كم حمل ليكي ارضي حملتيه سفاح.. -خواطر
عنوان الموضوع : كم حمل ليكي ارضي حملتيه سفاح.. -خواطر
مقدم من طرف منتديات نساء الجزائر
كم حمل ليكي ارضي حملتيه سفاح..
كم حمل ليكي ارضي حملتيه سفاح..بقلمي
كم هتك عرضا جني علي ارضك من زمن البدايه حتي اتي وهل الصباح
كم مرة ناديتك يا ارضي قومي واصرخي دة الفجر لاح
كم مرة قلت زمن العروبه والرجوله علي ارضك خلاص انتهي وراح
ايوة انا مصريه من شعب مصر ايوة علي ارضك مشيت انا وكبرت
علي ارضك درست اتعلمت وعرفت الحب واتجوزت
ايوة انا من كام سنه كنت طفله وبسئل امي هو ايه يعني عرض
ايوة سئلتها لما كنت بشوف حمل ارضك من الغريب
ايوة سئلت لما عرفت يعني ايه الطفل يتولد من غريب ويتسمي لقيط
ايوة انا من عندك هنا مصريه من اب مصري وام مصريه كمان
ايوة انا كنت عيله بتخبط علي باب الجيران
اضرب الجرس واجري بسرعه والعب واشخبط علي الحيطان
ايوة يامصر مستنيه هنا عدل ربنا في ارضك من زمان
ايوة ياشعب فرحت بيك ومظاهرة حلوة طالعه بعد غلب مر علي كل الببان
ايوة يامصر بتعدي وتجري وليه خايفه من السؤال لاء متخفيش
مش هسئل مين ابوه
ايوة يامصر مش هسئل امته حمل ارضك وهتك عرضك امته حصل
مش هسئل امته كان الخوف والجبن مالي قلبك وتركتي عرضك ينداس من الانجاس
مش هقول ايه مالك حبيبتي وانسي واقول معرفشي
لااعرف واعرف بس قلت وانامالي لماغيري يغير لاني انا معرفشي
عارفه كتير كتير عليكي وعلي داسو ونجسوا فيكي
وعلي عرضك ودبحوكي بس بصراحه خفت واداريت ومقدرتش
ايوة يامصر عرفت كتير وسكت اكتر
روحت هناك عند الحليوة المعطر
اسئله يمكن اقدر اوصل لحل سريع بدل ما افكر
لقيت حضنه مليان كتير
احترت اكتر واكتر
طب اعمل ايه وازاي افكر
بعد تفكير طويل طويل عرفت في الاخر السر الخطير
الحليوة المعطر ابو بدله شيك
الحليوه المعطر ابو بنك مليان رصيد
فيلا بفرنسا وشقه بسويسرا وانا ياعيني مش لاقية حق الرغيف
اقولك يامصر قومي استحمي في ميه النيل
اغسلي عنك همومك امسحي عن جسمك نجاسه الذنب الكبير اللي عليكي من زمان طويل
ايوة انا مصريه واقفه في طابور العيش بشتهي لقمه
واقفه عند الطعمكي استني مقلاه
اجري علي البقال واشتري يدوب 1\8 جنبه
واحسب الباقي واشتري شويه صابون اغسل جلبيتي
بيهم عشان اروح علي شغلي واطير
ايوة يامصر هتكوا عرضك وحبلوكي وكتبو وليدك معانا في شهادة مع المواليد
يبئا ايه فاضلي انا لما الوليد كبر واخد الفلوس اخد الهدوم
اخد العيش الفينو وسابلي انا المسامير
انا بنت امي من ابويا مش زي ابنك جاي من هتك عرضك
لايامصر كتير وصلوا عندك ودقو علي بابك هنا عريس وهنا عريس
ويامكتر يا مصر خطابك
بس الصراحه حلوة احلاهم مجاش
لسه كل ال هنا ركش
ريحته عطن وعاوز يشتري ببلاش
طب بالزمه ينفع تفتكري كدة هيكون سليم
تعب وهم وغم ودين كبير وحق شهدا مفيش
طب لما يجي غفير علي ارضك
يحمي شويه شبعنا يامصر من حملك سفاح
شبعنا يامصر من هتك عرضك جنوا علينا من بليل لحد من الفجر لاح
بيكفي حبيبتي بيكفي خلاص هنقول توبه لربنا
هنقول دة اخر ذنبنا
حنقول بنحبك يامصر ورقبتنا علي يدنا
هنقول لالالالاء هنحمي ارضك يامصر بدمنا
بقلبي سطرت علي اوراقي ..
بقلم .
..مهرة الفارس المصري
لااحل اي نقل من كتاباتي
دون ذكر اسمي عليها ومصدرها
>>>>> ردود الأعضـــــــــــــــــــاء على الموضوع <<<<<
==================================
حبيبتي كلمات جميلة لوطن اجمل
اشكرك واتمنى الحرية لكا الشعوب العربية
__________________________________________________ __________
__________________________________________________ __________
__________________________________________________ __________
__________________________________________________ __________
رد مع اقتباس
