عنوان الموضوع : هو انتي لسة بتحبي تامر حسني؟؟؟تعالي اقري قصتى -قصة جميلة
مقدم من طرف منتديات نساء الجزائر

هو انتي لسة بتحبي تامر حسني؟؟؟تعالي اقري قصتى






السلام عليكم مانى الا ناقلة وترويها صاحبة الموضوع

اللهم صل وسلم وزد وبارك على نبينا محمد وعلى اله وصحبه وسلم
انا من الي بشوفو النهاردة ومن البنات بتصدم على حبهم للفنانين
بس لما اسرح واقول يا بت منتي كنتي زيهم وانيل منهم
انا النهاردة حبيت احكيلكم قصتي مع حبي لتامر حسني
انا كنت بنت زي كل البنات في عمر 12سنة سن المراهقة حبيت الفنان تامر حسني بجنون ومكنتش بصلي ولا بصوم
كنت محجبة بس وكنت حافظة كل اغانيه وعارفة مسيرة حياتو كلها وكنت بكره الي يكرهو وملابسي كلها فيها صورو
والبوسترات كنت بعلقها في كل مكان في غرفتي وكنت بعلقهم بالسقف ال ايه عشان لما بنمام يبقى هو اخر واحد تشوفو عنيا ههههههههههههههههههههه
اهلي كانو بيقولولي ربنا يهديكي كنت بجيب الالبوم بتاعو النسخة الاصلية بكذا مبلغ
واقعد احفظ فيه
لغاية ما فيوم من الايام نجحت اهلي جابولي نت وركبوه في البيت هدية نجاحي كنت اول موقع دخلتلو رابطة عشاق تامر حسني
وكنت بدخل للشات بتاعو واتعرف على شباب تيموريين وبنات وكنت بكلمهم لغاية ما في ليلة من الليالي
واحد نزل رابط على العام فتحتو كنت فاكراه اغنية لتامر حسني فتحتو لقيتو الشيخ محمد حسان ربنا يحفضو
كنت معرفوش خالص ولا اعرف اي شيخ خالص مالص بالص جالص
جيت اقفلو قولت ومالو يابت تعالي اسمعي بيقول ايه وكان بيتكلم عن الصلاة سمعت المحاضرة كلها قعدت اعيط
وقولت انا فين من ربنا فيــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــن؟؟؟؟
فضلت سهرانة الليل كله بسمع في الخطب بتاعتو وانا بسمع الخطب بتاعتو اذن الفجر رحت استحميت واتوضيت وصليت
تاني يوم كتبت في اليوتيوب الشيخ محمد حسان وسمعت الخطبة بتاعتو عن النقاب رحت للسوق واشتريت نقاب
في الاول اهلي رفضو بس بعدين لبستو ثالث يوم سمعت خطبه ليه عن الاغاني وان الرسول صلى الله عليه واله وسلم قال
ليكونن من امتي اقوام يستحلون الحر والحرير والخمر والمعازف
صدق رسول الله صلى الله عليه واله وسلم
وان ربنا قال بسم الله الرحمن الرحيم
ومن الناس من يشتري لهو الحديث ليضل عن سبيل الله بغير علم ويتخذها هزوا اولئك لهم عذاب مهين
صدق الله العلي العظيم
اتصدمت لما سمعت كده وقعدت اعيط رحت للغرفة بتاعتي وشقيت البوسترات من الحيط
وتاني يوم دهنتها لون بنفسجي
كسرت الالبومات بتاعتو
شقيت الهدوم الي عليها صورتو
ومسحت كل اغانيه
وبدأت اقرأ القران واختمه واحفظوا وابعتدت عن تامر حسني
بقيت بنت منقبة مسلمة بقوا يسموني في المدرسة الداعية الاسلامية
وبقيت اروح ندوات اسلامية القي فيها خطب واحلم بعائشة رضي الله عنها
ونسيت حياتي الزفت القرف الي كنت عايشة فيها
هاه انتي ايوة انتي لسة بتحبيه
متعرفيش ان الرسول صلى الله عليه واله وسلم قال يحشر المرء مع من احب
ها بتحفضي اغانيه ليه هتشفعلك يوم القيامة ولا ايه
متعرفيش ان الرسول صلى الله عليه واله وسلم قال اقرأوا القران فانه يأتي يوم القيامة شفيعا لاصحابه
احفضي القران احسن من الاغاني
شوفو حال شباب المسلمين وصل لفين
اللهم ثبتها على دينك وااشرح صدرها ويسر امرها واحفظها بحفظك واسعدها سعادة الدارين وارزقها من حيث لا تحتسب واجعل هذا الموضوع فى ميزان حسناتها ربى يجعل مثواها الفردوس الاعلى اللهم امين اللهم بلغت اللهم فاشهد على ما اقول

>>>>> ردود الأعضـــــــــــــــــــاء على الموضوع <<<<<
==================================


اللهم اهدنا وعافينا واعفو عنا
الحمدلله إن الله هداك لهذا وماكنت لتهتدي لولا ان هداك الله


__________________________________________________ __________

الحمدلله على الهدايه


__________________________________________________ __________

قصتك راااائعه حبيبتي
و الحمد لله على الهدايه ربنا يثبتك و يثبتنا ياااارب


__________________________________________________ __________

الحمد لله على الهداية


__________________________________________________ __________

ماشاءالله قصتك رائعه غاليتي فوفو
الله يثبتك ويحفظك
يعطيكِ العافيه