قصة حقيقية حدثت لشاب إماراتي... ( أصحاب القلوب الضعيفة لا تدخل) قصة حقيقية
عنوان الموضوع : قصة حقيقية حدثت لشاب إماراتي... ( أصحاب القلوب الضعيفة لا تدخل) قصة حقيقية
مقدم من طرف منتديات نساء الجزائر
قصة حقيقية حدثت لشاب إماراتي... ( أصحاب القلوب الضعيفة لا تدخل)
هذي قصه واحد من الشباب ... استوت له السالفة من 3-4 سنين ...
تعرفون الكل في اجازه الربيع يروحون العزب .. خاصة في الإمارات الشمالية .. المهم خالد و ربعه قرروا في يوم أنهم يروحون العزبة و يقعدون هناك قبل لا تبدأ الناس في السيرة للعزب.. خالد مآذي ربعه ان هو السويق ..اللي لوتضيعه فالبر بيظهر و ما يهمه شي .. المهم الشباب أتحدوه أنا ما بيقدر يوصل العزبة من الدرب الصحراوي .. و طبعا غروره أعمى عينيه , قال و أزيدكم من الشعر بيت والله لأظهر الساعة 1:30 فليل .. والمسافة لين العزبة 45 دقيقه ...
المهم ان الشباب حاولوا يغيرون رأيه لكن منو يقول ... الريال مصر ..
وبالفعل ظهر من المكان اللي هو كان فيه ودقلهم تليفون وقالهم أنا توني ظاهر ... و بعد 30 دقيقه حس أنا هو ضيع .. الحبيب كان يمشي على مسافة معينه من الشارع ... فكل ما شاف ليتات السياير من بعيد يعرف أنا دربه صح .. " الشارع ما فيه أضاءه .. درب البر" بس اللحين ما يجوف شي لين ما وصل بقعه معينه قام يحس أنا فيه شي يضرب السيارة من كل صوب شي يخظ السيارة طبعا الريال خاف بس كان يقول حق عمره أنا هذى يمكن ضرب الحصى من السرعة
بس عقب الضرب زاد فما طاع يوقف و كان يمشي ... و فجأة الباب انفتح و السيارة تمشي.. وحس أنا في حد يالس عداله .. ويوم لف رأسه.. حصل بنت صغيره... قالت له غمض عينك و اسمعني شو بقولك .. و تمت أتدليه الدرب والريال من الزيغه قام يصيح ... وهي تقوله انته لوتدري لو تميت .. شو كان بيستويبك ؟ و تم يمشي ويسمع كلامها و وهو مغمض عينه ... تقوله يلف يلف ... تقوله يخف يخف ... و الضرب على السيارة زاد ... و تليفونه يرن ومن الخوف هب قادر يمد أيده ... و بعد فتره و قف الضرب و كان يمشي لين ما قالت له أوقف...وفتح عينه لقي عمره جدام الشارع مره ثانيه .. لف رأسه يبا يشوف البنت .. لقي اللي عداله عيووووز...
وهو يقول في خاطره ألقاها من وين ولامن وين ؟.... ونزلت من السيارة .. من الخوف مسك الخط ولا حتى شكرها ...
المهم وصل عند ربعه قبل صلاه الفجر بنص ساعة ... ربعه يوم شافوا السيارة مجبله ... ارتاحوا .. وطلعهم خالد ينتفض من الخوف ودموعه مازره ويهه .. المهم دخلوه و هو يهذي و طاح غشيان .... خذوه الشباب وودوه عند مطوع المسيد القريب من العزبة .. والمطوع بدوي .. قرأ عليه ويالله يالله قدر يرمس .. المهم خبرهم السالفة ...قاله المطوع انته دخلت منطقه ين ... والبنت اللي ساعدتك من الين المسلمين .. و لو تميت بين أيديهم ما تدري شوبيسوون فيك .. و عقب ما ظهروا من المسيد كانت الشمس ظاهره .. ويوم راحوا يجوفون سيارة خالد ... لقوا ان السيارة عليها ضربات وحروق ... مكان الأماكن الي حس بضربات فيها ...
ومن يومها الريال كل يوم يدعي حق الجنيه اللي ساعدته في كل لحظه
للأمانة منقولة
تحيتي
أختكم نور الولاية
>>>>> ردود الأعضـــــــــــــــــــاء على الموضوع <<<<<
==================================
يمممممممممممه
يعطيج العافيه خيتووو
بأنتظار جديدج
__________________________________________________ __________
مشكووووووووووووووووووووورة أختي على المروووووووووووووووووووور والله يعطيكِ العافية ولا حرمنا الله من مرووووووووووووركِ الكريم إن شاء الله.............
تحيتي
أختكم نور الولاية
__________________________________________________ __________
جزاها الله خير انها دلته ولا بروح فيها الريال
مشكووووره اختي
__________________________________________________ __________
الله يعطيك العاااافيه
ننتظر جديدك يالغلا
دمتي بحفظ الله ورعااايته
رينـــــــــــاد
__________________________________________________ __________
مشكووووووووووووووووووووووووووووووووووورين أخواتي على المرووووووووووووووووووووور والله يعطيكم العافية ولا حرمنا الله من مرووووووووووووووووووووووووووركم العطر إن شاء الله...................
تحيتي
أختكم نور الولاية
رد مع اقتباس
