عنوان الموضوع : تنبيه لكل من لديها اخت او ابنه صغيره.. -للعناية بالبشرة
مقدم من طرف منتديات نساء الجزائر

تنبيه لكل من لديها اخت او ابنه صغيره..



اكيد من الموضوع تحسبوا فيه مصيبه بس كل اللي راح اقوله ان شاءالله حيكون عدة نصائح للبنات عشان في المستقبل ان شاء الله مايشتكوا من مشاكل البشره لان البشره اذا كان الوحده مهتمه فيها من زمان ماكان صار فيها اللي صار واذا فاتنا احنا القطار لازم نعلم الصغار عشان يلحقوه

اول حاجه لازم نعلم البنووتات انه الاستحمام كل يوم وضروري بالليفه عشان مايتراكم الجلد الميت والله الله في الدعك المزبوط

ثاني شي الترطيب بعد الاستحمام عوديها تدهن جسمها باي زيت خفيف تتشربه البشره ممكن زيت طبيعي او زيت جونسون للاطفال المهم تترطب البشره ترطيب خفيف ويكون يومي عوديها كمان ترطب الركب والاكواع والمنطقه الحساسه بفازلين قد ماتقدر عشان نكافح السواد اللي سببه الجفاف وتراكم الجلد الميت قبل مايجي اذا ترطبت البشره ودعكتها بالليفه يوميا نمنع تكون طبقات الجلد الميت وبكذا نمنع السواد من الظهور وبين فتره وفتره اعملي لها ماسك مغذي لوجهها

ثالث حاجه عوديها لمن تجلس او تصلي ماتجلس على ركبتها بقوه عشان ماتحتك بالارض وهذا كمان سبب لسواد الركب

رابع حاجه ازالة الشعر من الجسم لمن تكبر شويه وتحتاج تشيل شعر جسمها او وجهها انتبهي تشيله بالموس لانه يغزر الشعر ويطلع اقسى ويخلي المنطقه بشعه وافضل شي الحلاوه كل ماتعودت عليها حيخف الالم ويقل ظهور الشعر والافضل تستخدمي لها زيت زيتون بعد الحلاوه او منقوع الترمس او اي طريقه تخفف الشعر وتمنع نموه والمنطقه الحساسه لاتنساها تشيلها بالحلاوه وترطبها وتهتم فيها وبعد ماتشيل الشعر تستخدم منقوع المره كغسول وعوديها عليه تستخدمه على الاقل مره في الاسبوع عشان يشد المنطقه وماتترهل من الحلاوه

خامس حاجه الاهتمام بالرائحه استخدمي لها مزيل رائحه العرق يكون طبيعي زي الليمون اوكريمات طبيعيه زي الكريم اللي من مكوناته الشبه والنشا والمسك وموية الورد كله اشياء طبيعيه وان شاء الله مايأثر على ابطها او تسبب لها سواد

سادس حاجه اهتمي بشعرها من زيوت عوديها اقل شي مره في الاسبوع تزيت شعرها عشان يرطب شعرها ويغذيه ويطوله ويحافظ عليه من العوامل الخارجيه و استخدمي له الحنا لانها مفيده للشعر ولاتعوديها على الاستشوار من بدري يخرب شعرها ويعرضه للجفاف والتقصف

سابع حاجه اهتمي بأكلها يكون صحي مليان فواكه وخضروات وتكثر من شرب المويه والعصيرات وتبعد عن المشروبات الغازيه اللي تدمر الجسم والبشره لان الاكل الصحي حيبان مفعوله في البشره والصحه العامه

الخلاصه علميها تهتم بنفسها بدري عشان الاهتمام من بدري تبان نتيجته و ماتلاقي اي مشكله ان شاء الله في المستقبل ولاتنسوا مو بس نهتم بالظاهر وننسى الباطن لالالا زي ماتهتمي بجمالها اهتمي بأخلاقها وصلاتها وأدبها عشان مانزرع فيها حب المظاهر وبس لا نبغى جمال خلق واخلاق
دعواتكم ليا بالخير واللي عندها اضافه او حاجه نسيتها تقولها عشان الكل يستفيد وسامحوني على الاطاله

الموضوع خاااااااص بمنتدى سيدتي غير منقول

>>>>> ردود الأعضـــــــــــــــــــاء على الموضوع <<<<<
==================================


شكرا حبيبتي
تسلمي على الموضوع الحلو


__________________________________________________ __________

والله معاكي حق في كل كلمة قلتيها أنا دايما نقول بيني وبين نفسي لو أن أمي علمتني كيف أعتني بنفسي لما واجهت أي مشاكل ، نحن تعلمنا بأنفسنا


__________________________________________________ __________

مشكور حبيبتي على المجهود الرائع


__________________________________________________ __________

ثالث حاجه عوديها لمن تجلس او تصلي ماتجلس على ركبتها بقوه عشان ماتحتك بالارض وهذا كمان سبب لسواد الركب
الصلاه نوررررررررررررررررللجسدلاتصدقواان الركب السوداء تجي من الضغط عليها في الصلاه المشكله من انولماكناصغرونحبي نصطدم بخشونه في الارض اواي شي وشكرررررررراعالموضوع اختي


__________________________________________________ __________

حلوووو
لكن الموس فوايده اعظم من الحلاوه ويكفي انه اتباع لسنه النبي
وتسلموووو