عنوان الموضوع : قصة هبة فاروق ((رز على ملوخية ))تهلك من الضحك -قصة قصيرة
مقدم من طرف منتديات نساء الجزائر

قصة هبة فاروق ((رز على ملوخية ))تهلك من الضحك






14 أكتوبر, 2017مدونة رز على ملوخية
الحكاية بدأت معايا انى سمعت كتير عن خيانة الرجالة وكنت بقول يا شيخة اكيد مش كل الرجالة كدة اسمعو القصة دى وطرطقو ودانكم معايا وفى الاخر احكمو انتو بقى بداية الحكاية كان ياما كان كان فى بنت زى كل البنات بتحلم بشاب وسيم يحبها وتحبة وشرطها الاساسى انة يكون مخلص لحبها وانة ميشوفش غيرها يا سلام دة طبعا فى الاحلام مطولش عليكم لمحت البنت الفارس اللى كانت بتحلم بية فى الجامعة شاب من نفس دفعتها مجتهد ورزين قالت فى سرها هو دة اللى بحلم بية وارتبطت البنت بية وبدا السنيور يقولها احلى كلام وانها اجمل ما شافت عينة وانة مش شايف حد غيرها فى الكون طارت البنت يا عينى من الفرح وراحت تقول لصحبتها لقيتة لقيتة لقيتة وهويتة هويتة هويتة وهى بتحكى لقيتهم بيضحكو عليها انتى بتتكلمى عن مين دة مقطع السمكة وديلها يا بنتى كبرى الكلام دة سمعتة بنات كتير غيرك البنت سرحت يعنى اية علشان حليوة شوية طيب انا مش عيزاة يغور بجمالو انا لما افكر اختار لازم يكون انسان مخلص ردت صحبتها عليها وقالت انتى بتحلمى ودة حتلقية فين قالت البنت مش ضرورى يكون حلو يا ستى المهم يحبنى وفى يوم وهى قاعدة فى المدرج لمحت بطرف عينهاواحد قاعد جنبها شاب اسمر اللون شعرة اكرد رفيع جدا يعنى بالمختصر مفيهوش حاجة متتعيبش قالت فى عقل بالها هو دة الى ينفع اظن بقى ان مفيش واحدة عاقلة ممكن تبص لة دة محمد منير احلى منة وبدات البنت تقرب منة ونشأت قصة الحب بينهم والبنت حاطة فى بطنها بطيخة صيفى وفى يوم عزمها على شاى فى كافيتريا الجامعة واستأذن منها وقلها ثوانى داخل الحمام وساب الموبيل على الطربيزة يا ترى نسي ياخدة ولا حظة طلع كدة البنت شافت الموبيل على الطربيزة عنيها زعللت وقالت يا بت ما تشوفى الاسماء ولا الرسايل اللى على الموبيل ويريتها ما فتحت الرسايل لقت رسالة مبعوتة بتقول بالنص (( حبييبى الاسمر بحبة الاسمر مرسى يا حياتى على هدية عيد ميلادى اول ما توصل البيت كلمنى باى )) البنت يا عينى عينها خرجت لبرة يا خرابى اية دة حتى انت يا سعلوك يطلع منك كل دة ولما رجع المحروس قالتلة فعلا رضينا بالهم والهم مش راضى بينا وقررت البنت انها تأجل الارتباط باى شاب من الكلية اتعقدت يا عينى ولما اتخرجت قالت اكيد لما اشتغل حقابل راجل ناضج مش زى بتوع الجامعة واشتغلت البنت فى مكتب محاسبة وكان معاها فى المكتب شاب متدين وبلحية صغيرة واية بيصلى الفرض بوقتة قالت يا سلام هو دة اللى ينفعنى هو فى احسن من التدين والالتزام وبدات تراقب تصرفاتة خايفة يا عينى من اللى حصلها من قبلة وبدا الكلام بينهم وبدات نظرات الاعجاب اللى اتطورت انة فاتحها فى الخطوبة وانة انسان دوغرى وملتزم وانة بيطلب منها انها تلبس النقاب وتقعد فى البيت بعد الجواز قالت يا سلام عز الطلب هو دة يا ناس اللى بدور علية ((يا حليلة يا حليلة لولولولى)) زعرطو يا حبايب اخيرا لكن يا فرحة ما تمت فى يوم المدير نادى على الاستاذ اللى قاعد على الكمبيوتر يا عينى مشغول وقام فجاة وساب الجهاز مفتوح قامت البنت تبص على شغل الاستاذ كان نفسها تشوف المجهود الفظيع اللى بيبذلة فى الشغل وكانت المفأجاة صعبة حبتين الاستاذ بسلامتة فاتح الاميل الى مليان باسماء البنات وصورهم اللى منهم اسمها شوشو واللى نانى واللى بوسى يخرب بيتك كل دة يطلع منك حسبى الله ونعمة الوكيل البنت يا عينى سألت نفسها هو اية يعنى مفيش فايدة فى الرجالة بس برضو انا مش حيأس وقررت تنقل نفسها مكتب تانى لانها مش طايقة تبص فى وش المحروس تانى وفى المكتب كان ليها زميل كفيف لما سمع باللى حصل قعد يهون عليها ويقولها دة ما كنش يستاهلك دة انتى جوهرة عايزة اللى يصونك كفاية برفانك اللى يدل على انك انسانة رقيقة وناعمة انا صحيح اعمى لكن بفهم من كل عطر بشمة شخصية البنت اللى قدامى عجبها كلامة وقالت وفيها اية اعمى ومالة كفاية علية انة يكون مخلص وبدات تتقرب منة اكتر ونشأت قصة الحب المعهودة وكل لما تدخل المكتب وقبل ما تتكلم يقول القمر وصل تقولة عرفت منين يقولها عطرك الفواح يا قمر وحتى لو غيرتى برفانك حعرفك بقلبى يا حياتى الكلمة رنت فى ودنها يا سلام بقى لو غيرت برفانى حيعرفنى وسعت منة دى طيب ومالة اجرب واغير البرفان وفعلا غيرت البرفان وفى يوم وبالصدفة طلعت معاة فى الاسانسير وقررت انها متتكلمش ولا كلمة وتشوف رد فعلة اية وفضلت ساكتة وبتترقب حيعمل اية وفجاة نطق وقال حضرتك جديدة هنا اظن انك موظفة جديدة على فكرة برفانك يا انسة يدل على انك انسانة ناعمة ورقيقة يا ريت اتعرف على الجمال والشياكة انا صحيح اعمى لكن افهم فى امور الجنس الناعم تخيلو بقى معايا تعمل اية المسكينة تصوت ولا تصرخ ولا تلطم هى عملت كل دة مع بعضة وقررت تسيب الشغل وتقعد فى البيت بلا ارف حتى ترتاح من الشغل مع صنف الرجالة وفى يوم قالتلها مامتها يا بنتى حتفضلى قاعدة كدة طيب انزلى شوية قالتلها طيب حنزل اشترى شوية مكياج من المحل اللى جنبنا وكان صاحب المحل رجل قزم فى الرايحة والجاية يعكسها وهى تضحك وتنفض لكلامة وفى اليوم دة فاتحها القزم وقالها اية يا قمرمش معبرانى لية اكمنى قصير لا دة انا راجل وسيد الرجالة دة انا اعجبك اوى بس فكرى قالتلة افكر فى اية قالها فى الجواز ضحكت وقالتلة افكر ولما رجعت قالت ومالة هو قزم بس بيحبنى واكيد حيبقى مخلص مش هو دة اللى بدور علية يبقى خلاص اتكل على الله واتجوزة وقالت لاهلها اللى طبعا كانو رافضين بس هى صممت لانها يا عينى بدور على راجل مخلص وتمت الجوازة وكانت سعيدة لانها حاسة بالامان وفى يوم من ذات الايام قالت لما انزل واخد الاكل معايا اكيد جعان دة مطلعش يتغدى نزلت البونية ومعاها الاكل شافت الازعة بسلامتة واقف مع واحدة قزمة زية وبيقولها انا غلطان انا معرفتش قيمتك يا حياتى غير بعد ما اتجوزت الهانم ام طويلة دة انا علشان ابوسها لازم اجيب سلم واطلع لها ولما احب اضربها انط نطة جامدة فى الهو وياريت بعرف اطولها فى الاخر بقع على وشى يرضيكى كدة يا حياتى لكن انت ياجميل بعرف ابوسك وانا سايب ايدى يا لهوى طبعا الكل بيسأل البنت حصلها اية طبعا شعرها وقف وسننها وقعت وخدوها الخنكة مع المجانين ودى حكاية بنت فضلت طول عمرها تدور على راجل مش خاين بس اكيد حتلقية فى ((مستشفى المجانين مع العقلاء طبعا)) بقلم هبة فاروق
مرسلة بواسطة هبة فاروق في 06:39 م إرسال بالبريد الإلكتروني كتابة مدونة حول هذه المشاركة. المشاركة في Twitter المشاركة في Facebook المشاركة في نبضات Google 3 التعليقات:
Sonnet يقول...
مبروك المدونة
نتابعها من الان

>>>>> ردود الأعضـــــــــــــــــــاء على الموضوع <<<<<
==================================



__________________________________________________ __________


__________________________________________________ __________


__________________________________________________ __________


__________________________________________________ __________