزل تحت و كان الكل موجود )
احمد : صباح الخير ( و هوا ع ابوه وامه ) ولف جاف خووله : انتي هني يالسباله ماعليه صبري عليه خليني ارد ومط شعرها
( سارت خوله ورى ابوهاا ) : ااايييي يالحمار لاتضرب دام بو زايد حي محد يلمسني صح باباتي
بو زايد : صح يا عيون باباتج
زايد : محد مخربها غيرك ابويه
خوله : ليش تغاار
زايد : يااالله اغار منج انتي خلصوا الناس ..
احمد : اماايه انا ولدج دلعيني شوي
خوله : امحححقق اوونه مصدق عمره
( الكل ضحك ماعاد احمد )
احمد : فديتج يدو وينج ادافعين عني
هند : هي انت دلوع اماايه و الشيخه خوله دلوعه ابويه و انا البطه السوده في البيت هذا محد يحبني l
ام زايد : كلكم عيالي و ماشي فرق من بينكم
زايد : افا هنوده انتي حبيبتي افا انتي الغاليه
بو زايد : افا هنوده من قال انتي دلوعتي بعد
هند : هي قص عليه انا استأذن و سارت غرفتهاا
ام زايد : بو زايد دلعك لخوله جوف شو سوى في البنت و حسسها انك تكرها شو الدلع الزايد هذا عييب مب زين البنات يدلعن ..
بو زايد : انا مب مدلع حد بس خوالي احبها اكثر عن الكل
( نشت خوله و بااسته ع راسه ) : عسى ربي لا يحرمني منك
احمد : اونهاا عاد الحنونه الطيبه
خوله : جب انت
بو زايد : احمد خل اختك شو تبا فيها
( و رن تلفون البيت )
احمد : الو مرحبااا
.... : مرحبتين شحالك احمد
احمد : تماام و بصوت مب وااضح ( دامني سمعت صوتج )
( شماا و هي مستحيه ): ممكن تزقر لي خوالي
احمد : تبينها ضروري
ام زاايد : منو ع تلفون احمد
احمد : هذي شمااني بنت عمي تبا خوالي
خوله : و ليش ما خبرتني و من الصبح تسولف مع البنت
احمد : يالله جب جب تعالي تباج ضروري
( يت خوله و سحبت السمااعه من احمد ) : مرحبا ملاين و لا يسدن
شما : مرحبيتين يا بعد قلبي
( ترى احمد يحب شما يموت فيهاا و هي بعد بس هو ما يعرف و طبعا الحين يالس حذال خوالي و اذوونه ع السمااعه )
خوالي : فديت روحج شحالج
شماني : يسرج حالي
( و كملو سوالفهم و الين ما سكرت و سارت كل وحده تجهز الان اليمعه الغدى بيت اليد بو سلطان و الحين نسير بيت شيخه نسيت اخبركم ترى شيخه مطلقنها ريلها و هي ساكنه في بيت بروحها و مربيه عياله احسن تربيه و امهم انفصلت يوم كانو صغاار مالهم علاقه في ابوهم ابد )


شيخه : اييه سااروه يلا نشي اشوف تلبسي الحين بيردون اخوانج و بنسير بيت يدج
ساره :افف انزيين ( و ساارت تلبس )


( اماا في بيت بو مباارك الكل في المسيد و شما تلبس و ام مبارك بعد عسب يسيرون بيت اليد )


( الكل رجع من المسيد و تغدو و خلصو و اليد دخل يرقد و اليده و الحريم في الصاله و الريايل في الميلس و البنات في الحديقه مع الشبااب )


( في الحديقه ) كانو قاعدين احمد و مايد حذال بعض و مانع ع الكرسي الي حذالهم و بعدين سارو ع كرسي يداام احمد و مايد و خوالي و شمو يالسين ع جنب )


شمو : خوالي طالعي الحقيره كيف اطالع احمد بتااكله بعيونها
خواله : برايها تنقلع اصلا احمد مسوي طاااف
ساره : احمد الغالي بغيتك بكلمه رااس
احمد : تفضلي الغاليه
( هني شما ماتت قهر و نشت بكرامتها و سارت فوق و هي تصيح )
احمد : خوالي بلااهاا شمااني
خوله : ماشي ياها مسج و اضايجت
ساره : و الله صدق ياحرام
( خوله في خاطرها ماعليه يامسودة الويه ) :مايخصج انتي انا استأذن بسير عند شمااني
( سارت عند شما دخلت الغرفه )
خوله : شحقه اصيحين و الله ما يسوى
( صح نسيت اخبركم ترى خوله و ماايد يحبون بعض و هم محيرين لبعض لوول و الكل يعرف ان مايد يحب خوله و هي تحبه )
شما : شفتيها اوونه ويسلت تقلدها احمد الغالي بغيتك فكلمه راس امححق فققدت ويها ..
خوله : تولي اصلا هي تبا تغاايضج يالله نشي ننزل تحت
شما : نزلي و انا بلحقج ( الحين بنسير للي في الحديقه )


احمد : مييود مب جنهم اتأخروا لايكون بس شماني تصيح
ماايد : لا ماعتقد شماني مب لهدرجه و ليش تصيح و شمووه ما تصيح ع مسجاات يمكن السالفه قويه
( مايد في خاطره هييهييي ماسكين حالك ماتدري انها تصيح عشانك ) : اقول اترخص دقيقه
احمد : تيك يور تاايم
( و طرش مايد مسج لخوالي )
عند شما و خوالي و صل لخوالي مسج
شما : منو خوالي


خوله : هاا لا محد بس هذي ربيعتي الي من دبي الي خبرتج عنهاا ( فتحت المسج)


(( حيااتي شو صاار طمنيني بلاكم ليش تأخرتو ))
ردت عليه
(( فديتك برمسك بعدين و بخبرك الحين نحن بننزل ))


طرشت المسج و قالت لشماا انهاا بتنزل و ترياهاا تحت و هي ناازله من الدري يالسه تلعب في تلفونها و فجأه دعمت فشخص و طاحت ع ورى من قوه الشخص
خوله و هي منصدمه وتبا تصيح من اللام : سوري
.... : شو ما تشوفين
رفعت راسها تبا اجوف منو و خوله و هي منصدمه





كااااااااااااااااااااااااااااااااااااااااااااااااا اااات



تتوقعون منو .. ؟!



و تتوقون شو بسوي شمااني في ساارونه ..؟!



و ما تسألتو شو دور مانع في القصه ..؟!



انشالله برجع لكم مع الباارت الثاني



اتريوني




همسه [ ما احلل نقل القصه الى بذكر المصدر و لا احلل نسب القصه لاي عضو كان و السموحه ]

>>>>> ردود الأعضـــــــــــــــــــاء على الموضوع <<<<<
==================================


( البارت الثاني )

و هي ناازله من الدري يالسه تلعب في تلفونها و فجأه دعمت حد و طاحت ع ورى من قوه الشخص
خوله وهي منصدمه وتبا تصيح من الام: سوري
.... : شو ما تشوفين
رفعت راسها تبا اجوف منو و خوله و هي منصدمه : ماااانع
مانع : هي ماانع مره ثانيه شوفي يدامج اوكي

( سو طااف لها و خطف ) خوله في خاطرها ( حتى ما سالني اذا تعورت عفان الله ليش جي )
احمد : خوالي شحقه يالسة ع الدري بلااج ؟؟
خوله : هااا ما بلاني شي بس طحت
احمد : تعورتي غناتي
خوله : لا الغالي ( قامت عسب تنش ) : آآآآه احمد ماروم انش
احمد : بلاج كيف طحتي ويت الحين بوديج المستشفى
( و شلها احمد و زقر مااايد و سارو المستشفى و محد يعرف من البيت )
فسياره يالسين و تلفون خوله يرن )خوله : ارد عليها ولا )
احمد : لا لا تردين احسن مافينا بعدين بتخبرهم
خوله: لا برد احسن اخاف تتروع علي بعدين .احمد : اوك عراحتج بس لاتخبر حد
خوله : هلا فديتج
شما : وينج خوالي
خوله : انا مع احمد و ماايد سايرين المستشفى
شماا : شووو المستفى ليش بلاكم منو متعور فيكم شي
خوله : هههههه شوي شوي لا فديتج بس طحت من الدري اوني ابا ادلع عليهم
احمد : تبين تتدلعين ه الحين بنزلج من سياارتي يلاا بنات اخر زمن
ماايد : اي شو تنزلهااا تراني ما ارضى عليهاا ها
شما : ههههه يالله استانسي انتي الكل يداافع عنج
خوله : جب انزين يالله وصلناا برمسج يوم بضهر يالله سي يو
شما : يو2 حيااتو
( و نزلو المستشفى و الحمدالله مافيها شي بس رضه تدلع تراها )
مايد : الحمدالله ع سلامتج الغلا
خوله : الله يسلمك
احمد : استحو ع ويهكم تراني موجود
مايد : جب لو شمااني هني جان سويت اكثر
احمد : لا اتيب طاريها و الله احاتيها
( و خوله اطالعهم بطرف عين )
خواله : اقول يلا نمشي احسن
احمد و مايد : يالله مشينااا
( و ركبو السياره و حركو و طبعاً مايد و خوله مسجات من بينهم من اول الطريج لنهاايته و الحين نسير شوي صوب الحريم وسوالفهم هع هع )
ام زايد : و الله انا سمعت الحريم كلهم تمدح فيه دكتور شااطر
ام هزاع : يعني شااطر مثل الكلداري
ام زايد : هي شاااطر بس انشالله باخذ موعد و بجربه
ام مبارك : انا الصراحه ما احب اغاامر و اجرب
ام زاايد : بس واايد يمدحونه
شماا في خااطرهاا (( افف عليج يا خوالي خليتيني اجاابل الحريم وينج بطيتي افف ))
اليده : شمااني عيل وين خوالي عنج
شما : يدو فديتج خوالي مم الحين بتي
اليده : ليش وين ساارت
شماا : ماشي بس احمد و مايد يبون يشترون هديه ربيعهم بيعرس و خذو خوالي معاهم ترى ذوقها يجنن
اليده : فديتها طالعه علي
الكل يضحك
ام زايد : شحقه ما خبرتني
شما : لا خالو كل شي صااار بسرعه حتى انا ما خبروني دقيت و عرفت
( و بعد شوي وصلو ماايد و احمد و خواله و طبعا طرشت شما مسج شو قالت عسب لا يخبصونها و عرفو الخطه )
دخل احمد بسرعه عسب يطمن ع حبيبت القلب اما الباقي العصفورين تمو بروحهم برع
مايد : الحمدالله ع السلامه غنااتي
خواله : ربي يسلمك ( و هي منزله راسها اووونه مستحيه )
مايد : مره ثاانيه شوفي يدامج مانبا تغلي جذه تعالي انتي كيف طحتي
خوله : كنت نازله من الدر
ساره : ماشالله ع العصافير ما شالله ع الكناااري
مايد : ساره احترمي نفسج
ساره : شو احترم نفسي انت الي احترم نفسك اصلا الي يحترم نفسه هي خوله قليلة الادب
( و فجأه يعطيها كف )
ساره و هي تصيح : انا تضربني عشان هااي خولووه يا ماايد ..
خوالي : ايه احترمي نفسج محد قليل الادب غيرج ..
( و سارت ساره و هي تصيح اما عن خوله فهي ما رمست و لا نطقت بكلمه وحده و عن ماايد فركب و سيااره و ظهر و تمت خوله بروحها )
( دخلت خوله البيت و يلست حذال شما و هي مب في بالهاا غير السالفه الي صاارت و طبعا شما ترمسها من الصبح و هي و لا ع البااال )
شماا تسوي لها حركه الباي : حووو خولو وينج
خوله : هاا هني يعني وين
شما : واضح هني تراني ارمسج من الصبح
خوله : سوري كنت شوي سرحاانه
شماا : هاا في منو اعترفي
خوله شوي وبراكين فويها بنتفجر : محد انا بسير الغرفه
شما و كل تعجبات الدنياا فوق رااسهاا : بلاج
( طبعاً خوله ساارت و طااف لشماا )
و الكل رجع بيته و خوله اليوم هذا نحس بنسبه لهااا و هي خاايفه الان سااره بخور السوق طبعاً صح نسيت اخبركم سااره تحب ماايد بس طبعاً ماايد مستحيل يااخذ سااره
و طبعاً اليومين الي طاافو مااشي احدااث
نرجع ليوم الاثنين العصر في بيت ام هزاع في غرفة ساره
ساره في خاطرها تقول ( و الله لا اادبج يا خوله المعفنه عيل انا يضربني الثاني ميود عشانها والاخ واقف معاها و كلام الحب من بينكم و الله لا ازيد و اخلي اهلج يادبونج عدل ولا ليش هلج اناا روحي بادبج عدل و الحين بعلمج شغل الله سارت شلت فونها و اتصلت ع بيت خوالي )
.... : السلام عليكم
خوله : و عليكم السلام و الرحمه
.... : ممكن خوله ..؟!
خوله : معاج بس منو انتي السموحه ما عرفتج j
.... افا ما عرفتيني انا الي جفتج مع حبيب القلب في حديقه بيت يدي يا جووليت زمانج ..
خوله : نعم انسه سارة شوتبغين
سااره : ههاااي ليش خاايفه
خوله : منو قال اني اخاف منج خلصيني يلا شو تبيين انا مب فاضيه ..
ساره : ماشالله وظهر لج لسان تتحريني بخليج بعد سالفتج يا قليلة الادب
خوله : هيي حبيبتي تتحرين محد عنده لسان الا انتي ساره لو سمحتي احترمي عمرج لا تخليني اقل ادبي عليج
ساره : جوفو منو يرمس عن الاحترام و قلت الادب خولووه الي كانت في الحديقه مع ليش اكمل انتي ادرى بسالفه
خوله : ساره سكتي احسن لج
ساره : ليش اسكت انتي غلطاانه و انااا بادبج عدل عسب تعرفين تاخذين مني ماايد
خوله : انا ما خذته نحن و من كنا يهال و محيرين حق بعض و نحب بعض ما حبيتي الي يوم صاار لي و حبيته وبعدين انتي شويخصج فيني امي ولا ابوي وانا مادري
سااره : صدق انج قليلت الادب كيف اهلج ربوج تقولين جذه
خوله : جب تربيتي احسن عن تربيج فهمتي مالومج تراج بنت منو هه خليني سااكته
سااره : جب ابوي اشرف عنج و عن ماايد
خوله : اقول بالاخير ماايد ماله دخل صفي حساابج معااي بس ماايد لااا
سااره : ماايد لااا و الله لا ادبج يا خوله يا حبيبت روووميوو ( و طبعاً رقعت الفون في ويه خوله و خوله دموعها اربع اربع ع الي صاار و ميته قهر )
( دخل احمد و جااف خوله يالسه حذال الفون و تصيح و طبعاً هو يعرف بالي صاار الان مايد ما يخبي شي غير المسجاات و ع فكره احمد يعرف بس سااكت و مايبين انه يعرف )
احمد : خوالي ليش تصيحين
( طبعاً و لا جوااب من خوله بس طااحت في حضنه و كملت صيااحها )
احمد : حبيبي خوالي بلاج ليكون عسب سالفه الباارحه
خوله : و ليش انت عرفت شو صاار
احمد : افا اخوج يتخبى شي عنه
خوله : احمد الله ما سوينا شي بس كان يقول لي الحمد
احمد : اووووص انا واثق فيج و ساره كلامها لا يجدم و لا يأخر يالله مسحي دموعج بسرعه
و طبعاً مر ع السالفه اسبوع و صاار يوم الجمعه يوم تجمع العائله الكريمه هع ( ربي يحفضهم )



كااااااااااااااااااااااااااااااااااااااااااااااااا اااات
تتوقعون شو بيصير .. ؟!
و تتوقون شو بسوي سااره في ماايد و خوله ..؟!
ترى ماانع له دور و بتعرفون قصته بعدين ..؟!
انشالله برجع لكم مع الباارت الثالث
اتريوني


__________________________________________________ __________

( البارت الثالث )

طبعا تجمعو كلهم بس اليمعه هذي مختلفه لا مايد و لا خوله كل حد في حاله يكسرون الخااطر l

احمد : ميود قوم نسير نتمشى برع شوي
خوله : دخيلكم نباا نسير معااكم بليز
سااره : هاا خوله تبين اسيرين مع احمد ول
خوله : مع احمد اخويه طبعاً
ساره : اها تحريت مع ماايد
( راحت خوله و عطت ساره كف و قالت لها ) : انتي اييه احترمي عمرج احسن ولا بتشوفين شي مايسرج
ساره : شوفي اول مره سكت لج بس الحين لااا و ضربتها و دزتها ع ورى
( طبعا خوله طاحت و ساره ساارت و خلتهم و شماا ربعت صوب خوله و ماايد و احمد )
شما : خوالي خوالي نشي
مايد : شماني قومي ايبي ماي عطر بصل اي شي بسرعه
( نشت و ربعت و يابت عطر و شلو خوالي و ودوهاا غرفت البناات و ريحت شوي )
و طبعا مايد حالف انه ما يخلي ساره بحالهاا
( الحين بخبركم قصة ماانع الله يسلمك مانع كان يحب و وحده تعرف عليها من النت و حبها و هاي البنية لعبت عليه و في الاخر تركته و هو ما يحب البناات و متغير من بعد السالفه هذي عسب جذه ماله دور الاياام هذي ترى ماانع عكس ساارو و هو حبوب بس الله يسامح من كان السبب في تغيره يالله نرجع للقصه )
شماا : خوالي حياتي ماعليج منها خلها تولي
خوله : و الله قااهرتني و الله
شما : حبيبي شو رايج نحدر النت نيلس ع المسن نغير جو
خوله : مم شو رايج نسوي ايميل يديد نلعوز الشبااب هههو
شماا : اوكي انا ابا احمد
خوله : اوك بس انتي رمسي بيلس حذالج عسب اجوف و العكس يوم يكون دوري
( طبعا كل وحده سوت ايميل عسب تلعوز الشباب و كل وحده حدرت ميلها و كانو الشباب اون الحين خلوناا نجوف شما و احمد اول )
شما : ما شاء الله على طول يقبل ما يتريى
خوله : يالله رمسيه
شما : اوكي
( نك شما ~~> تعبت من كثر الحزن و الهم
اما احمد ~~> فتك مزيون ولا رنج مديون )

تعبت من كثر الحزن و الهم : مرحباا ملاين
فتك مزيون ولا رنج مديون : مرحبتين و لا يسدن غلايه
تعبت من كثر الحزن و الهم: منو معاي ..؟!
فتك مزيون ولا رنج مديون : معاج شيخ الرياايل احمد
خوالي : هههههههه شيخ الريايل واايد مصدق عمره
شما : فديته اصلا هو شيخ
خوالي : واضح امحق لو مايد هي
شما : جب خلينا نكمل معااهااا
تعبت من كثر الحزن و الهم : و النعم اخويه
فتك مزيون ولا رنج مديون : الله ينعم بحالج غلاايه
فتك مزيون ولا رنج مديون: انتي منو
تعبت من كثر الحزن و الهم:اناا ريمااني
فتك مزيون ولا رنج مديون: اسمج واايد حلو يا حلو انت
شما : جوفي الخاايس مب مصدق بنت ترمسه
خوله : ههههههههههههه يالله كملي كملي
شماا : انا برااويج الحين شغله عدل
فتك مزيون ولا رنج مديون : وينج غلايه
تعبت من كثر الحزن و الهم : موجوده يالخاايس استح ع ويهك
فتك مزيون ولا رنج مديون : بلاج حبووبه
تعبت من كثر الحزن و الهم : بلاني انزين ياا احمد اناا شمااني بنت عمك خليفه
فتك مزيون ولا رنج مديون : شمو شو اسوين و شحقه ضايفه اولاد لايكون اميلج شي اولااد غيري
تعبت من كثر الحزن و الهم : تخسي اصلا ميلي فاااضي سويته عسب اكشفك
فتك مزيون ولا رنج مديون: حد حذالج
تعبت من كثر الحزن و الهم : هي ليش
فتك مزيون ولا رنج مديون: افف اكيد خولو كنت بقول شي
خوله : جوفي القليل الادب ما يستحي
شما و هي مستحيه : هههه كيفه
خوله : اخليكم ع راحتكم بسير ايلس مع يدو
شما : ربي يحفظج بااي
فتك مزيون ولا رنج مديون: شمااني وينج
تعبت من كثر الحزن و الهم : مااشي ارمس اختك الحين محد حذالي
فتك مزيون ولا رنج مديون: و الله اخذ رااحتي
تعبت من كثر الحزن و الهم : ممم طبعاً لاا انا بضهر غلايه تامرني بشي
فتك مزيون ولا رنج مديون: آآآه ابا قلبج حطي بالج ع عمرج
تعبت من كثر الحزن و الهم : بااي
احمد فديتها ضهرت تستحي ميووووووووووود
مايد : هلا
احمد : تعال جوف شو صاار
( طبعا مايد و هو يقرأ ميت من الضحك )
( و الحين نسير صووب اليده و خوالي )
خوالي : يدو دخيلج خليناا نسير العزبه
اليده : محد بيطيع يسير
خوله : كلمه من يدي تقنع الكل و الله محد يروم يقول شي من بعد يدي دخيلج نباا نستانس نغير جو
اليده : يصير خير ان شاء الله
شما : شو السالفه
خوله : هاا خلصتي شبعتي مشكله الرزه
شما : جب انزين انتي شعليج
اليده : بسكم انتو الاثنتين و انا بكلم يدكم انشالله
شما : عسب شو
خوله : بنسير العزبه j
شما : صدق و الله
( و حضنو و بعض و يلسو ينااقزون خباال صدق )
و طبعاً كلمو اليد و وااافق على طول دام خوله و شما يبون يسيرون و اتفقو انهم يمشون الخميس الصبح و الكل يجهز ملاابسه و حشره و حااله و صاار يوم الخميس
السياره الاولى
( ام سلطان و ابو سلطان و ام زايد و ابو زايد و هنوده )
السياره الثانيه
( زاايد و حرمته و عياله )
السياره الثالثه
( مروه و عمر )
السيااره الراابعه
( احمد و مايد و شما و خوله )
السياره الخامسه
( ام مبارك و ابو مبارك و مبارك و حمدان )
السياره السادسه
( نوره و هزاع و مانع و ساره )
السياره السابعه و الاخيره
( الادريول و البشاكير و الاغراض )


كااااااااااااااااااااااااااااااااااااااااااااااااا اااات
تتوقعون شو بيصير .. ؟!
و تتوقون بتكون الرحله من دون مشاكل ساره..؟!
انشالله برجع لكم مع الباارت الرابع
اتريوني


__________________________________________________ __________

( البارت الرابع )
( و الحين الكل و صل و طبعاً يلسو ينزين الاغراض و الحين بوصف لكم العزبه و هي عباره عن فله كبيره مبناايه في وسط العزبه و حذاله ملعب و مسبح و مسبح للبنات مسكر و شي هناك حصن و كل حد و حصاانه احلاهم حصان خوالي و شمااني )
خوله : من زمااان مب ياين جوفي كيف متغيره العزبه
شما : واايد صاايره احلى عن قبل
خوله : يلا شمووه بنسير نستكشف المكاان هع هع
شما : يالله مشيناا
( و طبعا شما و خوله فضولياات بزيااده الله يعين ههه و استكشفو المكاان و اطمنو ع حصنهم و سارو ارتاحو الحين في الفله شي 10 غرف خمسه فوق و خمسه تحت الي تحت
اول غرفه ( اليد و اليده ) الثانيه ( ام زايد و بو زاايد) الثالثه ( بو مبارك و ام مبارك ) و الرابعه ( زايد و حرمته ) و الخامسه ( هزاع و نوره ) و الغرف الي فوق اول غرفه ( خوله و شما و ساره) الثانيه ( احمد و مانع و مايد و مبارك) و الثالثه ( ام هزاع و حمدان و هند ) و الراابعه (مروه و عمر ) و الخاامسه ( بشاااكير ) الحين خلصناا من الوصف نسير لللميلس الي فيه احمد و ماانع
احمد : منوع بلاك متغير
مانع : ماشي الغالي مابلاني الشي بس الشغل شوي ماخذ وقتي
احمد : الشغل مانع مب علي انا مب ميود بلاك ارمس يا خوي قول الي في قلبك
مانع : تسلم يا غالي مافي شي في قلبي
احمد : براحتك بس يوم تبا تفضفض تعال عندي تراك غالي لا تنسى فديتك
مانع : تسلم يا ولد الخال و الله معزتك في قلبي كبيره
و نسير شوي الشياب مساكين سوالفهم حلوه و ع قدهم لوول
بو زايد: ترى قوم ............ عازمينا ع عرس ولدهم الاسبوع الياي و انا عطيته كلمه ان انا و الوالد و بو مبارك و الشبااب كلنا بنسير
احمد و مانع و مايد و مبارك : شو نحن بنسير
بو زايد : ههههه بلاكم هي سيري شو وراكم تراكم دوم حوطه و مضيعت وقت سيرو سو الواجب و باركوا للنااس ولدهم بيعرس
احمد و ماايد : يااارب عقبالناا
( الكل يضحك )
اليد : اسميكم مستعيلين لا تخافون خوالي و شماني محد بياخذهم غيركم
احمد : صدق يدي
بو مباارك : احمد افا عليك لو تبا من باجر تاخذهاا
احمد : خلاص عيل من بااجر باخذها
زايد : استح ع ويهك عيب
هزاع : و الله نحن عرسنا بس ما سويناا شراتكم مستعيلين اكثر عن العروس
( الكل يضحك ماعاد احمد و ماايد )
اليد : انا اجوف اليهال مستعيلين و مبارك بعده هاا يا بو مبااارك مب ناوي تعرس مبارك و نفرح فيه
بو مبارك : و الله هو يوم يبا يعرس يخبر امه و بدور له بنت الحلاال الي تنااسبه
اليد : ها مبارك يبا ماتبا تعرس
مبارك : يدي شو ابا حق عوار الراس و التعب و اليهاال
احمد و مايد و مانع : حلاته اصلا
( الكل يضحك ع الهبل هذيل )
و بعدين ترخصو الشباب و ضهرو برع عسب يلعوزون البنااات
جافو البنات يالسين
احمد : بناات بتلعبون معانا
ساره : شو بتلعب احمد
احمد : جرأه حقيقه
شما و خوله : هي نحن بنلعب
ساره : مي2 بلعب
( و لعبو يلسو على اساس احمد و بعدين ماايدو بعدين مبارك و بعدين مانع و بعدين حمدان و بعدين خوله و شما و ساره و اخر شي حذال احمد هنوده )
( و حركو الغرشه اول مره ضهر على خوله و مانع )
خوله : ممم جرأه ول حقيقه
مانع : اكيد حقيقه حد يطيح في ايد البنات و يقول جرأه استغفر الله
الكل يضحك
خوله : لا انا غير هههه مم انزين دامك حقيقه يعني سؤال يعني يا مانع بلاك متغير الايام هذي . ؟!
مانع : مم و الله سؤالج شوي صعب الصراحه في شي مضايجني
خوله : ممكن اعرف شو
مانع : الي اعرفه سؤال واحد مب مليون
( و حوكو الغرشه مره ثانيه طلع ع مايد و ساره )
مايد : ها يا ساره جرأه ول حقيقه
ساره : حقيقه طبعاً
مايد : انتي ليش انانيه و مغروره و حقوده و عكس مانع في كل شي و كل شي عند غيرج تبينه لج .. ؟!
الكل انصدم من السؤال و محد علق ع سؤال ماايد
ساره : ممم الان هو مانع و انا ساره شي فرق
( شما و خوله في خاطرهم امحق ساره امحق مالت)

( و حركو الغرشه مره ثانيه طلع ع شما و حمدان )
حمدان : جرأه ول حقيقه شماني
شما : طبعاً حقيقه حبيبي
حمدان : انتي تحبين ..؟!
شما : هي احب خوالي
حمدان : بلا استهبال اقصد تحبني احمد ول مانع
شما : احمد و مانع اخوااني
( هني احمد انصعق يت له صاااعقه حس ان حد طعنه و انذبح بكلاام شماا و كانه منصدم )
احمد : انا اترخص بسير
خوله : انتي بلاج شحقه قلتي جذه
شما : عيل تبيني اقول احبه و منو هني سااارو انتي هبله ول شو
خوله : ويت بطرش له مسج
( طبعاً احمد سار ع البحر المكاان الي يعق همومه فيه و فجأه وصل له مسج )
(( احمد فديتك لا تصيج ع عمرك ترى شما قالت جذه الان سااره هناك و نحن مب ناقصين مشاكل مع ساره لا تزعل هي خبرتني اخبرك جذه الانها تحبك و مستحيل تحب غيرك )) رد عليها
(( طمنتيني ربي يطمنج و يريحج ياارب ))
و طبعاً خلصو لعب و كل حد سار بصوب
خوله : مانع تعال اباك شوي
مانع : تفضلي شو تبين
خوله : مايسير اقول جذه امش نسير صوب المسبح
مانع : يالله مشيناا
( و سارو خوله و مانع صوب المسبح عسب خوالي ترمس مانع عن تغيره )
خوله : مانع
مانع : هلا
خوله : بلاك يا خوي متغير مب شرات قبل ساير قاسي و مب شرات قبل مانع الحبوب الي كل شي يقلبه ضحك يا مانع لا تتغير عسب وحده لا تنسى اني كنت اعرف كل شي لا تتغير عسب وحده ماتسوى
مانع : بس يا خوله
خوله : بس شو لا تقول حبيتها صدق لا تقول حب من المنتدى ما سمعت حب من المنتدى صاادق الى 1% لازم بتجذب عليك يا ماانع الحين الدنيا تغيرت
( طبعاً و لاا رد من ماانع و السكوت مالي المكااان و فجأه )
مانع : يا خوله اباا انساها و الله ابا انساها بس ماروم كل مابا انساها اذكر غيرت رقمي و غيرت فوني و غيرت لابي عسب لا اذكرها و الله ابا انساها انتو تتحرون سهل و الله مب سهل هذا شي صعب محد حااس فيني كل حد و همه و في اخر تقولون بلاك متغير انا مالوم حد اعرف سؤالكم عسب اهتمامك بس سؤالكم يذكرني بسالفه خليني قاسي عسب لا احب و لا اخلي حد يحبني
خوله : هذا شي غلط يا ماانع غلط لو مب معزتك من معزة احمد جان ما رمستك و انت تعرفت غلاك عندي
مايد : ما شاء الله صار من بينكم غلا و لا وين ع المسبح بعد
خوله : ماايد شو تقول ترى غلاة مانع من غلاة احمد شرات اخويه
مايد : خوله جب ولا كلمه شرات احمد و غلاك و ما اعرف شو و لا ع المسبح بعد رومنسية عدل انا غلطاان حبيت وحده شراتج انتي ما تستاهليني انا اصلا لازم احب ساره هي الي تستاهلني
مانع : ويت يا مايد لا تفهم غلط خوله شرات اختي
خوله : خليه يا مانع حتى الثقه انعدمت حتى الثقه ربي يسامك ( و ساارت و هي منهااره من الصياح ويون سارت ما تعرف المهم انها ربعت و صلت مكاان فتحت عينها جافت عمرهاا واقفه يدام الحصن و دمعها ع خدها و يوم ارتاحت شوي سارت الفله و جافت البنات يالسين هناك
شماا : خوالي وينج ليش تأخرتي
( طبعاً خوله طااف و مشت و حدر عليهم مايد و شكله مضاايج و مب طايج حد و مثلهاا طااف و ع الغرفه احمد و شماا اكثر ثنين مستغربين شو صاير شو صار من بينهم و شوي و دخل ماانع على طول ساار صوبه احمد )
احمد : منوع شو السالفه
مانع : اسئل مايد ربيعك و الله ما هقيتك يا مايد تشك فيني
احمد : شو السالفه شو صاااير
مانع : شما سيري عند خوالي تراها تصيييح
( وسار ماانع عند امه و قال له انه بيرجع البيت و خذى مفتاح السياره و ظهر من العزبه )
\( مانع في خاطره الله يساامحك يا مااايد الي فيني مكفيني هذا يزاتها تبا تنسيني الماضي جذه يصير فيها كل مني انا ليش سرت معاها جوفو شو سويت )
...................
( انزيين وشوي يسرع بدون قصد سرحان الاخ وتظههر له على جنب شاحنه تدعم سياااره و الدم ينزل من كل مكان في جسمه و ينقلونه المستشفى بسرعه ..

.............
في العزبة يالسين الكل مع بعض الا خوالي كانت تصيح ومايد مب فحاله مايعرف شو يسوي

شوي ولا يرن مبايل احمد
... : الو السلام عليكم
احمد : وعليكم السلام و الرحمه منو معااي
... : هلا اخوي معاك قسم الشرطة فالمستشفى
احمد وهو منصدمم : خيير اخووي شو صاير
.....: والله خوييك مانع صار له حادث في المستشفى ..... وقلنا بنخبركم
احمد : خلاص خير اخوي تسلم مع السلامه
....: الله يسلمك مع السلامه..
( و سار صوب الريايل و خبرهم والحرييم جلبوا صياح وحاله)
ام هزاع : شووو ولدي مسوي حادث ابا ايسر اشووفه دخييلكم
خوله :ياربي كله مني انا السبب اوني ابا انسيه همه عقيته بهم اكبر يارب لو صار فيه شي ما بساامح عمري
ساروه وهي اطلع خوله باحتقار : كلله منج انتي يالخايسه المصايب من تحت راسج
احمد: اييه انتي عيب صخي ولا كفف مب وقته الحين
ساره( طالعته بنظرة وسوت طااف ): امايه لا تسوين بعمرج جذه مابلاه شي ماانع ( وصاحت)
ام هزاع : بو زايد بو مباارك دخيلكم ودوني هذا وليدي لا تحرمنوني منه دخيلكم الله يخليكم ( و هي منهااره من الصياح و الله يعلم بحال خوله )
شما : خوالي تعوذي من بليس مابلاه شي الرياال
خوله : انا السبب انا السبب
( و سارت خوله و ربعت صوب مايد )
خوله : مايد و الله مب من بينا شي بس هو مضايج و حبيت اعرف شو مضايجنه انا السبب الولد الحين في المستشفى و انا السبب لو صار فيه شي ما بساامح عمري ما بساامح عمري ولابساامحك
مايد : قولي لا اله الى الله استغفري ربج مايجوز مانع مابلاه شي الحمدالله و الحين بنسير نطمن عليه
ام هزاع : ودوني اجوف ولدي دخيلكم اخاف يموت و يتركني اه يا مانع يا حبيبي لا تروح و تخليني
ام زايد : استغفري الله ما يجوز يا ام هزاع
ام مبارك : هدي و قولي لا اله الى الله و صلي ع النبي ما يجوز يا خويتي ما يجوز
( و سارو الشباب و الريايل المستشفى و ام هزاع و ساره و خوالي يصيحون و تعرفين الحريم لازم يدمعون و اليده بعد تصيح ولد بنتها و شمو تصيح ع حال خوله و عند الشباب في المستشفى سألو عنه و سارو عند الدكتور )
بو زايد : السلام علسكم دكتور
الدكتور : و عليكم السلام
بو زايد : و الله يا دكتور ولد ختيه مسوي حادث و يابوه عندكم حبيت اسئل عنه
الدكتور : طيب اسمه اي
بو زايد : مانع .........
الدكتور : ايو صااحب الحادث الي من نصف ساعه
بو زايد : هيه شو اخبار ولدنا دكتور
الدكتور : الحمدالله مافي كسور و لا نزيف داخلي بس رضوض بسيطه و ربي يشافيه هو دلوئتي في غرفه الاشراف بعد ساعه رح بنخرجه و بنخليه في غرفه عاديه و يمكن يفضل عندها يومين
بو زايد : شحقه يومين دكتور مب وايد
دكتور: لا مش كتير ترى الحاادث كتير اوي الله رحمه ان مافيش حااقه
بو زايد : الحمدالله يعني ماله داعي انيب امه تطمن عليه
الدكتور : لا مافيش داعي الولد نايم و ما بيصحى الى بكره انا رايح تامروني بحاقه
بو زايد : سلامتك دكتور
مايد : عمي انتو سيرو البيت و اناا بيلس عند ماانع
بو زايد : بتيلس بروحك
مايد : عادي عمي انا مب ياهل انتو ترخصو

الفليل

في المستشفى نش مانع : اااه ابا ماي
نش مايد وياب له ماي ويلس يشربه
والاثنين صاخين ..
مايد : الحمدلله ع سلامتك اسمحلي والله مب كان قصدي
مانع : الله يسلمك لاعادي افا عليك وحليلها البنية كانت تنب تظهرني من الحاله اللي فييه وانتي تشك فيها ..

مايد روحه متلوم: ادي والله ماعليك برمسها وبترضى ان شالله..

(يلس مايد يطرش حق خوالي مسجات )
...
(( غلاك في قلبي كبير مهما يصير ))
ردت عليه
(( وااضح لو غلايه في قلبك كبير جان ما شكيت فيني و لا فكرت تشك فيني ))
رد عليها
(( حياتي و الله سوري لو مب اغار عليج جان ما سويت جذه ))
ردت عليه
(( لو صار شي في مانع انت السبب فهمت ول لاا ))
رد عليها
(( حيااتي انا عند مانع و مستحيل اتركه الين ما ينش ))
ردت عليه
(( زين ))
رد عليها
(( لاتزعلين غناتي مب قصدي ))
ردت عليه
(( ماعليك يالله عيل ريح و انا الصبح بي لكم ))
رد عليها
(( اترياااج غناتي ))



كااااااااااااااااااااااااااااااااااااااااااااااااا اااات
تتوقعون شو بيصير .. ؟!
وماايد ومانع شو بيصير بينهم
وخوالي بتسامع ماايد
انشالله برجع لكم مع الباارت الخاامس
اتريوني


__________________________________________________ __________

( البارت الخامس )
...............
طبعاً سكرت خوالي فونها و رقدت عسب الصبح تسير المستشفى عند مانع
( الصبح نشت خوالي ع صوت شماني و هي تصيح )
خوله : بلاج شحقه اصيحين
شما : خوله ماانع عطاج عمره
خوله و هي منصدمه : شو تقولين
شما و هي تصيح : مانع مات مانع مات يا خوله ماات
هني خوله انهاارت و يلست اصيح
خوله : انا السبب خليته يضهر و هو مضايج يارب لا تساامحني ع الي سويته يارب لا تساامحني
شما : استغفري الله و ادعي له بالرحمه
خوله : كيف ماات البارحه رمست مايد و قال ان الدكتور قال له انه بخير كيف ماات و ليش يارب ليش
شما : استغفر الله لا تقولين جذه قدر الله و ما شاء فعل استغفري الله و قومي صلي ركعتين
وفجأه نشت خوله من رقااد اعوذ بالله من الشيطان الرجيم
شما : بلاج خوالي
خوله : حلمت بحلم غريب و ماباه يتحقق ( هني خوالي انهارت من الصياح يوم تذكرت الحلم )
شما : انزين انا بقول لج خبر احلى من الحلم الخاايس
خوله : ما اعتقد احلى الان حلمي خاايس
شما : ترى ماانع و ماايد تحت
خوله : شو تحت الحين بتلبس و بنزل دقااايق بس
( و من كثر الفرحه سبحت ع السريع و لبسحت و تعدلت و تبخرت و نزلت )
خوله : الحمدالله ع السلامه الغالي
مانع : ربي يسلمج و الله و عرفت غلاي عندكم
مايد : يعني تتغلى يبالك ظرب انت
الكل قاام يضحك ماعاد شما و احمد في جوهم الرومنسي
مايد : اقول منوع جوف شمو واحمد الجو رهيب
مانع : انا براويك فيهم اتريا
مانع : احمد و شماني بسكم من كثر ما اجوفون بعض ما شبعتو بسكم
شمااا ميته من الحيا و احمد انقهر
احمد : جب اصلا نحن ما نجوف بعض صح شماني
شما : هي انا اترخص ( و سارت فوق عااد الكل قام يضحك الحين و بعدين يو الشياااب و ام هزاع ماتركت مانع دقيقه لازم تخااف عليه اصغر ولد ههه من قدك يا منوع )
و كل ابطال القصه رقدو اليوم الثاني الساعه 12 الصبح في بيت ام هزاع الكل متيمع في الصاله
ام هزاع : ساره يمه قومي جوفي اخوج مانع وينه
ساره : هي الحين ماانع الدلوع و انا البطه السوده
الكل قاام يضحك
نوره و هي نازله من الدري : هزااع مب حاله عيالك جوفهم يعني انا اربع وراهم عسب البسهم و الله تأخرت ع بيت امي اهزبهم شوي
هزاع : حبايبي ودوم و سعيد سيري لبسو مع امايه عسب نسير بيت يدوه عن خالو شماا
وديمه : انا ما احب خالو ثما ابا خالي مايد
سعيد : تب خالو ثما حلوه خالي مايد وع
الكل قاام يضحك ع الاثنين هذول تراهم مسوين جو في البيت
هزاع : اوكي يالله قومو تلبسو بسرعه بنجوف منو اول بيخلص
نوره : ميري سيتي كل وحده منكم تاخذ واحد و تلبسه بسرعه
وديمه : اول ببوث عمي مانع عثان هو مليد
سعيد : انا بعد الاني احب عمي مانع تح باباتي
مانع : ههه فديتكم تعالو ابوسكم
ام هزاع : شوي شوي ع الولد بتعورونهم
وديمه : عمنا تيفناا
مانع : هه عاشو عيال اخوي و الله الساانكم طويل ع عمتكم هههه
ساره : بلاها عمتهم
نوره : ودوم سعيد يالله نشو و الله اذا نزلت بضربكم و الله
( صح نسيت اخبركم ترى نوره حامل توها بس محد يعرف )
وديمه : ثح يدو بابا دال ماما في بطنها بيبي
هزاع في خاطره ( فضحتينا خص الله بليسج )
مانع : و الله انفضحتو حد يخبر ودوم ترى ودوم و سارو محد يخبرهم شي
الكل يضحك ماعاد سارو بس ودوم تضحك ههه الانها مب داريه شو السالفه الحشره مع الناس عيد )
ام هزاع : صدق يمه نوره حامل
نوره : هي عمو توني في الشهر الاول من كم يوم عرفت و ما حبيت اخبركم الان كان مانع في المستشفى
ام هزاع : مبروك فديتج مبروك
هزاع : يالله نوره لبسي عيالج تأخرت ع الريال يالله بسرعه

الحين نخليهم نسير عند بيت بو زايد
ام زايد : هنوده اماايه سيري وعي خوالي اختج
هنوده : امايه مابا خوالي تحرج علي يوم اوعيها
احمد و هو ناازل من الدري و يغني ( العمر لا رحت مايسوى و الله مايسوى)
ام زايد : احمد يمه قبل لا تنزل سير وع خوالي
احمد : تامرين امر بطفرها عدل
ام زايد : اصطلب يا احمد لا تلعوز اختك
و سار احمد يوعي خوله و طبعا ما خلاها بحالهاا
شوي و يرن فون البيت
.......: الو السلام عليكم
هنوده : و عليكم السلااام و الرحمه
...... : الغاليه ممكن احمد
هنوده : منو اقول له
........ : قولي له وحده
هنوده و هي منصدمه : اوكي ويت دقيقه
هنوده : احمد احمد شي وحده تباك
احمد : وحده منو
هنوده : ما اعرف وحده غريبه
احمد و هو يستهبل : شو اسوي بمعجبيني حتى رقم بيتنا عرفوه
خوله و هي نازله من الدري : انت هنديه واايد عليك
الكل نقع من الضحك
احمد : محد هندي غيرج انتي و ميود
هنوده : بعدين ترى البنت ع الفون
احمد : الو السلام عليكم
... : وعليكم السلام افا احمد ما عرفتني
احمد : لا عر فتج يا السباله مروه ختيه
مروه : اكيد هنوده الغبيه ردت علي
احمد : اكيد
ام زايد : عطني اختك احمد
احمد : امايه ما تبااج
مروه : ع كيفك عطني امي
ام زايد : هلا بنوتي هلا حياتي شحالج
مروه : تماام امايه تماام
ام زايد : بلاه صوتج مريضه صوتج جنج صايحه
هني مروه يلست تصيح
ام زايد : بلاج بنتي شحقه اصيحين ليكون عمر قال لج شي لا تحرقين قلبي رمسي
مروه و هي تصيح كلامها متقطع : يماا انا حااامل
ام زايد : صدق و الله حاامل فديتج مبرووك الله يرزقج الذريه الصالحه صبرتي و الله رزقج مبروك يا بنتي ( و يلست تصيح الام مع بنتهاا )
احمد : بلاكم اصيحون تراها حامل مب مسقطه
ام زايد : بسم الله عليها يالله تعالي بشري ابوج بروحج
مروه : انشالله يمه

و الحين نسير لبيت بو مباارك
الكل ياالسه في الصاله و وصلو قوم نوره و سلمو عاد ودوم يلست حذال يدها
وديمه : يدي خليفه تلى ماما في بطنها بيبي هي قالت لا تخبلون حد
سعيد : ثح في بتنهاا بيبي يعني بنسيل تلاته ثح بابا
نوره : الله يخص بليسكم فضحتوناا
هزاع : صح فديتكم ماماتكم حاامل
ام مبارك : صدق فديتج يا بنتي مبرووك مبرووك
بو مبارك : مبروك يا بنتي
مبارك : مبروك يالله نبا توأم بعد
حمدان : هي ايبي توام اولاد عسب نسوي فريق اولااد كلناا ع ودوم
نوره : لا دخيلك الحين و ميته من الاثنين هذول بعد توأم بموت
هزاع : بسم الله عليج من الموت
شما و مايد : اي ترى نحن هني هه
هزاع : مالت عليكم مبارك ما قال شي انتو شحقه ترمسون
مايد : افف لازم نتقفط
الكل قاام يضحك

و سارت شمو و دقت حق خوالي و خبرتها ان نوره حاامل و طبعا خوالي خبرت شمو ان مروه حاامل و على طول خبرت امها و الكل فرح لها و انتشر خبر حملهاا بسرعه

الحين في غرفه عليا و زايد

عليا : زايد حبيبي شو رايك نسافر و نخلي رواض في بيت عمي او في بيت ابوي
زايد : لا فديتج رواض ما اتم بنسفرها معانا
عليا : دخيلك انا ابا اسافر ارتااح
زايد : خلاص بنودي شمو و خوالي يمسكونها و يغيرون جو
عليا في خاطرها زين و الله بشااكير لي : اوكي بس جوف ابوك و عمك
زايد : لا ابوي و عمي ما عليهم كلاام
عليا : زايد عادي ايب اختي تستانس معاهم
زايد : اوكي كيفج

كااااااااااااااااااااااااااااااااااااااااااااااااا اااات
تتوقعون عليا مخططه ع شو.. ؟!
و شو سالفه اختهاا ..؟!
انشالله برجع لكم مع الباارت الساادس
اتريوني
( البارت السادس )

في بيت بو زايد

زايد : يبا ترى انا و عليا قررنا نسير فرنسا و بناخذ شمااني و خوالي و جواهر بنت خالتي معانا
بو زايد : اوكي الغالي بس جوف البنات يمكن ما يبون يسيرون
زايد : حد يفوت فرنسا ويت بسالهم ( و زقر زايد خوله )
خوله و هي ناازله من الدري : نعم الغالي
زايد : فديت روحج نااوي اسير فرنسا و اباج تخاويناا انتي و شمو و جوااهر
خوله : صدق و الله ( و في خااطرها تقول افف لازم جواهر معاناا ) عيل بدق لشماني بخبرهاا
زايد : بسرعه عسب بسير احجز بعد شوي
خوله : اوكي ( و سارت دقت ع الفون )
خوله : السلام عليكم
... : و عليكم السلام
خوله : ممكن شما
... : منو اقول لهاا
خوله : قول لها خوالي
... : بصوت مب مسموع ( اقول لها قلبي )
خوله : ميود بلا عبط ازقرها
مايد : تاامرين امر ويت دقيقه
و سار مايد و زقر شما حق خوله
شما : هلا و غلا مرحبا مليون
خوله : اهلين مرااحب غلايه يايبه لج خبر يسوى مليون
شما : شو قولي فرحيني
خوله : بنسير فرنسا انا و انتي
شما : خوله بلا عبط قولي الصدق شو
خوله : و الله زاايد بيوديناا بس جواهر اخت عليا معانا
شما : اففف مايسدنا عليا اللوعه بعد جواهر الخقااقه
خوله : شو نسوي زين بنضهر نغير شو
شما : غريبه عليا طااعت نسير معاها
خوله : و الله ابصم بلعشره وراها شي و ل زاايد قنعهاا بشي ع فكره رواضي بسير
شما : غريبه اول مره يودونهااا
خوله : تراني اقول لج ناويه ع شي عليا مب مصدقتني
شما : اوكي برمس ابويه و برد لج خبر
خوله : بس بسرعه الان زايد بيسير يحجز الحين
شماا : دقاايق و برد لج خبر
خوله : اتريااج و سكرت

شما : فديتج خوالي فرحتيني
مايد : ليش شو قاالت
شما : احم بنسير انا و هي فرنساا
ماايد : نعم منقود ماشي بنات يسيرون بروحهم
شما : من قال بروحنا نحن و زاايد و عليا و جواهر اخت عليا
ماايد : و الله اسير معاكم
شما : لاا تحلف ما بسير
مايد : بجوفين
و سارت شما خبرت ابوها و طبعا وافق الان مع زاايد ول جاان ماشي سفره
و طبعا مااايد سار و حدر المسن يمكن يجوف خوالي و يلعوزهاا فتحت ايميلها و جافها اون
مايد نكه ~~> احبك من اولك لآخر
خوالي نكها ~~> يلست اناظر البسمه و كيف ترسمها

احبك من اولك لآخر : مرحبا السااع
يلست اناظر البسمه و كيف ترسمها : مرحبتين
احبك من اولك لآخر : شحالج غناتي
يلست اناظر البسمه و كيف ترسمها : يسرك حالي من صوبك .. ؟!
احبك من اولك لآخر : مب بخير
يلست اناظر البسمه و كيف ترسمها : افا ليش
احبك من اولك لآخر : عيل تسافرين و تخليني
يلست اناظر البسمه و كيف ترسمها : هههه ما بتأخر بس 3 اسابيع
احبك من اولك لآخر : شو تبيني اموت واايد 3 اسابيع
يلست اناظر البسمه و كيف ترسمها : بسم الله عليك من الموت
احبك من اولك لآخر : اصلا ما خذتي راي كيف تسافرين من دون شوري
يلست اناظر البسمه و كيف ترسمها : يعني انت ما بتخليني
احبك من اولك لآخر : هيه ما بخليج
يلست اناظر البسمه و كيف ترسمها : افا ما تباني استانس
احبك من اولك لآخر : لاا فديتج امزح سيري و الاني مسوي لج مفاجأه
يلست اناظر البسمه و كيف ترسمها : شو
احبك من اولك لآخر : قلت مفاجأه
يلست اناظر البسمه و كيف ترسمها : اقول غناتي الوالد يزقرني باااي
احبك من اولك لآخر : الرب يحفظج تحملي ع عمرج
يلست اناظر البسمه و كيف ترسمها : يو2 باااي
مايد : فديتها ضهرت
و طبعاً جهزو اغرااض السفر و تيمعوا كلهم في بيت بو زاايد الان زاايد بيساافر

الكل ضهر برع تمو الشباااب و البنااات
( مانع و احمد و ماايد و شما و خوله و ساره و جواهر )
مانع : تحملو ع اعمااركم تروحون و تردون بسلامه
شما و خوله : ربي يسلمك و انت بعد تحمل ع عمرك
احمد : خوالي تحملي ع عمرج و اذا نقصج شي خبريني و انتي بعد شما
خوله : انشالله فديتك
شما : انشالله الغالي
طبعا ساره ضهرت و لا قالت شي و معاها جوااهر
و ماايد غمز لاحمد و شما انهم يضهرون عسب خوله و ماايد ياخذون راحتهم
الكل ضهر و محد تم غير ماايد و خوله و حاااانت الحظه الحااسمه

مايد : تروحين و ترجعين بسلااامه
خوله : ربي يسلمك ( و هي منزله رااسها و دموعها في عيونهاا )
ماايد : غناتي شحقه دموعج لا فديتج مابا اجوف الدموع في الويه هذا مره ثانيه تراها تخرب ع ويهج
خوله هني نهاارت و يلست تصيح و حطت ايدينها ع ويهااا
مايد : خوله دخيلج لا تقطعين قلبي انتي بسيرين تستانسين مب تصيحين و تقلبينها حزن استانسي و انسي كل شي بليز عسب خااطري
خوله : انشالله الغالي
مايد مد لخوله ظرف و قال لها فتحيه في الطيااره اوك حطته في شنطتها و ضهرت
و ركبو السيااره و خوالي طول الدرب سرحااانه
شما : خوالي بلاج
خوله : ماكنت ابا اتركه و الله بتوله عليه
شما : يالله عااد بنسير نغير جو و بنستاانس
خوله : ههه انشالله
مرور الشيشه و طبعاً نزل زاايد
عليا : جواهر غلايه تبين شي اعرفج تستحين مب غيرج
شما : فقتها منو يستحي جوااهر مالت
خوله : ههههه و طرشت لزاايد مسج
( فديت روحج ايب لنا كندر و شيتوس و ريد بول اوكي الغالي )
طرش لها
( تامرين امر )
و رجع زاايد و شترى لثلاث الي روى الي طلبته خوالي و عليا بعد

عليا : زايد تعرف انا ما احب الكندر و الردبول و الشيتوس ليش مشتري و بعد اختي ماتاكل الاشيااء هذي
زايد : السموحه الغاليه و الله لو تبين جان نزلتي بروحج حمدي ربج تذكرتج
طرشت خوله له مسج
( دخيلك امسك حاللك مب ناااقصين ربي يعاافيك )
رد طرش مسج
( الله يساامحهم يوم غصبووني عليهاا )
ردت طرشت له
( مب وقته الكلام هذا انتبه لدربك و ما عليك منها سوى لهاا طااف )
رد عليها
( تامرين غلايه يالله بس لا تذبحني الي حذالي )
خوله : زاايد يا قلبي تسلم فديتك تعرف ذوقي
زايد : ههه فديتج الله يخلي المسج
شما : هه فضحج مطرشه له شو تبين و تقولين تسلم تعرف ذوقي
زايد : ههه هذي ام الساان قالت كل شي
جواهر : عليا عندج بندول رااسي عورني من حشرته
عليا : لا ما عندي بس عااد سكتو عورتو راسناا
زاايد : الله يصبرج ياا روح
عليا : اففف بدينا بتحرطم
خوله : عليا .. زايد استهدوا بالله
عليا : انتي جب
خوله : شكراً اي منج اكثر
و تمو سااكتين الين ماوصلو المطاار و في المطاار خلصو الاجرائات و ركبو الطيااره
قبل لا يركبون الطياره خوله سمعت جواهر ترمس واحد قالت اوكي الغالي محمد باي برمسك يوم بوصل
خوله في خااطرها منو محمد ما احيد خالو عندهاا محمد او حد من اهل امايه اسمه محمد يمكن حد من اهل ابوهاا اووه انا شلي فيهاا
في الطياره طبعاً شما و خوله حذاال بعض
و زاايد و علياا و جوااهر حذال بعض ( عليا و جوااهر رقوود و زاايد بعد رقد )
شما : شو قلتو يوم تركناكم بروحكم دااخل
خوله : مااشي بس صحت شوي و عطااني ظرف صح ذكرتيني بفتحه
شما : يالله فتحيه
خوله : اوكي ويت دقيقه
( فتحت الظرف و جافت فيه رساله و فلوس فتحت الرساله و كااان مكتوب كلام و لا اروع عيب اخبركم )
وبعد الرساله طبعاً رقدت خوالي و تمت شمو بروحهاا تفكر في حبيب القلب ( و اخيراً وصلو اففف الدرب طويل )

في الفندق
عليا: زاايد ترى ختيه تبا غرفه بروحها لو ماتروم ابويه بيحجز لها
زايد : خلي فلوس ابوج لج الحمدالله الخير واايد و انشالله
خوله : شمو جوفيها خقااقه
شما : و الله غرفه بروحها شو تبا فيهاا
زايد : انتو تبون كل وحده غرفه ول مع بعض
شما و خوله : لا مع بعض نحن ما نستغنى عن بعض
عليا : عشتو مادري منو
زايد : عليا لو سحمتي احترمي عمرج مب يعني ساااكتين البنات عنج تتمادين تراهم ساكتين عسبيه بس ول شمو و خوله لساانهم اطول عن السانج
عليا مشت و سارت غرفتها و اختها و راهاا مثل الحمار تتبعهاا
و خوله و شما بعد سارو الغرف
و زايد سار الغرفه عسب يرتااح طبعا وصلو الفليل رقدو الين اليوم الثااني
بس خوالي و شمو طمنو اهلهم و خوالي طرشت مسج لماايد و رقدت على طوول من التعب اليوم الثااني تلفون الغرفه يرن
خوله : الو
زاايد : صبااح الخير بسكم نووم نشو
خوله : انشالله الحين بنش
زايد : نشو و تعالو تحت تريقو نتريااكم
خوله : انشالله ( و رجعت رقدت )
شما : خوله منو ع الفون
خوله : زاايد يقول لبسو و نزلو تحت تريقو
شما : عيل بسير اسبح
خوله : سيري
( و سبحو و تلبسو و نزلو صح ترى البنات ما لبسو عبي يوم سافرو )

في المطعم كل وحده حطت لها ريوق من البوفي و ساارت شمااني اتيب لهااا عصير برتقال فرش و هي رااجعه بتيلس جواهر مدت ريولها و اتخرطفت شما و انصب العصير ع عليااا
شماا : اوب سوري

كااااااااااااااااااااااااااااااااااااااااااااااااا اااااااااااااااااااااااااااااا ااااااااااااااااااااااات
تتوقعون شو بتسوي عليا في شماا
و شو دور جوااهر في القصه .. ؟!
و منو محمد هذاا و.. ؟! و شو يصير لهاا ..؟!
اتريوني في البارت الساابع


__________________________________________________ __________




( البارت السابع )
في المطعم كل وحده حطت لها ريوق من البوفي و ساارت شمااني اتيب لهااا عصير برتقال فرش و هي رااجعه بتيلس جواهر مدت ريولها و اتخرطفت شما و انصب العصير ع عليااا
شماا : اوب سوري
عليا : سوري وين اصرفهاا هذي انتي شو من البشر عميه ما تجوفين
شما و هي شوي تصيح : اسفه عليا و الله تخرطفت
قامت عليا بتعطيها كف و مسكها زاايد
زايد : عليا بنت عمي مب رخيصه فهمتي اذا مديتي ايدج اكسرها لج فهمتي
عليا : نعم ماسمعت انا يايبه البنات عسب بشااكير لرواضي مب يضايجوني فهمت
زايد عطاها كف : جب و لا كلمه انتي البشكاره عندهم فهمتي
( و كل الي في الفندق يجوفونهم و منصدمين تراهم فرنسيني مب فاهمين شي و عليا سارت فوق و معاها قلصها جواهر)
شما و تحاول تمسك عمرها عسب لا تصيح : انا سوري زاايد مب قصدي ( هني انهارت شمو من الصياح و خوالي تهديها )
زايد : افا شماني و الله ما تستاهل دمعتج و الله
شلت شما عمرها و سارت فوق
خواله : زايد الغالي انا بسير عند شماني عسب اجوفها و سروي ع الي صااار
زايد : فديتكم محد يتأسف الغلطاانه عليا مب انتو

( و طبعاً الكل سار غرفته و نسير شوي عند قوم ميود و احمد و ماانع )

( في البحر )

مايد : و الله تولهت ع الحب
احمد : مي 2
مانع : شو راايكم نسير عندهم نسوي لهم مفاجأه
مايد و احمد : فديتكم منوع بو الافكاار امشو نحجز يالله
( ما يتعطلون على طول يسيرون يحجزون لا تنسون بيسيرون عسب الحب هع هع و سارو حجزو و انشالله السفر باجر ماشاءالله سريع حجزو )
و عند شما و خوله

شما : خوالي ابا ارجع البلاااد
خوله : شو ليش ترجعين انتي هبله
شما : نحن ياين نغير شو مب نضايج و نصيح و نخلي زايد و حرمته يضاربون
خوله : و الله علياء هي الي بدت انتي مالج دخل صح ول لاا
شما : ممم بس و الله جواهر خرطفتني مب انا
خوله : صح نسيت اخبرج في المطار سمعت جواهر ترمس واحد اسمه محمد
شما : خليها تولي ما احب طاااريهاا

و الساعه 1 كل ابطال القصه رقدو
اليوم الي بعده الساعه 5 العصر ستعدو الشباب عسب السفر
و طبعاً و صلو المطاار و في المطار خلصو كل الاجرائات و ركبو الطياره
و طرش مايد لخوالي مسج
( حبي الحين المفجأه بصير )
خوله
( شو المفجأه )
مايد
( يقولون مفجأه)
خوله
( حراام بليز خبرني )
مايد
( خلاص باجر بخبرج )
خوله
( اوكي انا بسير ارقد باي )
مايد
( اوكي تحملي ع عمرج )

( و غلق فونه و ركب الطيااره و خوالي تفكر شو المفجأه )
و اليوم الي بعده و صلو الشبااب و خبرو زايد و سارو الفندق
و يلسو يتريقون مع زاايد شوي نزلت شما منصدمه من الي اجوفه
احمد من بعيد شاق الحلج هه و شما و متوتره و تخاف يطيح الصحن من ايدها
و صلت داام الطااوله هني شمااا ربعت في حضن ماايد
و يلست تصيح و تصيح و ماايد يبااا يسكتها وهو مب عارف السالفه
و مستغرب احمد من حالهاا و ليش تصيح هني زاايد اضايج
زايد : يا شما و الله ما يستااهل و الله
مايد : ليش شو السالفه
زايد : البارحه اضاربت مع علياء
مايد : لاحول فديتج و الله ما يستااهل تصيحين عسبهاا
احمد : و الله لا اراويج فيها الخاايسه هذي
مايد : شمو وين خوالي
( هني الكل نقع من الضحك عليه ههه )
و شوي ول خوالي يايه من هناك محرجه و تتحرطم
خوله : انتو شو تنزلو و لا تخبروني و الله يخصكم خليتوني رااقده جوفو منو بيسافر معااكم و فجأه تنصدم ان ماايد معاهم ياالسه و طبعاً الكل ميت ضحك عليها
خوله : ميود متى وصلت و ليش ماخبرتني شو المفاجئه ؟
ميود ف خآطره بل مايسوى علي: توني هذي هي المفجأه هع
خوله : زين والله يلا خلونآ نطلع بس لآتيبون عيلو واختهآ
عليا سمعت يوم خوآلي تقول جي : اصلن منو قال نحن نبي انسيير وياكم
خوله : احسن بعد توفرون مكاان
عليا يت صفعت خوآلي : جب
خوآلي مآرامت تيود عمرهآ : انهآرت من الصيآآح
ميآيد : اي انتي ليش تمدين ايدج عليها
عليا : وانت شو يخصك ؟
طبعا خوله مارامت من كثر ماتصييح آغمى عليهآ
احمد : خوآلي فدييتج ردي عليي
شما : يالخايسه شو سويتي بهاا
زايد طبعآ مايرضى ع اختى : صفع عليا
جوآهر ياي من فوق : انت اي ليش اتمد ايدك ع اختي
زايد : حرمتي و بكيفي
عليا و هيه منهآره من الصياح سارت فوق وطبعا قلصها جواهر و راها
نرجع لـ خوآلي
احمد مب عارف شو يسوي : مايد و هزاع سيريو وقفو تكسي
طبعآ شمآ ميتا من الصياح و زايد يهديها
هزاع ومايد وقفو تكسي وركبو خوآلي وشما و ركبو الشباب بـ تكسي ثاني و في المستشفى الحمدالله اطمنو ع خوله و مابلاها اغمى عليها و رجعت الفندق
و الصدمه الحين اخليكم مع الصدمه هع
زايد : انتي اي شو تسوين تحت مع اغرااضج
عليا : اقول مالك دخل انا رمست الواالد و الحين بنرجع انا و اختي فهمت
زايد : اقول انتي حرمتيه و مب ع كيفج تمشين رمستج عليه فهمتي ول لااا
( و طبعا عليا ميته قهر من اسلوبه و بس تحااول تسوي طااف و الحين نسير لجواهر في الكوفي و بتعرفون قصة محمد الحين )
شما : شو تبين تشربين
خوله : ابا ممم موكا
شما : انزين بنيلس هني مابنسير فوق اوكي
خوله : اكيد عسب نطمش ع النااس ( مب جنها توها راجعه من المستشفى هع هع و سارت يابت شما الطلب و هي تطلب
شما : excuse i need two moka
... : ok
شما يلست تتريا الطلب ع طرف
(1) : الحلو عطنا ويه
(2) : شو القمر هذا من وين
(3) : شت يطيح الطير من السمااا

شما في خاطرها : افف شو هذول ما يستحون
( 1) : يا قمر ممكن الرقم
شما : انت شو ما تستحي ع ويهك ممكن تجلب فيسك
(2) : هو يجلب فيسه انا عطيني الرقم غلايه
شما : اذا ما سرتو و الله اتصل لخويه اخليه يأدبكم
و فجأه يا وااحد
.... : انتو ما تستحون تغازلون البنت حتى في البلاد الغرب مب سالمين منكم بنات بلادكم استحو ع ويهكم شوي انتو شو ترضونها ع خواتكم يالله جلبو فيسكم و مابا اجوفكم مره ثااانيه و اذا جفتكم و الله لا اقطعكم فهمتو :@ و فجأه ما جافت شما الى غباار الشباب الثلاث
شما : تسلم اخويه
......... : ربي يسلمج سمحيلي تدخلت
شما : لا اخويه مسموحه اصلا لو ما تدخلت جان تماادو الشباب
... : يالله الغاليه استأذن و هذا كرتي اذا بغيتي شي اتصلي
شما : انشالله و سحبت الكرت و خذت الموكااا و سارت عند خوله
خوله : شحقه تأخرتي
و طبعاً شمااا خبرت خوله كل شي
خوله : مم شو بسوين في الكرت
شما : بخليه عندي يعني شو بسوي
خوله : اذا جافج مايد ول احمد بيلعنونج فهمتي
شما : هذا الشي راجع لي هم ماله دخل و قامت من عند خوله
خوله : الله يعطيج عقل خوفي حبيتيه
شما : جب مالج دخل

و تمت شماا بروحها تشرب الموكا و فجأه جاافت و حده تعرفهاا يالسه مع وااحد ياسبحان مغير الاحوال ماتوقعتج جذه يا ...............


كااااااااااااااااااااااااااااااااااااااااااااااااا ااااااااااااااااااااااااااات
توقعون منو الي كانت يالسه ..؟!
و منو ها محمد ول الشخصيه اليديده ..؟!
و شو سالفه الشخصيه اليديده ..؟!
انشالله برجع لكم مع البارت الثامن
اتريوني

( البارت الثامن )




و تمت خوله بروحها تشرب الموكا و فجأه جاافت و حده تعرفهاا يالسه مع وااحد ياسبحان مغير الاحوال ماتوقعتج جذه يا جوااهر كنت اتحرى محمد يصير لج طلع محمد هني الله يخسج مالومج منو اختج عليا و فجأه اجوف واحد ياي صوب جواهر و شكله محرج خوله في خاطرها ( اوي منو هذاا الحين بيصفعهاا بس تعرفون جاايفته مكاان مشبه عليه ممم ماعرف منو تذكري ياخوله منو منو يااربي )


.... : جواااهر يا قليلت الادب انتي ما تستحين


جواهر : انت شو يااابك هاا


... : انا الي يابني ياابج صدق انج قليلت الادب و التربيه بس صدق يوم ختيه ما عرفت تربيج


( خوله في خاطرها هذا خالي آآه حرام عليك يا يدي حرمتنا من خوالي عسب امايه خذت ابويه حرام عليك )


جواهر : انت جب مالك دخل اوكي


ذياب : انا تقولين لي جب و الله لا اربيج من اول و يديد الغلط مب عليج ع الي مخلتنج مع الخاايس هذاا


محمد : لو سمحت احشم عمرك فهمت


ذياب : احشم عمري شحقه اسكت و اجوف بنت اختي مع واااحد غريب


جواهر : اي غريب اي بطيخ انتو كرهتو الكل فينا فرقتو من بينا و من بين بيت خالو عوشه انتو شو ما تحسون حرام عليك ياخالي انت اكثر واحد كنت معاارض كنت اعز خوالي بنت خالو بس انت كرهتني فيهاا و ماخليتنا نطيج بيت خالو و لو مب زايد جان نحن ما نعرف عنهم شي و تبا اطلق اختي و عندها بنت انتو ما تحسون ول شو حراام عليكم ياخي رحمونا كرهتو زاايد في ختيه و السبه انتو حبيت اخبرك ترى محمد خطيبي و نحن بنملج الاسبوع الياي عسب جذه يالسه معاه و وااثقه من عمري لو كنت تعرف عناا ماتصرفت جذه طحت من عيني ياااخالي ( هني جوااهر نهااارت من الصيااح و ربعت خوالي صوبها و حضنتهااا و يلسو يصيحون )


و طبعاً الخال منصدم و منو هذي الي حضنت جواهر معقوله هذي خوله بنت عوشه معقوله و الله كبرتي يا خوله و صرتي حلوه مثل امج يالله يسامحك ابويه


(( الحين طبعاً انتو مستغربين ان خال مايعرف عن خواته شي انا بخبركم سالفتهم ام زايد يوم خذت بو زايد ابوها حلف انه مايرمسها و قطع اخواانها عنها ويوم زايد خذى عليا اصرو انهم مايرمسون قوم ام عليا عسب خذت ولد عوشه و محد الضحيه غير زايد و عليا و روااضي جفتو كيف خالها و مايعرف عنها شي و لا يحرج عليها يدام خلق الله كلهم بس الله يسامحك يا بو ذياااب ))




و طبعاً خوالي شلت جواهر عسب تهديهاا شوي من الي صار


خوله في خاطرها ( هذا خالي ذياب هذا خالي بس ليش جذه يسوي ليش )


و سارت الغرفه و يلست تهدي جواهر هي و شما و مر اليوم ع خير و رقدت جواهر مع البنات طبعاً رجعو بسرعه ماكملو فرحتهم عسب سالفه عليا و شما محد يبا يتم الكل كااره عمره هع هع




يوم الجمعه رجعوا من السفر في المطار سارت العائله كلها تستقبلهم و الكل اتيمع في بيت اليد يوم السبت ماشي احداث الكل الي راجعين من السفر راقدين الين المغرب




يوم الاحد في بيت بو زايد


خوله : اماايه يوعانه متى الغدى


ام زايد : يوم بيرجع ابوج


خوله : انا يوعاانه افف تأخروا


ام زايد : مافيج صبر الحين بيون افف


خوله : فديت الي حرجو انا تؤتؤتؤ كل و لا الوااالده


ام زايد : يالله جب انا مب شرات ابوج ارضى بكم كلمه


خوله : هههههههه فديت ابويه انا


و شوي و وصل ابوهم و زايد و احمد >> مسكين يودونه يدربونه ع الشغل


خوله : مرحبا ملاين و لا يسدن


بو زايد : مرااحب غلايه مرااحب


خوله : شحالك حبيب قلبي


بو زايد : ناوي تموتيني اليوم بكلامج العسل


خوله : بسم الله عليك غلايه انا من بعدك بمووت


ام زايد : بس عاد شو الكلام هذا بسم الله عليكم


احمد : الحين بصيح اماايه


الكل قام يضحك




و سارو تغدو و بعد ماخلصو يلسو يشربون شاي


خوله : امايه عادي اسئلج سؤال


ام زايد : تفضلي يا بعد قلبي سئلي


خوله : نحن عندناا خاال اسمه ذيااب


هني ام زاايد تغير ويها الان عيالها مايعرفون شي عن اهل امهم غير قوم عليا


ام زايد و دموعها في عينها : هي يا خوله عندج خال اسمه ذياب


بو زايد : منو خبرج يا خوله


( و قالت لهم خوله السالفه كلهااا و عن ملجه جواهر و شو صاار و الكل انصدم طبعاً )


ام زايد : فديتك ياخويه دوم مستعيل ( و يلست اصيح )


بو زايد : لاحول يا بنت الناس شحقه تصيحين


احمد : الغاليه ليش اصيحين


زايد : افا عليج الغاليه نحن اهلج و ناسج و لا اصيحين


خوله نشت و حضنت امها و يلست تصيح معاها


خوله : سوري الغاليه مب قصدي ازعلج و الله لو اعرف ان بصيحج السالفه هذي جان ما طريتها بس الغاليه سكتي قطعتي قلبي دموعج غاليه ( و يلست تصيح )


ام زايد : بس خوله لا تصيحين و لا تقطعين خوالج حاولي ادقين لهم و تسئلين عنهم


خوله : انزين انا كم خاله عندي و كم خال


ام زايد : نحن كنا ولدين و 3 بناات


خوله : شو اسمائهم و شو اسماء عيالهم


احمد : هي امايه خبرينا عن قوم خوالي بس بدون صيااح بليز


( الكل قاام يضحك )


ام زايد : اخوالج اثنين الاكبر ذيااب و بعدين سلطان و البنات انا و بعدين فاطمه و بعدين ريم


ذياب عنده ولد واحد بس اما سلطاان فهو اصغر من مبارك ولد عمج بسنه و خالتج فاطمه تعرفون عنها اماا ريم اصغر من سلطان بسنه و هي حبوبه واايد و يوم قوم يدج تركني و ماسئل عندي بعد ماخذت ابوج كانت ريم دوم اصيح و ادق و كانو يضربونهااا عسب ادق لي و كااانت تقطع قلبي الاني انا ربيتها بعد الوالده و ربيت سلطاان بعد يالله الله عوضني فيكم


خوله : خاطري اتعرف ع خالو ريم


زايد : افا عليج انا بيب لج رقمهاا


خوله : و الله


زايد : هي كم خوله عندناا نحن


خوله قامت و باسته ع راسه : شكراً فديتك





الحين نسير عند بيت بو مباارك




ام مبارك : مبارك يما مب ناوي تعرس


مبارك : يما توني ع العرس مب مستعيل


ام مبارك : ياولدي ابا اعرسك و اجوف عيالك قبل وفاتي


مبارك : يعل يومي قبل يومج بسم الله عليج من الموت


ام مبارك : ابا اعرسك و اعرس اخوك و اختك قبل لا اموت


مايد : افا عليج انا من باجر بعرس شو تبين بعد هههه


ام مبارك : انت مستعيل ليش


مايد : اماايه احبها و الله احبهاا خطبولي يااهاا


بو مبارك : خل اخوك يعرس اول بعدين انت


مايد : افف تعبت من الجمله هذي خل اخوك اول خل اخوك اول انا مب مشكلتي اذا هو ما يبا يعرس انا شو ذنبي يا مبارك عرس فكني و الله احبهاا تعبت افف


بو مبااارك : مايد لا ترفع صوتك و شو الكلام هذا


مابد : اووه اقول انا بخلي لكم البيت و يوم تفكرون تخطبون لي خوالي برجع البيت مالي قعده في البيت هذا دام كل اهتماامكم لمباارك بس


( و شل مايد فونه و سويجه و طلع برع البيت و رقع الباااب )


ام مبارك : ولدي طلع اخاف يسوي بعمره شي الحقه مبارك بو مبارك اتصرفو سيرو ورى الولد


بو مبارك : خلو محد يسير كم بدلعين ولدج منقود يعرس قبل اخوه الكبير منقود شو تبين العرب يقولون عنا


ام مبارك : اذا صار في ولدي شي ما بساامح عمري آآه ياربي سامحني


( طلع مبارك و بو مبارك سار فوق و ام مباارك و شما في الصاله يتريون ماايد يرجع )


الحين نسير لماايد


مايد و هو ع البحر و لا يرد ع تلفونات البيت و لا مسجاات شما ولاا شي


طرش لخوله مسج



مدري ادين الوقت والا ادينك

ودي اشتكي له مدري اشكيه بعتاب
ودي اطيح من التعب في يدينك
اصبحت اشوف الناس من حولي اغراب




و بعدين غلق فونه و تمت خوله تتصل و لارد عليها و سارت اتصلت ع فون بيتهم


خوله : الو السلام عليكم


شما و هي تصيح : و عليكم السلام


خوله : شماني بلاج ليش اصيحين ( اهني خوله قلبها قام يعورها و حست ان مايد فيه شي )


شما : مايد اضارب مع ابويه و ظهر من البيت و مارجع


خوله : شو ظهر و ماارجع


شما : هي ياخوله ظهر و مارجع


خوله : شما بخبرج شي بس مب وقت العتاب مايد طرش لي مسج


شما : شو كيف طرش لج و من وين له رقمج


خوله : مب وقته بعدين بفهمج


شما : دخيلج شو طرش


خوله :



مدري ادين الوقت والا ادينك

ودي اشتكي له مدري اشكيه بعتاب
ودي اطيح من التعب في يدينك
اصبحت اشوف الناس من حولي اغراب




شما يلست اصيح ع المسج : فديتك ياخويه فديتك آه مسج يقطع القلب


خوله : ليش اضاارب


( شما خبرت خوله السالفه كلها و خوله يلست تصيح صياااح و سكرت من شما و عقت عمرها ع سريرهاا و هي تصيح صيااح يقطع القلب )




دق دق دق دق


و بنفس الوقت رن فونهاا




كاااااااااااااااااااااااااااااااااااااااااااات



تتوقعوون منو يدق البااب ..؟!



و منو دق لها الحين بلوقت هذا ..؟!



اتريوني في البارت التااسع