عنوان الموضوع : لا قادرة أتكلم ولا أكتب بس(بنتى ماتت)
مقدم من طرف منتديات نساء الجزائر

لا قادرة أتكلم ولا أكتب بس(بنتى ماتت)






السلام عليكم اخواتى الغاليات على قلبى القصة منقولة ترويها صحبتها مانى الا ناقلة


السلام عليكم
انا مش عارفه اكتب ايه ولا أقول آيه بس اعذرونى لو كلامى متلخبط انا بنتى لسه ميته واحنا هنا فى الغربه لوحدنا

ماتت يوم الاحد 19/10 لسه الصدمه كبيره عليا اوى ماتت حبيبتى وقلبى وحياتى وروحى فجأة وهيا بتلعب


يعنى عندها باليوم سنه وسبع شهور و16 يوم

يعنى لسه بترضع لسه بيبى حبيبى نونو صغير ملحقتش أفرح بيها كانت ذكيه أوى ياقلبى

كل مين يشوفها لازم يحسدها جمال وذكاء وكلام وحيويه

والكل كان يحبها ويموت عليها حتى الاطفال يحبوها والكل يبقى عاوز يلعب معاها


وجيت وهيا عندها سنه وشهر تقريبا عرفت انى حامل

ياخبر لما عرفت كنت مذهوله وأقول للدكتور عيد تانى انا لسه بنتى صغيره وبترضع وعاد الدكتور تانى التحليل نفس النتيجة

وقفت مش عارفه أتصرف طيب يمنى هعمل فيها ايه وهربيهم آزاى كل همى كان على بنتى وزعلت كمان انا كدا حياتى وقفت احنا هنرجع تانى لجوزى
وكنت مخططه انى يمنى هتكبر بقى وهتروح حضانه وأشتغل

حسيت الحمل دا وقف حياتى بس ربى يشهد انى مكنتش ساخطة ولا اى شىء لا عادى احيانا الغربه بتخنقك وزى كتير الشيطان يلعب بدماغى واحس انى عمرى ما هخرج ابدا وهبقى خلاص انتهيت على اد بس تريبه ولادى واكل وشرب وعمرى ماهطلع من البيت

بس كنت بحاسب نفسى وأقول انا أحسن من غيرى كتير ان ربنا رزاقنى وغير بيتمنى وأفضل أدعى لاى واحده تقول أدعولى من قلبى بجد
لما اشوف ضحكتها اقول يارب ماتحرم حد ولا لما تعيط برضو أدعيلهم وأقول يجربوا

بنتى كانت بتفضل تبوس فى بطنى وتقولى نونو ماما ألعب كوره شوط

وتفضل تشاور على بطنها وتقول نونو بتنى (بطنى يعنى )

وكانت نفسها تلعب مع النونو اوى يومها برضو باست بطنى بس المرداى قالتلى شيله نونو بوس


واهىء راحت حبيبتى ومش هشوفها تانى ولا حتى هسمع صوتها ولاعياطها ولا اى شىء

يعنى الزعلانه على الحمل متعرفيش حكمة ربنا فين

متعرفيش هو بعتلك الحمل تانى ليه انا كنت شايله هم بنتى لسه بيبى والجاى كمان عاوز رعايه وانا هعمل ايه لوحدى بيهم فى الغربه


واهىء راحت كنت شايله هم ولادتى بس عشان يمنى

هتتبهدل حبيبتى وقتها ولونزلت مصر مش متعوده على حد


بالله عليكم كل واحده كاتبه موضوع عن انها زعلانه بسبب كدا تستغفر وتوب لربنا وتفرح وتشكر ربنا



انا بنتى خلاص مش هشوفها تانى واهىء بنتى التانيه الجايه وبرضو مش عارفه هربيها آزاى وانا لسه بصدمتى


سيبى كل شىء لله


وانا لله وانا اليه راجعون ربنا يرحمها ويجعلها شفيعة لكى ربى يربط على قلبك ويرزقك الصبر والسلوان ويسعدك سعادة الدارين ويقر عينك برؤية جنينك ويجعل مثواكى الفردوس الاعلى اللهم امين اللهم بلغت اللهم فاشهد على ما اقول

>>>>> ردود الأعضـــــــــــــــــــاء على الموضوع <<<<<
==================================


جزاك الله الجنه

فعلا مؤثره


__________________________________________________ __________

اللهم لا اعتراض


__________________________________________________ __________

اللهم لـآ اعتِــرآضْ
بَـآرَكَ الله فِـيـككـِ

ودِي


__________________________________________________ __________

قلبي وجعني الله يصبرها ام يمنى تسلمي يا نفوسة


__________________________________________________ __________

الحمد الله على كل حال يا رب