عنوان الموضوع : إسلام مسيحيه....تموت ضحك قصص
مقدم من طرف منتديات نساء الجزائر

إسلام مسيحيه....تموت ضحك






👹👹 قصة اسلام مسيحية وربي
تموت ضحك لاتفوتكم.

-------------- هذي بنت من بنات الجوف تقول
فـي أحد أيام رمضان المبارك ماخذة إجازة من الصيام. خلصت صلاة الفجر وكلٍ ذهب الى غرفة نوووومه.
وأنا انطلقت للمطبخ اخذت فيمتو وشبس وطلعت لغرفة التلفزيون مبتهجة. وبينما انا في خضم البلع والكركرة على مسلسل كوميدي كنت اتابعه وداخله جوووو
الا والباب ينفتح واشوف وجهه ويطلع اخوي (يونس)طالب بالمرحلة المتوسطة كان يونس في اشد الدهشة والانبهاروالتعجب حتى ظننت انه قد يموت بسكتتن قلبية.
يونس : ماصمتيييييي؟

انا في ايدي كأس ملئ بالثلج وكيس شبس كبر وجه اخوي :
ليه انت صايم
يونس : وجع من جدك تسألين هالسؤال ؟
انا بكل ثقة وبجاحة :
والله انت بعد سألتني هالسؤال
يونس :والله انتي اللي جالسة تبلعين وتشربين مو ب انا.
أنا شفت الولد ماعنده نية يفهم. استوعبت انه ياإما كان غايب في درس الفقه منهج سادس. أو ان مدرسهم طمر الدرس. ولا وش ذا الدلاخة.
ومافيه مجال اصير ناسية وانا مجهزة العدة.
المهم قلت في نفسي والله ما اعلمه انا ذا العلوم. فجأة قلت له:اسمع بقولك سر بس بذمتك لايدرون امي وابوي ولا احد. اوعدني ماتعلم احد لمن امووووت.
قال : والله ما اقووووووووول لاحد اقسسسسم بالله.
خرجت عدة أيمان من اخي يونس بحمااااااس مشبع بسعابيل متناثرة.
قلت له : اجل بصراحة انا مسيحية. قال لا والله !!!!!!!قولي قسم بالله.
قلت له : انا مسيحية ولا اقدر احلف لان ديني غيركم. عشت الدور ع طول. بس بقولك القصة يمكن تخف روعتك شوي. وتقدر تفهمني وتحتويني
انا يوم ولدت اهلي ماكانوا مهتمين فيني زيك الحين. كانوا بس يخلوني عند التلفزيون ويروحون يتمشون تعرف انا اول طفل وكانوا توهم صغار وطايشين مدري ليه جابوني بسرعة وهم مايبغوني
فجأة شفت عبرة خنقت يونس ذو القلب الكبير وهو يتابع بصمت و فضووول وغباءقال طيب انتي ليش تلبسين عباية !وانتي منتيب زينا رديت بنفس النبرة الكسيرة : حتى الفلبينات يلبسون عباية عادي زي السعوديات
ورجع من جديد يسأل : طيب ماعلموك المدرسة الاسلام؟
لا كنت انام في الحصص واغش في الاختبارات.
ثم اكملت القصة. فلما كبرت وجيت انت حبوك امي وابوي من كل قلبهم وخافوا اني انتبه لهالحب واحسدك فقام ابوي يبي يلهيني جاب لي نت وقال هذا لك وخذوك انت معاهم
المهم صرت احس فيه سر لازم اعرفه وصرت ادور في هالنت حتى جاء يوم وتعرفت على الام تريزا. وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبوك
بعدها صرت احبها واناديها ماما
ومع الوقت علمتني المسيحية وصرت مسيحية واهلي مايدرووون
يونس :بلم وهو في حيرة وده يرد ولا هوب عارف خاصة انه حس نفسه السبب وتعاطف معاي صمت لبرهة وفجأة قال : طيب ماتفكرين تسلمييييبن ؟
لا اخفيكم
جتني ضحكة كبييييييييييرة
الا اني بلعتها لدرجةصبت دموعي وسويت نفسي ابكي. قلت له بصوت مخنوق :بس ما اعرفه انا ما اعرف الا امي تيريزا هخخ
داخ راسي من كثرة الخراط عليه وجاني نوم. قمت عطيته كاسي بعد ماشربته وقلت خذ رجعه للمطبخ انا تعبت من الصياح بروح انام.
جاء يوم الغد. وفجأة سمعت شي يخربش تحت باب غرفتي. قمت بشوف مادريت الا كتيب ديني من تحت الباب واشوفه عنوان. Islam. وافتح الباب بسرعة بشوف من حطه الا واسمع باب غرفة اخوي يتسكر بقوووة هههههههه يا انا ضحكت ضحكة بغت تتكسر شبابيك غرفتي خلاص معد استحمل هالولد التحفة لعنبوا بليسه وش ذا الدلاخة طيب يوم انك بتدعوني ليه جايب لي كتاب دعوة انجليزي. شايفني شغالة
على باله يوم صرت مسيحية معد افهم عربي ههههههه
المهم بعد هالضحك نسيت الكذبة ولهيت...
ومر كم يوم وصدف يونس مر جنب غرفتي وانا لابسة جلالي واصلي وانا اسجد مادريت الا بصوت رجول تركض متجه نحوي واجلس من السجود الا ويونس يصيح ويحب راسي انا خلااااااااااص بفطس ضحك. يالله كملت التشهد وسلمت الا وياخذني بالاحضان يوووونس صاحب القلب الكبير الحمد لله اسلمتي ودموعه تقطر على كتفي
بس والله رحمته جاني الصياح صدق. المهم ويمر ابوي قدام المشهد التراجيدي وينهبل. قال :
وجع خير انهبلتوا وش صاير ؟
ويونس من هول سعادته كب العفش والقش كله قال بنتك اسللللللللللللمت اسلللللللمت
وللاسف بعدها انجلدت
هههههههههههههههههههه

>>>>> ردود الأعضـــــــــــــــــــاء على الموضوع <<<<<
==================================


اللهم صل وسلم وبارك على سيدنا محمد

مووووووووووووووووووووووووووووووووفقة


__________________________________________________ __________

هههههههههههه وربي قصه روووعه .. من جد يونس على نياته هههههه
يعطيك العافيه ع ها النقل المفرفش .. يثبت ليومين
{{ ههههه علشان تتعلمون من يونس }}
يسلمووووو


__________________________________________________ __________

هههههههههههههههههههههههههههههههههههههههههههههههههه ههههههههههههههههههههههههههههههههههههه


__________________________________________________ __________

هههههههههههههه يا مسكين جد على نياته ...و اخته اخخخ منها بس ..سلمت يمناك على القصة المضحكة....... التقيييم و تحيـ!تي لك


__________________________________________________ __________

ههههههههههههههههههههههه روووعه

تسسلمين حبيبتي