عنوان الموضوع : هل حضرتم نفسكم لرمضان؟ -اسلاميات
مقدم من طرف منتديات نساء الجزائر

هل حضرتم نفسكم لرمضان؟



السلام عليكم ورحمة الله وبركاته

كل سنة وانتم طيبين ورمضان كريم

فاضل يوم واحد على رمضان
لا اله الا الله
دة زى ميكون مبقالوش شهر خلصان
شوفتوا الشهر بيييجى بسرعة ازاى
طيب
جهزتله ؟
اة
هنشترى المكسرات والزبيب وجوز الهند والبلح ......... الخ
ليه كدة بس

انا مقصدش جهزت الاكل
انت مستنى رمضان عشان كدة
لا حول ولا قوة الا بالله
طيب بلاش نزعل من بعض
نتكلم فى حاجة تانية
رمضان اللى فات كان افضل رمضان فى حياتك
عبدت ربنا بجد
صليت قيام ليل
قريت كام جزء
هنتكلم افتراضاً
خلوا بالكوا
مثلا
رمضان اللى فات اول يوم
صليت التراويح وصليت الخمس صلوات فى المسجد جماعة
وقمت الليل ودعيت وقريت قران وعملت حاجات كتيرة اوى
وكنت حاسس ان ربنا راضى عنى اوى
وتانى يوم
عملت وسويت والحمد لله
ثالث ... رابع ..... خامس ... عاشر
والله معرفش اية اللى جرالى مقدرتش اروح التراويح كنت تعبان
عشرين
الحقيقة الفجر ضاع منى والسنن والترايوح ملحقتهاش اصلى نمت بعد الاكل
27
مش عارف شكيت انها ليلة القدر بس كنت تعبان اوى
وظبت المنبه على قبل الفجر
مقدرتش اقوم
اصل الشيطان مش عايزنى اقوم ليلة القدر
30
ياااااااااااااااا
رمضان خلص هوا لحق
دانا ملحقتش اعبد ربنا
يارب سامحنى رمضان اللى جاى باذن الله طاعة طول ال30 يوم
ممكن اقولك على حاجة
كل رمضان هتعمل نفس الحكاية
وترجع تقول يارب سامحنى
بجد متزعلش منى
هوا دة اللى هيحصل
طول مانت زى مانت
طبعا الله اعلم بس بقولك على اللى متعودين عليه
طيب انا زى مانا ازاى؟
اقولك
صلاة عادية
سنن بتجرى فيها
قران مقربتلوش
او قريت كل شهر صفحة
قيام الليل متعودتش عليه
صدقنى لما نكون مش متعودين على حاجة وتيجى فجأة وتعملها
يوم والتانى وهتزهق وهتبطل
رمضان قرب اهو
متيجو نستعدله من قبليه بشهرين
اية شهرين ؟
اة شهرين
وماله
تيجى نعمل زى اللى ناويين نعمله فى رمضان بالتدريج
اهو قدامك شهرين
تقسم الصيام عشان متتعبش لما تصوم وتكون متعود
تقسم قران بتاع ختمتين مثلا
قول نص جزء فى اليوم ماشى
نقول ربع عشان متتدايقش
مفيش ضيق فى طاعة ربنا
بس ماشى ياسيدى موافقين على ربع جزء فى اليوم
بس خلى بالك ربع جزء كل يوم
منفوتش يوم
وواحدة واحدة تزود
رجب تخلى اسبوع ربع جزء
اسبوعين نص جزء
لغاية متيجى على اخر شعبان تكون اتعودت تقرا جزء او جزء وشوية ياله
هااااااااااااااااااا
اية رايك
طب حاجة تانية
معلش حاول تقوم قبل الفجر بنص ساعة كدة
وصلى ركعتين اول رجب قيام ليل
واقعد زود فى الركعات عشان تتعود تزود فى عدد ركعات قيام الليل
على اخر شعبان توصل لمثلا 10 ركعات قيام
دى اقل حاجة متتقلش عن كدة
مقدرش اقلل داحنا كارمينك اوى كدة

ها ناسيين اية تانى

اة الاذكار
خلى ليك فى اليوم عدد معين من الاذكار واقعد زود
وباذن الله هبقى ابعتلكوا كل ذكر وفضله
ها نسينا الصلاة فى المسجد
فيها اية لما تنزل تصلى الخمس صلوات فى المسجد
ياسيدى اهو حسنات زيادة بتدخلك
وبعدين دة سنة وناس بتقول فرض
انا من راييى انه فرض
مش عايز تبقى فى بيت ربنا
وعشان متزهاش صلى يوم صلاتين فى المسجد
يوم تلاتة وييوم اربعة ويوم الخمسة كلهم
بحيث انك لما ييجى رمضان تكون صليتلك كام اسبوع اصلوات االخمسة كلهم فى المسجد
والله الموضوع مش هايف
دة مهم جدا
رمضان دة فرصة لينا عشان ربنا يعتق رقبتنا من النار
عارف يعنى اية تتعتق رقبتنا من النار
يااااااااااااااااااااا
اللهم بلغنا رمضان
وبارك لنا فيه
ويارك لنا فى رجب وشعبان
اللهم امين
بجد والله نفسى كلنا نمشى على الموضوع دة
هنكون بنشجع بعض
وبنتعاون على طاعة الله
وهندخل باذن الله الجنة مع بعض
اللهم امين
ياله استعدوا من دلوقتى
خلاص العد التنازلى ابتدى
ياله نلحق نفسنا
عايزين رمضان اللى جاى يكون افضل رمضان فى حياتنا

شعارنا

رمضان القادم باذن الله افضل رمضان عشته فى حياتى
معلش زهقتوا منى
جزاكم الله خيرا
السلام عليكم ورحمة الله وبركاته

منقول

>>>>> ردود الأعضـــــــــــــــــــاء على الموضوع <<<<<
==================================


جزاج الله خير


__________________________________________________ __________

إن شاء الله أختي جزاكي الله خيرا

ويعطيكي ألف عافية

ولا تحرمينا جديدك الجميل


__________________________________________________ __________

جزاك الله خيراً


__________________________________________________ __________

جزاكم الله كل خير

على مروركم واهتمامكم

كل سنة وانتم طيبين ورمضان كريم


__________________________________________________ __________

مشكورة على هالاسلوب القريب من القلب