عنوان الموضوع : مقشر المشمش لبشره صافيه -بشرة صحية
مقدم من طرف منتديات نساء الجزائر

مقشر المشمش لبشره صافيه



السلام عليكم ورحمه الله وبركاته



بنات بقول لكم سالفتي ومعاناتي


أنا قبل بشرة ويهي الحمد لله صافيه ومافيها حبوب ولا شي بس تطلع لي حبه ولا حبتين وقت الله يعزكم الدورة وعقب تختفي وما كنت استعمل شي على ويهي الا من اسبوع لين اسبوع لانه ويهي مايو تاج له تقشير بس اللهم أني أربطه عاد جي فجأه قب ويهي كلللللله حبوب صار يخرعععع والله أتفضل حتى اقعد مع هلي والله احرااااج المهممم ما خليت شي ماحطيته بويهي
للعلم كنت أحط ماسكات طبيعيه ماحب كريمات طبيه


وقريت بالنت انه وحده تقول تحط على البقع والحبوب الي ف ويها خل وجان أحط وتزيد الطين بله هههههههههه احس ويهي اندمر على الاخررررر سلمت امري لله أخاف استعمل أشياء طبيه لانه بشرتي حساااااسه حيلللل تعبت وياها




عاد فكرت ومخمخت قلت بدهن ويهي بزيت اللوز والله خلصت الغرشه كامله وحسيت بس شوي خف عاد قلت ليش ما استعمل سنفره المشمش الي ماركتها st.ives دام عندي حرام طايحه بجبدي سمعت وايد يمدحونهاااا تميت كل يوم اقشر ويهي فيها تبيض حلوه والبقع تخف وقت عن وقت ف قلت البقع الي بويهي لازم احكهم بشي عشان يروحون لانه اذا بيدي مب يايبه نتيجه عدله ..




وجان أغامر شوي وأخذ فرشاه مالت الأسنان الي تكون شوي خفيفه مؤ خشنه حيل وخذيت ها وقمستها فال سنفره وتميت افرك ويهي فيها وركزت على البقع بشوي شوي افرك عشان مايعورني لانه بشرتي حساسه ورقبتي بعد تميت افركها لانه فيها خطوط خفييييفه باللون البني جي تقريبا 5 دقائق فركت وبس غسلت ويهي بعدين نشفته وحطيت على ويهي ورقبتي ماي ورد لين نشف بعدين حطيت خلطتي الي ما استغني عنها فازلين مخلوط معاه شوي زيت زيتون ودهنت فيه ويهي ورقبتي والله يا بنات نزلت تحت الا أمي تقولي شمسويه فيوجه صاير ابيض ونظيييف .


أنا صار لي يومين من استعملتها احس البقع تخف بشكل كبير واااايد بس بنات لاتفركون ويهكم بقو بالفرشاة بس بالخفيف وتحملو تفركونها تحت العين بالفرشاه
بعد تساعد على ازاله الرؤوس السوده الي موجوده على الخشم من ثاني مره بتحسينها اختفت

جربوها وقولولي النتائج

>>>>> ردود الأعضـــــــــــــــــــاء على الموضوع <<<<<
==================================


جزاك الله كل خير


__________________________________________________ __________

أجمعين
منووره عزيزتي


__________________________________________________ __________

الله يسلم لنا هالديات يارب ومايحرمنا منك يالغلا

انا جربت المشمش ع جسمي وقب حبوب وحكه
بس حطيته ع وجهي تمام صاروجهي مشالله لاقوة الا بالله حلو وحسيت ببياض ههههه وناعم مشالله ..
وسلامتك ♥


__________________________________________________ __________

شكرا للوصفه
وبالتوفيق الك


__________________________________________________ __________

ثانكس حبي