عنوان الموضوع : يوميات فتاة جزائرية
مقدم من طرف منتديات نساء الجزائر

يوميات فتاة جزائرية






اليوميات مهومش نتاوعي راهم عجبوني قلت ننقلهم
والقصة باللهجة الجزائرية
عذرا لكل من لم يفهمها

السلام عليكم إخواني اخواتي
الإسم: فتاة جزائرية
اللقب: ملتزمة دينيا
التخصص: قارية بيولوجيا
الأصدقاء: كامل الناس
الشخصية: غريبة الأطوار لكن طيبة
هذي بعض مواصفاتي العادية وإليكم يومياتي الغير عادية أرجو ان تنال إعجابكم

قبل الجامعة كنت وحدة طايشة كل حاجة عندي نقضيها غدوة حتى الباك كنت باغية نجيبو برك باش نفرح بابا وأما وكي يقولولي واش راكي باغية تخرجي في المستقبل نقولهم خلو المستقبل للمستقبل
نهار لي جبت الباك فرحت بزاف وبيناتنا والله حتى بكيت راكم عارفين فرحة الباك ماتتنساش تكون بزاااااااااااف حلوة
بصح من بعد ياخواتي بدا التعب تع الصح كنت دايما نقول كون غير نجيب الباك ونريح نهار لي جبت الباك لقيت روحي هذا وين بدا التعب الحقيقي خرجي ورق حطي ورق ادفعي ورق و bien sur راكم تعرفوا الإدارات تاوعنا
واكثر حاجة تعبتني هي إختيار الشعبة لي باغية نقراها سقسيت كامل الغاشي لي قاريين ولي ماشي قاريين خاطر ماكنتش دايرة حتى هدف ولا مشروع في راسي وكل واحد بدا يرايي على حساب فهامتو لي يقلي ديري طبيبة باش تداويني باطل ولي يقلي ديري شيخة راهم يخلصو مليح وانا في تالي درت غير رايي انا خيرت واش خيرت ودفعت هذيك الورقة وقعدت نستنى انا وزهري.
كي خرجت résultat عطاولي بيولوجيا انا قريب مت من الخلعة surtout كي قالولي القرايا كامل بال français وانا كنت نص نص فيها
المهم رضيت بالأمر الواقع و رحت باش نسجل في هذيك البيولوجيا على سعدي وراح معايا بابا خاطر مانعرفش مليح الجامعة وهذوك البروتوكولات تع التسجيلات خاطيني كي دخلت من الباب تع الجامعة مانيش عارفة وعلاه جا في بالي هذا الدعاء ( يارب ادخلني مدخل صدق واخرجني مخرج صدق)
رحنا لوين يسجلوا وتماك بابا قرا بلي عطاولي شعبة العلوم الزراعية والبيولوجية راسو حبس وحسب درت تخصص زراعة وقعد في نص الحرم الجامعي يزقي عليا ويقلي وعلاه درتي زراعة وانتي واش راح تديري بيها انا قلتيلي بيولوجي ماشي زراعة لوكان كامل ما جيتش معاك حكمتو على جيهة وبديت نفهم فيه بالعقل بلي هذي الكلية لي رح نقرا فيها تتكون من زوج شعب وحدة تع العلوم الزراعية والثانية تع البيولوجيا وفي الأخير كامل اقتنع و قالي روحي سجلي راهم قريب يغلقوا ويروحو يفطرو
وسجلنا في الجامعة والحمد لله فريناها على خير

كي دخلت للجامعة صراولي بزااااف حوايج بصح ماشي اليوم رح نقلكم عليهم نخلوهم لغدوة ان شاء الله
ايلا اعجبتكم يومياتي قولولي باش نكملهالكم وايلا لالا تان قولولي باش نكملهالكم
يالله اترككم في رعاية الله وصلوا على رسول الله صلى الله عليه وسلم


تم وضع الجزء الثاني في الصفحة رقم 2

>>>>> ردود الأعضـــــــــــــــــــاء على الموضوع <<<<<
==================================


انا حبيتهم يعطيك الصحة
راني نستنى في التكميلة تاعهم

ميرررررررررررررررررررررررررررررررررررررررررررررررر رررررررررررررسي


__________________________________________________ __________

انا تاني حبيتهم يله كمليلهم
باش نشوف انا تاني واش راح ندير


__________________________________________________ __________

المشاركة الأصلية كتبت بواسطة kalla
انا حبيتهم يعطيك الصحة
راني نستنى في التكميلة تاعهم

ميرررررررررررررررررررررررررررررررررررررررررررررررر رررررررررررررسي

المشاركة الأصلية كتبت بواسطة اوراسية
انا تاني حبيتهم يله كمليلهم
باش نشوف انا تاني واش راح ندير

شكرا على الرد الجميل
كل يوم اكتب ذكرى في موضوع جديد


__________________________________________________ __________

كلمات شفافة
اسلوب مغلف بالزهور دوما..
كلمات متفردة العزف على اوتار الإبداع
سيضل نثرك ساطعا دوما
وبراءة هذة الأحرف
رمزا على شفافية قلمك المميز
هناك دائما شئ بكلماتك
لاتمحوة أي قوة على مر الزمن
دمت بخير
ولك مني جزيل الشكر والتقدير


__________________________________________________ __________

ههههههههههههههههههههههههههههههه
تماما واش صرا معايا تحسب أنا راني نروي فقصتي سبحان الله
حتى التخصص كيفي ربي يستر هذي ماشي أنا بارازار هههههههههههههههههههه وزيد اللهجة قريب بالوهرانية هههه
والله شكرا حبيبتي ليديا و مادابيك كمليني يوميات ولاماشي حابة تكتب غير قوليلي أنا نكمللكم ههههههه