عنوان الموضوع : يوميات عيلتنا الجزء"4" والاخير
مقدم من طرف منتديات نساء الجزائر

يوميات عيلتنا الجزء"4" والاخير






// الجزء الرابع والاخير مغروره وأموره//
لهون وصلنا في الجزء"3"



الام : اسكت انتا يا حزين سد بوزك هيا ناكصه هبلك خليني نشوف شو صار بابوك المتخلص الثاني

وبايدها بتضرب عبود على راسو بالشنته من شدة الانفعال



بنكمل من هون

بتجي الضربة ع راس عبود وبغمى عليه

وبتصير امه تولول " يا ويلي يا حبيبي يا حموده الله يكسر ايدي الي انمدت عليك الله يكطم ركبتي كبل ما اشوف هالشوفه

بتركض ريم بتروح تنادي الدكتور وبجي الدكتور ومعه الممرضه وبحط حموده جنب اخوه عبود بنفس الغرفه
وبحكي للممرضه خليكي هون راقبي حالته وخديلو الضغط والحراره
عبود طبعا بس شاف الممرضه صحصح ولا كأنه مريض ولا فيه اشي

عبود : يسعد الله شو هالحلاوه
شو هالزكاوه .. امشي على رمشي .. والله عراسي كل الممرضات ... اموت انا بفرد مي

ريم ولك استحي عدمك مانا وائفه مش مستحي الله يئطعكم الشباب بس تشوفو بنت حلوه بتنسو حالكم

عبود : ولك طيري من هون خلص روحي عالدار شو مقعدك هون انتي ؟ منتي شايفه المستشفى كلو زلام
ريم ولا كانها سامعه اشي : ماما اتصلي بالبابا خبريه خليه يجي
الام : اه والله خليني احكي معه وبتتصل على ابو عبود : الاب حاطط رنه "الا صلاتي ما اخليها "
الام : والله صح الي حكته ريم هاظ عن جد صار شيخ الله يهديه
بتتصل الام وبتخبر ابوهم عن الي صار

عبود : sister بالله تجي شوي تشوفي حالتي .. حني علينا شوي
الممرضه : اوك هاد ملفك ؟ هات اشوفه :koty:
عبود : تفضلي
اخ ينعن عمري سدق المثل الي قال طيور الجنة قصدي ملائكة الرحمه
الممرضه : :shy:

بهاللحظة بجي الدكتور

الام : اه يا دكتور طمنا عن حالته ان شالله ما في اشي
الدكتور : لا ما معه اشي بخوف بس معه ارتجاج بالدماغ وثقب في طبقة الاوزرون قصدي بطبلة الاذن وخلع ولاده من الصدمه والتهاب في طاحونة العقل

الام بس تسمع حكي الدكتور يتغيب من الصدمة وبصيرو يصحو فيها وهيه ولا هيه هون
وما بخلو شي الا بشمموها اياه حتى تصحى
وهيه لا حياة لمن تنادي فبضطرو يجيبو شي مفعوله قوي
فبشمموها جرابات حموده فبتصحى غصبن عنها من الريحه

الدكتور: بدي اخبركم شي بس امسكو اعصابكم :smoke:
الام : خير الله يستر احكي يا دكتور وكعت كلبي
الدكتور : بالنسبة لابنكم عبود
الام : اه ماله ؟
الدكتور: نتيجة الفحص المخبري تبين وجود اثار لمواد مخدرة ومسكره ومهستره ومهبطه ومهسهسه :smoke:

والا بفوتت ابوهم و لحيته شبرين ولابس دشداشة وماسك مسبحه
الاب : خير شو صار طمنوني عن ولادي
الام : شوف ولادك المسخمين شو صار فيهم
الاب : والله لاسخم عيشتك ... الله يكسر ايدك شو الي سويتيه بالولد ؟
الله يلعن ابو اليوم الي شفتك فيه ...
الله يلعن خلقتك الي زي البومه ...
وصار يكفر الزلمه ويلاخم نسي حاله شكله المخيخ عنده ضرب مع البطين

في هذه الاثناء بتهرب ريم بتخاف يلحقها الدور وطياااار وهيه بتركض بتخبط بباب قزاز ويغمى عليها

بركضو الاب والام عندها وبحملوها : وبجي الدكتور بسعفها
الدكتور : بنتكم ما فيها شي بس بتدلع والبنت من الدايت الي بتعمله دايخه ومعها فقر دم وبطنها من الضعف ملزء بضهرها
الام : الله يلعن ابو الديت من يوم ما شفناه ما شفنا الخير
الاب: الله يوخدك وانتي شبه مرة باباي ولك مش شايفه حالك زي الفار صاير شكلك
هسه بروح اشتريلك عصير دمعه تعوضي الفيتامينات الي فقدتيها عمره لا حدا حوش

بصحى حموده من الغيبوبه
حموده : يابا شفت عبود ؟
الاب : ماله عبود هيو ممدد زي الجثه شو بده يسوي يعني ؟
حموده : يابا اله ساعه بزبط بالممرضه شفته وانا مغيب
وبغمز بعيونه وبحكيلها شو ياخسه وامشي عرمشي واعطاها رقم موبايله
عبود : الله يوخذك ويريحنا منك قول امين ولك وانت مغيب كمان شايف وبتفسد وشغل اسافين ولك لو ما صحيت من الغيبوبه مش اريح
الام : ولكو اسكتو بدل ما تدعو الله يشافيكو نازلين تتخانكو مثل النور
ولكو المستشفى كلو سمع صوتكم
ولكم الاموات الي بالثلاجات صحيو من صريخكم يكطع هيك عيشه
كومو هاتو هالعصيرات والفواكه وخلونا نروح عالدار نتكاتل هناك
فظحتونا الله يفظحكم
عبود : يما انا ضايل هون انا كثير تعبان ما بدكو مصلحتي بدكم اروح عالدار وارجع اتعب يعني ؟
الاب : ولك فز من مكانك خليني اشوف طولك يا معصمص ، مش اخذت رقمها خلص بتحكي معها تلفون
يالله قومو خلينا نروح عالدار

وبروحو عالدار وبقعدو

الام : روح يما عبود اشتريلنا بكسة بندوره وعلبة ماجي خليني اطبخلكم مقلوبه والله جعنا
عبود
حموده
ريم
الاب

وتستمر الطوش والصريخ والعويل والضرب في بيت ابو عبود الى ما لانهايه

جد انها عيلة مثل قاع الكيله

وشكرا لكم لحسن استماعكم
هههههههههههه
خلص المسلسل تقلت عليكم

تحياتي لكم

>>>>> ردود الأعضـــــــــــــــــــاء على الموضوع <<<<<
==================================


وين ردودكم شو هاااااد انا زعلت والله كثير واخذت على خاطري


__________________________________________________ __________

وااااااااااااااال 32 قراوء القصة وما حد عجبه له له جد هيك زعلت كثيرررررررررررررر


__________________________________________________ __________

يسلمو بجد روووووووووووووعه


__________________________________________________ __________

ههههههههه دايما انا بقرأ مسلسلاتك يا حلوة بس هيك زعلت الجزء الاخير
بدك تخبي هالمواهب هههههههههه
مشــــــــــــــــــــــــــــــــــكورة


__________________________________________________ __________

لا جد حلوة والنهاية كمان واقعية بس بدنا مسلسل تاني بلاش نزعل بعدين