عنوان الموضوع : موقف من الحياة -قصة قصيرة
مقدم من طرف منتديات نساء الجزائر

موقف من الحياة






موقف من الحياة

أثناء ذهابي للعمل كان هناك رجل مرور يقف أخر منزل كوبري 6 اكتوبر ناحية البطل أحمد عبدالعزيز .. استغربت من الموقف لأني أول مرة أشوف حد واقف في المنطقة دي وفي الوقت ده بالذات (7 صباحا) .. ولما قربت منه لقيت معاه دفتر مخالفات وقاعد يسجل فيه أرقام سيارات عشوائية قادمة من ناحية كوبري الدقي .. قلت يمكن فعلا بياخد مخالفات حقيقية لناس مش لابسة الحزام ولا حاجة وأنا مش واخد بالي .. نزلت وقربت شوية لقيته بيكتب في الدفتر ويسجل غرامات فعلا عشوائي .. فضلت واقف مايقرب من 15 دقيقة وهو على هذا الحال يسجل مخالفات ومش باين للناس هو بيعمل ايه لأنه واقف خلف الموتوسيكل وخلف عمود في نهاية رصيف المنزل فماحدش بيلاحظه أصلا ... المشكلة إني أصلا كنت بحار وبفضح الناس اللي طامسين اللوح بتاعتهم وعاملهم ألبوم كامل ... وبختلف مع أي حد يقولي اطمس اللوح بتاعتك عشان الموضوع ده ... لكني بعتبر ده تهرب من المسئولية الجنائية أمام الله وأمام الناس وأمام المجتمع ... لكن اللي بيحصل ده مايرضيش ربنا ... أنا أخويا الصغير الطالب جايله مخالفات بـ 1000 جنيه على الموتوسيكل في وقت ماكانش أصلا الموتوسيكل بيتحرك فيه ولما عمل تظلم وحصل ظروف وماقدرش يحضر عشان بيأدي خدمته العسكرية زودوا له الغرامة لأعلى سقف وهو 3000 جنيه .. اللي هو أصلا ضعف تمن الموتوسيكل ... يرضي مين ده !!؟؟

يرضي مين إن الحكومة تسرق الفلوس من الشعب بالمنظر ده !! يرضي مين إن اللي نازل رايح شغله ياخد مخالفة مالوش ذنب فيها إلا إن الحكومة مش عارفة تسد عجزها منين !! يرضي مين إن موظف بيحاول يجتهد ويشتغل شغلتين عشان يقدر يغطي مصاريفه يفاجأ إن عليه غرامات بكام الف جنيه بسبب عسكري مرور ماعندوش ضمير زي ده وحكومة ماعندهاش مانع إنها تسرق قوت الشعب عشان تسد عجزها !! .... حسبنا الله ونعم الوكيل

منقول

>>>>> ردود الأعضـــــــــــــــــــاء على الموضوع <<<<<
==================================


لا حول ولا قوه الا بالله .
بصراحه شي لايصدق معقول في كذا الله يعين الناس .
والله مصدومه يعني ايش مفروض الي ينعمل دا ظلم وقهر كمان.
تسلمي اختي على توعيتنا بالي بيصير ببلداننا وبالاخير ارجع واقول
لا حول ولا قوه الا بالله ،انا بكره الظلم


__________________________________________________ __________

لا حول ولا قوة الا بالله


__________________________________________________ __________


__________________________________________________ __________


__________________________________________________ __________