عنوان الموضوع : ثلاث جنيهات مقابل غربه دامت 15 سنه قصص
مقدم من طرف منتديات نساء الجزائر

ثلاث جنيهات مقابل غربه دامت 15 سنه






السلام عليكم ورحمه الله وبركاته

هلابكم حبيباتي عدت اليكم من جديد
من جهازي الجديد ههههه وحده قرحانه
الله يبارك فيكم وعقبال لكم

اليوم مشاركتي قصه حيييييل اعجبتني
اتمنى تعجبكم انتم ايضا بس رجاء للمشرفات لا تحطون مشاركتي بالمكرر
رجااااااااااءءءءءءء خااص ترا اصيح مثل هذا


يالله نبدا الحتوته



هذه قصه قديمه فيها حكم كثيره
لرجال متزوج وعنده اسره مكونه من زوجه وولد اسمه محمد عنده اربع سنوات

هو سعيد ومبسوط مع عائلته لكن اللي ينغص ع حياته ويضيق صدره

الفقر وقله الحيله

فكان يعاني الفقر والفاقه الشديده
يعمل لكن عمله مو على طول مره يلاقي عمل ومرااااات لا

مللللل هالحال وجلس يفكر كيف راح

يعيش على طول كذا لابد فيه حل ولازم مايستسلم للفقر

واليأس لازم يسوي شئ يأمن حياته واسرته بما انه الرجال والمسؤل عنهم

جاته زوجته وهو جالس يفكر وسرحاااااان مرررررره

قالت الزوجه بكل حب وحنيه الزوجه العفويه~ علامك يابو محمد
اشوفك منت يمنا ابد وفكرك سرحان لبعيد

رد عليها ~ صدقت يام محمد والله ان بالي مشغول وخاطري ضايق

الزوجه ~ليه وش اللي مضايق خاطرك و ش انت مشغول فيه
عسى ماشر

ابومحمد~ يا ام محمد يعني ماتشوفين حالنا والفقر اللي حنا فيه يوم اشتغل واسبوع لا
الزوجه ~ اي والله بس الحمدالله على كل حال

ابو محمد~ الحمدالله والشكر له سبحانه بس ياام محمد لازم ادبر لي دبره لين متى وحنا كذا
الحياه صعبه والولد يبي يكبر ومصاريفه تزيد

اه اه بس تاوه الرجال من قوه الحسره وقله الحيله وقام وهويردد
لاحول ولاقوه الا بالله لاحول ولاقوه الا بالله



وجاء اليوم الثاتي وقام ابو محمد من بعد الفجر وودع حرمته ودعا ربه انه يسرله عمل يترزق الله منه

ورجع اخر النهار وهو تعبان ومافي يده شئ غير الحيره وقله الحيله

سلم على زوجته وولده وقدمت له المقسوم

ويوم خلص اكله
قال يام امحمد~ انا بعون الله نويت اسافر لحالي
ادور على شغل منا والامنا او تجاره اترزق الله منها

ام محمد تفاجأت وضاق صدرها
وش تقول يابو محمد تبي تروح وتخلينا انا وولدك ربك ماراح يضيعنا
وبعدين وين تروح ومتى ترجع ؟وكيف ناخذ علومك؟
لالالا يابو محمد ماهوب هذا راي

ابو محمد اذكري الله يامره لاتحسبين فراقكم امر سهل علي يس مثل ماتشوفين وان شاءالله ربي مايخيبني
وبرجع لكم بالاخبار الطيبه

وانا قررت ان شاءالله اسافر بكره
وانا وانتو لنا الله وربي مابيضيعنا
وبيني وبينك 15 سنه
ان ماجيت عقب 15 سنه انتي محلله مني وتراك طالق ومحرمه علي
والله يحللك ويجزاك عني وعلى صبرك خير

الحرمه ضاق صدرها بالمره وقامت تبكي

فراق وفقر وغيبه طويله
دعت ربها ان الله يسر اللي فيه الصالح المبارك لهم ويحفظ زوجها ووليدها من كل شر

ويوم جاء بكره يستعد الرجال للسفر واستودع الله زوجته ووليده وسلم عليهم وودعهم
وكل منهم في حزن

وسافر ابومحمد

بس بعد سفره وش صار؟؟

حصل على عمل والا لا؟

رجع عقب 15 سنه والا قبل 15سنه

هذا ان شاءالله في الجزء اللى بعده

راح اكتبه اذا شفت تفاعل من حبيباتي قارئات هذا المنتدى الجميل
انتظركم وانتظروني دمتم بود

>>>>> ردود الأعضـــــــــــــــــــاء على الموضوع <<<<<
==================================


شوقتيني يالغلا قصة حلوة ومؤاثرة كمليها ولكي جزيل الشكر


__________________________________________________ __________

شكلها حلوه القصه كمليها


__________________________________________________ __________

كملي القصه بسرعه


__________________________________________________ __________

:مراحب من جديد
وعشان الحلوات اللي عبرونا وردوا (الاميره السعيده 0000habooshوام جود~)

راح نكمل القصه واتمنى اسلوبي يعجبكم

ولما ودع ابو محمد عياله بحسره وحزن

ودعهم وهو مايدري وش اللي ينتظره بالايام الجايه

وعدت الايام ومضت الاشهر
وغاب وغابت اخباره عن زوجته ام محمد

وهو كل يوم عنده امل انه يحصل له شغل
وبكل قريه يمر فيها يدور من هنا وهنا ولا حصل اييييه شغل

اصاب ابو محمد احباط شديد :وهو كان متأمل انه يلاقي وضع افضل من وضعه اللي بديرته بس ما حصل اي بوادر امل لاي عمل

وماتضيق الا لتفرج سبحان الله

دخل قريه وتفال خير فيها
وراح يدور بهالقريه لحد مالقى مطحنه
قال خلني اجرب حظي

ابو محمد~السلام عليكم

صاحب المطحنه ~ وعليكم السلام ورحمه الله وبركاته
امر يا اخوي
نص كيلو والا ربع
ابو محمد ابتسم:وهو محرج:
لاوالله يابو00000
رد عليه صاحب المطحنه ~ابو ابراهيم اخوك ابو ابراهيم 000
لاوالله يابو ابراهيم ياخوي
انا غريب عن الديره ومغترب عن عيالي من حول الشهر وزياده ادور على شغل والله يرزقنا جميع

وان شاءالله اني متفائل فيك خير

ابو ابراهيم~ لااله الاالله والله 000 الا اسمك ياوجه الخير

ابو محمد~ اخوك ابو محمد

ابو ابراهيم~ والنعم والله

ابو محمد~ ماعليك زود

ياخوي يابو محمد من يوم شفتك وانا عرفت انك غريب
بس اللي ماتوقعته انك تبي تشتغل عندي

وبودي اساعدك بس بسسسسسس مثل ما انت شايف الوضع والسوق وشلون صاير والله ما اقدر اساعدك اسمح لي ياخوي
بس تراك ضيفنا الليله وبيحلها ربك سبحانه ومن اصبح افلح

ابو محمد ~ لاحول ولاقوه الا بالله :g[103]
وماقصرت والله يغنيك اسمح لي يا اخوي بروح ادور على شغل قبل لاتغيب الشمس ماقصرت وبيض الله وجهك

ابو محمدوهو محبط وبيمشي
ناداه ابو ابراهيم

ياخوي ابو محمد اوقف اوقف
ابو محمد لف بوجهه ناحيه ابو ابراهيم وهو في نفسه (يقول عساه تحسف ووده يشغلنى عنده لاني تعبت من اللف الدوران عن شغل واشتقت لعيالي )

اسمعني يا اخوي بابو محمد~ماهنت علي والله 00 وخاصه انك غريب ومحتاج انا بشغلك بس باشترط عليك شرط

ابو محمد~ خير مانقول الا خير ان شاءالله وشو شرطك يابو ابراهيم

ابو ابراهيم ~ تشتغل عندي بالمطحنه بس بدون اجر

ابو محمد متفاجئ~ اجل وشلون اشتغل وانا ماجيت الا عشان ذا الاجر

ابو ابراهيم~ اسمعني عاد 000تشتغل عندي بحق اكلك وشربك ومنامك:
يعني ما لك اجر لاجنيهات ولا مال هاه وش قلت ؟

ابو محمد~ وهو يفكر
وماله حيله الا انه يوافق
رد وقال ~هدايه الله ثم شورك
وهو في نفسه يقول (وانا لاقي غير هالحل بوافق لين الله يفرجها من عنده وكثر الله خيره )

وبعد ما تفقو الطرفين بدأ ابو محمد يشتغل بالمطحنه مقابل المعيشه والمبيت فقط
ومر على ابو محمد سنيييييييييين وهو بالمطحنه تقريبا حول 15 سنه الا شي بسيط
ولا يدري عن عياله اي خبر ولاجد جديد في حياته
يساعد ابو ابراهيم بالمطحنه وياكل 3 وجبات يفطر ويتغدى ويتعشى وينام وبس

ومابقى على نهايه المده اللي اتفق مع زوجته واللى هي 15 سنه الا شهر ونص تقريبا
وجلس يفكر خمس طعش سنه ولا جد جديد
وحاله كما هو
هتا استسلم ابلو محمد للامر الواقع
وقرر انه يرجع على الاقل يرجع لعياله قبل مايفقد كل شئ فيجلس لاعائله ولاعمل وان قدر عليه وفقد عائلته من بيرضى يزوجه وهو فقير معدم فيرجع لام محمد اللي راضيه بحياتها معه وعساها بعد مازالت على خبره بها الله اعلم كل هذه الافكار كانت تراود ابو محمد لذا اتخذ القرار انمه يرجع لديرته

وعلم ابو ابراهيم عن قراره

ابو ابراهيم تاسف لحاله ابو محمدوقال ~
اللي تشوفه يابو محمد سوه واعذرني اني ماقدرت اساعدك والله يبيض وجهك ماشفت الا رجال كفو وعشرتك تنشرى

ابومحمد~ ماعليك زود يا اخوي بس اسمح لي ثقلت عليك وان شاءالله اني من بكره الفجر نويت السفر والله يبيض وجهك وعلمك غانم : يكفي انك صبرت علي كل ذا المده والله يفتح لك ابواب رزقه


وجاء الصبح وحانت لحظه الوداع
وقبل لايودع ابو محمد ابو ابراهيم الرجال اللي ساعده خلال 15 سنه الا شي بسيط

سلم عليه ابو ابراهيم ومد له( 3 )جنيهات ذهب ( الاخلاق عند العرب تسمو على كل شئ حتى لو كان ما يقدر فانه يحاول يتكرم مع ضيفه او من يحتاج بما يجود )

وقال ~ اسمح لي ياخوي هذا اللي قدرت عليه تسلفت من جماعتي هذا 3 جنيهات وانت على سفر والسفر يبي له وانا اخوك
ابو محمدانحرج ومايقدر يرده لانه فعلا محتاج لو جنيه واحد
ودعا له وشكره وودعه بكل محبه وتقدير

وسافر ابو محمد وهو يقول الحمدالله غربه 15 سنه و3 جنيهات الحمدالله الحمدالله

الله يوصلني لعيالي بخير وسلامه وعساهم بخير وطيبين والله اني اشتقت لهم واكيد هم الحين يحسبون اني صرت من التجار والله اني بخيب ظنهم بس رضينا وامنا والحمدالله على الصحه والعافيه



هنا نتوقف ونتابع للجزء الثالث والاخير واللي راح يكون فيه احداث اقوى من كذا وراح يعاني ابو محمد اكثر واكثر


بس تتو قعون راح يلتقي ابو محمد بعياله
ومتى راح يوصلهم
وبيلاقي ام محمد على العهد والا تزوجت لان صراحه 15 سنه مده طويله
و3 جنيهات راح تكفيه في سفره والا لا

يالله انتظركم وانتظروني والله اني تعبت من جد في الكتابه
عاد تفاعلو معي مثل تفاعل علبه الببسي لين رجيتوها همن فتحتو الغطاء انفجار يعني خخخخخخخ
دمتم بود


__________________________________________________ __________

كملي القصه ويعطيكي الف عافيه ياااارب ومشكورررا