مرحبا يا حلوين
رح ادخل مباشرة بالموضوع بدون مقدمات
ببساطة حلمي متل كل هالبنات خفة ورشاقة وقوام وااااااااو
واكبر عدو النا هو الميزان
رح احكي عن تجربتي انا واكيد في كتير بنات بيشاركوني بنفس المعاناة
البداية وزني مو عاجبني ومقهورة منه وبدي جسم متل الباربي
اللي عم نشوفهم ب TV هاد الحكي بوزن 74
الحل عملت ريجيم ريجيم قاسي كم يوم وما قدرت استمر حسيت حالي مشتهية الاكل طول الوقت
اية اكل مو مهم المهم اني املا هالكرش
وفعلا ضعفت وكسرته وصابتني حالة من التوحش
خلت وزني بنهاية الاسبوع 75
حسيت بالذنب وقررت اعمل ريجيم تاني ااقسى استمريت عليه وقت اطول وصل وزني ل 69
بس مع عصبية وارهاق دائم وفقر دم
وقفت الريجيم رجعت لاكلي السابق وعاداتي خلال كم شهر صرت 76 طب ليش؟
صرفت النظر نهائيا عن الريجيم وعرفت انه ما يناسبني
وصرت دور عالنت واسأل اخصائيي التغذية ورفقاتي و وو وووو ووو
صار عندي ريجيمات ووصفات وخلطات مو طبيعية بصراحة جنااااااااااااااااان
وكل وصفة بلاقي الها تحذير ومخاطر وناس تانية عم تمدح فيها وقيل عن قال وحدة تقلي الوصفة مجربة ونحفت عليها فلانة بنت فلانة والتانية تقلي ضربت كلاوي بنت عم رفيقة بنت الجيران
يا جماعة دوختوني وووووووين الصح كيف بدي اعرف اللي بينفع؟ وبركي كان اله اضرار؟
بصراحة جسمي مو حقل تجارب وصح بدي جسم نحيف بس وانا بصحتي
مو تنحيف وامراض (فقر الدم ونقص كالسيوم وهشاشة عظام و كلاوي مضروبة واكتئاب و........) الله يبعدها عن الجميع ويشفي المرضى قولو آمين لانو الصحة أهم شي عند الانسان واذا راحت ما في شي يعوضها
>>>>>>>>>>
كل هاد يا راديو وتقولي بدون مقدمات خفييييييي عليناااااا
زبدة الموضوع انو انا قررت ابعد عن كلشي اسمو خلطات مجربة وريجيم
واتبع نمط حياة صحي اللي هو:
اولا الرياضة والحركة ثم الرياضة والحركة
ثانيا الاكل الصحي من حيث الكمية (يعني ما بحرم حالي ولا بتخم حالي الاعتدال حلو بكلشي)
والنوعية ( انوع بأكلي وبكتر من الخضار والسلطات والفواكه وبخفف من الوجبات السريعة والجاهزة ولاااااااااااااااااااااااااااااااااااا وألف لا لخلطات التنحيف والحبوب)
ثالثا تنظيم فترات النوم لأعطي جسمي الوقت يرتاح و يرجع نشاط
البداية كانت بتاريخ 1/12/2016
الوزن 73 الطول 170
اليوم بتاريخ 15/12/2016
الوزن 70.7
رغم اني خلال هالفترة وباعتبار انه هالنظام جديد عليي ومالي متعودة عليه اكتر من مرة خربته وما مشيت عليه
بنات حتى لو كان نزول الوزن بطيء بس هيك تضمني انك تحافظي عليه وكمان بتحمي حالك من الترهل ولا تنسي انو الوزن الزايد ما كسبتيه بيوم ولا باسبوع أو حتى بشهر كيف بدك تخسريه بكم يوم؟
صح في ريجيمات تنحفك 8 _20 كيلو بالشهر بس صدقيني هاد كله اله اضراره والوزن يروح من صحتك واذا ما بين هلأ يبين بعدين مع السنين
وعلى فكررة سألت طبيب قلي الريجيم الصحي انو تخسري من نص ل 1 كيلو بالاسبوع بحيث ما تتجاوزي ال 6 كيلو بالشهر
صبايا انا حبيت شجع حالي
وشجع البنوتات اللي عجبتهون الفكرة وحابين يشاركو
الوزن رح يكون كل اسبوع مو كل يوم
واللي حابة تشارك تترك طولها ووزنها وهدفها (ملاحظة حاولي تخلي الهدف مناسب لطولك مو مهم الرقم ان كان بالسبعينات ولا الاربعينات كله حسب طولك وبنية عضمك)
ورح ننزل اليوميات والملاحظات اللي نستفيد منها كلنا صبايا اهلا وسهلا بكل اللي يحبو يشتركو
وربنا يوفق الجميع
واسفة على طول الموضوع عندي مشكلة بكتر الكلام وعم حاول حلها بالمناسبة 
هههههههههههههه
تعالي نخسر وزن وبدون حرمااان حمية و رشاقة
رد مع اقتباس
