خذني معك
عنوان الموضوع : خذني معك
مقدم من طرف منتديات نساء الجزائر
خذني معك
خذني معك .. من وين ما رحت .. وياك
خذني بقلبك .. دام قلبي .. رهينك
صعبه ترى لو شفت .. وشلون ابسلاك
لو طفت هالعالم .. تراني سجينك
عذبتني .. واشقيت روح ٍ تمناك
لو ( الهوى ) ينطق .. وربي يدينك
مات الغلا .. ينزف على درب ذكراك
رغم الجفا .. لا زال .. يرجي حنينك
بعدك حياتي .. كلها ضيق .. وارباك
الواقع .. اللي .. ما تمناه .. عينك
كل المشاعر .. في غيابك .. تحراك
تصرخ عليك من الوله .. حيل .. وينك
مقدر على بـُـعدك .. حشى كيف فرقاك
هذي الحقيقة .. خلها .. في يقينك
ادري تساومني بروعة .. مزاياك
وتدري اضيع .. إليا بدالي .. جبينك
همك عذاب .. اللي نسى الناس .. لرضاك
وهمي اشوفك .. مهتني .. في سنينك
لو تطلب اسنين العمر .. من فداياك
سلمت لك عمري .. براحت .. يمينك
منك احتملت من الشقى فوق .. ما جاك
ذقت العناء والهم .. كني ..حزينك
يكفي .. دخيلك ( حس ) باللي ترجاك
لا عاش منهو .. يا حبيبي .. يهينك
تعبت مالي .. بالهوى غير .. دنياك
مديت لك يمناي .. عطني .. يدينك
اعاهدك .. ببقى على الحب .. منساك
عهد ٍ قطعته .. بين قلبي .. وبينك
>>>>> ردود الأعضـــــــــــــــــــاء على الموضوع <<<<<
==================================
قصيدة رائعه
يعطيك العافيه عالنقل الرائع
__________________________________________________ __________
pinkيسعدلي مرورك ياعسل
__________________________________________________ __________
رائعه رائعه رائئعه كلماتك وخاطرتك ياعسوله
.........
مع ارق تحياتي
.......
__________________________________________________ __________
تسلمين يالغالية
فى انتظار جديدك
الك تحياتى
__________________________________________________ __________
اهلين فيفي عن جد اشتقت لمرورك
نورتي صفحتي ياكل الذوق
رد مع اقتباس
