عنوان الموضوع : دوالى الساقين انضحك عليا الحقو -للعناية بالبشرة
مقدم من طرف منتديات نساء الجزائر

دوالى الساقين انضحك عليا الحقو



السلام عليكم
والله انا لسه مسجله النهرده ودى اول مشاركه ليا
الحقوووونى ياناس
بصراحه انا جيت علشان حد يفيدنى ويقولى هو انا كده انضحك عليا فى السعر ولا ايه اصل كل اللى يشوفه يقولى سعره غالى لغاية اما حطمونى نفسيا
هو زيت بالأعشاب مقروء عليه الرقيه وسورة البقره وآيات قرآنيه وكريم بالأعشاب سعرهم 400 ريال كنت اشترتهم وانا حامل علشان كلها حاجات طبيعيه ولأن مع الحمل الدوالى زادت طبعا اشتريتهم فى الشهر التاسع واستعملتهم اسبوعين ومكملتش علشان ولدت ودلوقتى انا والده بقالى 40 يوم ورجعت اكمل بقالى اسبوعين يعنى قفلت شهر وانا بستعمل الخلطه
معلش ياجماعه اصل انا حاسه ان تحويشة عمرى كلها اتصرفت
والله انا لو غنيه شويه مكنش همنى حاجه وكنت اشتريت تانى وتالت ولا فرق معايا لكن بجد دى تحويشة عمرى يانااااااااااااااااااااااس
بس حد يقولى انا كده صح ولا لأ
وجزاكم الله خيرا

>>>>> ردود الأعضـــــــــــــــــــاء على الموضوع <<<<<
==================================


ياجماعه كده زعلتونى ولا وحده ترد عليا طب حد يعبرنى


__________________________________________________ __________


طيب يا عزيزتي هو في علاجات بالفعل غاليه ولكن تستحق ام لا يحددها النتيجه

انتي هل استفدتي من الزيت والكريم ام لا ؟






__________________________________________________ __________

جزاكى الله خيرا ياحبيبتى على الرد وانك اول وحده ترد عليا
الكدب خيبه بصراحه هما نتايجهم روعه وجامده جدا لأن انا جربت الليزر ومنفعش معايا وجربت الحقن وبصراحه اختفوا وكلفونى حوالى 4000 جنيه قبل زواجى لكن برضه رجعو تانى مع ان الحقن ساب اثر فى رجلى بقع بنيه وقلت مش مشكله لكن هعمل ايه دا امر ربنا لكن رجعوا تانى لأن اللى اكتشفته ان الحقن مش بيخلى الدوالى تروح لأ دا بيخليها تختفى عن النظر لكن تفضل موجوده زى ماهى يعنى الماده اللى اتحقنت بيها مش بتجرى الدوره الدمويه زى ماكنت فاهمه لأ دى بتحول لون العرق اللى اتجمد فيه الدم لكن العرق يفضل الدم متجمد فيه الدم زى ماهو
معلش انا رغايه شويه
لكن بصراحه الزيت والكريم مفعولهم تحفه والله
يعنى مثلا رجلى الشمال كان فيها فى باطن الساق فوق سمانة الساق من الخلف حته فيها دوالى مكلكعه وبارزه لبرا لكن دلوقى دخلت لجوا واتفتتت خالص وبقت عرق واحد بس وعدد العروق اللى فى رجلى من ورا بدأ يقل
اما فى رجلى الشمال برضه بس فى الساق من تحت كان عندى عرقين صغيرين لونهم اخضر اتحولو للون الموف واتفتتوا لعروق صغيره جنب بعض
اما رجلى اليمين كان فيها من ورا فوق السمانه حتة دوالى مكلكعه خفت عن الأول بكتير وفى فخدى الأيمن من فوق كان عندى شعيرات زرقا اتحولت بفضل الله لحمرا وقربت تختفى تقريبا وفى فخدى الشمال كان عندى شوية شعيرات دمويه حمرا جنب بعض طبعا بعد الحقن انا كنت مفكراهم دم متجمد تحت الجلد لكن عرفت انهم شعيرات دمويه بعد ما اتفتتوا خالص بان انهم شعيرات وكمان كان فيه فى فخدى تجمع عروق بس شعيرات برضه بقوا تقريبا دلوقت كإنهم نقطه كبيره بس
طبعا الحمد لله على نعمة الشفاء
لكن انا اللى مزعلنى ان الزيت والكريم غاليين والمفروض انى استمر عليهم فترة 3 شهور بحالهم وانا كده مش هعرف اكمل فترة العلاج يعنى من الآخر على لا انا كملت العلاج للآخر ولا طنشت من الأول
لكن هو بصراحه نتايجه روعه لكن غالى عليا
ومعلش انى صدعتك معايا
ومشكوووووووووووووووره على الرد الطيب
ل


__________________________________________________ __________

والله العلاج دا غالي بس ا ذا نفعك مش غاليه عليك وعلى صحتك اهم شي الصحه ياختي الله يوفقك
والف الف مبروك على الولاده ويتربه بعزكم يارب


__________________________________________________ __________

الله يجازيكى خير يا ام حسومى
هو بصراحه العلاج نفعنى والله يبارك فيكى
وشكرا لمرورك الكريم