عنوان الموضوع : قـــصـــه بــلـهــجـه الـحـايـلـيـه لاتـفـوووووتـكـم قصص
مقدم من طرف منتديات نساء الجزائر

قـــصـــه بــلـهــجـه الـحـايـلـيـه لاتـفـوووووتـكـم






هذى قصة باللهجة الحايلية البحتة ومن التراث مع ترجمتها للهجة الحجازية -حلوة ترجمتها ههههههه

هذا يقولون كفانا شر مايقولون
هكالحين بوة مرتن ماتجيب وغدان
بوة = في , مرتن = حرمه = , وغدان = بزورة
وكل ماتصلي تدعي الله انه يجيب له بنيه
وابد تدعي وتدعي

ويوم وعت عقب مدتن ماهي هينة واتدنق
وعت = انتبهت , مدتن = مدة , اتدنق = نفس حقتنا تدنق
اتراعي تحته يمار هكالخنفسا الصغيره نويمة
اتراعي = تشوف , يمار = وإلا , هكالخنفسا = هديك الخنفسانة , نويمة = نايمة
وهي اتحركة بلهون وهي تاعي
بلهون = بشويش , تاعي = تصحى
وهي تقول يمة يمة جويعانه
وهي تقوم تبي تهج
ويوم جت تبي تطلع وهي تنكس تراعي لهالخنيفسه
تنكس = ترجع
وهي تعين من الله خير
قالت الحمد لله بس ان الله جابتس لي
جابتس* = جابك
يمار هالخنيفسه تحتسي وابد اتفصفص العظام بالحتسي
الحتسي*= الكلام
وهي تاخذه وابد ونسته بالحيل
ايييييييييييييييييي
ايييييييييييييييييي = هذي مالها ترجمة بالمكاوي لكنها زي عملية اخذ العزم علشان تكملة الحكاية
المهم
المره جحدت على الناس ان عنده بنيتن خنيفسه محد يبي يصدقه
وجت هكاليوم الخنيفسه وهي بالسطح تسدير
يمار حس الخيل الي بالشارع الي تحته
يمار هكالرجل الي يفظخ القلب
يفظخ القلب = يفقع القلب ( بس هي على بعضها تعبير عن مدى جمال أو وسامة الرجل وليس ثقل دمه لو ترجمناها حرفياً )
طول ورزة وهيبه
وتركض يم امة قالت يمة اروجي ويدزي منهو هذا؟؟
اروجي ويدزي = تعالي طُلِّي
قالت امه هذا الامير
وهي تسكت الخنيفسه وماقالت شين
شين = شي ( وهم فعلا يقولوها كذا شين وينطق حرف الشين في اول الكلمة بين الفتح والكسر وهذه صعب اخراجها الا من اهل اللهجة نفسها)
اها
يوم جا من باتسر يمار الخنيفسة مولمتن ماء ومسك
باتسر*= بكره , مولمتن = مجهزة لك
واطياب من كل ابو لون
ابو لون = لون ( ليش مضيفين لها الابو عاد هي كذا لهجتهم )
ويوم مر الامير من تحت سورهم وهي تقعد ترشق
ترشق = ترشرش الموية
عليه من الماء المطيب
وهو يراعي فوق جهة السطح وهو يتسفه على الريح الي جته
يتسفه = يتحسر
وهي من العوابه يامنه ارشقت عليه قالت
العوابه = زي الشيطنة ولا المكُرُ كدا
(( احيييييييي وويلي يابردوة احييييييي))
احييي وويلي يابردوة = اح يابرودة الموية
وهو يراعي ويتصنت
وسكت
يوم جا من باتسر نفس هالحزة يمار الخنيفسة مولمتن نفس الي ولمتة امس الماء المطيب
ويمر الامير وتنكس ترشق عليه ونفس عمله امس
ومن باتسر نفس العمل
الوكاد انه حول الاسبوع وهذا عمله بوة
الرجل تسفه
قال هذي وشلونة الي هذا لون ريح ماه الي اتسبح منوه اجل ريحة الصدزي وشلون ؟؟
الصدزي = الحقيقية يعني قصدوا اذا الموية اللي تتروش منها كذا اجل هي كيف ريحتها
وويلي تسيف اخليه
تسيف*= كيف
وهو يدرعم يم بيت الخنيفسة
ويطق الباب
وتجي الام وتفتح الباب
وويلي ياهلا ياهلا تعد تعد
وويلي = يعني تشبه الى حد ما ويلي حقت ام ايمن لكنها وسيلة ترحيب
تعد تعد = اتفضل اتفضل
قال اسمعي يامره
انا مستعجل مار ترينن جاين ابي بنتتس ابي اعرسة
ترينن= تراني
اعرسة= اتزوجها
وهي تسبط قالت وشو بنتي
تسبط = تتلجم
من يقول ان عندي بنت
قال قردتتس تقولين انه معرسة ترينن اذبح رجله
قردتتس = من قرادتس وسوء حظك يعني ياويلك لو تقولي
قالت من يقولوة انا ماعندي ظنى
يمار الخنيفسه تسمع فوق
وهي تجي تصوت
يمة يمة منهو الي جاء؟؟
قال ها ها ماعندتس بنات
اسمعي ترينن باتسر عرسنا
وابد مالتس الا الي يرظيتس
وان ما زوجتينن تري والله لا امصع رقبتتس
وهو يدزفي
يدزفي = يقفي
وتقعد الام تبتسي
تبتسي = تبكي
وتجيه الخنيفسه
قالت يايمة ماعليتس زوجينن ياوة
زوجينن ياوة = زوجيني هوا
قالت هو ذابحن ذابحن
ذابحن ذابحن = دابحني دابحني
ان مازوجتوة مازوجتوة وان زوجتوة من زوجتوة خنفساء؟؟
ياغميظتي بس
ياغميظتي = ياظلمي وقهري
قالت يايمة ماعليتس اعملي الي اقولتس عليه
الوكاد الام اقعدت تولم حدى الدور الي بالبيت للعرس
وبس تبتسي
وخنيفسة زايغتن من الفرحه
زايغتن = طايره
مارجن ذهنه ماهي يم امة
مارجن ذهنه = ماهجد بالها
يوم جا من ليلة العرس وتجي الميمة وتحط خنيفسة بالسرير
الميمة = الأم
وتربطة بطرف الثوب الي مجيوبن لهن للعروس من الامير
وهي تطلع وتصك الباب
جا الامير على المغرب
وهالناس متهولين مايخبرون ان عند هالمره بنية
من يبي ياخذ هذا الامير؟؟
متهولين = مستغربين
المهم تعشو الناس وعرضو ويدخل الامير بالدار
ويصك الباب
ويتشوف
ويراعي
يمار مامن والي
بس هالريح هي نفسه ريح هكالطيب الي يعاطي هكالايام
المهم هكالوقت كانن العرايس يلبدن عن المعرس
ويخلنهم ينفلون الدار اليما يلقونهن
الوكاد ان الامير ضحك وقعد يدور
ونفل الدار بخش بخش
نفل الدار بخش بخش = فتش الغرفة وصلة وصلة
ومامن احد
يوم جا يطلع
تجي خنيفسة تقول
((( عجاز عن بنت عموة مابوة خير )))
ويلتفت وينكس يدور
ويدور
ويدور
ويوم جا يطلع وتقولة
((( عجاز عن بنت عموة مابوة خير )))
وينكس يدور
ويدور
اليما قرب الصبح وهو يدروخ وينام
يوووووووووم اصبحو
يقوم الامير
وينكس ويدور
ويدور
ويدور
يمار مامن والي
ويوم جا يطلع يمار نفس حتسي الخنيفسة
وينكس
المهم انة قعد على هالحال الين الظهر
وهو تندبل تسبدة وهو يطلع
وتجي الام تركض يم خنيفسة
قالت هاه ياوليدي
قالت ماعليتس يايمة
طيبنن وانتي ماعليتس
وقعدت اتطيب الدار
وهو ينكس الامير العصر
ويدخل الدار
ويخانق ويحتسي
يمار مامن رد
ويدور ويدور
ويوم عجز جا يبي يطلع
وخنيفسة تقول
((( عجاز عن بنت عموة مابوة خير )))
وينكس
الوكاد علشان مااطول عليكم قعد على هالحال يجي لوة ثلاث ايام
يوم رابع
قال للام اسمعي ولمي بنتتس وقشه وتريننا نبي ننكس
قشه = عفشها وفي رواية عبشها
يم قصري
هو بزعموة ان خنيفسة متغبية بمحل بالدار مايقوى ينخشوة انوة بيتهم
بزعموة = يحسّب , متغبية = مدسوسة , ينخشوة = يوصله
بس بالقصر هو عارفوة بخش بخش
المهم
جابو خنيفسة للقصر
وحطتة امه بالدار
وطيبة الدار وطلعت
وجا الامير
قال
هها هالحين التس مهرب مطلعتس مطلعتس
وقعد يدورة
يمار ماش ماهي بوة
اندبلت تسبدوة
يوم جا يبي يطلع وتقولوة (( عجاز عن بنت عموة مابوة خير )))
وينكس
قعد على هالحال يجي عشر ايام
عقبين اندبلت تسبده
قال لو هي ابرة تسان لقيته
وتجيه هكالفكره
وهو يجي ويطلع كل الي بالقصر
الخدم والخدمات
وهو يجيب سطل طحين وسطل ماء
ويحطهن بالدار عند خنيفسة
قال اسمعي يامره
ابيتس اتعجنين هالطحين وتعملين لي صبيب ( رهاف)
صبيب = هي المراصيع ماهي معروفة في مكة بس تشبه البانكيك ، رهاف = يعني تكون خفيفة وصخيفة
وابي مايجي المغرب الا وهو قاظي
ولو ماعملتيه والله اني لا أسعر بهالقصر كله وانتي
أسعر = أولع
بوة
قالت (( ابشر ))
المهم طلع الامير
وهي تجي خنيفسة يمار ماهمه
وترقى بسطل الماء وتغطس وعقبين تطلع واتدربا بالطحين
وتنكس يم الماء واتدربا على الطحين
وهاللون
يمار هكالبريعيصي مسكون واقفن يراعي
هكالبريعصي مسكون = الوزغة المسكونة - ببسم الله
وهو لوة بوة دلقمة برقبتوة
دلقمة برقبتوه = درديمة في رقبتو
يوم شاف عمل الخنيفسة وهو يبخ يظحك
وهي تنطق الدلقمه
وهو يحتسي عقب ماهو مايقوى
مايقوى = مايقدر
ويجي يقول عاد جزانن لتس يا هالخنيفسة انتس نكستي لي حسي ابقلبتس بنت
وهو ينفث عليه وهو يقلبه بنت ((تدرون انة سالفه من نسج الخيال يعني لاتصدقون فلذلك جرى التنبيه ))
بس وشو
شعر وطول وبياض وعيون وعنق وافيم وجسم وكله ترهج
وافيم = وفم , ترهج = تلمع
وهي تقوم واتعجن
واترهف
ويوم جا الامير ويدخل بالدار
ويوم راعى يمار هكالبناوة وهكالقدر الي مليان صبيب مشرب
ويركظ يم البنت وينسى الصبيب
يوم اصبح
قال صوتو لامة ابيه
ويروحون يصوتون للأم
قالت بس اكيد انة دري انه خنفستى
ياويلي يبي يذبحن
ياقردي
ياغميظتي
وتبتسي وتصيح
وبالليالله شالوة وودوها يم الامير
وم دخلت ويتزبل عليه الامير ويحب راسه ويحط ابيده له حفنه فلوس
وقال ادخلي سلمي على بنتتس
وهي تقل مسفهه
مسفهه = مدلخة ومتنحة
يوم فتحت الباب وتدخل وتراعي لهالبنت وهي تقعد اتنفل اتدور خنيفسه
وتنفل وتنفل
اتنفل = تتلفت
وهالبنت تظحك
قالت يمة انا خنيفسه
وتراعي الام وتراعي
قالت تعقبين
قالت والله انا خنيفسه يا يمة
قالت وشلون؟؟ اخبرتس ؟؟
قالت له السالفه
وهي تخمه
تخمه = تضمها
وتحمد ربه ان الله عوضه
وابد عاشو عيشتن ترضاه لروحك
وبس[/color] [/COLOR]

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________