عنوان الموضوع : روايـــــــة "اللـــــــه يحنن قلبكـ علي" للكاتبة: حآيره قصص
مقدم من طرف منتديات نساء الجزائر

روايـــــــة "اللـــــــه يحنن قلبكـ علي" للكاتبة: حآيره






السلام عليكم..

هاذا وحده من رواياتي اللي كتبتها لاني كتبت مجموووعه روايات لاكن ماخلصتها والسبب الملل لاني احس مافي دعم معنوي لي؟؟
فقررت احط وحده من رواياتي بمنتداكم..
وابي تقولو رايكم بكل صراحه فيها..
انا راح انزل 3 بارتات..
واذا حسيت فيه تفعل اكملها للنهايه معاكم..

اترككم مع اولى رواياتي....




رواية:الله يحنن قلبك علي..

للكاتبه: حآيره

اترككم معها



البارت الاول:

..أتساءل دآئمآ هل برحيلك يرحل آلفرح م عمري!..
هل ستكوون إبتسآمتي بآهته لاقيمة لهآ.. أم أنني سأعيش حيآتي كما عشتهآ..وأنا معك.. لاأدري لم أسأل نفسي رغم أني أعرف الإجابة ع تسأؤلآتي..أحس آلحياااة ببعدك..ستفقد آجمل وآمتع مآاافيها..فذكرى
الأيآم التي عشنآهآاا..ستبقى تخفق في قلبي..ورسمك آلجميل سيبقى يتراءي أمآم عينآي..أحبك أححبك مآحييت..


..حبيبتك..




خلود جالسه بغرفتها وتتصفح دفتر صغير أخضر كاتبه فيه قصايد وخواطر وخربشاتها اهي ماتكتب بهالدفتر إلإ كل شي تحس أنه يعبر عنها خلود عمرها ١٨ ملامحها حلوه شعرها لأكتافها لون بني ناعم
دق الباب عليها
خلود:تفضل
أمها هلا بنتي أخبآرك
خلود تعدل جلستها كويسه يمه هاه عندك شي صح
الأم:ضحكت اي يابنتي انتي كبرتي وأنا أبشوفك عرووسه
خلود وقف ريقها بحلقها
الأم: وامس انخطبتي
خلود يادوب يطلع الكلام: مين
الأم: والله يابنتي وأحد م عيال عمك
خلود سكتت وابتسمت لأمها م دون ماتسألها خلاص يمه اعطين مهله أفكر
الأم:خذي راحتك بس لاتطولين
طلعت أمها


وخلود جالسه تناقز بالغرفه ع الصامت واي واي
وراحت طلعت صندوق عندها لونه أحمر وحافره عليه حرف‎ n‏ بالإنجليزي حاطه فيه أوراق محتفضه فيها تخصها م يوم وهي طفله وحروف nوتعليقات وسلاسل وورد مجفف أحمر كانت تستنى اليوم اللي تتزوج فيه نواف من شان تعطيه أياه

تحبه حب جنوون مو طبيعي عمر نواف:٢٤ ممرض بمستشفى خاص



فبيت ام نواف
زياد: يارب توافق يمه بسسرعه شوفيهم
خلاص يومين ويردو لنا خبر




خلود معتزله العاااالم
وكله بس أتفكر بنوااف وكيف بتقابله وأنها رح تموت خوف وكيف بيلبسها




بعد يومين تدق الباب أمها
خلود: تفضلي
الأم:هاه وش قلتي تراهم جاهزين
خلود: لارد
الام:يعني السكوت علامة الرضاء
خلود مستحيه وضمتها أمها وقالت مبروك يابنيتي والله محظوظ زياد فيك
هنا خلود حست الدنيا تدور فيها يمه أيش
الام: زياد ياحبيبتي
خلود: لاااارد
طلعت أمها م الغرفه
وخلود جلست تصيح وماسكه لحافها وتضم عليه بشفايفها آآآه وجلست تصفع بنفسها آآه آآه يانواااف آه لو تدري عن اللي بقلبي لك
زياد لا لا زيااااد مثل إخوي



وجلست ساعتين وهي مو حاسه بنفسها
وبعدين فكرت زين وقالت دام أنا أحب نواف ح أستناه وأرفض زياد أو أني أبتعد عنهم كلهم نزلت تحت لأمها


لقتها بالمطبخ:
الأم:هلا والله بعروستنا
خلود ودموعها ع خدها يمه خلص مابيه
الأم: أيييييش
خلود خلاص يمه أنا مابي زياد مابيه
الأم: طيب أنتي توك مو قايله شي
خلود:بس خلاص يمه هاذي حياتي وأنا حره بنفسي
الأم: بعد ماأبوك كلم عمك روحي شوفي أبوك
خلود وهي تصيح بقوه يمه أترجاكي أترجاكي مابي زياد مابيه يمه أنا بنتك وتحضن أمها وتصيح يمه الله يخليك كلمي أبوي أنا ماأبيه ماأبيه
يايمه ياحبيبتي هدي يعني هاذا قرارك
أنا:أي يمه هاذا قراري
أمي: خلاص روحي غرفتك وأنا أكلم أبوكي
طلعت خلود فوق وهي تدعي ربها أنا الخطبه ماتتم


أمي: والله هاذا كلأمها
أبوي: أيش ليه أيش فيها
أمي:والله مدري فجئه جتني قالت مابيه
طلع لها غرفتها



الأبو:السلام
خلود:وعليكم السلام
الأبو:قالت لي أمك أبي أسمعها منك ليش منتي راضيه
خلود:يبه خلاص أنا مابيه وأنا توي صغيره مابي أتزوج أبي أكمل دراستي
الأبو: زياد إنسان خلوق ومافي منه وإذا ع دراستك تكملينها
يابنتي انتي وحيدتي وأبي أرتاح قبل لأموت أنك ف بيت زوجك
خلود: لايبه بعيد الشر عنك
الأبو:يابنتي أنا أعرف مصلحتك وزياد بيحطك بعيونه زياد يحبك ياخلود
خلود: "بقلبها وأنا أحب أخوه"
وراح يسعدك بحياتك
خلود: لارد
الأبو: يابنتي أنا مابي أغصبك لاكن سعادتك أشوفها مع زياد وبرضاي عليك يابنتي أنك ماتفشليني عند أهل عمك


طلع من الغرفه وترك خلود بحال يرثى له تبكي ومي مصدقه اللي صار زياد اللي عمرها مافكرت فيه ولا خطر ببالها طلع يحبها ونواف اللي تحبه ماله لاحس ولا خبر
جلست تفكر بزياد وحبه لها
ونواف وحبها له
وكلام أبوها:

أخيرآ: قررت توافق بس قلبها مايملكه زياد


قلبها مع نواف




الملكه بعد أسبوع والزواج بعد الإختبارات



كل يوم يمر تموت فيه خلود مليون مره
خلصت خلود إختباراتها وجابت نسبه ٨٦% ومستواها نازل



يوم الزوآج
الكوفيره تحط لها مكياج وترجع تعيده لها بسبب دموع خلود اللي مو راضيه توقف
وقت الزفه
طلت عليهم ببياضها كالثلج وملامحها الناعمه وفستانها الأبيض
والكل منبهر من جاذبيتها شغلوا أغنية أليساء أجمل إحساس وبدت الزفه وزياد بجنبها بسماره وطوله وملامحه الحاده مسك أيدينها وجلسوا يمشون بدون شعور نزلت خلود أيدينها من زياد وأستغرب من حركتها وناظر فيها وهي تبكي وكملو الزفه وجلسو ع الكوشه والكل يبارك لهم
زياد:ألف مبروك حبيبتي
خلود بدون نفس:الله يبارك فيك
مسح دموعها بيدينه وباسها ع جبينها قدام الناس وقاموا بيمشون ومسك يدينها وضغط عليها
خلود بتفك أيدينها لكن مو قادره وبقلبها"هين يازياد"
وصلو الفندق وأول مادخلو وخلود تبكي
زياد بيمسح دموعها وخلود أبتعد عني مابيك
زياد:حياتي أيش فيك متضايقه خايفه
خلود:تبكي بقووووه

زياد:أوك حبيبتي أنتي بدلي ملابسك وطلع برى الغرفه مستغرب أيش فيها بس فسرها أنه خوف منها


بعد نص ساعه رجع لها لقاها لابسه بجامتها ونايمه ودموعها لسى باقيه
لحفها ومسح دموعها وباس جبينها وطلع ينام برى


الصبآح خلود صحت م النوم وزياد مو فيه توضت وصلت ومجرد ماخلصت إلا وزياد مجهز لها الفطور


زياد:صباح الحب حياتي
خلود:صباح الخير
زياد حياتي يله أفطري
خلود:مابي
زياد:مايصير حبي لازم تأكلي
خلود ودموعها تجمعت بعيونها قلت لك: مابي تفهم أنت وطلعت برى الغرفه وطبعت الباب بقوه وراها
زياد عصب ورأح لها ومسك مع شعرها أسمعي يابنت الناس مو أنا اللي تقفلين الباب بوجهي فاااهمه
خلود:أي أتركني
زياد:ويله أجلسي أفطري
خلود:مابي أفطر قلت لك انت ماعندك أحساس اكرهك اكرهك فاهم
زياد دون شعور عطاها كف ع وجهها
خلود أنصدمت


تضربني هاه أكرهك أكرهك
ودخلت بالغرفه وهي تبكي تقطع القلب وزياد مو مصدق اللي صار
جلست تبكي الين مانامت




بعد صلاة المغرب صحت م النوم وصلت وجلست بالغرفه
جاء زياد م برا
ودخل الغرفه شافته خلود ودارت وجهها

راح زياد عندها:
حياتي أنا أسسف والله ندمان
خلود:ساكته
زياد:انتي عصبتيني
خلود:ساكته
زياد:تكلمي قولي أي شي
خلود: تهز رجولها وتناضر السقف وتحاول تسيطر ع دموعها بس مي قادره
زياد: حبيبتي قولي أيش تبين وأنا حاضر
خلود: تططططلقني
زياد: أيش
خلود: زياد الله يخليك أنا ماحبك أفهمني أنا مغصوبه عليك
زياد والشرر يتطاير من عيونه: ولي ماقلتي قبل الملكه
خلود:ماقدرت أهلي موافقين
زياد:يعني تحبين شخص ثاني
خلود:لارد
زياد:ردي أنا أتكلم
خلود من دون ماتحس بنفسها أيه أحب شخص ثاني أفهمني ماحبك ماحبك وأبيك تطلقني
زياد:منو هاذا هااا تكلمي
خلود:ساكته ولارد
زياد:ماتبين تتكلمين هاه لعلمك طلاق مرح أطلق
خلود:بتطلقني غصب عنك
زياد: مافي شي يجي بالغصب ومرح أطلقك فاااهمه
خلود:إذا كنت رجال طلقني
دون شعور عطاها كف ع وجهها
زياد:رجال غصب عنك فاهمه وطلع برى
وهي تصرخ أكررهك أكررهك وجالسه ع السرير وضامه رجولها وتبكي مثل الأطفال



ضلت على هالحال الين مانامت جاء زياد دخل الغرفه حصلها نايمه
غطاها ومسح دمووعها ويتأملها


زياد بقلبه: آآه ياخلود لي أنتي قاسيه علي كذا أنا أححبك أحبك الله يحنن قلبك علي وجلس يناظرها أخر شي نام جنبهآ



الساعه ٤ الفجر
صحت خلود وشافت زياد نايم ناظرت فيه هالمره زين وجلست تتأمل سماره وملامحه الحاده لاكن هي بقلبها حآقده عليه وتقول والله ماخليك تتهنى معي لحضه وحده
راحت وضت وصلت
زياد زياد
زياد بنوم:هاااااااااا
خلود:يله يله قوم الصلاااااة
المهم وضى وصلى
وناظر بخلود فتره
زياد: أسمعي ياخلود بغض النظر عن اللي بقلبك علي أنتي بقرارة نفسك تبين تستمرين معي
خلود:أكيد لا
زياد: خلود أنا مارح أغصبك ع شي أنتي ماتبينه وأنا أحبك لاكن خلاص مادام هذا قرارك ح أنفذه لك
خلود:ساكته
زياد:يعني موافقه إن كل شخص يروح بطريق
خلود ضلت شوي ساكته وبعدين نطقتها: أيه
زياد زفر زفره حس أنه بيطلع الشي اللي مكبوت بداخله وناظر خلود نظرت إنكسار نظرة إنسآن يعشقها
زياد :ع راحتك ياخلود
سكتوا شوي غير أصواتهم أنفاسهم الهادئه
زياد:خلود
خلود:هلااا
سكت فتره وبعدين نطقها
خلود: أنا بعد ٥ أشهر ح أطلقك لاكن ألحين لا
خلود:فاهمه
زياد:زين أنك فهمتيني لأن لو طلقتك الحين الناس بتتكلم وسين وجيم وأنا مو فايق لكلام الناس
خلود ساكته
زياد:أوك ياخلود
خلود:أي
زياد:آممم طيب خلود بتفق وياك على شغله
خلود:أيش
زياد:أيش رايك نطلع برى نفطر
خلود:سكتت لأنها حيل جوعانه طيب
زياد:أوك
يله تجهزي نتمشى وبعدها نطلب فطور
خلود:أوكي زياد دقايق وأكون جاهزه
زياد:يله أستناك بالصاله




خلود قامت حطت ع وجهها كريم واقي وحطت كلوس خفيف ورفعت شعرها بكماشه زياد: خلوووود..
خلود.بصوت عالي هاااااااااه "هذي كلمتها دايم"
زياد: "جلس يضحك بجواته ع براءتها"
ابد بس اليوم معزومين ع الأهل



لبست عبايتها وحطت الطرحه ع أكتافها وجلست عنده
زياد بقلبه"ياه بتحرميني من هالجمال والبراءه ياخلود"


خلود: أي والله مشتاقه لأمي وأبوي "طبعآ أهي وحيدتهم"
زياد: بس ياخلود
خلود: أي عارفه ولايهمك أنا ممثله ما ح أحسسهم بشي
زياد:فرحانه ياخلود أنك بتتركيني صح
سكتت خلود
زياد: بس أنا مستحيل أنساك بتضلين عايشه هينا بقلبي وأشر ع قلبه
مرت لحضة صمت عجيبه
زياد: أوك خلود يله

المهم لبست وطلعوآ برى يتمشون
بالسياره
زياد:خلود كم شهر وبتفارقيني خليني أعيش لحضات معك حلووه..
بس لاتخافي ماراح ألمسك
ح أعاملك مثل أختي..


حزت هالكلمه بنفس خلود.. بس قالت بقلبها" مو هاذ اللي أبيه خلاص"



خلود: أوك زياد وأنا موافقه
زياد: يله دلوعتنا أيش أغنيه تطلبين؟
خلود: آمممم أي شي "قالتها بدلع"
زياد يقلدها: أي شي
خلود: ضربته ع كتفه عمى ترى بزعل..
زياد: لا لا تكفين ترى ماصدقت ترضين..




المهم شغل أغنية: يكفي وجودك..



يكفي وجودك يآحبيبي عن آلناس..
وآلناس ماتكفي أبد عن وجودك..
يكفيني إنك مالك(ن) عرش الإحسآس..
وأنه ورود اللي في قلبي ورودك..
غآدرت لكن الأحاسيس حراس ..تحرسك في قلبي ولا حدن يرودك..
وإن جارت صروف المقادير لابأس..
أدري بأنك وافي(ن) في وعودك..
لكن يبقى غصن الأشواق مياس..
على فرات الحب يقهر حسودك..
ياهاجس(ن) يدخل على كل هوجاس..
وأغلب مطاليع الشعر من خدودك..
ياريم لك في روضة الحب مكنآس..
عايش أمير(ن) والمحبه تسودك.
والسر عودك مع هوآك كل نسنآس..
أكيد نسناس الهوى حب عودك..
والورد لي عايش على برد الأنفاس..
غطى ولا غطى جواهر عقودك..
حسنك حبيبي صعب يوصف وينقاس..
تبغى الصرآحه زاد بالزين زودك..[/size][/size] [/COLOR][/SIZE]

>>>>> ردود الأعضـــــــــــــــــــاء على الموضوع <<<<<
==================================


البارت الثاني:

جلسوآ يسمعونها وكل شوي زياد يعطيها نظرات..


وخلود حست إن زياد يقصدها بس طنشت الموضوع المهم تمشوآ وأستانسوا ووقفوآ لهم مطعم بيفطرو
زياد ها اش تبين نطلب؟


خلود: آممم أي شي
زياد: اي طيب طبق أي شي شنو تبين ثاني
خلود:زياد وبعدين معك
زياد:زيودي لو سمحتي
خلود: هاها لو تموت مادلعتك
زياد: يابخخخيله
وجلسوا يفطرون وضحك وسوالف وبعده رجعوا الفندق



خلود: آه ضهري بيتكسر
زياد: إي خلودتي
خلود: هاه
زياد: وجع لاتقولين هاه
خلود:آمممممم
زياد:بنروح الليله للأهل وبكره بنسافر
خلود:بنسااافر!
زياد: أي بنسافر
خلود: بس منو قالك أني موافقه
زياد: أها يعني أنتي موبرايحه
خلود: أي مابي أروح
زياد: ليش؟

خلود: بس أنا مابي أأسافر
زياد:بتسافرين وغصب عنك فاهمه بكذا مارح تحسسين أهلنا إن بينا شي فهمتي!
خلود: وبشوف نهايتها معك


زياد: ألحين يله بنآم وصحيني ع صلاة الظهر وراح بينآم ع السرير
خلود: هي خير وأنا بنام
زياد:تعالي نامي
خلود:أيش مستحيل أنام جنبك
زياد:اجل برى
خلود:ياسلااام ماعندي لحاف
زياد:وأنا بتغطى فيه
خلود:وبعدين معك
زياد: خلود بلا دلع وتعالي نامي أنا مارح أقربك مو إحنا إتفقنا أنك مثل أختي خلاص
خلود متردده: طيب
وراحت نامت ع طرف السرير



خلود: زياد
زياد:هلا
خلود: لا خلاص ولاشي


زياد بقلبه" الله يحنن قلبك علي ياخلود"
خلود:زياد
زياد:هاذي اللي بتنام تراك مزعجه
خلود:طيب أنا مزعجه
وألتفت لها زياد:وأحححلى وأروع مزعجه
خلود أنحرجت:وبعدين معك زياد بس أنا كنت بقول أصحيك آلساعه كم؟
زياد:أهاآ قبل الأذان بربع ساعه


زياد:خلووود
خلود:هااه
زياد:الكلمه هذي تغيرينها
خلود: طيب هلآاا
زياد:اي كذا أبيك

كنت بقولك نوم آلعوافي
خلود:الله يعافيك




وأستسلمو لنوم عميق



بعد العشاء
خلود تطلع لزياد وهي حدها متوتره هازياد ألبس هاذا ولا هاذ

زياد:آممم كلهم حلوااات
خلود: لا زياد أختار أحلى وحده
زياد:آمممممم
خلود:يله زياد بسسسسرعه
زياد:الأحححمر
خلود:أي خلاص بلبسه ودخلت الغرفه
زياد:بسسسسسرعه..
خلود:خلص زياد دقايق بس
زياد يبتسم بداخله ع براءتها


وبنفس الوقت يبي يعرف بشنو تفكر بس بيترك الأمر للأيام ويردد بقلبه "الله يحنن قلبك علي"




زياد:ها بسرعه ترى بمشي
خلود:لحضه زياد ماخلصت

زياد:اجل اسمعي بنزل السوق اجيب اغراض وراجع ألأقيك جاهزه
خلود:أوك زياد خذ راحتك
زياد:توصيني ع شي
خلود:لا أبد سلامتك



طلع زياد وجلست خلود تعدل الميك أب سوت شعرها غجري ورفعته لفوق وثبتته ببنس بشكل مهمل وحطت ع جنب ورد جوري ومكياجها طآلع إجنآن عليهآ لبست فستانها الأحمر وطالعه فيه ملكه دخل زياد فجئه عليها وجلس يناظرهاا منبهر من جمالهآ وبجوات قلبه" الله يحفضك يالغآليه" الله يحفضك يآلغاليه"


خلود بدلع: ها شو رأأيك؟؟


زياد يصفر واي أححلى بنوته شفتها بحيآااااتي..


خلود تناظر بشكلها بالمرايه: لا عاد زياد كيف زابط ع جسمي
زياد:تبين الصراحه أهو مو حلو
خلود: لا ليش
زياد: بس جسمك أهو أللي محليه
خلود: واي خرعتني ع بالي مو بلايق.. يله مشينا أنا جآهزه
زياد: لحظه لحظه!!!!


خلود: هآااااا


زياد: بتروحي كذا؟؟
خلود: أيه زياد ليه لبسي فيه شي!!

زياد: أيه ألبسي الشال مانتي بطالعه كذا!!
خلود: ياربي يازيآد لاتعقدهآ وبعدين أنا عند حريم
زياد: ولو أنا مابي الحريم يشوفوك كذا


خلود متنرفزه: ياربي زياد لاتوترني لبسي عادي مافي شي وبعدين عآدي أنا عند الحريم..
زياد: بتلبسين الشال جسمك وضهرك باين ولاترى مافي روحه


خلود راحت تطلع الشآل وبتلبسه وبعصبيه: راح ألبسه بس أبقولك شغله والله رح أخليك تكره اليوم اللي تزوجتني فيه فاهم


زياد بضحكه: ههه أش دعوى ماكنا تونا حلوين
خلود هنا عصبت: أصلآ لو كنت رجآل ماكنت رضيت تأخذ إنسآنه ماتحبك
مسكها زيآد مع يدهآ والشرر يتطاير مع عيونه: لعلمك يابنت العم طلاق اول كنت بطلقك رأفتآ ورحمتآ فيك
بس ألحين تحححلمين


خلود: آه طيب أتركني
زياد:فااااهمه
بس بقولك شغله عدلي أسلوبك معي
خلود: خلاااص أترككني ونزلت دموعهآ
زياد: يله أنا برى وطلع وطبع الباب معه


جلست خلود ع السرير وتمسح دموعها وتعد م الواحد للعشره تحاول تهدي نفسهآ


ركبت السياره دون ماتتكلم هدوء وصمت دام لدقائق وصلوا البيت نزلت خلود بتروح قسم آلحريم أعطاهآ زياد الأغراض حلويات وهدايا أخذتها ودخلت
سلمت ع أمها وخالاتها وأهل عمها وبنات عمها وأستانست معهم
جاهآ مسج ع الجوال فتحته:



"مابي أحد يحس بشي"
زياد





أرسلت له:

"ولايهمك ممثله هههه"
خلود






يسألونهآ كيف الزواج وهي ترد عليهم يجنن حلو بنأإأإأت تزوجوا ودعو حياة العزوبيه
البنات تمسكن فيها ويسألنها وهي مسويه نفسها ماتبي تتكلم


جتها خالتها أم زياد: ها بنيتي كيفك

خلود: الحمدلله خالتي طيبه وماعليه

خالتها: وكيف زياد معك؟

خلود: لا الحمدلله كويس ولو ياخالتي هاذا تربيتك انتي وعمي ربي يخليكم

خالتها: ياقلبي عليك يآخلود المهم لايردك إلا لسانك إذا ضايقك زياد بشي

خلود: يارب تخليك ياخالتي زياد مافي منه



دخل زياد ع جملة خلووود:
زياد مافي منه
زياد مافي منه



زياد:السلام عليكم

الكل:وعليكم آلسلاااام

تغطوا خالات خلود: ودخل زيآد
وجلس جنب خلود وسلم عليها عندهم واخواته وبنات عمه يصفقوون أوووه
زياد: هآ خير إنشاءالله

أخته العنود هالبنت جريئه: ياعيني ياعيني ع آلروماااانسيه
الكل:هههههههههههه

خلود:أنحححرجت


زياد:ولوو هاااااذي حبيبتي ولازم أدلعها وحط يده ع كتفها
خلود: انقهرت وبصوت وآطي من بين أسنآنها زياد بلاش هالحركات
زياد: أهآ ههههه
خلود:على ماعتقد ماقلت شي يضحك
زياد: ههه طيب عشآن ثاني مره تتأدبين

العنود: هآ هآ أيش ععندكم؟ خلو السوآاالف بععدين..

زياد: أقول بلا لقآفه ويله يله قهوي حبيبتي

العنود:حاضر حاضر كم خلود عندنااا..



النآس تسولف إلا خلود بعالم ثاني كذا غصب عنها مو قآدره تنسى نواااف بعيونها ألف دمععععه حاطه يدها ع قلبها وخآيفه أنها تنزل دموعها تناظر زياد يسسولف ويضحك ولا عليه حست بقههههههر وضضضيم حست نفسهآ غريبه بينهم جاء وقت آلعشا: وتعشوآ كلهم وخلود آللي أكلتها لقمتين وأمها لاحضت عليها آلتغيير وسألتها


عند دورةالمياه: هآ يابنتي أيش فيك

خلود:هآ يممه لا مافيني شي!

أمها: تعلمين فيك يآخلود أنا أععرفك يابنتي أنتي مرتآحه مع زيآد ولا لا !

خلود: لا يممه زياد آلحمدلله معاملته حلوه لي..بس أنا لأني منححرجه منه مآصرت أنام وهاذ آللي متعبني "مادري كيف جابتها"

أمها: يابنيتي نآمي عآدي وليه تستحين عآدي هاذا زوججك!

خلود: أي يممه مع آلوقت بتعود عليه أهي فتره وتعدي




دق جوآل خلود


z‏ يتصل بك



أمها:يله يابنتي أهم شي سعآدتك عندي وأعرفي إذ كنتي
سعيده ومرتآحه مع زوجك تأكدي أني راح أكون متطمنه
خلود ضمت أمها تسلمين يآلغاليه..



رآحت أمها وردت خلود ببرود
ألو
زياد:هآ وينك
خلود:أوك طالعه
زياد: أوكي يله حياتي
خلود: هههه حياتك
زياد: أيه
خلود: لاتقنعني
زياد: عمومآ راح يبآن كل شي وبتعرفين منهو زياد
خلود:أهآا
زياد:يله أنا بالسياره
خلود:يله باي


__________________________________________________ __________

البارت الثالث:



لبست عبايتها وودعت أهلها وبيت عمها وبنات عماتها وخالاتها وهي تضحك معهن وتسوولف..
البنات لحقوها إلى الدرج وودعوها..


وصلوا الفندق وكلن ساكت أخذت خلود لحافها بتنام ع الكنبه بالصاله..


زياد:وين
خلود:يعني وين بنآااام
زياد:أنا بشوف فلم
خلود:وأنا بنآم

زياد:روحي بالغرفه أنا مطول



أأخخذت لحااافها ودخلت آلغرفه ونامت نومة إنسآنه تعبآنه مهموومه حتى وأهي نآيمه مكشره كان الله بعونها
جلس زياد يتفرج ع أفلام والساعه٢نعس وبينآم دخل آلغرفه..


جلس ع آلسرير بكل هدوء وهو يتأمل ملآمح الإنسآنه آللي عشقها م كل قلبه جلس يمسح على شعرها النآعم ويمرر أيديه ع خدها وهو يتسأل ليه هي مو مهتمه بمشاعره!!



دون شعور جلس يبكي زيآد جلس يبكي حيل مثل الأطفال دايم كان يتمنى أن هو وخلود يجتمعوا فبيت وآحد لاكن أبدآ ماكان يبيها تصير بهالطريقه جلس يمسح دموعه وهي نايمه كنومةطفل مو حآس باللي حواليه سحب اللحاف ونام بجنبها وصار جسمه ملاصق لجسمها كان تعبآن ويبي يحس بالأمان من قربها له نام نومه عميقه وهادئه وكل وآحد فيهم مهموم ومتضايق أكثر م الثاني..


اليوم الثاني آلساعه ٩ صحت خلود وشافت زياد نايم بجنبها بقلبها" هاذ أيش جايبه عندي"
ناظرت الساعه ٩ قامت بسررعه وضت وصلت وصحت زياد



خلود: زياد زياد
زياد :هااا
خلود: قوم شوف آلساعه كم إذا ماصليت قوم صل
زياد يعدل جلسته:الله يهداك ليه ماصحيتيني
خلود:أنا توي صحيت
زياد: يله بقوم أصلي وأنزل أجيب فطور تجهزي ترى طيارتنا الساعه ٤:٠٠العصر
خلود: أوك بس فين بنروح


زياد: حياتي بنروح إيطاليا وبنجلس فيها شهر
خلود:شهر كامل
زياد:أيه شهر ولا مو عاجبك
خلود: لا عادي


المهم وضى وصلى ولبس له برمودا أبيض وبلوزه أزرق مطلع شكله يجنن نزل بيجيب فطور


خلود فتحت خزانتها وطلعت لها بيجآمه ولبستها ورفعت شعرها لفوق وبشكل مهمل وحطت مكياج خفيف حق الصبآح طالع شكلها حلو وتعطرت
وجلست تتصفح مجله جاء زياد ومعه الفطور وأفطروا وزياد يسولف وخلود ساكته طلبوا أثنين شاي م الفندق وجلسوآ بالصاله خلود ساكته وسرحآنه

وزياد ماحب يكلمها وطول آلوقت يردد آلجمله" الله يحنن قلبك علي..


العصر جهزوا أغراضهم كلها وراحو المطآر ع أول طيآره لإيطاليا

وصلوا المغرب نزلو بروعة المكان الأخضر والبروده صرآحه جو خيالي خلود لبست عباية كتف ولفت عليهآ منديل ولبست نظاره شمسيه كبيره بحيث ماحد يشوف ملامحهآ زين وبنفس آلوقت تأخذ رآحتها ع طول أستأجروا فندق يريحون فيه


ومن صبآح اليوم الثاني بدوا يتمشوون وتعرفوا ع المعالم اللي بأيطاليا تقربوا من بعض أكثر صار يضحكون ويسولفون مع بعض اسبوعين وزياد سعيد فيها أنه يشوف عشق حياته مستآنسه معه كانوا لما يروحوا أي مكان كانت خلود متمسكه فيه مثل الأطفال ماخلوا مطعم ولاسوق إلا ورآحوا له وبكل مكآن يتصورون وخلود معها كاميرة فيديو لما يمشون بشوآرع إيطاليا تمشي وتصور زيآد وتسولف عليه وتضحك وهو يقولها لاتصورين وهي مصره إلا تصوره راحوا بأماكن رومانسيه وشاف زياد طفل صغير وخلآه يصورهم هو خلود مع بعض وبالأخير عطى الولد فلوس ورآحوا لهم مطعم والولد كان يراقبهم وخلود أنتبهت له بس ماعطت الأمر أهميه



طلبوا لهم وجبه وبينما زياد وخلود مندمجين بالسوالف إلا والولد داخل عليهم ومعه وردتين لونهم أحمر جوري وأعطى خلود وحده وقالها أعطيها حبيبك خلود مو فاهمه بس زياد يفهم شوي بلغتهم وقال لها أنه قصده تعطيني الورده ناضرت خلود بالولد وناضرت لزياد وقالتله تفضل إبتسم زياد قال يابخيله بس تفضل مافي غيرهآ ومد الولد الورده الثانيه لزياد ههههه وزياد ماصدق خبر أخذها ورأح لخلود وباسها مع جبينها وأعطاها الورده وقال كل عام ووجودك جنبي يكفيني خلود انحرجت لن الولد عندهم



زياد: ههه فديتك هآ تسمحين له يجلس معنا
خلود:أكيد
جلس يتكلم معه زياد وجلس الولد معهم أسمه جآك عمره ٦ سنوات أبيض وأأشقر يجنن هالولد أكلوا مع بعض وتصوروا شوي جت أمرأه وأخذته بس زياد نادى جاك وأعطاه فلوس وأخذها جاك وراح مع الأمرأه طلعت أمه تشتغل بالمطعم وانتهى دوامها


خلود تناضر بزياد وتقول: يجنن هآلولد
زياد: أهآاا بس الولد يجنن



خلود: عرفت قصده وحبت ترفع ضغطه أيه بس الولد يجنن ماشفت حد زيه

زياد: أقول خلود لاتخليني أروح أذبحه
خلود: أحسن عشان يذبحوك ورآه


زياد: أهآاا وترتاحين مني صح

خلود: ناضرت فيه وسكتت


زياد: وتأخذين اللي تحبينه صح



خلود: لارد



زياد: جاوبيني



خلود: شوف زيآد انت دايم تحاول تعكر مزآجي
زياد: أنا أحاول أعكره يعني انتي ياخلود عند قرارك صح
خلود: أيه
زياد: وألحين ماخذتني تسليه ع بال ماأطلقك صح
خلود عصبت: شوف زيآد مو أنت تقول بتعاملني مثل أأختك خلاص أنا أعاملك مثل أخوي
زياد: خلود أنا مو لعبه عندك


خلود: ياربي وأنا ألححين قلت لعبه زياد مع أحترامي لك انت دايم تحاول تسبب مشاكل رغم أني سآكته
زيآد عصب وضرب يده ع آلطاوله: الله يلعن اليوم اللي فكرت أتزوج



خلود: مانت مغصوب ع شي يازياد طلققني وأرتآح
زياد: زين مادام وصلت لهنا ياخلود طلاق مارآح أطلقك فاهمه وما ح أخليك تجتمعين مع اللي تحبينه فاهمه وقولي عني أنآني أي شي

خلود: إذا كانت عندك كرامه بتطلقني

زياد: مو أنتي تعلميني الكرامه فااااااهمه!!!

خلود عصبت: زياد عن آلغغغلط!!.. ويله أنا بروح الفندق زياد سحب الكرسي بقوه وراح يحاسب وقال لها تستنآه برى



طلعت برى خلود وشافت الفندق مو بعيد وقالت أروح أحسسن مشت له وتأخر زياد شوي ع بآل مايحاسب طلع برى ماحصلها وعصصب وقال أكيد راحت الفندق هي تمشي وضيعت الفندق ودخلت جوات مباني وضيعت الفندق وخافت فتحت شنطتها بتأخذ الجوآل ناسيته بالفندق قههرر

وبدت تخاف وقررت ترجع للمطععم وماعرفت طريقه تأهت وجلست تصيح






زياد دخل الفندق مالقاها بغى ينجن يدور عليها ويكرر جملة"أنا أستاهل أنا اللي عصبتهآ" أنا أستاهل أنا اللي عصبتهآ"





خلود ميته صيآح وتدور مي داريه وين تروح وجلست تبكي والنآس يناضرون فيهآ مستغربين ويكلمونها وهي مو فاهمه عليهم وتصيح




زياد وصلت معه ساعه كامله وهو يدورها ماحصلها وطلع برى وراح يم المطعم وسأل ماجتهم وجلس يقول فباله"معقول تسوي بنفسها شي" لا لا وطلع برى يدور عليها مثل المهههههبول




وهي شوي ويغمى عليها ساعتين ونص وهي مو داريه عن نفسها وتقول وينك يآزياد راحت وقفت بجنب محل يبيع ورود طبيعيه وجلست وهي تصيح وتشوف نظرات الإيطاليين لها وماتت خوف




وشافتها عجوز أيطاليه وخلود راحت تمسكت فيها لأن شكلها مره طيبه وأشرت لها بالإشاره والعجوز عرفت أنها ضايعه وجلست العجوز بجنبها تهديها





وزياد يدور م مكان لمكان وهو خايف أن صار لها شي رفعت خلود راسها وشافت زياد من بعيد يمشي ويناضر حوله







خلود جلست تصرخ زياد زياد







وراحت له وأرتمت بحضنه وجلست تصيح



وزياد يحاول يهدي فيها وهي متمسكه فيه كأنها طفله خايفه يروح عنها وزياد يهديها
خلاص خلاص حياتي أوعدك مازعلك خلاص خلود أنا جنبك خلاص
وهي تبكي ودموعها مي راضيه توقف وترجف زياد وخرها عنه
بس بس خلود ومسك يدينها وضغط عليها خلوود أنا جنبك وحضن وجهها بكفينه وبصوت عالي خلود أنا جنبك


وبدى يمسح دموعها وهي مو راضيه تهدى راحوا للفندق وخلود مي راضيه توقف بكي خلاص أوعدك مارح أزعلك واللي تبينه أنا حاااااضر


كان خايف عليها أكتر م نفسه



غفت بين يديه وشالها ومددها ع السرير ولحفها زيين وهو يمسح بقايا دمووعها بيدينه وبعدها قال بنفسه أنه مستحيل يزعلها لو مهما صار بينه وبينها



غفت خلود ٤ ساعات وقامت وحصلت زياد ع الكرسي بجنبها

وعلى وجهه التعب قامت خلود ومسكته مع كتفه بهاللحضه حست خلوود بإحسآس غريب وجلست تتأمله صحته وخلته ينآم ع آلسرير ولحفته زين لأن إيطاليا برد جلست بجنبه نص ساعه ونعست ونامت بجنبه



مر يومين وخلود ساكته وزياد يحآول فيها يتمشوا بس أهي ترفض



وزياد خاف أنه يكون صاير لها شي لأن من صآرت آلحادثه ماكلمته


جالسه ع الكنبه وحاضنه رجولها بيديها وتناظر تحت
زياد قرر يطلعها من اللي أهي فيه


زياد: خلود حبيبتي خلاص ماصارت انتي زعلآنه مني صح؟

خلود: لااااااارد...\

زياد: طيب أنا أسسسسف وربي أأسف

خلود:لااااااارد...

زياد:طيب حبيبتي أنا من حبي لك جالس أعصب على أي شي..خلود أنتي أبدآ مو حاسه فيني أنا وآلله أحبك وأبيك وأعشق ترابك خلود ترى هنا بقلبي نار لما تجيبي طاري الطلاق
خلود: لااارد
زياد بتنهيده: خلاص خلود وربي خلاص..
طلع برى الفندق..وخلود ماصدقت أنه راح وأنفجرت بكي ..آآآآه آآآه وجلست تضرب يدها ع قلبي..والله أحبك يانوااف..ياربي ليش قاعد يصير فيني كذا ليش أهلي غصبوني عليك يازياد..ليش مافكرت فيني يانواف..آآه يارب أنك تساعدني يارب أنك تساعدني..




زياد برى ضايقه فيه الدنيا .. وخلص قرر أنه يدعس على قلبه ويطلق حب حياته .. بعد ٣ شهور ويبعد عنهااا.. لأن يهون عليه العذاب اللي يتعذبه كل يوم ولأنه يكون مع إنسانه ماتبيه وقلبها مع غيره..



قرار صعب قرره زياد





خلود بس هالبكي كله قامت خذت لها شور دافيئ يريح أعصابها التعبانه..
طلعت لبست لها بجامه وهي جالسه تمشط شعرها تناظر عيونها اللي منفخه من كثر البكي..وقررت أنها تهدي الأمور مع زياد.. وتعامله أحسن معامله في سبيل أنه يطلقها.. لأنها ماتستحمل تعيش مع شخص هي تحب اخوه..




سوت لها كوفي وراحت جلست بالصاله تطالع فيلم تناضر بالبلازما وهي سرحانه لدرجة دخل زياد وماأنتبهت له الا وهو بوجهها..



خلود أنفزعت: ها بسم الله خرعتني



زياد بضحك:لهالدرجه سرحانه تفكرين بمنو؟

خلود:ساكته

زياد: ياربي رجعنا على الزعل أسمعيني يابنت الناس اللي تبينه رح أسويه لكي بس بعد المده اللي أتفقنا عليها خلاص وبعدين هاتي الكوفي يله أشتهيته سحبه من يدها بضحكه..


خلود مأستحملت وجلست تضحك..


زياد: ايه كذا نبي الإبتسامه يم طعمه يجنن ياخلود
خلود: اي اكيد لازم يكون حلو مو الإيدينات هذي اللي عاملته
زياد: يارب تسلم هاليدين للشخص اللي يحبها..غمز لها وراح نااام..
خلود جلست مع نفسها تفكر أيش يقصد بس مأعطت الموضوع أهميه..



وجلست تتفرج الين مانامت


صحت ع الساعه تسعه بالليل ووضت وصلت الصلواات اللي فاتتها وأستغربت أن زياد ماصحاها للصلاة راحت له بتصحيه



خلود: زياد قوم يله الساعه تسعه يله

زياد قام ويناضر بساعته أف كل هاذا وماحسيت بنفسي

خلود بتنفذ اللي براسها.. أنها تعامله أحسن معامله.. عشان مايعاند ومايطلقها..


خلود جلست ع السرير وبدلع عفوي: ياآلله زياد قوم ترى مره جوعانه وتحط أيدها ع بطنها
زياد يناظر عيونها ويتكلم بهمس: يسلملي الجوعان يالله حبيبتي دقايق أصلي وأنتي جهزي بنتمشى برى لأن بكره خلاص بنرجع للسعوديه
خلود بدلع : صدق؟
زياد: أيه صدق ليش يعني أفهم ماأستانستي هينا؟
خلود: لا زياد أستانست..بس أشتقت لأهلي وديرتي..ولا مايحق لي..
زياد: ولو إلا أكيد يحق لك..يله بروح أصلي وأنتي خليك جاهزه
خلود: أوكي..
قام زياد أخذ له شاور ع السريع ووضى وصلى ولبس له برمودا أسود وبلوزه أبيض ولبس له قبعه لونها أسود طالع شكله جنان



وبهاللحظه كانت جاهزه خلود نزلو مع بعض
وتمشو شووي بس الجو كان بارد وهم مو لابسين ودخلوا أقرب مطعم طلبوا لهم أكل
مرت فترة صمت عليهم
زياد سرحان ويناظر بخلود وهي أنتبهت
ناظرت له خلود وأبتسمت: زياد بشنو مسرح؟



زياد: تبين الصدق
خلود: أيه أكيد
زياد يفكر: آممممممم
خلود: زياد لا جد
زياد: هههه لا وآلله ياقلبو وآلله الصراحه أفكر فيكي


خلود بدت تأخذ ع زياد وصارت تطلع منها حركات عفويه كأنها تعرف زياد من زمااان:قامت تسبل بعيونها طيب أهآ وبشنوو تفكر بالضبط؟..


زياد:يالبى قلبك وآلله


اللي قاعد أفكر فيه أني أبعرف كل شي عنكي أيش تحبين وأيش تكرهين وأيش اللي يعجبك وأيش اللي مايعجبك أبفهمكي أكثر


خلود: أهآ وأنا بعد خاطري أعرف عنك أشيااااء كثير


طيب خلاص بنلعب لعبة الصراحه لكن بعيدآ عن الأسئله المحرجه
زياد: أوك ومنها نفهم بعض

خلود: طيب يله أبدء أسئلني


زياد يفكر: طيب أحم أول سؤال ياخلود


س/شي تتمنينه بفارس أحلامك بغض النظر عن مين كان هالشخص؟

خلود: هو شيئين يازياد اللي دايم أبيها بس هي لعبة صراحه وبدون زعل
اول شي: يكون يفهمني
ثاني شي: كوميدي وماعنده وقت بجد زياد أحب هالصفتين الشي الأول ضروري لاكن الثاني شي يعجبني وأستأنس أكثرر على الشخص اللي كذا


زياد:أها حلو
خلود: طيب انا سؤالي

س/ لو يرجع فيك الزمن لورى ايش الأشياء اللي بتغيرها بحياتك؟
زياد بتنهيده: سؤال صعب ياخلود بس لازم أجاوب!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!


__________________________________________________ __________

ابي تعطوني ارائكم بكل صدق وصراااحه
اتقبل النقد..

مع تحياتي

حآيره..


__________________________________________________ __________

السلام عليكم ورحمة الله وبركاته ..
لو سمحتي يا سيده حالمه .. لو سمحتي كملي روايتك ..
وانا ما اشترك في المنتدا الا علشان اقولك كملي ..
صراحه روووعه روايتك .. من ناحية مافي ولا نقد ..
الله يسعدك كمليها♥


__________________________________________________ __________