عنوان الموضوع : وه وه هـ فديت نايف -قصة جميلة
مقدم من طرف منتديات نساء الجزائر

وه وه هـ فديت نايف







في ذروة غضبي وبين الأطباق والأواني
والكؤوس والقناني
أخي العزيز يرنرن هاتفه الخبيث
اللي فالتلفون: هاه وينك ورانا طريق سفر
ماي برذر : جاي بطلع الحين وشو كلها الشرقيه
طرخ<<صكة التلفون
اخي:هااه بدكون شي
انا:سلامتك
ويصمخ الباب ويركب سيارته الرهيبه
سرحت بخيالي السامج
لو اني انا في مكانه صامخه بالباب وراكبه سيارتي
<<هنا ترا يبدا الخيال فتصوروا معي>>
ابوي يجيني يركض
ابي:اسمعي يابنت قبل ماتمشين انتي وصديقتك لفوا على محطه وشوفوا الكفرات
سمعتي
انا:طيب اروح المحطه وش اقول اقول زينوا كفراتي
الاب:يادبشه خبله انتي والا اقولك اذا وصلتي هناك دقي علي وعطي الرجال السماعه خلااص؟
انا:سواق الله يهديك
الاب: هاه
انا:لا ولاشي
وتحركت السيارة}لاحظوا اللي تسوق حرمه ياآآآي....
طبعا طووول الطريق اعدل النقاب وشايله عشرطعشر ألف زباله ((الله يكرم القارئين)) من اللي عالطريق
وتوني لفيت من حارة صقيقتي الا اشوف وحده عند اللفه معها اشياء كثييييرة وتأشرلي
وقفت اخاف ماتقدر تروح لبيتها مع هالعفش وسألتها: هلا ياقلبي
الحرمه: هيه انتي يالثورة انا فينو
انا:وش هالعفش انتي شايله بيتكم كله
فينو: يختي وش اسوي احس اني ناسيه اشياء كثير
انا :طيب وش هاذي الشنطه الفضيه جايبه ذهبك معك
فينو:لا يامي هذا مكياجي
انا:بتفتشين عن فيسك
فينو:لا بس مزاج
انا: انا الحمارة اللي مخليتك تخاويني تراها الشرقيه يالكمخه
فينو: اسمعي بس ترا مايصلح مانحط تظليله نبي نفتش بدون محد يشوفنا
انا: خلاص ذكريني بالمحطه لان ابوي بعد يبيني افحصها
/
/
/
وفي طريقنا كل مامرت علينا محطه عذربنا فيها
اللي لمباتها وحده منهم مطفيه
واللي زحمه
واللي العامل لابس فسفوري مع اخضر لبسه يجيب المغص
<<حرييم شي طبيعي>>
ووصلنا لنقطة التفتيش<<الى الان مافحصوا عالسيارة
انا: ياربيييييه يمه شوفي شلون يطالع احس انه بيوقفنا
فينو:لا ويين مايسويها اصلا ليه يوقفنا
ماله حق
الشرطي:يسعدلي مساكم ياعسولات
انا:الساعه وحده بالليل
فينوبصوت واطي: لقط وجهك هع
الشرطي: اقول انتي وياها ورا ماتوقفون على جنب
انا: لا خلاص والله توبه مساك حمص ومتبل خلاص تكفى
الشرطي: اسمعي انتي موقفه موقفه كيفي
فينو حاطه يدها على خصرها: ايه علشانا بني قمت تستلعن
انا:خلاص بنوقف
ووقفنا السيارة على التراب ونزلنا
فينو:طيب الحين وش المشكله
الشرطي: سيارتكم الدريشه اليمنى عليها تظليله
انا:تستبهل والا من جدك الحين موقفنا علشان قطعه تظليله صغيرة ناشبه فالدريشه
الشرطي: فكوها وامشيكم
فينو :ياجعل ماتنفك عظامك يادوب<تعبيرها اذا عصبت
فكينها وركبنا سيارتنا واحنا مدخنين من القهر
انا:خذي بس فصفي حب لعلك تنسين السامج اللي ورا ذا
فينو:يختي حبيته ياجعله المر
انا:................
فينو:ووه فديته وفديتة لزقة التظليله اللي وقفنا عشانها
انا بس اتحمد ان ربي لانه مارزقني مثل عقلها المشقلب
<<[لم يتم فحص السيارة بعد لانهم لهوا فالحب والسواليف السامجه>>فينو: لولي ماكأن هاذي سيارة اوقي<<تراه اسم بنت خخ
انا:الا هي
فينو :شوفي كابريس ونفس اللون ومظلله
انا: الا هي وناااااااصه
<<الدبش اللي فالسيارة مايعرفون شي اسمه لوحة سياره>>
فينو تفتح الدريشه : هااااااااااااي اوقي
وتنفتح دريشه الكابريس: اصير لك اوقي ياقمر
فرررررررررررررررمله في نص الطريق بس الحمد لله اللي ورانا بعيدين
فينو تصك الدريشه بكل احترام وتكتف يديها كانها ماسوت شي
واللي في سيارة الكابريس شخصن يشق الوجه من الحلا
انا طبعا مابين معصبه على الكمخه
ومابين ضايعه في ملامح هالاطخم
انا:شوفي احنا مارح نسوي أي شي بنمشي ولا كأن شي صار
فينو تنفجر دمووع: ابي امي ابي ابوي ابي جدي
انا انفجر معها ونوقف السيارة على جنب
انا: خلاص يافينوو ماصار الا الخير وشوفيه بس موقف جنبنا مانزل من السيارة وركب معنا
فينو: الحين هذا وش موقفه وده بجزمه على وجهه
انا: الحين يالذبابه تأشرين له وتبينه يرووح ابطيتي ياأمي
فينو: خلاص نكمل الطريق وماعلينا منه ماعاد بقى الا ساعتين ونوصل
/
بعد مرور نص ساعه
/
/
الوضع اللي احنا عليه:
فينو ساكته لاتزال منصدمه ومن كثر ماهي مصدومه من يوم ماشفنا الاطخم وهي تشاهق
انا منطربه مع ميامي: حلالي ابيييييييييييييك
وافكر فييييييييييييييك
واعيش الدنيا دقيقه وثانيه عشان ارضيك
لكن بالي مع هالمزياآآن<<حتسي مغربي
وفجأه~~
دددوم<<موسيقى حقت المفاجأة هعانفقع الكفر
طبعا البنات ماقد انفقع معهم كفر ولا يعرفون شلون يركبون كفرات
فديتنا بص ماتعودنا عالشقا
حالنا فالسيارة~
فينو ماسكه الباب خايفه لاينفتح
وانا اصارخ: فينو والله مدري وش اسوي يختي اخاف قطو ودعسناه
فينو: لا ماظنتي هالرجه مهيب رجة قطو رجة شي اكبر ,, الحين ورا ماتوقفين على جنب
الاطخم فاطس من الزحك في حالة هستيريا
ووقفنا على جنب طبعا ولا وحده تفكر تنزل من السياره
ويوقف المزيان ويطق الدريشه
فينو: ترا ان فتحتي الدريشه لا انتي صقيقتي ولا اعرفك
انا: هاه طيب
يوم شاف ان مافيه فتح دريشه
صار يصارخ علشان نسمع من ورا الزوجاآآج
ووه فدييييييييت صوووووووتته
الاطخم بأعلى صوته: كفركم انفقع انا بس بركب الاستبنه وامشي
كفرهم الثاني ورا فالشنطه<<هونا الصراحه انا يالكاتبه توهقت مدري وين يحطون الاستبنات فيه فحطيتها فالشنطه خخخخخ
انا: فينو لازم نفتح الشنطه له
فينو: ترا والله ماانزل انزلي انتي بكفيك
انا: طيب
وانزل من السيارة وافتح الشنطه
وارجع اركب
فينو: الحين مافيه زر هنا تفتحين به الشنطه؟
انا: هاه ايه صح نسيت<<نصاااااااااااااااابه
راح هو المسكين مازعل ولاتضايق بالعكس كان مؤدب بس وين يرفع السيارة واحنا فيها حرام نتعبه
صح والا لا ايها القارؤون
فاقترحت على فينو انها تنزل علشان يرفع السيارة ويركبه على راحته<<اصلا يقدر يركبه بدون ماننزل بس ‘كيدهن عظيم‘
ونزلت فينو وهي شوي تكفخني وتقول: بتصوميني ثلاث ايام على حركتك الماصخه
رحت للمؤونه حقتنا علشان اسويله كبتشينو مستعجل
وقربت منه: تفضل
الاطخم: تسملين
فينو بصوت عالي:يالثورة تعالي
انا رحت ووجهي توميتو
اانا: يختي خلك ذوق لو قدامه تصنعي يرحمك امك بس هالربع ساعه بعدين سميني اللي تبين
فينو: تعطينه قهوه ليييييييه وانا هنا ياعمري واقفه فهالبرد مافكرتي تجيبين مويه
اورييك
انا: ابشري اسويلك بس تكفيييييين صيري ذربه وبنت اوادم وتكلمي زين
طبعا الاطخم النصاب مسوي منهمك فالعمل وهو سامع كل الحتسي اللي سبق ذكره
الاطخم : انا الحين خلصت بس شوفي صعبه اخليكم فهالليول تمشون لحالكم علشان كذا بمشي معاكم لحد ماتوصلون للي تبون
الا على فكره انتوا وين رايحين?
فينو: جهنم
انا:ايه لا هاه لا الشرقيه
الاطخم: وش عندكم مأجزين والا شسالفتكم
فينو: ياكثر هرجك
االاطخم: :كيف
انا: لا ايه اختي هناك وتنتظرنا هي الحين
الاطخم: اها الله يحرسكم دام نايف معاكم لاتخافون
فينو تطالعه بنص عين
انا : شسمه ايه الله يخليك والله كثيير ساعدتنا
الاطخم: ولو هذا واجبنا
فينو: احلف
الاطخم: اسمعي يا... الا ماقلتيلي اسمك
انا: هاذي اسمها فينو
الاطخم: فينو حبيبي فينو ألبي الله يعينوه على الهوا وطول البعاااد
فينو: ياالهنديه يقول وش اسمك انتي تروحين تقولين له اسمي
اانا : هاه مدري اناااااااا لولي
الاطخم: اسمك سامج
انا: عاشت ايامك
فينو: ههههههههههههههههههههههاااااااااااااااااااااااااااا ااااااااااه
ااااااااااااااااه ياقلبي يلله بس خل نمشي



كل ناس ركبوا سيارتهم ومشينا
انا خلاااااااص حطيت على راشد الماجد وعشت جوي
فينوتلعب باللمبه الله يبلش العدو
انا: خلاص مصخيتها خلي اللمبه لا تفضى البطاريه
فينو: يختي مدري وش اسوي ابي الحمام ومالقيت الا اللمبه العب فيها
انا: يووووووووووه تراه ابدن مووقتك
فينو: شوفي ذي محطه
انا: طيب بدق فلشر لنايف علشان يجي معنا
فينو: ياجعلك المصع اذا قال وش فيكم قولي نبي مويه
انا: معنا مويه
فينو: ياربييييييه ياجعل سفرتي ذي تكفييييييييير ادري ان معنا بس مابيه يدري بيقول وش ذالبزر


ونلف عالمحطه
الوضع فالمحطه شي مخيف هنا شباااااااااااااااااااااااب
ومن الجهه الثانيه شاحنات
و جهه صغينونه بنات بس ابوهم فالسيارة الثانيه
نايف فتح الدريشه: شفيكم
انا: لابس نبغا الحمام
نايف: اها يلله حطي سيارتك عند البنزين علشان يعبي وروحوا
واحنا في طريقنا للحمام الله يكرم القارئين
فينو: انا مدري اكلم شغاله والا وشو
انا: يختي ماقلتله ان انتي اللي تبين الحمام خلااص كلنا صرنا بزورة
ومشينا من المحطه
/
/
/وصلنا لنقطة التفتيش
طبعا تعلمنا من النقطه اللي قبل ان احنا نهجد ولا نستهبل على الحكومه
ومشونا عادي
ووقفوا نايف علشان تظليلته هع
طبعا انا ماطاوعني قلبي اني اخليه مسكين واروح فاقترحت على فينو ان احنا نروح نفك معاه التظليله
وش ردت علي فينو؟؟؟؟؟؟؟؟
يلااااااا مشينا
ااكيد استغربتوا بس اقولكم ليه
تذكرون القبيح اللي عند النقطه اللي قبل
لقيناه توه واصل لهالنقطه
وفينو الخبله تعلقت ياجعله زود
ووقفنا وكل واحد له حال
انا ماغير اطالع هالاطخم واذا طالعني نزلت راسي وهو يطالعني واذا طالعته نزل راسه<<حشا فلم هندي
وفينو تفك دريشه مافيها تظليله لان بالها مع القبيح اللي فسيارته
وخلصنا من فك التظليله
نايف: ربي يحفظكم معاكم لحد ماشوف اختك ابي اتطمن
انا: لاخلاص تعبناك معانا
نايف: لاتعب ولاشي
انا: براحتك
انا سبقت فينو وركبت السيارة
ولما طالعتها لقيت الشرطي القبيح يكلمها
قامت هي عطته كف جااااااامد وركبت السيارة وكتفت يديها<<تكتيف اليدين يعني ياانها مصعبه يامستحيه ياخايفه
انا: شفيك
فينو: هالدوب عطاني رقمه ياجعله يضيع
اانا: خخ من اللي يضيع هو والا رقمه
فينو: لا بسم الله عليه من الانحراف لا احكي عن رقمه
انا:خخخخخخخخخخخخ احسن تستاهلين
ويرجع الشرطي ثانيه ويقولها:
انتي انسانه محترمه وانا اسف وبصراحه ابي اخطبك من ااهلك اعطيني رقم ابوك بكلمه
فينو:.......................
الشرطي: الرقم ياجعلك سالمه
اخذت جوالها وعطيته الرقم
شك نايف فالوضع وجا يسأل وش السالفه
قلتله السالفه وقلتله انه يبي يخطبها
نايف: الله يعينه
فينو: الحين انا مبسوطه منيب مخليه واحد مثلك خايس يخرب علي اللحظه
نايف: خخخخخخخخ لحظه قالت يلله بس مشينا
ولما وصلنا للشرقيه وشفت سيارة اختي واقفه
وقفت سيارتي قبل مااوصلها علشان اودع المزيان
انا: مشكوووووووور تعبناك والله
نايف: ولايهمك اهم شي انك انتي مبسوطه
انا: ايه صح هاه مدري
نايف: اسمعي انا بصير مثل هالشرطي وباخذ رقم ابوك
لانك بصراحه اعجبتيني
انا:ايه اصبر يلاا سجل
<<تبوني احط رقم ابوي هع تراني متهورة >>
نايف: يلاا نشوفك على خير
انا:على خير ان شالله
لما ركبت السيارة الا فينو تصارخ
انا : شفيك
فينو: الحقي عليييييييييييييييي يالولي
انا: ليه شصاير
فينو: ابوي دق علي يقول ان شرطي متصل عليه يقول: تعال خذ بنتك شكلها انجنت اقولها يابنت الحلال متزوج تقول تعال اخطبني من ابوي وبعدين قال لابوي قولها رديتها لك

انا: هاهاهاهاههههههههههههههههههههههههههاااااااااااي ياربيييييييييييييييييه
هاههههههههههههههههههههههههههههههاي مقدر خلاااص
فينو: لولي ابوي يسألني يقولي شاربه تخيلي ابوي يسألني اذا انا شاربه والا لا وش اقول بس
نعن ابوه ذالحب يعلقك في ناس خايسه
/
/
على ارض الواقع
ياااااااااااااااااااااااااااااااااجعلك منييييييييييييييييييييييب قايله
المويه تصب وانتي مفهيه فيذا
انا : هاه ويني فيه يووووووه رجعت للاطباق والاواني
مامي: ليه وين رحتي
انا: رحت لايش البس بكرا في زواج نايف
مامي: من نايف
انا: هاه مدري...
من الماجنيشن تبع مخي

مطري وين احطه فيه بس حسيت انه مسطول وحطيته

>>>>> ردود الأعضـــــــــــــــــــاء على الموضوع <<<<<
==================================


هههههههههههههههههههه
عسانا مانسوق ابد
اذا كنا بمسوي كذا
تقبلي فائق الاحترام ودمتي بود


__________________________________________________ __________

مشكوووووورهـ اختي


__________________________________________________ __________

شكرااااااااااااااااااااااااااااااااا علي المرورررررررررررررررررررررررررررررررررررررررر والله يعطيكم العافيه


__________________________________________________ __________

°السٍَّـٍلاَمُ عَلَيكٍُـٍمُ وَرَحَّمٍـٍٍُة اللٍـٍْهِ وَبَرَكٍَـٍاْتُهْ°



الله يعطيكِ العااافيه

منوره القسم

حماااكِ الرحمن ورعاااكِ


__________________________________________________ __________

جــــــــــــــــــــــــزاك اللــــــــــــــــــــــه خيـــــــــــــــــــرا ويعافيك اختي