حكايه حبى خاطر جميلة
عنوان الموضوع : حكايه حبى خاطر جميلة
مقدم من طرف منتديات نساء الجزائر
حكايه حبى
حكاية حبى
اليل بيعدى عليه
سهرانة أفكر فيك
وأشتاق لبحور عنيك
وأقول لروحى
أمانة ياروحى
لتطمنينى على حبيبي
تقولى روحى
والله حبيبك سهران
ولحبك مشتاق
ومن القدر حيران
وبيسأل
إزاى قدر يجمعنا فجأه
يفرقنا فجأه
من غير ميعاد
ورغم المسافة
ورغم البعاد
ولما أسأل حبيبتى
تقولى متسألنيش
دا جوابك عند رب العباد
كدّبت روحى
وسألت قلبى
حبيبي ماله
يرد قلبى
متصدقيش لو قالك انك
ولا على باله
دانتى فى عنيه
وساكنه خياله
كدبت قلبى
وسألت بحر الهوى
إياك يابحر تكدب عليا
طب أقولك إيه
طب احكم عليه
واحكم عليا
قالى ياه عالدنيا ديا
هما الأحبة جرالهم ايه
دا حبيبك الخوف
ساكن عنيه
محكوم عليكى تطمنيه
وتقوليله انك حبتيه
وتهتى فيه
وسلمتى ليه
ولو الفراق فكر يقرب
قوليله انك هتبعديه
وعن عيون الناس هتخبيه
وإن فكر بشر فى يوم يأذيه
أبسط مافيها
تكون حياتك فديه ليه
طب يا بحر احكم عليه
بس أمانه
قال فى ايه
قلت يابحر اعمل ايه
خايفة عليه
قالى حبيبك محكوم عليه بالسهر
وإن نام مينام غير فى عنيكى
وعلى شموع ضى القمر
ويرضى دايما بأمر القدر
وإن جتله يوم أبواب سفر
يرفض يقول أمر القدر
ويقول لقلبه
حبيت ياقلبى ومتجدبش
متقولش لأ ومتحلفش
محاولت كتير أخبى علها
وفضحتنى يا قلبى
وقلت لعنيها
ردت حبيبتى
متقولش حاجة ياحبيبي
أنا خلاص عرفت الى فيها
وافتكر زمان
يقوم مقولتلك
بأن عنيك كان بان عليها
>>>>> ردود الأعضـــــــــــــــــــاء على الموضوع <<<<<
==================================
متقولش حاجة ياحبيبي
أنا خلاص عرفت الى فيها
وافتكر زمان
يقوم مقولتلك
بأن عنيك كان بان عليها
الله الله روووووووووووعة ومشكورة حبيبتي على كلامك الصادق المتناثر ذهبا ولؤلؤااا
حفظك الله
__________________________________________________ __________
تسلمي ياقلبوا من ذوقك
__________________________________________________ __________
__________________________________________________ __________
__________________________________________________ __________
رد مع اقتباس
