عنوان الموضوع : شوفو بنت الحرام وش سوت!!!!! قصة حقيقية
مقدم من طرف منتديات نساء الجزائر

شوفو بنت الحرام وش سوت!!!!!






هذا ياطويلين العمر والسلامه وحده من حريم حفر الباطن كانت منومه بالمستشفى على واحد من عيالها

وتقول كنا نلتقي بالصاله كل ليله لما ينامون عيالنا ونقعد نسولف

وتعرفت على وحده تقول ان ولدها بالجناح الثاني

وتقول ماعمرنا شفنا ولدها ابد
تجينا وتطول عندنا وتروح اخر الليل....تقول اني اروح لولدي...

المهم تعرفت على صاحبتنا هاذي وعرفت ان عندها 4 بنات

وصادقتها


00000000000000000000000000
المهم تقول انها كانت تشكي لي عن انها زوجت ولدها من خارج الجماعه وان جماعتهم كلهم مو راضين عن هالزواج

وانهم راح يفشلونها قدام اهل العروس ولا راح يحضرون الزواج وانها تبغى صاحبتنا تشرفها هي وبناتها

وتعاطفت معها صاحبتنا وقالت خلاص راح اجي انا وبناتي ونوقف معك بالاستقبال ونشرفك قدام اهل العروس

المهم طلعوا كلهم من التنويم وحددت لها موعد الزواج والاستراحه اللي راح يسوون الزواج فيها

صاحبتنا تجهزت هي وبناتها وعلى الموعد راحوا

وبحفر الباطن الناس من المغرب وهم محضرين بالزواج

وصاحبتنا وبناتها جو قبل المغرب بدقايق علشان يجهزون مع صديقة امهم قبل الضيوف يحضرون

لما نزلهم ولدهم قال لهم تراني ابي ارجع انام بالبيت واجيكم بنهاية الزواج

وراح ونام وخلى جواله سايلنت

المهم دخلوا الاستراحه ويقولون انها بعيده عن المباني ماحولها اي مبنى

المهم اول ما دخلوا استقبلتهم ام المعرس ورحبت فيهم وقالوا لها نبي نصلي المغرب اذن توه قالت ادخلوا الغرفه هاذي وصلوا

دخلوا للغرفه ويصلون ومعهم بنتهم صغيره يمكن عمرها 14 ماكانت تصلي ...مدري وش السبب

تقول كانت البنت تتجول بالاستراحه وقربت عند شباك غرفه ثانيه وسمعت ام المعرس تكلم بالجوال وتقول تعالوا انا خلصت مهمتي تراهم اربع بنات وامهم

ولبست عبايتها وطلعت «هاذي ام المعرس المزعوم

والبنت راحت وقالت لأمها اللي سمعته

يتبع. معليش توني مقصصه اظافيري ويعوروني اصابعي بالكتابه

الام والبنات هربوا من الاستراحه ويقولون وهم يركضون لحالهم مافيه اي مبنى يحتمون فيه الا يشوفون اكثر من اربع سيارات جايين مسرعين صوب الاستراحه


وعرفوا انهم راح يلقونهم لا محاله

الا من بعيد شافوا راعي مع غنمه ويسرعون له وهم الخوف ذابحهم

ويوصلون للراعي السوداني ويطلبون الامان وقالوا له حكايتهم وقاطعهم قال يووووه من مصايب هالاستراحه ماعلي منكم لاتجون عندي ولا شيء كل ليله يجوني حريم واخبيهم بالغرفه حقتي ويجوني الشباب ويطلعونهم من عندي ويضربوني روحوا لاتجيبوا لي مشاكل

قالت الام تكفى لا تدخلنا بالغرفه بس خلنا ندخل بين الغنم

وسبحان الله تقول الله انزل السكينه على الغنم ولا تحركوا ولا هربوا من حركة الأم وبناتها بينهم

المهم تقول ونشوف السيارات يتجهون لنا عارفين ان مافيه مكان قريب غير هالسوداني وغنمه

ويجون عند السوداني ويسألونه قال ماشفت احد

وراحوا ودخلوا الغرفه يفتشون ولا لقوا احد

وفتحوا الشبك حق الغنم ويمشون صوب الغنم وهم اكثر من 6 رجال تقريبا والله مدري كم قالت المهم انهم حيل منقهرين من هالصيده اللي فلتت منهم

يتبع

وبرحمة ربي وستره الغنم ماتحركوا

وشافوا مافيه شيء رجعوا

ولما تأكدوا انهم راحوا وانهم صاروا بأمان طلعوا من بين الغنم وراحت الأم للراعي ونزلت القلاده اللي برقبتها واعطتها للراعي قالت هاذي لك مثل ماسترتنا انا وبناتي

وطبعا الأم وبناتها مامعهم لاجوالات ولا شنط من الخوف طاحوا بالطريق وهم يركضون

وطلبوا من الراعي جواله واعطاهم

ودقوا على ولدهم والولد تارك جواله سايلنت ونايم
ودقوا على ابوهم و رد عليهم

وقالت الأم السالفه للأبو وطلبت منه يجيب معه الشرطه لان الشباب راح يذبحونه اذا شافوه شايب لحاله

وهي دقايق والشايب وولده والشرطه محاصرين المنطقه ومسكوا الشباب والابو اخذ حرمته وبناته ورجع لبيته

وخلصت السالفه

بنات احذركم من التعارف العشوائي والزيارت لكل احد

كما وصلني 😭
تعلموا يالي تقول زميلتي عزمتني ولا تدري ان الناس ماتأمن انتبهوا. منقوووووووووول ..

>>>>> ردود الأعضـــــــــــــــــــاء على الموضوع <<<<<
==================================


حسبي الله ونعم الوكيل عليها والحمد لله انه الله ستر الحرمه و بناتها


__________________________________________________ __________

يسلمووووووووو

جد ادنيا معد فيها امان
يعطييك العااافيه
لا عدمنااااااااااااك


__________________________________________________ __________

حسبي الله ونعم الوكيل.


__________________________________________________ __________

حسببببببي الله ونعم الووكيل


__________________________________________________ __________

حسبي الله ونعم الوكيل
اكيد الحذر واجب