عنوان الموضوع : قتلوه وقطعوه و رموه في الغسالة...في سبيل الحصول على ابنته -قصة جميلة
مقدم من طرف منتديات نساء الجزائر

قتلوه وقطعوه و رموه في الغسالة...في سبيل الحصول على ابنته






صباح الخير حبيباتي
اتمنى تكونوا بخير جميعا
اليوم بدي احكيلكم قصة جدا مؤثرة وهي عن بنت عمرها 17 سنة وهذه القصة حصلت في سوريا منذ عامين....
كانت البنت تدرس و أمها متوفية و هي أكبر اخوتها (كان عندها ثلاثة اخوة ) و أبوها كان موظف فقير جدا و بيشتغل بعد دوامه بالوظيفة على عرباية في الشوارع و يضل لآخر الليل يدور مشان يأمن لأولاده حياة مقبولة (مقبولة و ليست جيدة) المهم هذا الأب كان حريص جدا على تربية اولاده و دراستهم و خاصة بنته هذه لأنها الكبيرة و البنت الوحيدة عنده فالباقي كلهم اولاد(صبيان).
مرت الايام وكانت البنت كل يوم تكره عيشة ابوها اكثر لما تشوف رفيقاتها كيف بتلبس و كيف بتطلع مشاوير وهي ما بتقدر تعمل مثلهن بسبب فقر عائلتها.
لحد ما اجا يوم وتعرفت البنت على أخو صديقتها وطبعا الشاب لما بشوف بنت ضحكت بوجهو فورا بيقول لها انو بحبها و بيستغل الفرصة لحتى يفوت و يطلع معها
هذا الشاب استغل فقر هذه الفتاة و أغدق عليها الهدايا و طبعا كانت تخبيهم عند رفقاتها مشان ابوها ما يشوف شي. وشوي شوي اقنعها انو بيتزوجها واخدها على شقة استأجرها وطبعا صار لصار بيناتهم و لما جلست تبكي اعطاها مبلغ كبير و قال لها هذا لتشتري ملابس جديدة و جوال فأنتيرح تكوني زوجتي و اقنعها بهالحكي و مرت الأيام و هي بتجي معو ع الشقة كل يوم وكل مرة بيعطيها فلوس وسيرة الزواج ماعاد انفتحت بينهم لأن الاثنين كانوا راضيين بهالوضع .بعد مرور ثلاثة اشهر تقريبا عرفها على مجموعة من اصحابه و صارت تطلع معهن يوميا (وتاخد اجرتها ثلاثة اضعاف) وكانت تجمع المصاري وتخبيهم بمكان سري و ما تشتري اي شي مشان ابوها ما يلاحظ شي و يشك بيها. لحد ما اجا يوم و المدرسة بعتتلها انذار ع البيت بسبب تغيبها عن الدوام و طبعا هي ما كانت موجودة و لا حتى ابوها فاستلم الأنذا أخوها الأصغر وكان عمره 10 سنوات .لحسن الحظ ( او لسوء الحظ ما بعرف) كان اخوها هذا مريض شوية و ما راح ع المدرسة بهداك اليوم. الولد نام بعد ما استلم الإنذار و ضل نايم للمساء لذلك ما عطاها الإنذار ولما رجع ابوه من الشغل و جلس جنبه مشان يوقظه من النوم وجد الورقة بجانب الولد و قرأها وكانت المفاجأة و الصدمة ع الأب المسكين كيف ابنتي ما عمتداوم ؟؟وين عمتروح؟؟؟ شو عمتتصرف ؟؟ مع مين ؟؟؟ جلس يفكر و يفكر و هو صامت و ضل فايق للصبح بسبب القلق و الهم ....حان موعد ذهابه للعمل فقام وارتدى ملابسه و ايقظ اولاده و بنته كالعادة بدون ما يبين لها اي شيء و طلع من البيت لكنه اختبأ في مكان قريب على بيته و قعد يراقب ....طلعو اولاده و راحوا ع مدرستهم و بقي البنت ...مرت ساعة ساعتين ثلاثة فجأة طلعت البنت و طبعا كانت مرتدية لباس الطلعة و حاملة حقيبة المدرسة و شنطة على كتفها (كانت تخبي فيها لباس المدرسة مشان الرجعة ع البيت) مشي الأب خلف البنت بدون ان تشعر وقفت على الطريق و بعد ثواني اجت سيارة فيها 3 شباب و ركبت معاهم و مشيوا ...الأب طبعا رح يوقع بأرضه من هالمنظر لكنه استحمل الموقف و اشار إلى سيارة اجرة و ركب فيها و قال للسائق بأن يتبع سيارة الشباب ...تبعهم لحد ما وقفوا امام بناية و نزلوا و دخلوا إلى البناية و نزل وراهم و دخل ...طلعوا ع الطابق الخامس و دخلوا الشقة و الأب وراهم و رجليه بتزداد ارتجاف كلما اقترب اكثر..وقف امام باب الشقة و طرق الباب بكلتا يديه ..لم يفتح له احد ..عاد و طرقه بقوة اكبر .و بدون اجابة .ثم طرق بقوة و صار يصرخ اطلعي يا حقيرة اطلعي والله لأدبحك و اشرب من دمك ..البنت لما سمعت صوت ابوها قامت ترتجف و سقطت بالارض و كأنها انشلت من الخوف و الشباب قالوا لبعض لازم نفتح قبل ما يفضحنا ..ركضوا ع الباب و فتحوه ودخل الأب مسرعا يدور بنته وقبل ما يوصلها كان احد الشباب ضاربه على راسه من الخلف بعصا قوية فنزل الأب داميا على الأرض مغمى عليه..وجلست البنت تصرخ بابا بابا ..فقال احد الشباب لازم نتخلص منه وانتي اسكتي و إلا بنفضحك لأن لا تنسي إلك صور و أفلام فيديو معنا صورناها و انتي عارية ...فسكتت و جلست تبكي
اجو السباب جابو ساطور (سكين تخص القصاب او اللحام) و قطعوا رأس الأب و بعدين قالو لازم نحطوا بمكان يسهل علينا نطالعه من البيت ...فقامو بتقطيعه إلى قطع قطع و حملو كل هذه الأشلاء و القطع و وضعوها في الغسالة و ذلك لكي يطالعوا الغسالة من البيت بحجة التصليح ...المهم خلصوا و مسحوا الأرض و كأن شيئا لم يكن..وعادوا إلى البنت ليتابعوا ما كانوا قد بدأؤوه وطبعا البنت وافقت مجبرة... وفجأة يا أخوات بيطلع صوت من الغسالة ..فقالوا لبعضهم احنا منتخيل...بعد شوي طلع صوت تاني .صوت تالت ..خاف الكل و قاموا حملوا العصاية و الساطور و اقتربوا من الغسالة ليشوفوا شو القصة ...فتحوا باب الغسالة وهب الأـب بوجوههم كالصاعقة..قفز من الغسالة مثل النمر ..من خوفهم زتوا كل شي و هربوا و بقيت البنت متفاجأة مذهولة فنظر إليها ابوها و قال...

لا تتفاجأي...
؟؟
؟؟
مع برسيل ما في شي مستحيل

ههههههههه
تعيشوا وتاكلوا غيرها
من تأليفي

>>>>> ردود الأعضـــــــــــــــــــاء على الموضوع <<<<<
==================================




__________________________________________________ __________

يبعثلك الهنا شو كنت منغمسة في القصة وبعدين طلعت كلها مزحةههههههههههههه
تسلمي على مزحة هههههه


__________________________________________________ __________

هههههههه ربي يسعدك و يهنيكي


__________________________________________________ __________

صدقت القصه في البدايه وانقهرت على الأب لكن من قطعوا وضعوا في الغساله شكيت بلقصه شكرآ لكي


__________________________________________________ __________

اهلين فيكي حبيبتي