عنوان الموضوع : امور بسيطه لكن خطيره -قصة جميلة
مقدم من طرف منتديات نساء الجزائر

امور بسيطه لكن خطيره






هناك بعض الآمور العاديه التي نمارسها ولكن لا نعلم في نفس الوقت مدى خطورتها
على موجب محاضره القاها الدفاع المدني وتعجبي مما قالوه حبيت افيد الجميع...


أولا: في كل بيت فيه اسطوانة غاز وبالذات فالمطبخ وهم يتكلمون اقول ياربي وش بيقولون غير الي نعرفه ولما كمل حديثه وقال لمى تدخلون المطبخ وتشموون ريحة غاااز أنتبهوا تولعون النور
لانه بلمح البصر رح يصير انفجار فضيع انا انصدمت لمى قال كذا
واذا معكم جوال وتبون تتصلون دورون الفزعه رح ينفجر بيدكم على طول
يقول تمشوووون وتلمسوون فالظلمه لين تحصلون الشباك أفتحوووه وخلوه لين ريحة الغاز تروح وبعدين شغلو النور كذا مافيه خطر


ثانيا: لمى نروح اماكن عامه مثل المستشفيات او المجمعات شيء بديهي انه حنا رح نستعمل الأسنصير ولكن قال الي لازم تنتبهون له لمى تبون تركبونه ماتركبون على طول تتأكدون أن العربه اصلا موجوده لآن في بعض الأحيان يفتح باب الآسنصير والعربه لسى ماوصلت ويقول مررات ماباقي على وصلها حتى ثانيه لو ما انتبهتوا هويتوا ورحتوا في خبر كاان .
وفي بعض الآحيان بعض الآباء الله يهديهم اطفالهم يلعبون في الآسنصير تقول حاطينه لعبة اطفال
فيطلعونه وينزلونه وهذا يأخر وصوله على فتح الباب وقال قصة طفل سوى الحركه هذي في مستشفى يلعب فيه ولمى كان يبي يطلع لآمه طبعا هي رايحه تزور ضغط الولد على الزر الي يفتح وفتح الباب ولكن مع الآسف العربه الي نركب فيها كانت متأخره ثواني ومن غير ما ينتبه دخل بسرعه ولكن كان واصل لآخر دوور وتوفى على طول
ياليت من الآهل ينبهون اولادهم ويحترصون عليهم .
وواحد موظف نفس الشيء المسكين دخل فيه وهو مو موجود وطاح وهم يدورونه ثلاث ايام مستغربين ليه مايداوم لين شمو الريحه فالقبوا ولقوه ميت الله يرحمه ويرحمنا حاجات بسيطه ممكن تا خذ مننا حياتنا ..ياليت ناخذ الحذر في كل شيء.

ثالثا: السخان حق المويه الي نشغله فالشتاء ندور المويه الحاره من قو البرد ورجل الدفاع المدني يحلف بقووه انه من أكثر الحوادث الي يباشرونها هي من سخانات المويه يقول اكيد انتم لاجا الشتاء السخان طول الصيف مفصول رحتوا جبتوا الهندي يعلي السخان لدرجة 90 ويقول من اخطر شيء انه السخان ينحط على الدرجه هذي لآنه مع كثر لآستعمال رح ينفجر المهم ويقول وجاء الهندي وخلى السخان شيء العيله كلها تاخذ دش ولسه فيه مو يه حاره الي لازم حنا نسويه
قبل مانشغل موية السخان في فصل الشتاء لازم نجيب عمال الصيانه يفكون السخان ويطلعون المويه الي فيه ويركبونه بعدين نشغله وفي فصل الصيف كذلك لازم نجيب الصيانه يفرغون المويه الي فيه لآ، الطريقه هذي تقلل بشكل كبير من أنفجار السخانات عندنا .



أنتهى موضوعي مع أمل ان الجميع يستفيد من معلومات في حياتنا اليوميه وماعندنا خلفيه عنها من جد الله يعطي الدفاع المدني العافيه ويجزاهم خير على هذي المعلومات القيمه

عذرا على الآطاله وتقبلوا مروري ومشاركاتي ولكم جزيل الشكر

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________