زينوهــــــــــــــــــــــــــا وادفنوهــــــــــــــــــــــــــــــــــــــــــا
زينوها وادفنوها والكفن ثوب الزفاف
غصب عنها زوجوها وسلموها للغريب
مجبره ماشاوروها قصدهم شرع العفاف
مادروا ان البنيه مغرمه ولها حبيب
جهزوها وهي تر تشف دمع ارتشاف
وخبروها ان موعدالفرح منها قريب
مالقت احد فهمها وهمها ناظر وشاف
ان حكت باللي سكنها مالقت الها مجيب
وكنها هي وافقتهم جرعوها الزعاف
حالها من فعل اهلها صار محزن ومريب
والحفل قرب وقامت ترتجف خوف ارتجاف
كل يوم تقول باكر الفرج باذن الرقيب
باكر يمكن يفهمون قصتي باخر مطاف
جا باكر ثم عدا وجا بعد باكر عطيب
وعلقوا عقد الانارةواحتشد فرد والآف
ايقنت إن الجرح جرحها ماله طبيب
وإنها لازم تطيع أمرهم وترضى الجفاف
جو لها والدمع يغرق جفنها الحلو الرطيب
قالوا يالله إلبسي ثوبك اللي للزفاف
كفنوها وفي نظرهم زوجوها للأديب
فرشوها الهم دايم والأسى لها لحاف
يا حسافة دخلوها والحشا يغلي لهيب
وأحكموا قيد البنية واسجنوهابإلتفاف
وادعتهم وهي تقول حسبي الله "الحسيب"
رحلتي ماهيب طويلة ورجعتي بعد القطاف
سافرت عن دار أهلها وقلبها خطر "وصويب"
سافرت مع منهو خطفها من أمانيها الضعاف
خايفة مستوحشة والعرق منها صبيب
وقلبها ينبض بذكرى ماضية فيها إختلاف
حاولت ترضى بقدرها وللحدث هي تستجيب
بس عيت تقتنع وعشقها ذاك الضفاف
هو سألها جاوبيني ليه دمعاتك "سريب"
ليه لي ماتنظرين وأنا زوجك شخص واف
قالت بنبرة خجولة أنا في وضع "رهيب"
غصب عني زوجوني واطعنوني بالرهاف
وهو سكت لحظة تأمل وش اسوي يامجيب
عقله وقلبه نطقها صاحب النخوة يعاف
قال منهو غير حبي يســــــــــــــــكن بقلبك نجيب
من تولى عرش قلبك إهتني به ياعفاف
وباكر الرجعة تراها وامسحي الدمع العجيب
خايف إني أمسك وأقترف ذنب اقتراف
اضحكت ضحكة قالت ما بعد هالطيب طيب
الله يجازيك عني بالأجر ويسر الطواف
ارجعت وقالت رجعت يا أهل الشرع "الغريب"
بنتكم جتكم ولكن من بعد ذل وحساف
وإبعثت مرسول عاجل أنا جيتك يالحبيب
النذر اللي نذرته صار وافي يامناف؟!
اجلست يوم وتأخر لا رسالة ولا "مجيب"
وعقلها يمه تشتت وبدت بالغيبة تخاف
مرها طفل صغير وإسألت عن الصحيب
قالت مات ليلة زفافك واندفن بعد الزفاف
ناحت بحسرة وطالت الليالي والنحيب
وودعت قبل اللقاء حلمها الزاهي وطاف
اقتلوها مرتين وشابت ماقبل المشيب
وذاب قلب " قد تعلق والبصر جاه الكفاف
اتمنى تنال اعجابكم ياحلويـــــــــــــــــــن 
زينوها وادفنوها عذب الكلم
رد مع اقتباس
