(قصة باللهجة القصيمية)
عنوان الموضوع : (قصة باللهجة القصيمية)
مقدم من طرف منتديات نساء الجزائر
(قصة باللهجة القصيمية)
تعالن بابنيات أعلمكن وش شفت هاك اليوم.. شفت بنية وش حليله طالعتن مع امه لم الجيران ومير يجي هاك البزر بالموتر بغا يخمهن.. مير الله يستر عليه وعلى امه تدرون ليه؟ (لانها كانت تدعي دعاء الخروج من المنزل كلما طلعت بسم الله توكلت على الله اللهم اني اعوذ بك ان اضل او اضل او اظلم او اظلم او اجهل او يجهل علي)
مير يابعدي ربي وقاه بسبت هالدعاء همن وصلن بيت الجيران والام مرتاعه وقلبه يدق بقوة طاقته الروعة الين قالت بس .. مير تسالهن مرت الجيران يوم شافت وجه الاميمة منصفق : وش بتس يام صالح؟
مير تحتسي البنية للجارة عن اللي صار بهن مير تركض الجارة حيث انه حرمتن سنعة وتجيب هاك الما المقري به حيث ام صالح وبنت يرقن النخل عنده وتسقي ام صالح وبنيته وتغسل وجيههن به..
مير الحمد لله تركد عظام المراة همن سلمن عاد على باقي الجارات وجابت ام دحيم (راعية البيت) شاهي الضحى اللي مامنه والكريريثة وهاك الخبيزة اللي تعظينه باطراف براطمتس .. ويازين هاك القعدة والجارات يسولفن والله انتس تنسين الدنيا ومافيها .. وماوعن الا تويق عليهن منيرة (بنت ام دحيم)
تقول: يوه ..ترى قربت حزت جيت ابوي واخواني والمطيزيزة استوت على النار مع لحيمتها.. وانتن راحت عليكن السواليف .. مير ينتبهن الجارات
ويودعن راعية البيت على وعد ان الدورية باتسر عند ام سليمان بنفس الوقت .. وسلامتكن ..
(اخواتي هذه ليست قصة مميزرة باحداثها بقدر ماحاولت استخدام مصطلحاتي القصيمية فيها..ان شاء الله تنال اعجابكم)
راح اكتب لكم ترجمة بعض المصطلحات المحلية ولكن بعد ان اعرف انها نالت اعجابكم.. انتظر ردودكم..
>>>>> ردود الأعضـــــــــــــــــــاء على الموضوع <<<<<
==================================
__________________________________________________ __________
و الله انتس يا خيتي حتسياتس تهبل و مير انتس كسبتي التحدي اويلاه منتس ...
__________________________________________________ __________
حلوه اللهجه حقتكم جارتي شمريه تشبه لهجتها
__________________________________________________ __________
اشكر للجميع المرور شفتي وانا اختس همني قداها انا اويلاه منتس بس ..
__________________________________________________ __________
هلا بك اختي شهرية ايه حنا لهجاتنا قريبة لبعض..
رد مع اقتباس
