حكايتى مع أم بسمه والبنت بتاعت جنوب افريقيا ... قصة حقيقية
عنوان الموضوع : حكايتى مع أم بسمه والبنت بتاعت جنوب افريقيا ... قصة حقيقية
مقدم من طرف منتديات نساء الجزائر
حكايتى مع أم بسمه والبنت بتاعت جنوب افريقيا ...
السلام عليكم اخواتى الغاليات على قلبى القصة منقولة ترويها صحبتها مانى الا ناقلة
السلام عليكم ورحمه الله وبركاته
اسمعوا يا بنات الى حصلى،،
رمضان الى قبل الى فات
ربنا كرمنى انا وجوزى وقلنا نروح نعمل عمره
وبصراحه كنت محتاجالها جداااا
محتاجه اتخلص من كل ادوارى الدنيويه
" كأم و كزوجه وكأبنه و كأخت "
والتزم بدور واحد
" اكون مسلمه فقط "
وكانت الرحله كالتالى ،،
5 ايام بالمدينه المنوره ،،
و 7 ايام بمكه ،،
وصلت المدينه المنوره
وكنت فى صراع مع الوقت انى اختم مره
فى المدينه ومره فى مكه
فكنت ابعد عن الجروب " منعا من لت وعجن الستات "
واشوف اى عمود فى الحرم
اركن عليه معايا المصحف
وافصل عن الدنيا بما فيها ،،،
والشيطان للاسف شاطر
وانا فى قمه تركيزى سمعت كلمه اسكندريه
اممممممم
قلت يابت ركزى مش وقت حكايات مشبعتيش
وركزت بس المره دى لم اقاوم
الاصوات المصريه تتكلم
وببص لقيت
جنبى 5 ستات حوالين واحده ست
وشها ملائكى مبتسم وانسانه بسيطه
واسمها ام بسمه
" تعلمت اول درس فى الرحله على ايدها "
كانت بتحكى للستات حكايتها
انها تزوجت من رجل وانجبت اول طفله ،،
وهو كان عايز ولد ،، فحملت تانى
وقال لها جوزها لو مجبتيش الولد تبقى طالق بالتلاته
وبالفعل جابت بنت تانيه وطلقها واختفى
وبعدها بسنه كده
عرفت من ام طليقها انه تزوج باخرى
وربنا رزقه ب 4 بنات تؤام
انا وكل الستات الى حوالين ام بسمه
اتفتحنا فى العياط
من قدره الله عز وجل
يابن آدم إن لم ترض بما قسمت لك فبعزتي وجلالي لأُسلطن عليك الدنيا
تانى درس اخدته بس كان درس محترم
نفس الحكايه بس لما رحت مكه
اخدت المصحف فى ايدى وركنت ظهرى
على عمود من اعمده الحرم المكى
واستغرقت فى القراءه
ومره واحده
اسمع صوت ،،، اقسم بالله
مسمعتش فى حياتى من جماله
التفت لقيت بنت شديده السمار
شفتيها غليظه جدا
" واضح انها من دول جنوب افريقيا "
تقراء القرأن الكريم بصوت رائع
وبالتجويد ،،،
اعدت اختلس النظر اليها
فاخدت بالها وابتسمت ليا
فانا قلتلها مشاء الله صوتك رائع
فاعتذرت انها لا تتكلم اللغه العربيه
بصراحه انا ذُهلت
وتكلمنا باللغه الانجليزيه
سألها ازى مبتتكلميش عربى
وبتقرئى القرأن و بالتجويد كمان
قالتلى انها بتقطع مسافه طويله فى بلدها
علشان مفيش غير مركز واحد لتعليم القرأن والتجويد
وبتدفع الاف من الدولارات
قلتلها طيب انتى فاهمه القرأن
طلعتلى تفسير القرأن باللغه الانجليزيه
وبعدها
طلبت مساعدتى فى معرفه شىء فى احكام التجويد
فاعتذرت بأنى معرفش
فبصتلى مستنكره جدااااااا
وسألتنى سؤال فى مقتل
ازى لغه بلدك اللغه العربيه
ومش حافظه القرأن بالكامل و بالتجويد
اقسم بالله العبايه الى كنت لابسها
بالرغم من انى كنت بتكعبل فيها من طولها
الا انى حسيتها قصيره وانى عريانه
بجد ليه ربنا كرمنا بنعم كثيره
واحنا مستهترين بيها ..؟
"وإن تعدوا نعمة الله لا تحصوها إن الإنسان لظلوم كفار"
وعقدت النيه انى لما ارجع مصر
هبدأ وبالفعل والحمد لله
ربنا يسعدكم جميعا سعادة الدارين ويوفقك الى ما يحب ويرضا ويجعل مثواكم جميعا الفردوس الاعلى اللهم امين اللهم بلغت اللهم فاشهد على ما اقول
>>>>> ردود الأعضـــــــــــــــــــاء على الموضوع <<<<<
==================================
قصة رائعة اسال الله ان يهدينا
جزاك الله خيرا اختي ام حفصة ان شاء الله
__________________________________________________ __________
قصة رائعة
شكراً للطرح
__________________________________________________ __________
و اللهِ يا حبيبتى إننى أشعر بالضآلة
عندما أقرأ أو أسمع عن أحدهم رجالاً أو نساءاً
من غير العرب خاصة و غالباً يكونوا حديثى الإسلام
و يجتهدون فى حفظ القرآن بطريقة صحيحة
و تعلم اللغة العربية و كذلك أغلبهم يصبحون دعاة
للإسلام و يسعون للقيام بأعمال عظيمة للإسلام و المسلمين و لغير المسلمين
و أسأل نفسى دائماً ماذا قدمنا لديننا أو للآخرين ؟!!!
يــــــــــــارب أعنى أن أعمل كل ما تحب و ترضى
فى القريب العاجل و قبل خروجى من الدنيا
موضوعك رائع
أسعد الله قلبك
و جزاكى كل خير
و جعله فى ميزان حسناتك
ملحوظة : لا يجوز أن نقول الشيطان شاطر
لأنه عصى الله سبحانه و تعالى
فاعملى لها تعديل و احذفيها بارك الله فيكى
و أنا أعلم أن ذلك قول صاحبة القصة
__________________________________________________ __________
__________________________________________________ __________
رد مع اقتباس
