عنوان الموضوع : يايمه وينك...!!! خاطر جميلة
مقدم من طرف منتديات نساء الجزائر

يايمه وينك...!!!



السلام عليـــــــــــــكم

هذي خاطرة كتبتها بدموعي على فراق امي الحبيبه
اسال الله ان يحفظ لكم ابائكم وامهاتكم ولا يحرمكم وجودهم

يمه وينك ؟؟ .... ولهت لنظره من عينك ....
يمه وينك ؟؟
اشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و انا عندي امل للحين ..
و لكني اعرفك وين !!
يمه وينك ؟؟
عسى الداعي يمه بس خير ؟!!
عساك بخير .... مداين تكرم لعينك ...
بس ارجوك علميني ...
علميني .. يمه وينك ؟؟
سألت ابوي عن رجوعك ... ولا كني اعرفك وين !!
و قال لي.. ما يدوم الزين !! ... و انا .. عندي امل للحين ..
في رجوعك !! .... يبه بس تكفى علمني ....
متى ترجع ؟؟ .... يبه بس تكفى علمني .
وش احلى من طلوع اثنين ؟؟
طلوع الشمس .... و طلوعك
يمه وينك ؟؟
سألت ابوي ...... غيابك طال ؟؟
ولا كنّي اعرفك وين !!
و قال مثل ما قال .. حسافه ...
ما يدوم الزين ... مع كل هذا صدقيني .. انا عندي امل للحين !!
سؤالي عنك يا يمه.. صار كما الموال
و اشوفه طال ... والله طال ..
حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..
يبه ..
ارجوك علمني ...
تشوف اللي انا اشوفه ؟؟
انا اشوف امي نهار و ليل ...
في وسط المجلس تصلي .. و تدعي الرب ييسر لي ..
يمه..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري يايمه ماراح ترجعي !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!
يمه .... وينك ؟؟
و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك ..
و لا ادري وش يخبي الغيب !! ... و جرح ٍ عذ ّب احبابك .... يمه ..عيّا يخف و يطيب !!
يمه.. كل جرح في الدنيا .. مصيره بالدوا يلتم ... و لكن البلا من جرح ..
نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!!
ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم ..
بس عندي امل للحين !! ... و لا كنّي اعرفك وين !!
يمه .. ذكراك تفرحني ....
في نفس الوقت تجرحني !! ... لا من جبت في طاريك ... دموعي غصب تفضحني ....
يمه .. تذكرين ليالي الصيف ؟؟
عرس الحي .. و بنات الريف ؟؟
و كرم قلبك معَ هـالناس .. كل ٍ كان في بيتك ضيف ..
الا يا حيف .... الا يا حيف ..
زمن قاسي .. زمن قاسي ...
اخذ مني بلا رحمه ... اخذ مني اعز ناسي !!
و خلاّ لي سهر هالليل .. في عيني ضيف .. الا يا حيف !!
يمه وينك ؟؟
تعالي و شوفي ...
كبرنا مثل ما تمنيتي ... درسنا كل ما حبيتي .. نصلي مثل ما وصيتي .. و ندعيلك في كل ظروف ..
يمه وينك ؟؟
تعالي و شوفي .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!
يمه تذكري شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يمه ... والله انا حنيت ..
لذاك الوقت في وجودك ... الا يا ريت ... الا يا ريت ...
ترجع .. يا يمه انا حنيت ..
حسافه الدنيا ما ترحم ...
خذت منا سعادتنا ... خذتك بعيد .. و خلتنا !!!
يايمه تذّكرتك ... بأيامك قبل ما تروح ... واناديكي.. يا روح الروح ..
وانا واخواني ننظر لك .. مثل طفله ... ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار
نحبك يايمه ... ارجعي .. مثل شمس الفجر .. اطلعي
حزينه الشمس في غيابك .. و نفس الحزن في احبابك .. واخاف الشمس من حزني ..
تغيب و ما بعد تطلع !! .. يمه ارجعي !! ... اذا لي خاطر فـ قلبك ..
تعالي و زورينا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..
لكن قلّت الحيله ... و يمكن مع البطا ضاعت ..
و قلنا يوم !!
يمه سامحيني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! .. و برجع اسألك وينك !!
بس لازم تجاوبيني .. ترى عندي امل للحين !! .. و لا كني اعرفك وين ..!!
يمه شلونك ؟
ملل هالكون من دونك
يمه شلونك ؟
وتمضي رحلة الدنيا ... بليا طلة عيونك
يمه شلونك ؟
وشلون المرض وياك ؟ ... بعد ماهدك بدنياك ... عساها تغمض جفونك ؟
تبي تدرين عن احبابك ؟ ... عن عيون تغنا بك ؟ ... عن قلوب دفنها الشوق ...واذا جاها الغفا جابك ؟
يمه ابوي يتخيلك دوم ...يغني لك مع القمرا
يمه واللي خذاك بيوم ... خذا ... ويا ماخذا ... وياما ... خذا ناس يحبونك

يمه حنا غدينا كبار ... توفقنا و تخرجنا ... يمه ماعاد فيه صغار
يموج بهالزمن كل شي ... وحنا ماتموجنا ... على ذاك العهد نسري ... نبيع العمر والدنيا ... ولا تخلف بنا ظنونك
يمه شلونك ؟
تبي تدرين عن اخباري ؟ ... عن افكاري وتذكاري ؟

اشيلك داخلي جمممممممره ... وبعيون الحزن عبره ... تغرقني .. وتحرقني
اشوفك نجمة تجبر ... مراعيها .. يراعيها

واشوفك للامومه اسم ... اذا شد الزمن تقسى ... واحلم من معاني الحلم
احسك مقبله بكره ... وعيا لايجي بكره
يمه تذكري زمان مر؟ ... لاقالو عمر؟ ... هو احلى مابهذا العمر
يمه تذكري مجالسنا ؟ ... مقلطنا ومجلسنا ؟ ... وحارتنا ومسجدنا ؟
يمه تذكري هدايا العيد ؟ ... صلاة العيد؟ ... وبشت العيد؟
يمه تذكري سوالفنا ؟
لاجل هذا ... وكل هذا ... اقول اليوم يايمه
ملل هالكون من دونك
وانا واخواني واخواتي تموت الدنيا بغيابك
واسأل رب هذا الكون يكون الصاحب في غيابك
ويبدل حزننا با افراح


هذي القصيده كتبها ولدها سلطان واعجبتني وربي وحبيت انكم تشوفونها وتعطوني رايكم وتدعون لام سلطان بالرحمه والمغفره وان الله يصبرهم يارب ع فراقها

>>>>> ردود الأعضـــــــــــــــــــاء على الموضوع <<<<<
==================================


ما شاء الله عليكي
قصيده رائعه
الله يخلي جميع امهات المسلمين
ويرحم ام سلطان ويرحم امهات المسلمين جميعااا
مشكوره اختي على النقل الجميل


__________________________________________________ __________

الله يرحمها ويغفر لها
مشكوره حبيبتى


__________________________________________________ __________




;


الـلّـه يرحمهــا ويغفر لهــا, ويعوّض صبـر سلطان واخوانــــَه خيــِر

جنوبيه الـلّـه يعطيــِك العـــَافيه





;


__________________________________________________ __________

الله يرحمها ويسكنه جنته
شكرا حبيبتي


__________________________________________________ __________

مشكوررررررررررين خواتي ع مروركم
وع دعائكم لها
نسأل الله لها الجنه