(مشاركتي في مسابقة الحمل والولادة) ولادتي بفطومة - للحمل و الولادة
عنوان الموضوع : (مشاركتي في مسابقة الحمل والولادة) ولادتي بفطومة - للحمل و الولادة
مقدم من طرف منتديات نساء الجزائر
(مشاركتي في مسابقة الحمل والولادة) ولادتي بفطومة
قبل أبداء بالقصه أدعي ربي أن يرق كل محرومه الضنى الى يملا عليها حياتها وانصحها بكثرة الأستغفار والألحاح في الدعاء وكفالة اليتيم
وتبدء قصتي :
تعديت الشهر التاسع بعشر ايام والمستشفى حدد يوم الربعاء 1/7/1437-1436هـ طلق صناعي وكنت أحس بألم في جنبي اليسار في الأسبوعين الأخيره لدرجة أني أغسل المواعين بيدي اليمين بس وكل شوي يزيد والدكتورة تقول مالة دخل في الولادة يمكن شد بس وينزل مني دم شوي .
خلصت أجازة زوجي يوم الأثنين 27/6 واسمحولة العمل الثلاثاء والاربعاء .
يوم الأثنين طفش زوجي وراح جابلي أناناسه توها مانضجت يقولون تفتح الرحم وأكلتها المغرب لما صار الليل الساعة وحدة قلت ليه ماأشرب شوي زيت خروع كذا أو كذا أبروح للمستشفى وطار أبو الشباب لصيدليه وجاب نوعين وقال لاتشربين الى الفجر وأنتي جايعه على كلام الصيدلي لانة أفضل ......
لما صليت الفجر شربت تقريبا ملعقتين بس ورحت أنام وبدء مفعول الزيت على الساعه 6 الصباح ...وكل شوي على الحمام المهم صار يجيني مغص وكل شوي يزيد حس زوجي قال أوديك المستشفى قلت لا أبنتظر يمكن بس من الزيت .....
وصارت الساعه 7.30 والألم زاد مرة كل خمس دقائق لدرجة أني اسجد على الأرض من شددة ماأقدر أجلس ورحت أصحي زوجي وجاء الألم وتمسكت في السرير ماقدرت أوقف ......
قال يالله بسرعة أبوديك قلت ابروح للحمام صار نازل معي دم ...وساعدني لين ركبة السيارة وكل شوي أوقف ماعاد أقدر أمشي وصرت أحس ان البنت بتطلع خلاص
وجاء مسلسل السيارة والمستشفى بعيد شوي والشارع دايم زحمة بس الله رؤف بعبادة وكان الشارع اقل زحمة من دايم .......المهم اني ماكتمت نفسي عشان مااساعد فطومة تطلع وشوي أقطع شنطتي من الوجع ومسكة يد السيارة يمكن أنعفطت ويد زوجي واقوله بسرعة بسرعة وإذا جاء الطلق والله العظيم اني ارفع نفسي من الكنبة لين أوصل سقف السيارة ,,,,,,,,,,
وصلت الحمدالله المستشفى ودخلت بعربية الطوارئ الى أسمع صراخ حرمة تولد تخيلو مابين وبينها الى ستارة بسكان قسم التوليد زحمة فصارو يولدون في الطوارئ
ودتني الممرضة للحمام قالت بدلي ملابس وسوي تحليل بول وأنتم بكرامة أنا ماعاد أدري وش قالت وفضيت المثانة عادي وكان الدم ينزل ولبست البس بالمقلوب
ودخلت على وصار تهاوشني
أني ماسويت التحليل وقالت سوي تحليل (مدري وش تحس فية على كيفي المثانة )وقالتلي عدلي ملابسك ...قلت أبحول أسوية وأمتلت نص العلبة دم ...وزاد الألم مررررررررررة
ماعاد قدرت اطلع من الحمام وصرت أنادي أبي أحد يسمع ولا من مجيب ومشيت لين وصلت باب الحمام وصرت أطق الباب وأصفق عشان يسمعون والله ماأحد حولي وطلعت وحدة من غرفة مقابلة للحمام ونادت الممرضة وجت وتهاوشني تقول لا تولدين في الحمام ..قالت تعالي أستانست قلت فرجة تتوقعون وش سوت !!!!!!
قالت اجلسي على الكرسي لين يفضى سرير !!!!!!!!
ومالنا إلى الصبر وجلست وأنا حالتي تقطع القلب
كنت أحس بالرأس نازل مرررررررة
وأناديهم يسفهوني ونادتني ممرضة واستانست صارت بس تبي تاخذ معلومات بسأنا ماقدرت أوقف وطحت وتمسكة على رجلينها وصرخة على تقول لا تخربين الأوراق مان ودي أني
ورجعت للكرسي وجلست وحالتي حالة الله يرحم ضعفنا بس ومرت وحدة سعودية تشتغل في الأمن الله يجزها خير قلتلها خلاص البنت بتطلع ونادتهم وحطوني على سرير 01293697637.jpg (44.3 كيلوبايت)
وحطو الجهاز على بطني وأحسة انفجر وتمسكة على الممرضة وأقولها خلاص بتطلع البنت قالت أنتظري أعبئ البيانات وراحت تجلس على كرسي قدامي واناديها أقول فية شي طلع لما شافت صارت موية الرأس نزلت وتصرخ تناديهم تقول طلعوها فوق قسم الولادة بسرعة وسكرت رجليني على بعض وغطوني بشرشف وأتنفس بصوت عالي (أصلا من السيارة وأنا ماكتمت نفسي)
ووصلت غرفة التوليد وكان فيها قابلتين جناااان كانو مرة عسلالله يجزاهم خير وقالولي أدفعي البيبي تعب (الله لا يلوم فطومة كانت تدفع من البيت )
المهم ريقي نشف ماقدرت اتنفس وعطوني شوي ماء ودفعت وطلعت الحلوة الساعة عشر وربع وحطوها على صدري على طول ونسيت الدنيا كلها
*وصارالوجع الي في جنبي طلق بس الحمدالله اني مادريت ....
وأسفه على الأطاله والسلام عليكم ورحمة
[/SIZE]
D724CA1YN3RACA1RVM8JCAL9T8R2CAFJP8WGCAWCPA8YCABDMJ QVCAWTQXYZCAGMIOGNCAAYOR5BCA6CCE05CAGZQS0HCA1Q.jpg (10.9 كيلوبايت, المشاهدات 4) K35ACACD1ZLBCAGUR4BYCA8HYYP7CAFL39EICA42IRM8CAP8UO JDCA7TV6C0CA6GM82CCA2QDQ18CAPQT4HTCA52CT3VCA3W.jpg (2.7 كيلوبايت, المشاهدات 4) 5ZNPCASKU7F1CAOZNBGXCA5BOU7ZCAKTO3QOCATPNQ9QCAQ1OF VWCA4MUJ20CAE5I4H6CAEI72S3CA2UBTIKCAK5KM00CAN0.jpg (9.1 كيلوبايت, المشاهدات 3) 01293697637.jpg (44.3 كيلوبايت, المشاهدات 2) MU9SCAFFA3TOCAJO08KPCAUIJ5YFCAK8PKHICAC6YUKZCAJGCD 6ECAM64JORCA5CWKU2CAZNR1N4CAEBUN10CAVLPTSWCACI.jpg (6.0 كيلوبايت, المشاهدات 2)
>>>>> ردود الأعضـــــــــــــــــــاء على الموضوع <<<<<
==================================
معليش أنا اول مرة أنزل موضوع وحطيت الصور بس ماطلعت ولا عرفت كيف
__________________________________________________ __________
ألف مبرووووك حبيبتي والحمد الله ع السلامه
وتتربى بعزك وتشوفيها عروسه
__________________________________________________ __________
الحمد لله عاسلامتك حبيبتي وتتربى بعزكون فطومه الحلوه يارب والك مني احلى تقيم
__________________________________________________ __________
الحمد لله على سلامتك وقصة حلوة
__________________________________________________ __________
الحمد لله على سلامتك ،،،،تتربى بعزكم ان شاء الله
قصه جميله
تقييم لعيون فطومه
رد مع اقتباس
