معشوفتي امرأءة لعوب.... قصة حقيقية
عنوان الموضوع : معشوفتي امرأءة لعوب.... قصة حقيقية
مقدم من طرف منتديات نساء الجزائر
معشوفتي امرأءة لعوب....
هيدي اول قصه بكتبها ان شاء الله تعجبكن
آية هي البنت الوسطى بين اخواتها فاطمه و وجود
ولكن جميع من يعرفها يظنها آآآآخر العنقود لدلالها ونعومتها وطيشها
عمرها 20 عاما ولكن روحها اصغر بكثييررر مشاكسه ومغروره وغيوره
مراهقه بكل ماتحمل الكلمه من معنى
والداها منفصلين عاطفياً ووالدها متزوج من اخرى تكبر عن آية ب10 سنوات
::البــــــــــــــــــــ 1ـــــــــــارت::
والأن هاقد بدأ العام الدراسي
عامي الأول بالجامعة
اتدرون اشعر بسعاادة عارمة هاقد كبرت وانتقلت للجامعه...
يالغبائي ...احدث نفسي بأني كبرت وكأني طفله تبدأ عامها الأول بالمدرسه..
نفسي مسدوده عن الأكل ولكني لا اريد ان يظهر الذبول على وجهي..
فمن يدري قد اجد معجبات جدد
طارق: آيات.. يقولون كبرتي بتروحين الجامعه؟؟
آيه :هههه تنكت انت ووجهك عالصبح؟؟ عالأقل مو مثلك عجزنا واكل الدهر علينا وشرب
طارق: اووووف يللي ماتستحي انا اكل الدهر علي وشرب؟؟
كل هالوسامة وهالطول والعرض والأبتسامة تقولي شايب؟؟
....تككككككككفى يابراد بيت
...شوف هاذي قال براد بيت قال هاذا الي شايب مو انا
ياحظ الي بتاخذني اكيد بتموت فيني
انا الي دلخ الي احط عقلي بعقل بزران من صبح الله
بس بذمتك آيوه ماتتمني واحد يشبهني؟؟
آيه:ههعلشان يجيب لي المرض
هذي رفيف تتصل: اهلين شو برا؟؟
يلله بلبس عباتي بس وبطلع بايو
طارق: آيات انتي كبرتي خلاص مايصير رايحه جايه مع صاحبتك وحميدان
انا بوديك وبرجعك
آيه :اووووووووووووووف اوووووووووف يلله باي باي
طااارق بضحكه: باااي
وفي السيارة سلام
رفيف: وعليكم السلام والرحمة
ها يا آيات يقولون كبرتي وبتروحي الجامعه؟؟
آيه : اقول جب بس جب ماصارت سبقتيني بسنه صدقتي حالك
محمد اخو رفيف قام يضحك
وآيه مطنشه :رفيف لا تخليني احرمك من آخر الأخبار
رفيف: والله تكفين انتي واخبارك
آيه :ماعليه نشوف بعدين
وفي الجامعه رفيف: خير آيه خير رايحه عرس؟؟
كل البنات تطالع.. لا والأخت توزع ابتسامات
وآية مطنشه
رفيف دفتها هااااي انتي
آيه: وش فيييج؟؟
رفيف: ممكن توقيع؟؟آيه ديور؟؟
آيه: بس؟؟ ولا يهمك عطيني يدك
رفيف: والله؟؟
آيه:عارفه تبي الناس تشوفها بس احس قويه بوشك ترى حتى بيدك
واضحه القلم تبعي فوشي..بيتلاحظ
وقفت بنتين :سلام انتي جديده بالجامعه؟؟
رفيف : ايه صديقت... وقاطعتها دلال
:رفيف اذا سمحتي ماكلمتك..
آيه بأبتسامه ونعومه: اهلين ايوه انا جديده ليش شو بدك؟؟
دلال :بس بدي اتعرف على هالحلو من وين سوريه؟؟
آيه: لابس انا بحكي هيك
دلال بأعجاب: والله؟؟
رفيف مسكت يد آيه ومشت معاها
آيه: وش فيك رفيف شو هالأسلوب؟؟
رفيف: وانتي كل من صفق لك رقصتي له؟؟ الحمد لله ماعندنا اختلاط ولا كان اهلك مايدرون وين يودون وجههم
آيه: شوفي يارفيف انا اصاحب الي بيعجبني واكلم الي اكلمه مابيخصك اوكي؟؟
ومشت عن رفيف
رفيف لحقتها: آيه لحظه وش فيك؟؟
آيه التفتت لها :نعم؟؟
رفيف: آيه هاذي دلال وعنزتها حنان: هذيلا يدورون الي تعجبهم يحبونها
آيه: ويعني انا دايم البنات والمدرسات يحبوني؟؟
رفيف: وجععععععععع في هالغرور.. ياتنك هذيلا يحبون حب جنسي ياهبلا هذيلا مشبوهات
آيه: ويعني خييييير؟؟
رفيف: ؟؟؟؟؟ خيييير؟؟ اقول لك سحاقيات تقولي خير؟؟
آيه: هم احرار ولما انا اكلمهم مو معناها اني انا مثلن
رفيف: الحمد لله والشكر
اقول آيه
آيه: نعم؟؟
رفيف: شو آخر الأخبار الي قلتي عنها؟؟
آيه: شو ألتي ماسمعت؟؟ مو ألتي مابيهمك؟؟
رفيف: آيتي تكفين تعرفين قدام حمود اكيد بقول مو مهم..
سأل عني علق؟؟ وش قال؟؟
آيه: اف اف اف لوين رحتي ليه شو بينك وبينه لحتى تنتظريه يسأل؟؟
رفيف بحزن: طيب؟؟
آيه:اليوم توتو يقول ياحظ الي بتاخذني اكيد بتموت فيني
رفيف تغيرت الوانها : ليه تتوقعيه مفكر يخطب؟؟
آيه: ويقول مايبيني اروح واجي مع حميدان وربتت على صدر رفيف
وش فيك ساكته؟؟
النا لك ازامابدك الطيور تتطير بأرزاقها تلحلحي شوي
رفيف: تتنهد... وكيف يعني؟؟
آيه: ياغبيه طارق مابراسوه شي لو في وحده عالخط كنت انا عرفت
رفيف: يمكن يحب بالسر؟؟
آيه: ياماما انا آآآآآيه يعني بعرف كل شي
وبعدين هذا رقمه خذيه... العبي بأعصابه شوي.. اسرقي قلبه
رفيف: لالا آيه قلت لك الف مرة لأ
آيه : اصطفلي
رفيف: طيب انتي ليه ما أخذتي رقم حمود
آيه : نعم؟؟؟ وععععععع هذا الي ناقصني
رفيف: آيوه حرام عليك تدرينه يموت عليج
آيه : جب سكري الموضوع بلا طارق بلا حمود
وبعدين ياغبيه انا لو واحد داخل مزاجي كنت من زمان حطيته بجيبتي...
ولما كانو بالساحة ينتظرو حمود وقفت خلود مقابل رفيف تطالعها من فوقها لتحتها وتعض على شفتها بنص ابتسامة
وآية طالعتها بأبتسامة غرور وصدت عنها
رفيف: آيه هالدلال ذي ترى بتبلشي فيها لا تعطينها وجه عامليها معامله خايسه..
آيه: افففف وانتي وش عليكي مني؟؟
رفيف: يلله يلله مشينا حمود برا
وبالبيت
غيرت ملابسها ونزلت للغدا
طالعت بطارق مستغربه؟؟
وش صاير ابوي مابيتغدا معانا؟؟
ردت امها: الا بيتغدى
آيه وطارق بنفس واحد: خييييييير راضيه عنه اليوم؟؟
امهم بغضب : بدون لقافه..
ودخل ابو طارق
:سلام
ردت ام طارق: وعليكم السلام
والكل ساكت
الأب سكت شوي وبعدين اخذ نظره خاطفه على اولاده:خيييير ماسمعتوني اسلم
آيه : الا سمعناك بس وين علي ماجا يتغدى معانا اليوم؟؟
ابو طارق طالع ام طارق :بكرا بيجي يتغدى ان شاء الله..
>>>>> ردود الأعضـــــــــــــــــــاء على الموضوع <<<<<
==================================
هااااااي بنات كيفكن؟؟ اجيت لكم بالبارت الجديد
معليش تأخرت عليكم بس والله ما كان عندي نت
وتفضلوا هلأ
البــــــ 2 ـــارت
آية وطارق حاسين ومتأكدين انو في شي
مو طبيعي الماما والبابا قاعدين مع بعض عالغدا
لما خلص ابو طارق غداه كتف ايدينه وجلس يطالع ام طارق
ام طارق سوت روحها ماتشوفه
ابو طارق: ها يا لولوه شنو موضوعك؟؟
ام طارق: ولدك طارق
ابو طارق: وش فيه وش مسوي؟؟
ضحكت آيه ووجود
طارق طالع في امه: وش سويت انا؟؟
ام طارق: انتو ماتعرفو تجلسو بأدب ابد؟؟جالسين في مسرحية؟؟
ابو طارق طالع بنص عين وبنفسه يقول: بو طبيع مايهد طبعه
وقال: المهم؟؟
ام طارق: له كم سنه يشتغل نبي نزوجه
ابو طارق: هو قال يبي يتزوج؟؟
طارق بأعتراض: لا ماقلت
ام طارق: ماقال بس انا عاجبتني بنت اختي ريما وما ابيها تروح عليه
ابو طارق وقف وقال: الولد ماقال وباين انه متفاجئ كلميه اذا وافق انا اخطب له على هالخشم
وطالع في طارق وابتسم
طارق ابتسم واسترخى
ام طارق: بس انا عاجبتني البنت وماراح يلقى احسن منها
ابو طارق: انا قلت اذا طارق طلــــــب مو انتي واذا عاجبتك تزوجيها
ام طارق ضربت ايدينها عالطاوله: انت اصلا مو فاضي وماتبي شي يزعجك ويشغلك عن ست الحسن انا غلطااااااااانه اني سويت لك اهميه وقلت لك..
ابو طارق ابتسم:يعني تبي تخطبين له بروحك روحي مين ماسكك؟؟ وبعدين ست الحسن مالك دخل فيها ولاتفتحي على نفسك باب منتي قده فاااهمه
ام طارق: تهدد؟؟ يعني وش بتسوي؟؟مالك شغل فينا انا وعيالي كيييفنا
ابو طارق:طوليها وراح تروحي بيت اهلك وورقتك قبــلك
ام طارق بصوت مبحوح:يعني انت مو رامينا من زمان؟؟شايل ايدك والمسؤليات كلها علي وشاطر تآمر وتنهي بس لا بخيرك ولا بكفاية شرك
ابو طارق: جب وقفلي حلقك وانا مو جاي اصالحك
قاطعته آيه بدموع: يبه خلااااص وحضنته
طارق راح جنب امه ومسك يدها بقوه وقال لأبوه: يبه انا ابي ريما بنت خالتي
ابو طارق طالع فيه: وقال عيشه تقصر العمر وطلع
ام طارق: راحت روحك الله ياخذك
آيه: يمه لا تدعين عليه
فاطمه: يمه ليش ماقلتي لي انك بتكلمي ابوي بموضوع؟؟
منصور كان بيجي يتغدى عندنا الحمدلله انه انشغل ولا انا وين اودي وجهي؟؟
وجود:طارق من صجك تبي تخطب ريموه؟؟
ام طارق : وجود ووجع
وباليل طارق راح لأبوه الملحق سلم عليه وطالع في مرت ابوه وقال: ابي اكلمك بموضوع
ابو طارق: جنه تدري بالموضوع كله تكلم
علي سمع صوت طارق: وطلع يركض: توتو
ضحك طارق وجلسه بحضنه
جنه: يلله علاوي لقيت حجه علشان ماتنام
طارق طالعها بنص عين وقال: يبه علشان نبي نتقدم لبنت خالتي
ابو طارق: طارق مو علشان امك تبيها تتزوجها لازم انت الي تختار ويكون الزواج براسك
طارق: يبه بنت خالتي يتيمه ومرت ابوها مأذيتها
ابو طارق: وعلشان كذا بتزوجها؟؟ خوش سبب ..وبعدين مو بكيف امك مرت ابوها مأذيتها
طارق: يبه ليش انت شايل على امي؟؟وليش تتكلم عنها كذا؟؟
ابو طارق: لأنها نجسه واذا بنت اختها زيها بنبتلش فيها وفي امك
طارق وقف: يبه لاتتكلم عن امي كذا قدام هاذي
وبعد علي عنه وطلع
وصارت دلال كلما شافت آيه بالجامعه تلاحقها بأبتسامات اعجاب
وآيه مبسوووطه
وبعد اسبوعين طلعت رفيف من المحاضرة ولقت آيه تسولف وتضحك مع دلال
وجات رفيف ووقفت وقالت سلام
آيه قالت: اهلين
دلال :وعليكم السلام
رفيف طالعت في دلال وقالت:انا كلمت آيه ماكلمتك
دلال ابتسمت بأستهزاء: اوكي نو بربلم
رفيف: آيه يلله مشينا حمود ينتظرنا
آيه: اوكي يلله دلال باااي
دلال: باي ياعمري
وبعد مامشو
رفيف: قطييييعه تقطعها ابي اعرف شلون ماتلوع كبدك منها؟؟
آيه: تلوع كبدي بس هي معجبه فيني وما ابي اكسر خاطرها
رفيف: تكفيييين
آيه: يلله تقولي حمود برا؟؟
رفيف: مو برا بس كنت ابي انفض القرف عنك
آيه: يااااااسخفك
وبعد ساعه رفيف: مدري وش فيه حمود اليوم تأخر
بتصل اشوفه :اهلين حمود وووينك لطعتنا
...اوكيه طيب وش لون السياره؟؟ طيب باااي
آيه وش السالفه؟؟ اكلم طارق
رفيف: هااااه؟؟ يمه قلبي ليش توك تقولين؟؟
آيه: الله الله كل هاد حب؟؟
شو حمود مو جاي ؟؟
رفيف: لا جاي بس بسيارة خويه مسوي حادث شكلها سيارته راحت فيها
يلله هاذا هو يدق
وطلعو رفيف: هذي السياره السوده
آيه: صبري هذي فيها اثنين!!
رفيف: شكله خويه معاه هذا حمدو يلله
آيه ضحكت: يلله واحد لي وواحد لك
وركبو السياره رفيف ضربت آيه بكوعها وهمست: آيوه النافذه مفتوحه
آيه :خيييير
رفيف: يادلخه شوفيه بالمرايه مبتسم اكيد سمعك وش قلتي..
آيه: هاااااه..... وضحكت بصوت عالي
رفيف خزتها
آيه حطت يدها على فمها
وحمود وخويه التفتو ورا
وبالبيت رفيف كلمتها تلفون: آيوه فشلتينا الله يقص وجهك ياحماره
آيه: ههههههههه لاتذكريني
رفيف: يضحك؟؟ تبي اقول لأمك عن فعايلك علشان تنتحر
والله العظيم كأنك طفله ملبسه هدوم حرمه
يبي لك اعادة تهيئة
آيه: وبعدين حضرته وش عنده يبتسم لا يكون صدق؟؟
رفيف:اشوى اني مو انا الي تكلمت ولا كان ياخذ عني فكره
آيه: وش فكرته تراكي متخلللفه درجه اولى
وفي الصباح آيه: اهلين رفيف يلله طالعه باااي
ولما طلعت وقفت متنحه شوي
وجات تفتح باب السياره لقته مقفل وقفت شوي محد فتحه دقت بأظافرها عالنافذه
وفتح صاحب حمود القفل
ركبت السياره قربت جنب رفيف وهمست: كنتي قلتي لي عن السياره السوده
على الأقل كنت البس نظاره شمسيه خخخخخ
رفيف قامت تضحك بصوت واطي
فجأة وقفت السياره وطارو من اماكنهم
آية: وجججججع
وصاحب حمود التفت وطالعها بنص عين وصد
آيه حست بحرارة تطلع من وجهها وجسمها
رفيف قامت تضحك
آيه هزتها بكوعها
ولما نزلو آيه تمشي وهي معصبه
رفيف: آيه وش فيـــك حتى العباة مافصختيها؟؟
آيه: وش أسمه قليل هالأدب هذا؟؟
رفيف: ههههههه لها الدرجه رفع ضغطك؟؟
آيه بعصبيه: ههههه تنكتين يعني
رفيف: اسمه عبدالله
آيه: وججججع شفتيه شلون يطالع كأنه يقول تستاهلين
رفيف: انتي عايشه في عالم ثاني
آيه :من صجك؟؟ والله انك على نياتك كان قاصد يوم يوقف ويكفخنا
رفيف: لا ما أتوقع آيوه ترى الرجال ذررررب ومره اتيكيت وثقيل
آيه: وش عرفك عنه من وين جبتي هالموجز
رفيف :لأنه كان صديق اخوي عبدالعزيز الروح بالروح ويوم سافر اخوي حمود صاحبه
ولما خلصو المحاضرات جات لهم بنت: احم احم
رفيف: اهلين مروج
مروج :ممكن نتعرف وأشرت على آيه
أيه ابتسمت
رفيف: لأ مو ممكن
آيه طالعت فيها بقوه وقالت: لأ ممكن ومدت يدها تسلم انا آيه
مروج : اهلين انا ميري
تفضلوا نشرب شي بالكافتيريا
رفيف: الحين بتجي سيارتنا
آيه: انا بروح اذا جا الشوفير ناديني
رفيف تنهدت وراحت معاها
شربو كافي ومروج اخذت رقم آيه وعطتها رقمها
ودق حمود رفيف : آيه يلله
آيه: يلله ميري
مروج: سلمت عليها ومسكت كفها بحراره وباستها خدود
لما مشو رفيف: آيه انتي وش فيكي بتجيبي لنا الشبهة بهالأشكال
آيه: انتي كل البنات مو عاجبتك ولا غيرانه علشان انهم معجبين فيي ومالكي معجبات
رفيف: اصلا انتي مريضه وانا بقول لأمك
آيه: جربي وشوفي
ولما طلعو آيه وقفت قريب السياره تطالع عبدالله بغرور واحتقار
عبدالله التفت بدون قصد وشافها تطالع كتف ايدينه وقام يطالع فيها
رفيف سحبت يد آيه وركبو السياره
رفيف قرصت آيه وهمست: وش فيكي انتي مجنونه مجنونه؟؟
آيه: شفتيه شلون يطالع؟؟ موعاجبه الأخ
رفيف: تراكي راكبه سيارته
آيه: وخييير يعني؟؟
وبالبيت رفيف كلمتها: آيه مررره فشلتيني تأدبي عن هالحركات صيري بنت سنعه
آيه: وش سويت انا علشان كل هذا؟؟
رفيف: والله الرجال بياخذ عنا فكرة حتى اخوي حمود مدري شلون يطالعني
آيه: خليه ياخذ فكرة طقااااااااق واخوك حمود احسن علشان يشيلني من راسه
رفيف: آيه والله احسك السنه مو طبيعيه وشفيك مصخنه ولا ملبوسه؟؟
مرررره مزودتها انا خايفه عليكي شكلي بكلم امك
آيه: ههههههه اقول ذلفي هذا طارق يناديني مدري وش يبي
نعم طارق
طارق: ابيكي تكلمين ابوي بخصوص خطوبتي
آيه : من صجك؟؟ تبي تخطب ريموه؟؟
طارق: ابوي ماقصر في امي ابي اجبر خاطرها
آيه: يممه حساس يعني؟؟ وبعدين صح ابوي زودها بس امي الغلطانه صراحه ماعندها اسلوب
وما حلى ابوي بعينها الا يوم تزوج
طارق: يعني امي الغلطانه وابوي ملاك لا وتدافعين عن زوجته!!
آيه: انا ما أدافع بس هذي الحقيقه الي ماأحد يعترف فيها..نسيت اول وش سوت بأبوي طول الوقت هواش واحتقار وماتعرف الا تسرد له عيوبه لين صار ينام بالملحق ويوم تزوج ماعجبها
يعني وش تبيه يسوي لها؟؟ ينتظر جولييت عند النافذه مثلاً؟؟
طارق: والله انك صج بنت ابوج...طيب يعني مابتكلمينه؟؟
آيه: طارق مستحييييل يوافق بعد الي انت سويته وبعدين فكه شوف لك وحده ثانيه وابوي اكيد بيوافق.. ولا شوف فطوم ولا وجود يكلمونه
طارق: فطوم ماتبي تدخل مشغوله بنويصر كروز
ووجود ماتشتهي ريما...لكن هين بتحتاجيني وبتشوفين
آيه: تككككفى.. اذا احتجتك يصير خير
وفي اليوم الثاني
آيه سبحت نفسها بالعطر ولبست لثمه بدل النقاب
وهي بتطلع شافها طارق قال : هاي هاي انتي وش مسويه ليش كل هالعطر؟؟
آيه: غرشة العطر انكسرت وطشت علي يلله مستعجله باااي
طارق: آيوه ياحماره لحقها شافها راكبه سياره جديده؟؟ بس الي هدئه شوي انه شاف حمود بالسياره
قال: هين خل ترجع ويصير خير
ودخل البيت قال لأمه: تدرين عن بنتك مع منو تروح؟؟
ام طارق:مع مين؟؟ مع محمد ولد ام عبد العزيز!!
طارق:معاه بس مو سيارته مدري مين الي معاهم بالسياره هذي مو سالفه حمود ومشيناها سنين تروح وتجي معاه بس ترانا عطيناها وجه زياده عن اللزوم
ام طارق: خل تجي وانا اتفاهم معاها حسبي الله على ابوها
طارق: يمه لا تدخلين ابوي مانبي مشاكل
وفي السياره ركبت آيه: سلاااام
عبدالله طالع بطرف عينه وصد, حمود رد السلام برومنسيه
رفيف قربت منها وبهمس: وش فيكي استخفيتي؟؟ وش هالريحه عسى ماشر انتي وهالثمه رايحه سوق؟؟
آيه ماعطتها وجه
تلفتت انتبهت ان عبدالله لابس نظاره شمسيه ومو لابس ثوب لابس جنز وبلوزه سوده
آيه قربت لرفيف وقالت :أخس ياجيمس بوند
رفيف تنهدت بغضب
يوم انزلو رفيف: آيه ابي اعرف ليش تتحرشين بالرجال؟؟
آيه :نعم نعم ايش؟؟ اتحرش يكفى انتي وياه لا يكون دخل مزاجك بدل طارق؟؟
رفيف: آيه ماأسمح لك
وجات مروج تلوح الى آيه من بعيد
آيه: رفيفوه اليوم مالي خلقك ترى اخلاقك اليوم خاااااااايسة
بجلس مع مروج بااااي
رفيف فتحت عينها ووقفت مو عارفه تتصرف
وفي نهاية الدوام دورتها لقتها جالسه وجنبها مروج لاصقه فيها وآيه تكتب في يد مروج
تنرفزت وراحت لها بس قبل لاتوصل وصلت لهم دلال وحنان
دلال: مستر مروج ابي اعرف شفتيني قبل مع آيه ولا لأ؟؟
مروج: شفتك وش عندك؟؟
دلال: يعني تدرين اني احبها
مروج: وخير حبتك القراده
دلال: يادوغه حسني الفاظك
مروج:اقول ظفي وجججهك
رفيف راحت مسكت آيه وقالت لها : يلله فضحتينا امشي البنات تجمعو علينا
دلال مسكت يد آيه:آيه الحين تختاري ياأنا يا هالدوغه
آيه: مشاكلكم حلوها بينكم انا مالي دخل بختاركم اتنيناتكم..
دلال طالعتها بحب: والله؟؟
رفيف سحبت يدها ومشو
رفيف: آيه تراكي ززززودتيها وانا ماعاد اقدر اتحمل بقول لأمك
آيه: بل فلسفة لنا...الشوفير جا؟؟
رفيف طالعتها: شوفير ابوكي ها؟؟
رن جوال رفيف
واطلعو
ركبو السياره محمد قال: رفيف كنا حرانين وشرينا موكا بارد حسبناكم
محمد مد الموكا لآيه وعبدالله مده الى رفيف(كل واحد للي وراه)
آيه اخذت الي بأيد عبد الله وقالت :شكراً
رفيف طالعت فيها وهي منحرررجه وتنهدت
عبدالله التفت ورا وهومبتسم وصد
رفيف ماأخذت المشروب من اخوها
محمد خلا الموكا معاه وهو محبط
ووصلت البيت
بدلت وانزلت تتغدا شافت ابوها راحت تركض له وضمته وقالت: وينك هالغيبه؟؟
اشتقنا لك
ابو طارق: حبيبتي وانا ماأشتاق بها البيت لأحد غيرج
حطت الشغاله الغدا وشوي وجات ام طارق جلست
ابو طارق قام
طارق: يبه وش فيك؟؟
ابو طارق: مافيني شي الحمدلله شبعت
طارق: يبه بكرا ابي اروح اخطب
ابو طارق: ومين ماسكك عندك هالذيبه خل تخطب لك
طارق: يبه ما أسمح لك تكلم امي بهالطريقه هذيك مارضيت عليها وزعلت اسبوعين
قاطعتنا احنا عيالك علشان خاطرها
ابو طارق: جنه لها اسم واحترم ابوك ياقليل الأدب لكن ما أشره عليك وأشر على امهم
وقال: اذا كان رب البيت بالدف طارب فشيمة اهل البيت الرقصُ
طارق: احترم نفسك
ابو طارق صفعه كف على وجهه وقال له: اطلع برا
طارق: طلع من البيت وامه تناديه وتتحسب على ابوه
ابو طارق ناظرها بأحتقار وطلع
ام طارق التفتت الى آيه وهي بتصعد وقالت لها: انتي تعالي
التفتت آيه:أنا؟؟
امها: ايه انتي
وجات وجود : يمه وحده تبيج بالتلفون
ام طارق: آيوه بكلم تلفون وبجي انتظري هنا مفهوم؟؟ وراحت
آيه بسخريه: مفهووووم....الحين تبي تبرد الحرة فيني
وبعد ربع ساعه جات ام آيه وهي شبه منهاره: آيه آيه ابي اعرف وش مسويه بالجامعه
آيه حطت يدها على فمها وساااكته وهي مدهوشه!!
ام آيه: وش تبون تسوون فيني انتي وابوج؟؟ انتي ماتستحين على وجهج تبي تشوهين سمعتنا؟؟
اختج ناقصه مشاكل معا زوجها؟؟
تبيه يفك الملكه مرة وحده؟؟
آيه: انا وش دخلني؟؟ الحين بتحطين كل مشاكلج عاراسي؟؟
ام آيه بصراخ عااالي: ججججججب ججججب ياقليلة الأدب وبدأت في البكاء
وجود: آيه خلااص انتي وش مسويه؟؟ اعتذري وسكري الموضوع
آيه ضمت امها: يمه انا آسفه خلاص لاتبكي
امها دفعتها عنها بقووه: شوفي يابنت الكلب جامعه مافيه وطلعه من البيت مافيه
ابوكم لاهي تفكروني ماأقدر اربيكم؟؟
آيه: يمه ابوي هنا...
ام طارق التفتت لقته واقف عند الباب سمع صراخها وجا يشوف وش السالفه
جاتها رعشه بجسمها وراحت دخلت غرفتها
وابو آيه حضنها وقال ماعليه حبيبتي تحملي طنشيها اذا زودتها انا اخلصكم منها
وجود: لا يبه...
تنهد ابوهم وطلع
آيه حست بقههر وحقد على رفيف
ووعدت نفسها تنتقم منها
وباليل نزلت راحت دقت الباب على امها
ودخلت : يمه انا ابي اعتذر منج ما اتحمل تزعلين علي
ام آيه: انتي مايهمج غير ابوج
آيه: يمه والله احبك وراحت ارتمت في حضنها واخذت بالبكاء
هدأتها امها وقالت: حبيبتي انا خايفه عليج ما وراج ابو غصبا علي اقسى
آيه: يمه ابي اروح الجامعه
ام آيه: ماراح احرمج بس بشروط... ها وش قلتي؟؟
آيه هزت راسها بالموافقه
ام آيه: صاحبات ما ابي الا الي يعجبون رفيف
آيه طالعت بقهر
امها: ها؟؟؟عارفه انك ماتبي تكلميها بس هذا اجباري
آيه : من تحت اسنانها طيب
ام آيه: وكشخه زايده ما أبي
وبعدين منو هذا الي تروحو وتجو معاه؟؟
آيه: ماقالت لك عنه؟؟
ام آيه :لأ
آيه: هذا صحب اخوها مؤقت يودينا لأن أخوها سيارته عطلانه
أم آيه: طيب عطينا خبر ماوراج اهل؟؟
اخوج طارق معصصصب اليوم الصبح شافج راكبه السياره وقال يا أنا اوديها يا ابوي يشوف سواق
وفي اليوم الثاني ركبت السياره الصباح وهي ساااكته ووصلو وقبل لاينزلون
عبدالله قال: وش السالفه اليوم هدوء؟؟
نزلت آيه واصفقت الباب
وفي الجامعه جالسه مع رفيف وهي ساااكته
بعدين رفيف قالت لها:عارفه انج زعلانه بس انتي صرتي تخوفي وانا مو عارفه اتصرف معاج
آيه: مو عاجبتج اتركيني وشوفي صديقه ثانيه
رفيف: بعد كل هالسنين؟؟ لوتتركيني آيوه ماأتركج
ولما وصلت السيار رفيف قالت: آيوه الشوفير وصل
ركبو السياره وطوال الطريق هدوء ورن جوال آيه ردت اهلين طارق
شووو اليوم وابوي؟؟ .. شلون بتخطب بدون ابوي؟؟ لا ماراح اروح
يصير خير باااي
رفيف التفتت على آيه وقلبها ينبض بسررعه
ولما وصلت آيه قبل لا تنزل التفتت الى رفيف وقالت بصوت عالي: ما ابي اروح معاكم
لاتمريني بكرا ياسخييفه فاهمه؟؟ وصفقت باب السياره وسط ذهول الجميع....
كتبت لكم اليوم بارت كبييير اتمنى القى تشجيع علشان بكرا بعد اكتب بارت كبير
وووتحياااااااااااتي رورو
__________________________________________________ __________
__________________________________________________ __________
__________________________________________________ __________
__________________________________________________ __________
رد مع اقتباس
