دكتورة جلدية تجيب على أسئلة مهمة لبشرة صحية
عنوان الموضوع : دكتورة جلدية تجيب على أسئلة مهمة لبشرة صحية
مقدم من طرف منتديات نساء الجزائر
دكتورة جلدية تجيب على أسئلة مهمة
بسم الله الرحمن الرحيم
سوف انقل لكم اسئلة وجهت الى دكتورة امراض جلدية وتم الاجابه عليها
السلام عليكم
جزاكم الله خير
من فضلك
ابغاك تفيديني في امر ما
عندي صديقتي لديها وحمة كبيرة جدا تملأ الوجه والرقبة
تسمى الوحمة الدمويه
بس ما لها اي بروز عن الوجه
بس مجرد اختلاف في اللون
هي تاعبتها نفسيا الى حد ما
جربت الليزر في المعهد القومي لليزر في مصر
سوت 3 جلسات وما كملت لانها تحتاج تسافر لكل جلسة
بس ما جابوا نتيجة
كمان جربت الحجامة باعتبار انه كانت تظهر لها ندبات بالوجه او الراس هذه الندبات تنزف جدا جدا
من اقل لمس لها تنزف تلك الندبه بدون الم
قالت يمكن الحجامة تخفف من كمية الدم وتخف اللون الخاص بالوحمة
سوت الحجامة بالرقبة والقفا والجبهه وبجوار الانف
شوري عليها من فضلك ايش تسوي
وكمان هي تريد اسم كريم جيد لاخفاء عيوب البشرة
والذي يوضع قبل كريم الاساس في مثل حالتها
جزاكم الله كل خير ويسلمو يا قلبي
الوحمه الى عند صاحبتك اسمها بلاك بلود Black Blood
وهذه بتروح سهله لكن مع الصبر وممكن تستخدم كريم تيرتوسبوت مضاف اليه بتاديرم كريم بنسبة 1 تريتوسبوت + 2 بتاديرم
وتدهن منه ثلاث مرات يوميا على فترات 8 ساعات لمدة 45 يوم متواصلين
هتلاقيها قشرت وفتحت لانها متعتبرش وحمه بالمعنى لان ما فيها شعيرات على حد قولك
وانها تريد اى كريم لاخفاء عيوب البشره فانا ما انصحها بوضع كريم الاساس اصلا فى اثناء فترة التقشير
هنتكلم عن اسباب اغمقاق المناطق الحساسه تحت الابط وبين الافخاد ومنطقة العانه
السبب الاول هو الاحتكاك الناتج عن الاحتكاك الجلدى او احتكاك الملابس الغير قطنيه
السبب التانى هو استخدام مزيلات الشعر الكيميائيه فى المناطق الحساسه و الالم الناتج عند شدة الشعره من البصيله بيؤدوا جميعا الى تغيير افرازات مادة الميلانين المسئوله عن تلوين لون البشره والالم الناتج عن الازله والقلق السابق للالم بيجبر غدتا الاندريالتين عن زيادة افرازها فى منطقة نزع الشعر وده بيفسره ان بعد اكتر من شده معتيش بتحسى بالالم او المنطقه بتحسى انك مش حاسه بيها وده كله بيؤدى الى اغمقاق الجلد
السبب الثالث هو نقص فيتامين ج المسئول عن تفتيح الجلد
هنحل
الاول نلبس الصبح او فى الشغل او الدراسه اندر وير شورت وليس كت ويكون من النوع القطنى
التانى منستخدمش فى المناطق الحساسه فى الازاله غير السويت ونحاول نلطف الجلد اثناء وبعد عملية نزع الشعر ومتكونش الفتره اقل من شهر بين عملية النزع والتانيه وننستخدم وسيلة لمنع الالم وتكون آمنه وبالمناسبه انا كنت سمعت عن منتج طبيعى اسمه نيفر بين اسبراى وجبت عبوتين وانا فى طنطا من ثلاث ايام وحللتهم واتضحلى النتائج الاتيه
اولا انه لا يحتوى على اى مواد كيميائية ولا يحتوى على كحول
ثانيا القوة التخديريه بتاعته بتوصل لاخر طبقه من الجلد ومنطقة ما تحت وحول بصيلة الشعر
ثالثا مدة تخديره بتوصل الى من اربع ساعات او خمسه حسب الكمية المرشوشه واقصى قوة تخديريه له بتوصل بعد ساعه من استخدامه
رابعا به مواد تلطيفيه ومهدئة للبشره ومضادة للالتهاب anti flam طبيعيه من مواد وزيوت طياره
خامسا آمن لجميع انواع البشره ولا يسبب اى حساسيه او التهاب
فانا بنصح باستعماله قبل السويت فى المنطقه الحساسه لكن بالطريقه الى هقولكم عليها
تنظفى المنطقه كويس بميه وتنشفيها علشان تتخلص من اثار املاح العرق
ترشى على المنطقه من خمس الى سبع رشات وتسيبى الجسم يمتصها
تستنى ساعه وبعدين تمسحيها وتعملى السويت
بعد الازله تحطى اى كريم مرطب
التالت هناخد اقراص فيتامين ج الفواره كل يوم بعد العشا او ناخد قرص واحد سيفارول بعد الافطار لمدة 10 ايام وتريحى بعدها ثلاث شهور وترجعى تاخديه الكلام ده لمدة ثلاث فترات يعنى ثلاتين يوم متفرقين
اما الى عندها المنطقه سوداء اصلا فتكتب التركيبه دى وتروح لاى صيدلى يعملها وتدهن منها صباحا ومساء لمدة 45 يوم متواصلين
glysolid cream 50 gm
Betaderm 30 gm
وهتلاقى المنطقه بقت فاتحه بعد الفتره الى ذكرتها لكن مع عمل كل الاحتياطات الى انا ذكرتها فى الاول
هرد على ......
استخدمى كريم Contractubex علشان اثار الحروق وخربشة القطط واى جروح قديمه لحد متروح خالص هيكون تقريبا بعد استخدام عبوتين صباحا ومساء
ميرسى على تعبك معايا يا دكتورة
انا فرحى قرب
و مرة واحدة لقيت شعرى بقى بيقع جامد جدا
لدررجة ان فرروة راسى بدات تبان
و الشعرة بتقع بالبصيله و ساعات بلاقى الشعرة من الاخر مقسومة و ناشفة بس هو ناعم
بس هو طويل و خفيف جدا
عمملت تحاليل
طلع معنديش انيميا
و النتايج طبيعية
و انا مش عندى قشرة
و ررحت للدكتور ادانى رش اسمه بيرفورما
و مضاد حيوى اسمه فيبراميسين
بقالى دلوقتى 15 يوم
و التساقط زى ما هو
مقلش حتى
و حاسه انه شعرى نشف مع انه كان ناعم جدا قبل الرش
فانا عايزة حاجة تساعدنى عايزة يكتر و يتقل علشان فروة راسى دى
ده بالنسبه لشعرى
و معلش هتقل عليكى يا دكتورة
وشى بقى
مرة واحدة لقيته مش صافى بس مكنش فيه حبوب كتير
يعنى حاجات بسيطة اوى
فرحت لدكتور
ادانى كريم ازاديرم و مضاد حيوى
المهم ازاديرم حرقلى وشى
لدرجة ان منطقه الدقن لونها اغمق
فبطلته على طول و علشان اعالج اتار ازاديرم فحطيت بيتا ديرم و وشى هدى شويه من احمرار الحرق
و بعدين بعد كده وشى اتدمر
بقى فيه حبوب كتير فى منطقة الجبهة و الدقن و حبوب على الخد
و حطيت فيوسيكورت
بس وشى متبهدل دلوقتى خالص
و الدكتور ادانى
اكنيمايسين مرهم و دوا اسمه فروسانول ديودينال
بس مش حاسة بتحسن اوى
الى جانب ان فيه اثار حبوب راخت و سايبة بقع غامقة
اعمل ايه فى البقع و الحبوب دى
و العلاج اللى الدكتور كتب عليه ايه رايك فيه
و هل فيه حاجة احسن من كده و مفعولها اسرع
احسن حالتى النفسيه زى الزفت لان فرحى قرب و مش عارفة اعمل ايه ؟؟؟؟؟؟؟؟
هديلك شوية حاجات تعملى الى يريحك منها وهتجيب نتيجه باذن الله بعد اسيوع الى عشر ايام
يفيد مزج 50 جرام من عصير الجرجير مع مقدار 50 جرام من السبرتو(كحول) مع قليل من ورق زهر الورد ، ويدلك به جلد الرأس يوميآ لمدة اسبوع لمنع سقوط الشعر ، كما يفيد إستخدام زيت الجرجير مع تناول قرص فيتامين "ب" مركب+ قرص حديد لمدة 3 ايام أثناء إستخدام زيت الجرجير.
غسل الشعر بمنقوع الزعتر يقوي الشعر ويمنع سقوطه.
يفيد غضافة زيت الخروع الطبي إلى مكونات الشامبو لغسل الشعر لزيادة بريقه ولمعانه ولمنع سقوطه أو تقصفه.
لعلاج الصلع الأنثوي يفيد تناول محلول 2% من مادة Minoxidil
خلط زيت الخروع بزيت اللوز الحلو وزيت الزيتون ويدهن به الشعر.
خلط عصير الجرجير بعصير البصل وزيت الزيتون ومسحوق حبة البركة ويستخدم كدهان.
يفيد مغلي قشور الثوم ويخلط بزيت الزيتون ويدهن به الشعر.
خلط عصير البصل مع عصير الجرجير بالتساوي مع قليل من الكحول مذاب فيخ عصير الثوم ويدهن به الشعر.
غلي الصبر في زيت الزيتون ويدهن به الشعر.
طحن ورق التين المجفف ويضاف إليه زيت الزيتون الساخن مع قليل من ماء الورد ويدلك بهما فروة الرأس مرة واحدة يوميآ.
مزج مقداران متساويان من عصير الجرجير والكحول النقي مع قليل من ماء الورد ويدلك بهما فروة الرأس مرة واحدة يوميآ.
عمل مزيج مكون من { 10جرامات زيت فازلين + 25 جرام زيت خروع + 5 جرامات زيت عطر الصنوبر + 75 جرام كحول أبيض + 3 جرام عطر بنفسج } ويدلك بهذا المزيج الشعر وجذوره.
عمل مزيج مكون من { 5 جرامات نشادر + 15 جرام عطر التربنتينا + 100جرام كحول بالكافور } ويتم تدليك جذور الشعر.
يفيد دلكه بعصير الفجل.
يفيد دلكه بعصير الجرجير مع زيت الورد.
أكل البصل مع الوجبات.
وهتروحى الاجزخانه تعملى التركيبه دى وتدعكى فروه راسك قبل متنامى كويس وتلبسى كيس
مينوكسيديل + بيلوكاربين الاتنين مجموعهم 250 ملى
انا اولا بشكرك على مجهودك سؤالى عايزه كريم تفتيح الركبه بس بالله عليكى تكون حاجه مضمونه احسن انا جربت كتير منهم تريتو سبوب الحمد لله منفعش معايا
كريم لتفتيح الركبه ومش غير الركبه يعنى متجيش واحده تستعمله للاماكن الحساسه او الوجه انا بقول الركبتين وممكن عظمتين العقب الى فوق الكعب
tough spots cream الصبح بس ... وبالليل هتدهن كريم ديبرو ساليك وتلف الركبتين بكيس لمدة اسبوع واحد هتلاقى السواد راح وممكن تكرره حسب نوع الحاله
طيب لو سمحتى يا دكتوره انا كنت بيضه اوى ووجهى ما شاء الله
بس فى فتره المراهقه جالى حب الشباب وساب بقع بنى صغيره
وفيه نقط بنى برده بس مش من الحبوب تشبه النمش بالظبط
ده علاجها ايه وكمان بحس ان وجههى بقى عليه طبقه سمره كده معدش ابيض زى الاول
ياريت تعطينى الحل علشان وجههى يرجع زى الاول
الرد على ..... ومشكلة الحبوب البنيه من اثر حب الشباب وحبوب الظهر وتلون لون الجلد بطبقه سوداء او غامقه
SCAR REPAIREX هو مستورد لكن ممتاز فى حالتك هتستعملى عبوه واحده بس وتريحى اسبوع وترجعى تستعملى واحده وخلاص
وبالنسبه ل نونا 12 بلاش تقشير وجربى الكريم ده
الرد على .......
البثور والمسام المفتوحه بعد ازالة الشعر بعد متعملى السويت بساعه هتجيبى شابه مطحونه ونبات سعد وست الحسن وتغليهم وتبرديهم وتدعكى بيهم رجليكى بعد السويت بساعه
وبالنسبه للهالات السوداء هتخدى جرعات من فيتامين سى لمدة شهر كامل وتحطى كريم ليفيان وتنامى كويس مدة العلاج الى هى شهر
بجد انتي شكلك ماشاء الله شاطره اوي
اسئلتي:
1-مشكله حياتي شعري مش حلو خالص وفتلته خشنه مع العلم اني من وانا صغيره هبلت كتير وبرماننت وحاجات كتير
اخر حاجه جربتها من 3 شهور الكيراتين بس حاسه ان الجدور طالعه عادي زي قبل كده روحت للكتور محمد ندا يجي من شهر
اداني هيرتون وبانتوجار الأتنين مره كل يوم واداني سايل كده بيدهن علي الجدور ودهان علي الشعر نفسه هما الأتنين تركيب
وبصراحه مش عارفه اقراهم فلو تحبي تبعتلي ميلك علي الخاص واصورلك الروشته وابعتهالك..عايزه اعرف منك رأيك
وانتي قولتي قبل كده ان خشونه الشعر دي امرها سهل مع العلم اني محجبه وبحاول التزم بالتعليمات الصحيحه في غسيل الشعر وخلافه..ده غير طبعا التقصيف والقشره اللي ممكن تكون سبب في سقوط الشعر..وكمان عايزه اعرف رأيك في الكيراتين وايه أأمن طريقه لفرد الشعر
2_رجلي لما بيجي الشعر يطلع فيها بحس زي مايكون بيشق الجلد ويعوره مع العلم اني فضلت استعمل مكنه الحلاقه فتره لأن جسمي بيتبهدل من السويت
بس بقيت مؤخرا بستعملها وطبعا فيه اثار تعاويركتير ورجلي مبقعه والشعر بيطلع تخين وواقف وشكل رجلي عاااار ده غير الشعر اللي بيطلع تحت الجلد
ومعلش طولت عليكي جاوبي دول بس ولسه فيه حاجات تانيه كتييييييير
بالنسبه لشعرك هتستخدى هيرتون بس لمدة شهر وبرده كل يوم لكن هتوقفى البانتوجار وتحطى بالليل زيت صبار على زيت جرجير ومفيش مانع تلفى شعرك بكيس
اما بالنسبه لشعر رجلك فده من اثار الموس السيئه الى سبق وذكرتها ابقى اغلى شوية نبات السعد مطحونين وادعكى بيهم رجلك ثلاث مرات فى اليوم واعملى سويت كل اسبوع والكلام ده لمده شهر هتلاقى الشعر قل كثافته
واوعى تعملى بالموس تانى يا كسلانه
يتبع
>>>>> ردود الأعضـــــــــــــــــــاء على الموضوع <<<<<
==================================
[SIZE=4] لوسمحتى يادكتوره انا عندى مشكله وبجد انا زهقت خالص فياريت تفيدينى
انا عندى على ذراعى من فوق الكوع لحد الكتف لون غامق جدا عن لون بشرتى
وباين الفرق يعنى من جو ذراعى لونه فاتح عادى
وكمان نفس اللون على ضهرى واللون دا تحسى انه مبقع
والكلام دا عندى بقاله كده يجى خمس سنين مش عارفه ليه وكل ما قول لمامتى اروح اكشف تقولى عادى انتى لونك كده بس طبعا اخواتى بيقولولى لاء دا مش طبيعى وشكله وحش جدا
فياريت تقوليلى دا ايه واعمل فى ايه وهوه فى حاجه اصلا ولادا عادى
وكمان انا لاحظت انا اللون دا جه على ايدى تحت الكوع كمان فخايفه لينتشر ولاحاجه ولا انا بيتهيألى
معلش طولت عليكى بس ياريت تردى عليه ضرورى علشان انا عايزه اروح اكشف فقوليلى اروح ولا الموضوع مايستهلش ولو فى علاج ياريت تقوليلى عليه
السلام عليكم نكمل يالله الاسئله
انتى الى عندك نوع فطر اسمه سكنرد وده علاجه اما بالليزر او بالى هقولك عليه لمدة شهر كامل
تقومى بخلط ما يلي ( زيت الحبة السوداء 20 جم + 20 جم كبريت اصفر + 20 جم خل التفاح متوفر لدى محلات العطارة 20 جم مسحوق العكبر او البروبلس متوفر لدى محلات بيع منتجات النحل ، اذا لم تتوفر الاعشاب المذكورة ممكن خلط 50 جم من الحبة السوداء المسحوقة والمنخلة مع 50 جم من خل التفاح فقط ودهان امكان الاصابة مرتان يوميا 0
طريقة الاستعمال
تقوم بخلط الكميات السابقة جيدا حتى يتجانس الخليط وتقوم بدهان اماكن الاصابة مرتان باليوم صباحا وقبل النوم حتى تزول الفطريات وتستمر بالدهان بعد زوالها لمدة اسبوع على الاقل حتى لا تعود مرة اخرى ، وهذه الخلطة تفيد فطريات القدم والتهاب ما بين الاصابع وتفيد اصابات الميليليا البقع البيضاء الصغيرة قدر حبة الحمص وبعض الناس يطلق عليها البهاق وهي لست ببهاق طبعا فكده محدش يسالنى تانى عن التهابات ما بين الصوابع وفطريات الجلد لان التركيبه دى تنفع للاتنين
انا عاوزة كريم يزيل الخطوط التعبيرية بالوجه و يكون متوافر بمصر و تمنه معقول و شكرا يا دكتورة
استخدمى كريم جليسوليد وتغسلى بصابونة جلسرين مرتين كل يوم
لو سمحتى يا دكتورة انا بشرتى اسمرت من الشمس مكان الحجاب وايديا جبت كريم بيوديرما وايت اوبجيكتف النهارىبقالى حوالى4ايام والصن بلوك بتاعه ميلك كمان بس لما بحط الكريم بتاع الصبح بحس ان وشى عرق جدا وبفضل قاعدة تحت المروحة عشان ينشف بس لما بتحرك وشى بيرجع يعرق تانى وانا بطبيعتى وشى بيعرق فالصيف فيارترى دة هياثر على الكريم ومفعولة ولا ايه وهل ياترى الكريم دة هيجيب مفعول فاد ايه وتنصحينى بحاجة اعملها معام ولا ايه رائى حضرتك وشكرا لتعبك معانا وربنا يجازيكى كل خير يارب
البيوديرما وايت معروف انه بيعرق علشان بيخلص البشره من بواقى املاح الكالسيوم وبيضط الميلانين فكملى الكورس الى بتعمليه ده لحد اربع اسابيع والمشكله هتتحل
السلام عليكم ورحمة الله وبركاته
انا عندى 28سنه و من وانا صغيره كان عندى بقعه اغمق من وشى فى الخد بجانب الأذن مستديره من الجانبين هى مش غامقع اوى بس اغمق من لون الوجه كله ومن حوالى شهرين طلع بقعتين بلون ابيض الى جانب كل بقعه غامقه مش عارفه الصراحه اعمل ايه إلى جانب تقصيف فى الشعر من الامام و بعد ازالة الشعر بيطلع بسرعه ومجدر وبيتعبنى جدا إلى ان يطول وبيشكشك وهو صغير وطبعا مش بيتشال وكمان دايما يطلعلى حبوب بها صديد ومحمره معلشى طولت عليكى لكن عشمى كبير
طيب هتروحى تعملى التحليل الى هقولك عليه وتبعتيلى النتيجة فى نفس الموضوع ده بس تكتبيلى المشاركه دى كلها مع النتيجه
تحليل KOH علشان معرفة اذا كانت p.versicolor
وتعرفينى اذا كان فى البقع البيضاء حكه ولا لا وطالع فى البقعه الداكنه شعر صغير ولا لا
شعري بعد الهاي لايت مالي السجاد والهدوم الشقه كلها شعر اعمل ايه ؟؟
شوفى الهاى لايت لحد دلوقتى ماثبتش انه ليه اضرار لكن لابد من الاعتناء بالشعر بعده بغسيله مرتين بالبلسم كل يوم لمده اسبوع
ولما تحبى تستخدمى صبغه معاه ممكن تستخدمى صبغة جارنييه
ودلوقتى هتعملى زيت صبار 100 ملى على زيت زيتون 50 ملى على زيت جرجير 50 ملى على زيت لوز مر 50 ملى
هيكون المجموع 250 ملى تدعكى فروة راسك بيهم كويس قبل النوم وتلبسى كيس على شعرك والصبح تغسليه بميه دافيه وبلسم
جزاك الله خيرا دكتورة وجعله فى ميزان حسناتك
انا سنى 22 بشرتى دهنية وفيها حبوب واثار حبوب
ورحت من سنتين لدكتورة جلديه فاديتنى صابونة سينوبار ومرهم اكمنينايسين واكنى بيوتك اللى زى الماس الحبوب سابت اثار فى وجهى
وبعدين روحت لدكتورة جلدية اخرى وقولتلها وجهى بدل ما كان ابيض اسمريت والحبوب مضيقانى اديتى ريتن aومعاه قالتلى اوعى تسيبى الصن بلوك 100
ومكنتش اعرف ان ده تقشير معرفتش الا فى الاخر لان انا مش بحب لتقشير لان بيقولوا له اضرار
ورحت الى دكتوره اخرى ايتنى صابونة كلير فيس وكريم ازادرم
بصراحه حطيت مرتين تقريبا بس مش مستحمله الحرقان بتاعه جلدى حاساه مش مستحملاى حاجه حتى لو حرقانها مش جامد
قمت جبت أكنيمياسين مضاد حيوى ودهنت الحبوب وبدهن هو حلو للحوب ولكن الاثار ملاحظه انه مش بتروح
ودلوقتى كمان زعلانه على لون وجهى اسمر عن الاول كتير جدا
فهل فى حاجه برده ترجعه زى ما كان حتى
معلش تقلت عليكى بس عايزه حاجه للحبوب ولون وجهى واثار الحبوب
والحمد لله الحبوب واثارها راحت وقالتلى وقفى باه ريتنaوادهنى بانثينول الصبح وبالليل
ودلوقتى الحبوب واثارها مبهدله خدودى اعمل ايه؟
جزاك الله خيرا [/size]
شكلك غاويه دكاتره وغاويه يتجرب فيكى يا دولى وللاسف مهنة الطب بعد مكانت اشرف مهنه اصبحت مراجا لدعايات الشركات
ما علينا
بصى يا دولى الكورس الى هقلهولك ده تمشى عليه 45 يوم من غير متبطلى يوم واحد فاهمانى وتلغى كل الى عندك ده ومعتيش تروحى لحد وبطلى بقا عقدة الدكاتره الى عندك
. تنظيف الوجه مرتين يومياً باستخدام Neostrata facial cleanser.
يترك على الوجه دقيقتين ثم يشطف بالماء للتخفيف من الدهون المتراكمة
2. يستخدم من شركة benzoyl peroxide 5% مره واحده صباحاً بوضعه فوق الأماكن المصابة لإزالة الالتهاب البكتيري
3. يستخدم محلول clindacint clindamycin phosphate for treatment of acne في المساء وذلك بوضع بضع قطرات منه على قطنه نظيفة ودهن الأماكن المصابة مرة أو مرتين يوميا حسب الحاجة.
4. .يستخدم صابون lysanel pain surgras or fostex
5. إذا حصل جفاف بالبشرة فيمكنكم استخدام اى كريم مرطب.
السلام عليكم ورحمة الله وبركاته
أزايك يا دكتورة سمية بارك الله فيك ....والله كانك جيتى فى وقتك بالنسبة لى
بس أستحملينى شوية أسألتى كتيرة شوية
السؤال الاول : يخص امى حببتى ربنا يبارك لى فيها هى فجأة جالها هرش فى فحة الشرح وبعدين بقى فى المنطقة الحساسة كلها وهى مكسوفة تروح لدكتور وللآسف مفيش طبيبات جلدية فى بلدى وأمى سألت دكتورة صيدلانية وأديتها دش مهبلى بيتادين وبرشام امريزول الهرش خف شوية لكن لسة موجود؟؟؟؟؟؟؟؟
السؤال التانى : يخصنى انا من فترة حوالى شهر ونص ظهر فى انفى نقطة بيضاء وتحت الأبط بقعة سمرا شبة الوحمة ولما روحت للدكتور قالى انها تينيا ملونة وكتب لى على ديرمزول جل لكن مفيش تحسن وفى الاستشارة كتب لى على كبسول فلوكورال كبسولة كل عشر أيام ( هما كبسولتين بس) وحاليا ظهرت بقع سمرا ونقط بيضاء فى البطن؟؟؟؟؟؟؟؟؟؟؟؟؟
السؤال التالت : من فترة حوالى سنتين او أكتر ظهر على خدى نقط سودا كأنها حسنات ( أو خال ) وعلى أنفى نقط سودا بسيطة كانها منابت شعر وكمان عل انفى ظهر حاجة كده كانها حبه لكن هى مش حبة ... فى دكتور قالى الحاجات دى تشال بالليزر ودكتور تانى كتب لى على نوعين كريم أخلطهم مع بعض وهما أدابالين ومكتوب عليه لعلاج حب الشباب وكريم تانى أسمه بيتاميثازون فاليرات مكتوب عليه مضاد للألتهابات وفى الاستشارة كتب لى على نوع تالت أضيفه معاهم أسمه تريتوسبوت لكن لما ضيفته معاهم هيج لى بشرتى ومستحملتوش ....وقالى دا خلل فى توزيع الصبغة المسئولة على لون البشرة ؟؟؟؟؟؟؟؟؟؟؟؟
مش عارفة اية حكاية أنفى دى والله كأنها بقيت مصيدة للأمراض الجلديه ههههههههه
معلش بقى طولت عليكى لكن ربنا يجعله فى ميزان حسناتك
انتى منين بالضبط وخلل ايه الى فى توزيع الصبغه والى بتروحى ليهم دول دكاتره ولا باشتمرجيه
وازى مامتك تروح لصيدليه تكتبلها حاجه وهى مش طبيبه متخصصه
طيب
الاول بالنسبه للحاجه ربنا يبارك فيها
هذه دودة enterobius vermicularis او الدودة الدبوسية
وعلاجها بسيط
شريط vermox من الصيدلية وتنتهى وتحطى كيناكومب مرهم لو معندهاش سكر ولو عندها هتكتفى بالفيرومكس
اما انتى تعاليلى بقا يا بيضا يا ام مناخير بايظه
انتى عندك التريتوسبوت موجود هتروحى زى الشاطره الاجزخانه وتجيبى بيتاديروم 15 جرام على انبوبة التريتوسبوت كامله وتحطى عليهم 10 ملى خل تفاح من عند العطار وتدهى بيهم المناطق المصابه هتحسى بشويه حرقان بسيط متخافيش علشان البثور تقع ويرجع اللون زى الاول والكلام ده اسبوعين بالضبط وهتلاقى كل حاجه رجعت لطبيعتها
لا مشكوره اوى يادكتوره سوالى بقا انا عندى هالات سودا جننتنى خلاص يارت والنبى تفدينى
مشكلة الهالات السودا واسبابها ومش عاوزه الموضوع ده يتكرر
1 السهر الكتير وارهاق العين
2 الجلوس فترات كبيره امام التليفزيون وشاشات الكمبيوتر الكبيره الى مش هى ال سى دى
3 نقص فيتامين سى من الجسم
4 الانيميا وفقر الدم
بصى انتى متدهنيش لا كريمات ولا حاجه
كل الى هتعمليه هتحطى على عينك قطنه مببله بميه ساقعه لمده ساعه كمادات كل يوم لمدة اسبوع
وبعدين تاخدى كل يوم قرص سيفارول وقرص سيرجران قبل النوم
وبس خلاص
5
طب يادكتور اية رايك ف البتادين انا اشتريتة بس لسة مش استخدمتة ايى رايك استخدمة ولا بعد فترة هتسود اكتر وكمان اشتريت كريم اسمة ميجا برايت للتبيض للركب ياترى مضر ولا كويس وينفع استخدمة للابط وكمان بعد ازنك انا مش بعرف اعمل المنطقة الحساسة بالسويت اعمل اية يقلق الالم سمعت ع المخدر بس خايفة يكون لية اثر بعد كدة وف هنا ف المنتدى قريت ع مخدر للاساناسمة ناتو كالم يستخدم عند عمل السويت اية رايك اصل كمان ايدى بتعرق وبيبقى يوم ولحد دلوقت مش عارفة اعمل خالص يعنى لو تعرفى تقوللنا ع طريقة امنة يبقى كتر خيرك بجد انا مش هعمل وهستناكى وكمان الخطوط البيضا اشتريت كريم اسمة جينكال بس مش ع كويس ولا لاة ياريت تردى علينا وشكرا ليكى وكمان اية رايك ف زيت السعد استخدمة بعد ماشيل الشعر
استخدمى البتادين بس يوم بعد يوم ومش اكتر من شهر متفرق يعنى 15 مره بس ووقفى استخدامه 45 يوم بعدها
وبلاش ميجا برايت علشان الانتاج الجديد منه مبقاش حلو ومش عارفه هما عملوا كده ليه مع انه كان كويس لكن علشان الركب هتعملى التركيبه بتاعة الجليسوليد والبتاديرم الى انا كتبتها فى الصيدليه هتبقى 80 جرام 50 جرام جليسوليد و 30 جرام بيتاديرم
اما عن مشكله السويت فانا تقريبا جربت كل مزيلات الالم المعروفه والمعلن عنها والغير معلن عنها تقريبا كلها وطبعا كان معظمها غير آمن والناتو كالم مش هيحوش الالم نهائى هو فيه منتج وحيد انا ارتحت له فعلا انا لسه مجرباه لكن بعد معملت عليه تحاليل كتير واطمنت لامانه وفعاليته اسمه
never pain spray لكن هتستخدميه بالطريقه الى انا ذكرتها برده فى نفس الموضوع ده وهو بيمنع الالم لو استخدم حسب منا قلت 100 % وكمان غير كده بيفتح لون المنطقه الحساسه وبيمنع اى التهابات فيها وبيؤخر ظهور الشعر وبيقلل كثافته
ولو استخدمتيه بلاش تستخدمى معاه زيت السعد لان مستخلص نبات السعد من مكونات النيفر بين
السلام عليكم ازيك يا دكتوره
انا بقى عندي مشكله اسمرار الاماكن الحساسه الابط والكوع والركبه والمشكله ان فرحي كمان شهر ومش عارفه عايزه حل سريع وفعال ينفع لو سمحتي
فرحك بعد شهر طب يدوب تلحقى
هتروحى الصيدليه وتقولى له اعملى التركيبه دى هتكون 110 جرام
ترتوسبوت 30 جرام
جليسوليد 50 جرام
بيتاديرم 30 جرام
تدهنى منه مرتين صباحا ومساء على كل حته فيها سواد ما عدا الوجه علشان هتقشر وفرحك قرب هتخلص معاكى بعد 20 يوم
وبعد العشرين يوم هتجيبى زيت ورد مضاف اليه زيت لوز مر بنسبة 1:3 الواحد زيت ورد والتلاثه زيت لوز مر
وتدهنى بيهم المنطقه ثلاث مرات كل يوم لمدة عشر ايام
وهتقولى يابخت جوزى بيا
مبروك يا حبيبتى
يتبع
__________________________________________________ __________
[SIZE=4] السلام عليكى ورحمته الله وبركاته انا اعانى من حب الشباب من سنين وجربت ادويه كتييييييييييييييير وعايزه حاجه توقف طلوع الحبوب او تقلله من فضلك وتهبطه او مايطلع وربنا يجازيكى الجنه اللهم امين
هاتى كريم سبوتليس spotless وادهنى منه مره اول اسبوع مرتين كل 12 ساعه وتانى وثالث اسبوع مره واحده بس فى اليوم
هتلاقى الحبوب اختفت
لكن عاوزاكى تكملى اسبوع كمان منه مره واحده بس
دكتوره الجلدية بتاعى كتبالى السيفارول شهر او اكتر عشان تفتيح البشره هل ينفع متواصلين كده ولا خطر..سؤال طيب نلف الركب مده اد ايه ..وينفع نحط زيت السعد ع المنطقة الحساسه..
السيفارول اقصى مده تاخديه فيها ثلاث شهور وتريحى بعدها شهر وترجعى تاخديه وهو فى جميع الاحوال مفيد للجسم وانا بنصح دايما باستخدامه لان تركيز الفيتامين سى فيه مركز وسريع الامتصاص عن اى مستحضر اخر وسعره كمان مناسب جدا
وتلفى الركبه مش اقل من ست ساعات مده العلاج كلها
وبلاش تحطى زيت السعد لوحده منفصل على المنطقه الحساسه لانه بيعمل حاجه اسمها Crul لو لوحده بتنشف منطقة البظر ولو عاوزه حاجه تاخر نمو الشعر وتقلل كثافته وتمنع الم ازالة الشعر 100 % حطى نيفر بين اسبراى
ألف شكر يادكتورة على إهتمام حضرتك ..وألف شكر لكيوت بيبى على موضوعها ..أنا مشكلتى بأى مجننانى بقالى فترة ..
وشى مليان تكتلات دهنيه ناشفة تحت الجلد ..يعنى لو ضغطت عليها أوى تطلع دهون كتير جافة .. نفسى فى نوع ماسك يطلع كل اللى داخل البشرة .
أو أى علاج حضرتك ترجحيه وجزاكم الله خيرا
لا يا حبيبتى مش هكتبلك ماسكات ولا حاجه وسيبك من شغل الماسكات ده
هتجيبى معلقتين صغيرين شطه حمرا وكوبايه زيت زيتون وتحطى عليهم معلقتين الشطه وتسبيهم فى زجاجه مغلقه لمدة يوم كامل وبعدين تدهمى بيهم التكتلات
فى الاول هتحسى بسخونيه جوه المنطقه الدهنيه متقلقيش لكن بعد اسبوع هتلاقى التكتلات كلها راحت شىء فى شىء وبتختفى بعد 40 يوم نهائى
فتره الاستخدام غير محدده يعنى كل متلاقى نفسك فاضيه اعمليها وبالليل قبل متنامى تغسلى وشك بصابونة طبيه
السلام عليكم ورحمة الله وبركاته اولا جزاك الله خير ا يا دكتورة وميرسى ليكى على المجهود الرائع لو سمحتى انا عندى مشكلة الحبوب فى الوجه اناعندى 23سنة ومتجوزة وبشرتى مختلطة الحبوب دى شوية احس انها حب الشباب وساعات بعد استخدام الفتلة بتزيد وتكتر وتفضل فترة طويلة لدرجة انى ممكن اقعد اكتر من شهر ماستخدمش الفتلة ولاالميكب وكنت روحت للدكتور وادانى مضاد حيوى وكورس علاج مكون من دلاسين تى وادبالين واكنيمايسن بس انا ماكملتش لانه قال بتاخد اكتر من شهرين ووشى كان بيبقى ملتهب جدا المهم الوضع زى ماهو ا وحاسة انها بتزيد وساعات كمان بتملى ياريت حضرتك تفيدينى بحل سريع وميرسى ليكى
لا يا حبيبتى كملى الدلاسين والاكنيماسين وبلاش الادبالين معاهم الكلام ده لمدة ثلاث شهور بس توقفى ايام الدورة ولو حامل فى اول ثلاث شهور متعمليش حاجه الا فى اول الشهر الرابع
جزاكى الله خيرا يا دكتوره
وجزاكى الله خيرا الاخت صاحبه الموضوع
بصى يا دكتوره مشكلتى الازليه هيا الشعر والسويت وانا بكره طبعا الكريمات والموس والسيلك بيل والكلام دا ومقتنعه ميه فى الميه ان مافيش احسن من السويت بس بتعذبببببببببببب بجد عذاب لان انا بحس باكتر وجع تتخيليه من اى اقل حاجه خصوصا بقى وانا بعمل المنطقه الحساسه ممكن اعمل فيها تلات او اربع ايام لحد ماخلصها من كتر مابتعب وبدوخ منها فى اخت هنا فى المنتدى نصحت بكريم مخدر املا انا جبتو بس بصراحه لسا ماستعملتهوش وقريت دلوقتى عن الاسبراى الى حضرتك بتقولى عليه فايريت تقوليلى انهى احسن والاسبراى دا اجيبو من اى صيدليه ولا ليه مكان معين وهل هوا مخدر فعلا يعنى مش هاحس بأى حاجه خالص ولا ايه؟ وعاوزه اعرف انا كنت سمعت ان كتر استخدام المخدرات دى بيجيب برود جنسى فايريت تفدينى وجزاكى الله خير وبارك الله فيكى و فى ابنتك ان شاء الله
لا يا حبيبتى معتش فيه واحده تيجى تقولى دلوقتى بحس بالم فى المنطقه الحساسه لان فعلا البتاع ده الى اسمه نيفر بين اسبراى طلع داهيه وملوش حل عجيب وممتاز جدا وده عن تجربتى الشخصيه وبصى بقا لا كريم املا ولا حتى حقن البنج ولا اى حاجه تانيه
انتى بس هترشى منه خمس رشات او سبعه على المنطقه الحساسه وتسبيها ساعه ومش تعملى سويت بس لا اعملى عمليه جراحيه وابقى قابلينى لو حسيتى بحاجه
وحتة المخدرات الموضعيه بتسبب برود جنسى فمش كلها يعنى متجيش تحطى لجنوكايين ولا فاركو كايين لان الشركه حذرت من استخدامه على المنطقه الحساسه كمخدر قبل ازالة الشعر لانه بيعمل تآكل فى طبقات الجلد تآكل دائم غير معوض لاحتوائه على انواع من الحكول
وعلى العموم خلينا فى المكونات الطبيعيه احسن واستخدمى نيفر بين
السلام عليكم
اذيك يا دكتوره سميه يارب تكونى فى احسن حال
لو سمحتى عندى طلب منك وياريت تساعدينى فيه وهو بشرتى تعبانه جدا جدا ومش نقيه خالص فيها حبوب واثار للحبوب كمان واستعملت كذا صابونه بس للبشره الدهنيه استعملت كلير فيس وفيجنيولست وسموزفيس دى بتفتح لكن معملتش حاجه فى الحبوب هو استعملتها لحد ما خلصت وبس وجبت صابونه اسمها سينوبار فمش عارفه هتنفع ولا لاء فياريت لو عندك صابونه حلوه او كريم للحبوب بيعالج الحبوب ومفعوله سريع ياريت نقوليلى عليه وانا عندى 20 سنه
ياريت متبخليش عليا بالرد وجزاكى الله كل خير وجعله فى ميزان حسناتك
مش قلنا يا جماعه مش عاوزين مواضيع مكرره ؟؟ والمكرر بس تحس ان حالتها مخنلفه عن الحاله الى ذكرت فيها السبب لكن لو السبب متناسق مع الى قلته بلاش نكرر الاسئله
على العموم
خدى Contractubex علشان اثار الحبوب وصابونة نابلسى تغسلى بيها وشك بس ومتسخدميش اى صابونه تانيه يعنى اشتغلى على صابونة نابلسى
السلام عليكم دكتورة سميه
اهلا بحضرتك ومتشكرين اوى لاهتمامك بينا
انا كنت عايزة اسال سؤالين؟؟؟؟؟؟؟؟؟؟
السؤال الا ول بخصوص بنتى عندها سنة ومن فترة كده اختى الصغيرة صبغت لها شعرها بالاكسجين
وبقالها كده فترة دايما يطلع لها دمامل حمرا وكبيرة ويكون فيها مده ومع انى والله مهتمة جدا بنظافتها ومش مقصرة خالص بس من بعد ما اختى عملت لها شعرها وانا حاسه ان دة السبب فيا ريت تفيدنى اعمل اية وايه سبب طلوع الحبوب دى لانها دايما تطلع
اما بالنسبة للسؤال التانى فهو بخصوص بنت خالتى وهى شابه عندها 20 سنة
ومشكلتها انها بيطلع لها حبوب فى ظهرها وبتسيب علامات واثر شكله مش حلو خالص بقع كده سمراء
وهى قربت تتجوز وكانت عايزة حل للموضوع
ومتشكرة اوى ليكى وجزاكى الله كل خير ............./
"]
اوكسيجين يا ظالمه لطفله عندها سنه ومش عاوزه يطلع ليها دمامل والتهابات
هتجيبى زيت جونسون وتدهنى بيه راس البيبى وبلاش مشط خالص ولا تسرحى شعرها وتغسلى شعرها بمية ساقعه مش دافيه من غير صابون خالص
تجيبى النورة الى بتتعمل بيها المربى تاخدى منها معلقتين وتحطيهم على 150 ملى ميه مقطره وتدوبيهم كويس فى الخلاط وتسبيها لحد متترسب وتخدى الميه بس وتخلطيها مع كوبايه زيت زيتون صافى درجة اولى وتدعكى بيها راسها كل يوم ثلاث مرات
وخدى بالك من بنتك دى امانه فى رقبتك
وبنت خالتك خليها تستعمل كريم تريتوسبوت ومتقولكيش بقا بيحرق ومش بيحرق هو الى هيشسيلها الى فى ظهرها تعمله مره واحده فى اليوم وتغسله بعد ساعتين بميه دافيه
معلش يا دكتورة وجزاكى الله كل خير على اللى انتى بتعمليه
انا بشرتى دهنيه وعندى حبوب والحمد الله خفت شويه بس سيبه اثار جمده قوى
وحاسه ان وشى قرب يظهر فيه مسام واسعه كتير
وخايفه قوى لو الحاله تزيد فا ممكن تقوليلى عندى كريم مقشريشيل البقع دى
او اى كريم عشان المسام الوسعه واى اى شئ تخلى الوش صافى ويرجع زى زمان
بس ارجوكى بسرعه ان فرحى قرب خالص
انا عندى 18 سنة
وجزاكى الله كل خير
خدى Contractubex علشان اثار الحبوب وصابونة نابلسى تغسلى بيها وشك بس ومتسخدميش اى صابونه تانيه يعنى اشتغلى على صابونة نابلسى
ازيك يا دكتورة ميرسى ليكى جدااااا ع المجهود الرائع ده ربنا يجعله فى ميزان حسناتك انا مشكلتى انى عندى هالات سوده فظيعه وعندى انيميا ومفيش نتيجه وشعرى بيقه بالجدور لدرجه ان شعرى فضا ونفسى شعرى يطول والتركيبه الحضرتك قولتى عليها لازم 45 يوم ومفيش تركيبه كده للهالات ربنا يخليكى لينا ياااااااااااااااااااارب
الهالات لازم تتعالج من جوه الاول فلازم تعالجى الانيميا ومتقعديش كتير قدام الكمبيوتر والتى فى وتاخدى راحتك فى النوم
وامشى معايا على النظام ده
هتعملى كمادات ميه ساقعه ربع ساعه كل يوم على عينيكى
هتاخدى كل يوم كبسوله سوبرفيت بعد الافطار وحبايه سيفارول وكبسوله سيرجران قبل النوم ومتشربش شاى خالص اكتر من كوبايه فى اليوم
السلام عليكم ورحمة الله وبركاته
ربنا يستجاب لكل دعوات الفتوكات وكل اللى استفاد من سعة صدرك واجابتك لكل مشكلة
بعد اذن حضرتك يادكتورة انا قريت على المنتدى هنا ان فى وصفة لتقشير الجسم كله عبارة عن ماء اكسجين تركيز 6% + بودرة اكسجين وتوضع على الجسم كله ويتم غسلها بعد عشر دقائق
وبعدها قريت ان فى ناس بتتكلم عن انها مش كويسة وفيها اضرار
ممكن حضرتك تفيدينا . وشكرا لحضرتك
هى مش بتقشر يا استاذه هى بتسلخ الجلد وربنا يسامحه بقا الى كتب حاجه زى كده ويشفى الى عملها وجربها
لو عاوزه تقشرى هتحطى على انبوبه كريم تريتوسبوت 30 جرام عشرة جرام خل تفاح احمر اصلى ومعلقة لبن نيدو صغيره وتخلطيهم وهتقشر تقشير سليم بعد تسع ايام ولو عاوزه تقشرى اكتر من مره مفيش مشكله لحد متوصلى للنتيجه الى عاوزاها وترضيكى
لكن متكرريش اكتر من اربع مرات تريحى بعدها شهر وتكررى تانى
السلام عليكم يا دكتور
انا عندى مشكلة النقط اللى على الانف دى وكبيره اوى وخشنه وظاهرةاوى وكمان على الخدود من ناحية الانف بس نقط مش خشنه
وكمان ف راسى شعر خفيف اوى عامل زى ما يكون صلع ف الجنب كده من مقدمة الراس وبتكسف منها اوى فبفرق شعرى
وشكرا يا دكتور...
نقط الى على الانف الى عندك لازم تتعمل ليزر اما الى على الخدود بوصفة التقشير الى قلتها بتاعة التريتوسبوت وخل التفاح ولبن النيدو الى فى المشاركه دى الكلام ده لو مش خشنه على حسب قولك
اما عن شعرك فده مبادىء صلع مؤقت سلبى
يتبع
__________________________________________________ __________
سوف يتم تعديل هذا الرد الى اسئلة واجوبة للدكتورة ولكن لاحقاً لان الاسئلة كثيرة جداً اللهم وفقنى اللهم امين ....
__________________________________________________ __________
سوف يتم تعديل هذا الرد الى اسئلة واجوبة للدكتورة ولكن لاحقاً لان الاسئلة كثيرة جداً اللهم وفقنى اللهم امين ................
__________________________________________________ __________
سوف يتم تعديل هذا الرد الى اسئلة واجوبة للدكتورة ولكن لاحقاً لان الاسئلة كثيرة جداً اللهم وفقنى اللهم امين (
رد مع اقتباس
