صعب المنال
عنوان الموضوع : صعب المنال
مقدم من طرف منتديات نساء الجزائر
صعب المنال
ماكل من يركب على الخيل خيال
ولا كل خيل تعجبك هي أصيـله
ولا كل من يعجبك هرجه برجال
بعض العرب ملسون وايده بخيله
الكل يلبس ثوب وشماغ وعقال
وعند اللزوم افعالهم هي قليـله
الرجل تثبت له أقاويل بافعال
لاقال شئ ونفذه هو دلـيله
والرجل لاشفته مع القيل والقـــال
ابعد عنه هذا صفاته عليــله
والكذب خله عنك مافاد لو طال
قول الصدق ياصاح غنم وجميـله
وخلك شجاع وذي صفات للابطال
اللي كما سيوف تبارق سليـله
واللي شراك اشريه لو كان بالمال
خلك معه وان مــــــال دور بديله
واصبر ترى الدنيا تبدل بها أحوال
وما كل شئ صافي تشـــــوفه تجيله
وبعد الكدر تشرب صفا عذب وزلال
هذا الزمن فيه استــــقامه وميله
وصاحب خليل لو جفـا الوقت مامال
ترى الرجل يعرف بقيمة خليـله
واقفل على سرك بكتمان واقفال
بعض العرب يسمع و ينوي بحيله
وخلك أمين إذا توليت الأعمال
من خان في يوم الحشر يا حليله
خل التواضع فيك واضح بالافعال
ترى الكبر يردي بيوم وليـله
ولا تحسد اللي عنده اموال وعيال
وش ينفعك لو كان حـــسدك يزيله
ولا تزور تقلب الزين بطـال
الله عليم بالنوايا الدخـيله
وخلك رزين ترى المخفه للاطفال
واصفح عن المخـــــطي ولو زاد قيله
واحمل همومك لو تزن وزن آلآثقال
بكره تروح وتنجلي لو ثقـيله
وصل الفروض ولا تنسيك آلآشغال
محدن في الدنيـــــا درى وش بقي له
وزور آلآقارب للرحم كون وصـــــال
وخلك عظيم الشان وسط القـبيله
وصلاة ربي عد ماهل همـــــــــــــال
على النبي اللي صفـــــاته جليله
>>>>> ردود الأعضـــــــــــــــــــاء على الموضوع <<<<<
==================================
إلى الاخت ............ يا من صاح الورد بشذاك ، وعطرت أركان مناك
نشكر ونهدي لك باقة من الامنيات والاماني ،
فبارك الله لك جهودك وسدد بالخير والعطاء دربك
__________________________________________________ __________
اشكرك يالغاليـــــــــــــــــ فيفي روزــــــــــــــــــــــــــــة على المرور
__________________________________________________ __________
__________________________________________________ __________
__________________________________________________ __________
رد مع اقتباس
