هلا السلام عليكم
ممممم جايه اليوم و معي موضوع اتمنى تكون فكرتو جديده و يفيدكم و طبعا من مجهودي زي كل مواضيعي ولله الحمد .. حابه اكتبو من شان اساعد فيه كتير من البنوتات و السيدات يلي يهملون انفسهم او يكسلو في الترتيب و النطافه بشكل عام ..
رح اطرح بعض النصائح يلي بتعينك على الترتيب و النظافه من حياتي العامه
اذكرو اسم الله (ماشاءالله )
يــــــــــــلا نبــــــــــــــــدأ باســــــــــــــــم الله
-لازم تتعودي انو اول ما تصحي من النوم ترتبي سريرك مو تهمليه ,
-لما تصحي من النوم لازم ترتبي شعرك و تبدلي ملابسك و الافضل انك تاخدي شاور صباحي ..
-لازم تتعودي ترتبي حالك اول باول مو تتركي نفسك ليكون شكلك مبهذل و لما يجيكو ناس او تنعزمي تبدأي تجهزي حالك و تقولي ياريت من اول اهتم بحالي هالنقطه ركزي عليها الغالبيه هيك ..
-مو معنات انو ما جايكم ضيف انوو ما ترتبي بيتك و ترتبي نفسك , لا حبيبتي عودي حالك انك تعملي هالشيء لنفسك قبل الضيف و انو يكون شيء من اساسيات حياتك ,, تخيلي بيوم يجيكوو ضيوف فجاه ترضي يشوفوكي هيك 
-دايما خلي عندك عادات جماليه ما تستغني عنها طوال الاسبوع عشان بشرتك ما تذبل ,, متل الماسكات او التقشير ,
-خلك معوده على عمل رياضه يوميه عشان تضلي محافظه على رشاقتك و جمال حسمك .
-تعودي على شرب كميات وفيره من الماء لانها تساعد بشكل كبير ف البشره و نضارتها
-لا تهملي اكلك الصحي ابدا لانو كمان الو تاثير على البشره و عالجسم بشكل ملحوووظ
-دايما خلي عندك وقت لتصفي بالك من يلي فيه .. لان النفسيه الها تاثير واضح عالبشره من ظهوور حبوب او بهتان ف اللون و ما الى ذلك
-رتبي نفسك و اغراضك اول باول و لا تتركيها تتراكم لحتى تبداي ترتبيها عشان يسهل عليكي الامر
ممممم هاد يلي جااي ببالي هلئ اتمنى تكونو استفدتو ولا تنسو دعوات بظهر الغيب و لا تحرمونا ردودكم
و ازا حدا عندو اضافه يضيف و يحلي الموضوع
خطوات للمحافظه على مظهرك دائما -للعناية بالبشرة
رد مع اقتباس
