عنوان الموضوع : اول علقه في شهر العسل ؟؟!! قصه طريفه لاتفوتكم قصص
مقدم من طرف منتديات نساء الجزائر

اول علقه في شهر العسل ؟؟!! قصه طريفه لاتفوتكم






هذه قصة طريفة جداً حدثت لعروسين في شهر العسل
البداية شاب كان مصادق شلة أنس وبالطبع فاهمين هالكلمة
يعني لهم حركات نص كم!!
المهم إن الشاب فكر إنه يتزوج
ويترك حياة المسخرة اللي كان عايشها مع الشلة
وبالفعل تزوج
وبعد زواجه بأسبوعين أهل العروس أقاموا للعروسين مأدبة عشاء أو ما يسميها البعض ( زوارة )
و في نفس اليوم اللي كان العروسين رايحين فيه ( للزوارة ) جاء للعريس واحد من شلة الأنس ودار بينهم الحوار التالي :
الشاب : مبروك ياعريس كيف الأحوال وش مسوي مع العرس؟
العريس : الحمدلله تمام
الشاب: أنا عارف إن الوقت غير مناسب بس أنا جاي أستلف منك السيارة واعدت بنت كذا من اللي أنت خابرهم! وتعرف أخوك يبغى يكشخ عندها!
العريس : لا يا أخوي فكني واللي يرحم والديك
أنا بطلت هالعلوم وثانيا أنا معزوم ماأقدر أعطيك السيارة
أخذ الشاب يحاول فيه يمين يسار إلين أقنعه بس وعده إنه يرجع له السيارة الساعة 9 موعد العزيمة
وبالفعل الشاب رجع السيارة في الوقت المحدد ووفى بوعده
ركب العريس وعروسته السيارة
و كان العريس طول الوقت يتلفت يمين ويسار وفوق وتحت خايف لا يشوف أي آثار للجريمة!!
وفجأة لقى جزمة تحت كرسي عروسته
طبعاً الرجال اصطفق ودارت به الدنيا يفكر كيف يأخذ الجزمة بدون ماتحس عروسته
العروس مطفوقه طول الوقت تتلفت يمين ويسار ماخلت ولا سيارة إلا وعرفت نوعها ولونها
العريس انتهز فرصة لقافة زوجته وسحب الجزمة من تحتها ورماها بالشارع
وبعدها أخذ العريس يتنفس الصعداء ويسوق السيارة بكل ثقة
وصل العروسين لمكان العزيمة
ولما جت العروس تنزل صرخت: وين جزمتي!!؟؟
وش صار ياحلوين!؟
الغبي العريس قال: اللي رميتها جزمتك!؟
طبعاً حبل الكذب قصير
زعلت العروس وأقامت الدنيا وأقعدتها إلين اعترف لها بكل شيء
خيرت العروس عريسها بينها وبين الشلة
ما أطولها عليكم العريس طلّق شلة الأنس وعاش حياته في استقامة

>>>>> ردود الأعضـــــــــــــــــــاء على الموضوع <<<<<
==================================


مشكورة حبيبتي على نقل هالقصة الرائعة واتمنى لك مزيد من المشاركات الرائعة



( `•.¸
`•.¸ )
تقبلي مروري لصفحتك


( `•.¸
`•.¸ )


__________________________________________________ __________

الف شكر زهرة

قصة حلوة ..... يعطيك العافية


__________________________________________________ __________

ههههههههههههههههه
وهي ايش اللي يخليها تفسخ الجزمه


__________________________________________________ __________

ههههههههههههههههه

مشكورهـ على القصه الطريفه

صحيح هي ليش فسخت الجزمه؟؟؟


__________________________________________________ __________

هههههههههههههههههههههههههههههههههههههههههههههههههه ههههههه
مشكووووووووووره على القصه الحلوه