عنوان الموضوع : كدت ان اتسبب في طلاق اختي قصة حقيقية
مقدم من طرف منتديات نساء الجزائر

كدت ان اتسبب في طلاق اختي






بنات السالفه هذي مو لي لوحده تحكـيهاااآ
انا من عائله متحفظه ابوي من النوع المتعصب اللي كل شي عنده عيب ومايصير ..ومن ضمن التحفظ هو اننا مانسافر خارج المملكه لو ايش ..كل سفرياتنا داخليه ..واخواتي ماسافرو للخارج الابعد ماتزوجو واخواني عادي بس حنا البنات لااااا.
المهم حاولنا مع ابوي مراراً وتكراراً مااافيه امل خلاص.
اخوي الكبير مرره راحمني وخاصه ان كل صديقاتي يسافرن برى الا انا .
المهم قال وش رايك اطلعك للبحرين تشوفين سنيماء وترجعين ولا احد يدري والبحرين قريبه ومنها انك طلعتي ..
قلت ايه ايه ايه خلاص 😭 
وانا لا بطاقة احوال ولا جواز 💔 ..اخذ اخوي موعد عشان نطلع جواز ..يوم جاء الموعد بعد كم اسبوع، تفاجئنا بنظام الجوزات وهو ان ولي الامر فقط الي يقدر يطلع لي جواز..يعني انا واخوي مانقدر لازم ابوي 😢 ..حاولنا يمين يسار منا ولا منا مافيه امل، طيب بطاقة الاحوال ياجماعة برضو لازم ابوي.. لازم ولي الامر ماينفع احد ثاني 
وياجماعه تكفون ابوي مسافر ابوي مريض ابوي مختفي مااافيه امل 😭 وخلاص ضاقت بي الدنيا . ورحت لأبوي ..قلت ابي بطاقه احوال على الاقل ومن ذا الكلام ورفض بغى يموت، صورتك وعيب ياقليلة الأدب ...الخ.
وخلاص ضاقت بي الدنيا وفقد الامل واخوي مررره متعاطف معي .
المهم بعد فتره وانا في غرفتي مستعده بطلع للاستراحه قلت بلبس ساعة اختي اللي اكبر مني وهي متزوجه ومخليه اغراضها عندي ورايحه للحج مع عمي. و زوج اختي له كم شهر على الحدود ...واختي حاطه عندي ذهبها واغراضها المهمه ..وانا ادور الساعه لقيت بين الاغراض شي اخضر يلمع ويبرق مثل الذهب😯  لقيت جواااز اختي دفتر يجنن اوراقه تسهلب سهلبه😢 احس فيه نور واشعه يطلع من الجواز 😢
وانا واختي نتشابه شوي ..اصلاً صورت اختي في الجواز ماكأنها هي .
قلت لخوي هااا وش رايك اخذ جوازها وندخل فيه للبحرين نتمشى شوي ولامن شاف ولا من درا .
وطبعاً ما استأذنت من اختي لان اختي وعارفتها بتقول لااااااع وبتهزأني اني مجرد فكرت كذا 😒
وضبطنا الوضع والخطه هي ان اخوي على اساس يوديني لخالت امي في القويعيه يوم ويرجعني ومتعودين نروح لها ولايسألون اهلي وصلنا ولا ماوصلنا . وان عاد نكملها للبحرين واذا طلعنا من البحرين نروح لخالتي .. .مشت الخطه صح 
بس اللي ماحسبنا حسابه هي الرساله اللي تنرسل من الجوزات ل ولي الامر 😦 ..يعني انرسلت لزوج اختي😭 😭😭
وقامت قيامته على باله اختي ماحجت وطالعه من وراه للبحرين 😣
ويدق عليها مقفله جوالها المسكينه، ويدق على اهلي وهو مره معصب وكيف تتجرى ومن طالعه معه واهلي مصدومين وصارت مشكله وصلت للطلاق . ..واختي تتعبد ربها ماتدري وانا واخوي ناكل فشار في السينما 😊 مجادلات ونقاشات ويكلمون على عمي مايرد ويكلمون على مرت عمي يسألونها عن اختي وتقول مادري الحمله مليانه وكم سياره ولا ادري من معنا ومن ما معنا ..وكثرت المكالمات يبون يوصلون لختي وانتشرت السالفه وكبر الموضوع ..ومع عصر التكنلوجيا السريع والبزرنوجيا يعني الاجهزه مع البزارين انبث الخبر لكل العائله وبدو الحريم يتكلمون في اختي ..وبعد مرور ساعات طويله وصلت اختي وكلمت زوجها واكدت له انها في مكه وانحلت المشكله مع زوجها..وطلعنا من البحرين ونمت عند خالت امي لليله مو لليله بعد يمكن كم ساعه بس يعني تسجيل دخول 😁 .. ورجعنا من بكره متشققين من الفرحه واحلى مغامره في حياتي . بس ربي ستر ماراحت اختي فيها 🙈 والحين مرت سنه ولا احد يدري انتظر بس اعرس واعلمهم
[/COLOR]

>>>>> ردود الأعضـــــــــــــــــــاء على الموضوع <<<<<
==================================


هههههههه انتي مغامرة خطيرة الحمد لله عدت على خير


__________________________________________________ __________

المشاركة الأصلية كتبت بواسطة همسات ليلية
هههههههه انتي مغامرة خطيرة الحمد لله عدت على خير

هلا غاليتي ههههههههه لا حبيبتي مو انا هذي وحده تحكي سالفتها وانا نقلتها هنااا مششكوره ي عسسل ع المررور


__________________________________________________ __________

والله مخاطرة قوية


__________________________________________________ __________

ههههههههههههه وربي خطيرة انتي
بس احمدي ربك وآختك ماصار بيناتهم شيئ هي وزوجها


__________________________________________________ __________

السلام عليكم الحمد لله ربنا سترها بس مو كل مرة تسلم الجرة بارك الله فيكى اخيتنا الغالية وحيا الله قلمك بدنا ياكى دايم بالقسم تمتعينا بقصص هادفة ربى يسعدك سعادة الدارين ويوفقك الى ما يحب ويرضا وجزاكى عنا خير الجزاء لا حرمنا منك ولا من علمك ونفع بك الاسلام والمسلمين ربى يجعل مثواكى الفردوس الاعلى تقبلى مرورى اختى الفاضلة محبتك فى الله ام حفصة ان شاء الله