ثلاث سنين
عنوان الموضوع : ثلاث سنين
مقدم من طرف منتديات نساء الجزائر
ثلاث سنين
ثلاث سنين وانا اخطط لهذا اليوم ياابو سعود
تيسر حالي وجاهز اوفي وعدي بوقته
وفجاه جتني تتعذر وتقول تاخرت الوعود
وانا مستغرب واسمع وكاني وعدها خنته
حسبت انها تمازحني وتتصنع جفى وصدود
ضحكت في وجها من قلب مع انها بايخه النكته
وقالت ارضى بالواقع قلبي ماهو المعهود
تغير كل شي صوبك نصيبي ماأظن انته
كنت بيوم محبوبي ولكن ماأظن نعود
وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود
ترى ماخنتك بغفله ولاكلمته ولاشفته
صراحه اهلي قالولي انه ولد اصل وجود
وجتني امه بصوره وكلمات المدح اخته
سكت وقلت هي فرصه دام الجود من الموجود
وقالوا كل من حولي علامات الرضا سكته
وانا فكرت دام امه واخته ماعليهم زود
اكيد اني براضيهم اذا وافقت واخترته
وراضي اهلي واخواني مادام الفرح مقصود
عطيت الناس انا كلمه ومعهم وقتي حددته
ولااقدر اغيرها ترى عند العرب منقود
اوافق واعتذر باكر واقول الراي غيرته
تبي تشرحلي المنقود تصدق عاد ياابو سعود
تبيني اقتنع وارضى بحال عمري ماعشته
انا ماني بقيلها عسى يفرش ثرها ورود
بعد ماحطمت قلبي وطعم الموت جربته
عسى فستانها اشواك وفي ثوبه عقارب سود
ونار تحرق الكوشه وتحرق بيتهم حتى
وموت بليلة الدخله يبرد حرتي ياكود
ولااحس انها يلامس خد لامسته
علي اهون اذا ماتو ولا بنفس السرير رقود
ترى صعب علي اتخيل اللي ماتخيلته
عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته
ترى دفنة عديم الذات تلوع حتى كبد الدود
ومن خان العهود ومات تعافه حتى مقبرته
عسى ربي يجازيهم بحبل من مسد ممدود
يعلقهم من اطرافه فوقه نار وتحته
انا ماني حقود وشين ولاني من نسل نمرود
ومن حط نفسه بوضي يقول اللي انا قلته
مادام الفعل له ردة فعل والله ابشري بردود
بدعي دامني حي وبغرس لدعاء نبته
وبسقيها نزيف القلب ودمع مارحم الخدود
وتكبر والثمر ثاري من اللي خانني وخنته
انا نذر علي اكتب وافجر هالقصيد رعود
واسمع كل بشر صوتي عجيته والا زعلته
وردد للي يسمعني اذا حبيت حط حدود
انا حبيت دون حدود وشوف اللي تكبته
ثلاث سنسن انا ابني وجت صوره بكل برود
خذت مني شقى عمري وحلم قلت حققته
ثلاث سنسن انا اخطط لهذا اليوم ياابوسعود
توافق من كلام اخته وصوره اربعه فسته
>>>>> ردود الأعضـــــــــــــــــــاء على الموضوع <<<<<
==================================
__________________________________________________ __________
ابدعتي يا الغلاااااااااااااااااااااااااا
ويسلمووووو عالقصيده الرائعـــــــــــــــــــه
__________________________________________________ __________
يسلمو على المرور الجميل
__________________________________________________ __________
__________________________________________________ __________
تبيني اقتنع وارضى بحال عمري ماعشته
انا ماني بقيلها عسى يفرش ثرها ورود
يعطيك الف عااافيه
.
رد مع اقتباس
