ازالة اثار الحبوب عن الوجة وجعل البشرة مشرقة دوما -للعناية بالبشرة
عنوان الموضوع : ازالة اثار الحبوب عن الوجة وجعل البشرة مشرقة دوما -للعناية بالبشرة
مقدم من طرف منتديات نساء الجزائر
ازالة اثار الحبوب عن الوجة وجعل البشرة مشرقة دوما
السلام عليكم
انا اليوم جايبه لكم قناع رووعه مره . وعن تجربه شخصيه وللحين استعمله
طبعا كنت اعاني من اثار الحبوب والي كانت تخليني احيان استخدم كريم اساس اغطيها
الحين خلاص صار ما يحتاج ولا شيء
احط مكياج طبيعي مرره وبدون ما اغير لون وجهي بكريم الاساس واحط طبقات بس احمر خدود مباشره وكذا اشياء بسيطه وناعمه وما يحتاج كريم اساس
طبعا انا قريت عنها بمنتدى وحده كانت مخطوبه وقرب زواجها وفعلا جربتها وعجبني التاثير مررررره
القناع الاول
جيبي حبة بطاطس واسلقيها وبعدين حطيها بالخلاط مع كاس حليب وانا شخصيا استخدم حليب نيدو
والكل يعرف وش فايدة الحليب
القناع عجيب خلى ملمس بشرتي حرير ونفس الي كتبت الموضوع قالت انه ما يبين تاثيره الا ثاني مره وفعلا تاثيره يبين من ثاني مره
وانا صرت استخدمه بشكل يومي لمدة اسبوع والكل مو بس تفاجا انبهروا يوم شافوا وجهي كيف تغير وراحت كل اثار الحبوب وغيرانه بيض ونور وااايد وايد حتى اطالع بالمرايه واستانس
في شيء مهم الكميه هاذي اول مره سويتها حسيتها وايد ع الويه تكفي وياش ناس ثانيين وتزيد بعد
وانا احب استخدم هالاشياء فرش فعشان كذا كل مره خذي بقدر حاجتك من البطاطس وسوي نفس الكميه الي تناسبها من النيدو
واهم شيء غسلي ويهج زين بس بدون فراك ولا شيء لانه بيكون عليه طبقه زي الشمع اذا ما غسلتينه زين
جربوه وراح تنبهرون . بس لازم تصبرون عليه ثاني مره يبين فرق شوي بس كم يوم شوفي بسيصير ويهج جنان
نسيت شيء انه القناع تحطينه ل 20 دقيقه
القناع الثاني
هذا القناع الي يخلي الويه كانج حاطه كريم اساس وبرضوا قريته انا وسويته وعجبني وايد وللحين اسويه
القناع عباره عن زبادي مخلوط ويا خميره .ز بالمنتدى كتبت انه الزبادي يكون منتهي وكل ما كان منتهي كان احسن بس انا خفت وسويت ويا زبادي عادي
خلطت الخميره ويا الزبادي وحطيته لمدة 20 دقيقه تقريبن
اول ما غسلت ويهي اختلعت شوي صفى وايد
صحيح جاني احمرار شوي ورحت ع طول حطيت ماي ورد ولا حوست فيه عشان لا يلتهب وحلفت ما اسويه ثاني ههههههه بس رجعت سويته يوم شفت اثاره الرهيبه
واحلى شيء انه مفعوله سريع وايد
وبعد ريحي ويهج بقية اليوم . هذا الي اسويه اذا سويته بعده بيومين ما احط شيء يقشر لو كذا
انا زي ما قلت حمر وجهي شوي وخصوا حول الفم عندي ولا الباقي زين فرحت حطيت ماي ورد بارد عشان يبرد عليه ورجع عادي والحين انا اسويه مره بالاسبوع وهذا الي وحد لون بشرتي خصوصا انه كان عندي اسمرار بعد من ناحية الخدود الحين وجهي كانه باربي من الصفاء والنعومه
ولو قالولي اختاري بينهم مقدر هذول الاثنين المقدر استغني عنهم
طبعا حق البطاطس انا جربته ع يديني وكان حلو وياهم بس مفعوله مو سريع زي الوجه اخذ اسبوعين لين يبين اثره بس الوجه اقل من اسبوع وبان اثره
جربوها وادعولي
وخبروني بالنتايج
>>>>> ردود الأعضـــــــــــــــــــاء على الموضوع <<<<<
==================================
ارجوا تقيمى بليز هههههههههههههه يا رب تعجبكم الوصفة
__________________________________________________ __________
مشكورة لو سمحتي حليب نيدو جاف او سايل..!
__________________________________________________ __________
العفو حليب سايل حبيبتى حنونة عسل
__________________________________________________ __________
بصراحه مو كل الخلطات تناسب الجميع
__________________________________________________ __________
زخم من الإبداع..والجمال
فسلمت أيادي..جلبت لنا كل جميل
ولآحرمنا الله جديدك..الرآئع..
تحيه معطره..برياحين..الياسمين
رد مع اقتباس
