عنوان الموضوع : خلطه صابونيه من تجربتي لبشرة صحية
مقدم من طرف منتديات نساء الجزائر

خلطه صابونيه من تجربتي



". مساء الورد على الجميع ..




كل وحده منا تحب يكون جسمها صافي ولون واحد
ياما سوينه خلطات واستعملنا كريمات وماستمرينه نبي تبين الخلطة بسسررعه


وانا وحده منهم ماحب انطر وااايد خخخخ وكسوله ماحب استمر
المهم مابي أطول عليكم



أنا حالي حال اي بنت أدور خلطات واسوي بس ما استمر عليهم عاد يوم من الايام
قريت ف منتدى ما اذكر اسمه ولا اسم صاحبه الخلطة للأسف ". لأكن الله يوفقها وين ما كانت ويحقق لها كل ما تتمنى
قوولو امين".


نبدأ وأقول لكم شنهي الخلطة ..


هي عباره عن خلطه صوابين .. السموحه ماحطيت صور


حبه صابونه ديتول الاخضر او الوردي عادي
حبه صابونه بيبي جونسون الي لونها ابيض
حبه صابونه الكركم
حبه صابونه البابايا
علبه صابون مغربي
1 كيس ملح الحليب
1 كيس ملح البابايا الي نفس ملح الحليب بس لونه برتقالي
2 قارورات ماء ورد



.. نجي احين للطريقه:
فالبدايه نبشر كل الصابون اذا مالج بارض خلي الخدامه تبشر هم عنج وبعدها
نصب ماء الورد في وعاء يعني مله تكون كبيره
فالبدايه نصب ماي ورد وحده
ونضيف له ملح الحليب و ملح البابايا ونحركه شوي .. وبعدها نحط الصابون الي بشرناه فوق الماي ورد والملح ونخلطهم شوي وبعدها نحط فوقهم الصابون المغربي نصه بس اذا حسيتي وايد جامد الصابون زيديه ماي ورد


وبعدين حطيه بالخلاط عشان يتماسك الصابون وخلطيه شوي وبس
عقب حطيه بعلبه وسكريها عدل وخشيها بالكبت يومين وعقب استعمليها


أنا اقوول لكم شلوون تستعملونهاا الخلطة


اتسبحين بماي شوي حار بس مب تحرقين روحج على درجه تتحملينها على الاقل 10 دقايق تسبحي بالماي الحار
وبعدها حطي من الخلطة الصابونيه على جسمج وتمي فركي بالليفه المغربيه او ليفه بادي شوب الي نفس القفازات
تمي فركي فركي عدددل طولي وانتي تفركين عشان تبين النتيجة وركزي على الاماكن الغامجه عدل وبس عقب غسليها بماي شوي دافئ مب وايد



وانتي تغسلين جسمج ممن الخلطة فركي جسمج شوي تحت الماي وبس


والله يا بنات انه تبين من اول مره احس جسمي يلللق كان عندي شعر تحت الجلد بالساق والله بين من اول مره انه خف ومع الاستمرار أكيد بنحصل النتيجة المرضيه باذن الله


أنا كنت مب مقتنعه من الخلطة قلت بجربها ما ورأي شي لأكن صجج كانت بتروح علي لوما سويتها خخخ
انا جربتها على الويه بعد بس احسها ما تناسب تجفف


والصراحه أنا استعملها وبعد الشور ادهن جسمي بخلطه فازلين مع زيت زيتون وويهي

بس جدددد الفازلين مع الزيت زيتون والله تبيض من اول مره وتخلي جسمج حررير لين اليوم الثاني .. أنا مخليتها مرطب لجسيم وويهي على طول

وخلطه الصابونيه بامانه أنا استعملتها يمكن 5 مرات او 6 بس الحمد لله ما يرجع السواد بس خطيره الخلطة اتمنى تجربونها وتقولون لي نتايجها ..


وبس اتمنى أني أفدتكم قلت مابي ابخل عليكم بهالخلطه جربوها وقولو لي نتايجها
ومابي منكم غير الدعاء وانه الله يحقق لي الي أتمناه


وأي استفسار انا حاظره

>>>>> ردود الأعضـــــــــــــــــــاء على الموضوع <<<<<
==================================


يعطيك العافيه حبيبتي
بس والله ماعاد عرفنا مين نصدق أنا ماأكذبك يالغاليه
بس ياكثر الخلطات اللي مسجلتها عندي
تعبت والله من كثر مااستخدم
صرت معمل تجارب وليتها تنفع بالأخير
وسمعت يقولون كثرة الفرك يسود والله أعلم .....


__________________________________________________ __________

ههههه والله أنا نفس حالتج قبل

بالصدفة سويت هالخلطه وربي تغير جسمي عن قبل السواد قام يخف بشكل كبير من اول مره وبعد سيقاني كلمالها وتصير صافيه ..
وثاني شي سهله مع كل استحمام تستخدمينها تخلينها بعلبه فالحمام عندج بدل خلطات وكريمات وحوسه

ولج الاختيار عزيزتي اذا بتجريبها براحتج .. بس صجج أنا تعبت وانا أدور خلطات مايابت نتائج ويبيلها شهور على ما تطلع النتائج ..
وانا كتبتها لانه حاسه في بنات نفسي يبون نتائج سريعه ههههه كسولات
والله ماراح تخسرين لو جربتيها وكلها صوابين ما تضر والله أنا ماكتبتها الا مجربتها وجفت النتيجه .. ومشكوره على المروور .


__________________________________________________ __________

ربي يسعدك وربي ريحتني بكلامك
بإذن الله بكتبها بجوالي وراح استخدمها بعد مااخلص خلطة بياض الثلج اللي تارسه الثلاجه ^_^

يارب يارب هالمرة تصيب وتجيب نتيجه

بس ياليت تحطي صور الصوابين لان بعض الصوابين لها اكثر من منتج
وبرضه صور ملح الحليب وملح البابايا


__________________________________________________ __________

جزاك الله خيرا عزيزتي على الخلطة الرائعة
فقط عندي سؤال عن ملح الحليب ماههو وين ألقاه أعني هوأين يباع وأيضا ملح البابايا


__________________________________________________ __________

ان شاء الله بحاول أحط صور

وكلهم تلقونهم بالجمعيه