عنوان الموضوع : قصه واقعيه حدثت في جده قصص
مقدم من طرف منتديات نساء الجزائر

قصه واقعيه حدثت في جده






السلام عليكم ورحمة الله وبركاته
اخواني واخواتي
والله هذي القصه صارت لي في جده وانا متاكد اي رجل يشوف الي شفته راح يتصرف مثلي ويمكن اطيب المهم احكيلكم القصه

في احد الايام كنت اتعشى لوحدي في مطعم شامي في قسم العوايل
يدخلوني لانهم يعرفوني وباستمرار اجيهم ماهو على شان البلوتوث
لا احد يفهمني غلط المهم فجاه سمعت صراخ بنت تبكي ورحت اشوف الا رجل يصرخ عليها
ويضربها كفوف ويشوتها والبنت تبكي والدم يطلع من انفها وفمها
وتحاول تتغطى عن الناس وهو يواصل الضرب بكل وحشيه سألت الجرسون
قال هذا زوجها
صراحه انقهرت ماقدرت اصبر والبنت شكلها يحزن صغيره وجسمها ضعيف
وهو جسمه كبير جدا واقتربت منه ومسكت يده التفت عليه وقال انقلع وراك
قلت وربي لو تمد يدك عليها لاكسرها انت مانت رجال ولاعندك شيمه
كيف تضربهاالقساوه وتكشف وجهها قدام الناس وقتها كنت افكر كيف
ابعدها عنه واشغله وقمت اسبه
وحاول يضربني لكني ناولته ركبه قبل يهجم وسقط على الارض
وانا استلمه كفوف وركب صح اكلت ضرب وتاثر وجهي لكني
استمريت في الهوش معه حتى جات الشرطه واخذونا على
القسم والبنت علاسعاف واول ودخلت الغرفه الي هي التوقيف
انا في غرفه وهو في غرفه والصباح رحنا للضابط

في الصباح ذهبت الى الضابط وحقق معي وحكيت له السالفه
وطالع فيه وابتسم قال وانا اخوك تورط نفسك على شان بنت ماتعرفها
قلت وربي غصب عني ولو صارهذا الموقف امامي مره ثانيه راح اكرر الي سويته
جلس يضحك قال والله انك شهم خلاص انا بشوف وش قصة زوجها قلت له يستحيل
يكون انسان طبيعي قال انت اسكت لاتتدخل وسالني عن الدم الي في ثوبي قلت من خشمي
وبعدين استدعا زوجها ودخل علينا وساله النقيب انت صاحي تضرب زوجتك قدام الناس
وش قصتك رد عليه قال مالك شغل هذي مشاكل عائليه راح اشتكيك انت والاخ هذا
قال النقيب تكلم زي الناس وبلنسبه لزوجتك انت الي افشيت سر بيتك قدام الله وخلقه
خليك عندنا لين نرسل لها مندوبات يحققون معها وبعدها نحولكم للعقيد اما انت يااخ ثامر تقدر
تروح بعد التحقيق ونشكرك على تعاونك
قام زوجها يصيح ويهدد قال النقيب للعسكري وديه الغرفه
وبعدها قلت للضابط اخاف على البنت ترجع له ويستفرد فيها في البيت
قال وش الحل قلت انا اعرف جارتنا لبنانيه ام صديقي وتشتغل في قصر الامير نايف
بكلمها تشوف احد من اهلها يساعدها قال النقيب اجل روح بيتكم غير ملابسك
وكلم جارتكم
رحت البيت واخذت دش ورحت لجارتنا ام غ وحكيت لها القصه قالت ياحرام والله البارح ارسلت لك عشا وكنت احسبك رحت الطايف وجوالك مقفل
خلاص قولي في اي مستشفى وانا اروح لها قلت مستشفى الملك فهد في التحليه
انا برجع القسم على شان الضابط
ورحت له لقيت عنده ضباط اول ماشافني قال هذا هو وجلسوا يضحكون وكلهم يقولون بيض الله وجهك
المهم ام غ زارتها واعرفت انها يتيمه من الباحه وعندها عم في حي الشاطي بس علاقتهم
مقطوعه معه من زمان
اخذت عنوان عمها ورحت له كانت صلاة العصر على وشك وتوضيت وصليت في مسجد جنب بيتهم وبعد الصلاه لقيت احد الاوه من الجنسيه العربيه وسالته عن ابو احمد قال هذا الشايب الوحيد الي في المسجد لانا كنا عشره انفار الي صلينا ومامعنا لال شايب كان طول الوقت يطالع فيه
وقالي انه طيب وكريم ويحب الخير وفرحت لان هذا بيساعدني احكي له
المهم طلع من المسجد ورحت له وسلمت عله قلت انت العم ابو احمد قال ايوه تفضل امر قلت مايامر عليك عدو ابيك في مساله انسانيه في موضوع يتعلق باحد قريباتك قال تفضل البيت
وانا كنت خايف انه يقول وش دخلني بس سبحان الله انتفض بعد ماعرف السالفه وقلت يرضيك بنت اخوك تنهان في ديرتك وراسك يشم الهوا
قال والله مايرضيني دقايق البس واروح معك قلت انا بوصلك المستشفى وابنتظرك برا
رحت وصلته وجلس معها وشاف الضروب الي فيها وطمنها وطلب من المستشفى ان زوجها مايجيها
ولايزورها وصار كل يوم يزورها لمده مس ايام واول ماطلعت اخذها البيت طبعا انا والنقيب
كنا نتابع الموضوع من بعيد وربي فرحت وتطمنت انا وهو اول ماعرفنا ان عمها اخذها البيت عنده
مسكينه ثلاث سنوات وهي تاكل من الضرب وساكته ماتدري تروح لمن
وبعدها رفع عمها قضيه وطلقها منه لانه مدمن وبياع بعد ماكان موضف بنك

المهم انا انقطعت علاقتي فيهم ورجعت للطايف بعد مارفع صاحب البيت عليه الايجار ونقلت جارتنا ام غ واصبحت وحداني طول رمضان فرجعت للطايف باوامر من ابوي الله يطول في عمره

القصه للعبره هذي البنت وكثير بنات يتعرضةن للضرب بدون سبب لان ماعندهم عزوه ويتيمه
والمصيبه الاكبر الي عندها اخوان وابو لكن وجودهم مثل عدمه والله لو الزوج يعرف ان زوجته وراها رجاجيل مايفكر يمد يده لكن الشكوى لله

منقول

>>>>> ردود الأعضـــــــــــــــــــاء على الموضوع <<<<<
==================================


وه يانـــــــــــــــــــــــــــــــاس جعلني مانحرم من عيال جدة فدوة بس ..بصراحة ماشاءالله عليه كفو جعل ربي يجعل هالشي اللي سواه شفيع له يوم لاينفع لامال ولابنون ويحرم والدينه عن النار ومن قال آآآآآآآآآآمين .. متألقتي ياحلوتي هاك


__________________________________________________ __________

شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا شكرا


__________________________________________________ __________

خخخخخخخخخخخخخ اهم شي جارتو البنانية وهذا بالله جاي يضرب حرمتو في شامي وش ذا الدلع
اللهم عافينا ولا تبتلينا..


__________________________________________________ __________

لاإله إلا الله اللهم لاتبلانا


__________________________________________________ __________

والله صراحة اللي يضرب زوجته بوحشية مو كفو الوحده تعيش معاه ولا يوم